1 Pie 1
1
Lapia
1Mî Pierr, ngombangkïla lo Jeju Krist, m'ndang maktub 'nten m'adsï în kï mbedg lo Luwah, kï i ndïn þe mbahgt lo tînat kï kam døningt kï Põt, kï Galat, kï Kapadosï, kï Asi, kï Bitini, 2îgïn Luwah kï bøw mbedsï kete woi, kïgo køjtaðat lon, ad în kï loa, na telsï kï karnyangt kïtakul Ndil'n, kïtakad i telïn rosï go tat lo Jeju Krist, kïta Krist arsï kï mosïn kï tud. Kï Luwah adsï majkurr kï lapia ad bïlan kïdøtdøt.
Ndahkamdøt kï kumkajir
3Ad kï ndubïn Luwah kï Bøw Bïraþe loj Jeju Krist. Kïtakul kookumtondo loa kïngãi kïtaj, Luwah adjïn ndï kï dø dõ kïtakul Jeju Krist'n þai sia lo koit, titbe jîn kï nyandahkamdøt. 4Na ndï kï ða ronel dø nyamajgt'n Luwah ngom kïta deg lon. Nya majg'n non a tujïn al ho, a høn yïro al ho, kamla a ndulon al ho tø. Luwah ngomd kam dørãt kïtatøsï. 5Nyag'n non în kïtatøsï îgïn tøg lo Luwah ndï ngomsï kad i ngahn kaj, kaj'n non, j'a kï j'ooa kaglot kï døboit. 6Kïtø 'nten la, i ndï i ðan ne ronel kï kud kïditalg, ke neni sumba kad i ðan kamkil tajigla kaglot kï tëbe kam nyanát kïdangdang. 7Nyanág'n non ndï nán kadkam losï oon ke i jeje a? Titbe ho la nán ne kadkam Luwah losï kï gata i ngãi tøi l'ør, kï n'oon nganga ho ye. Kamla a i ngahn hit, ndub kï køsïgon lon Jeju Krist a tee høi. 8Jeju'n i ndï i tarïna kïkanj kad oona, adïna kamsï, na oona kete al, ke tajigla, be kaa i ndï ðan ronel kï kamnda kï dumbit, 9kïta i ndï i taan nyabaji'n adïn kamsï Luwah kïtatø nõ, ad i kaj lo rosï kïtaagbe. 10Ta kï dø kajt'n non, ngékelta kï ta Luwaht madg nulïn kam taa køri køri, nderrin girra ngãibe kad n'gerïn girra, kamla elïn ta kï ta Luwaht dø kadkarit'n Bïraþe øj kï n'adsï. 11Ngékelta kï ta Luwaht sahn kete kad n'gerïn kaglo'n Luwah a ða nyag'n non, ke titbãi nyag'n non a ðan ne nya tø, kïta Ndil Krist kï kamdt, eld kete kad Krist a ngah kõ, kamla go kõt, Krist a ngah køsïgon. 12Luwah ad ngékelta kï tant'n non gerïn kad hoita kïmaj'n n'ndah tadt ye, i kïtø maj lod în kïþe kï død al, na i kïtø maj losï. Tajigla ngélamber hoita kïmaj elsïn nyag'n non kïtakul tøg Ndil Krist kï la ko kï dõ dørãt, malaikag kaa sahn kad n'gerïn girr nyag'n non ho.
Ta dø nyaðat kïkunjðang
(Oo 1 Tes 5:8 teen 9; Tit 2:11 teen 14)
13Kïtø 'nten kï în kï ro kï ða woi kam tagahsït, i ndïn kï kum kï tïja roi, i ndahn kamsï kïtaagbe dø majt'n Luwah a adsï lon Jeju Krist a tee høi. 14I telïn rosï go tat lo Luwah, ot telïn rosï go nyurkõgt losï kï maði, lon i gerïn ne hoita kïmaj lo Krist al. 15Na tit'n Luwah kï ngekunsï i kïkunjðang ye, în tø i telïn kï karnyang kam nyaðasït tube. 16Kïtø ndangïn kam maktubt lo Luwah anan: A în deg kïjaþat kïta mî kïkunjðang.
17Lon i ndï elïn ta kï Luwah ye, i ndï i kunïna Bøw, na î ndï gangta dø degt tube kïgo kïlaðadt kïðen kïkanj kørr de dene. Kïtø 'nten adïn pandiasï i kïgo þool Luwaht kam kaglot kï tëbe'n i ndïn ne tit mbahg be kam døningt. 18Kïtø i gerïn þet kad Luwah badøsï kam nya ðasït kï pãbe'n i nya girrkaasï, kïtakul nar, ke l'ør al, în nyag kï a tujïn ho. 19Na Krist badøsï kï mosïn kï gata tøitakøl, tit ngon bat kïkanj nya mad ðaa, kïkanj nya mad kïmajal roat be. 20Luwah mbed Krist kete nõ la girr duniat, na tee kïtïga kïtø maj losï tajigla, kaglot kï døboit, laa kad ajsï. 21Kïtakula la adïn ne kamsï Luwah'n þai sia lo koit kï kumkajirt, na ada køsïgon, titbe kadkam losï, kï kamkïndahdøt losï ðan dø Luwaht. 22Lon i taa'n ta lo Luwah'n i ta kï rota ye, i telïn rosï kïjanjoit kïtakul tel rosï go rotat kïtakad i tarïn ngankõsï kanj ndokum. Kïtø 'nten sumba kad i tarïn na kï rotîsï kï ngarkamsï tube. 23În kï kooj kij, na i kokïro bøwsïgt kï ngékoi nõ al, na i kokïro bøwsï Luwaht kï ngekoi al, kïtakul ta kï kumkajir lo Luwah, i ta kï tokïnõt. 24Kïtø ta lo Luwah el an: Deg tube în tit mu be, majkood tube tit hutmu be. Mu ða hut, huta tø ndulo. 25Na ta lo Luwah a tokïnõt. Ta'n non la i Hoita kïmaj lo Luwah'n lasïn mbera.
Currently Selected:
1 Pie 1: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.