1 Ngar 1
1
Dabid tel bïga bugum
1Ngar Dabid tel bïga bugum, þala i ngãi. Ke neni utïn døa kï kub kaa roa tinga mboi al. 2Ngékïlaþerg loa elïna anan: Ad sahn ngon kïdë kïmand kï ger ngaw al kïta ngar kï ngeem, kad ða kïlaþer ad ngar, kï oo goa, kï to kadat kad ro ngar kï ngeem tïnga. 3Titbe tø la sahn ngon kïdë kïmand ngãi kam døning Israelt kïtaagbe na ngahn Abisag, ngon kïdë kï Sunemt, ðen sia ro ngart. 4Ngon kïdë'n non mand ngãi. Oo go ngar, ða kïlaþer ada, na ngar to sia al.
Adonija sah kï n'tel ngar
5Dø Adonija ngon Hagit kïdïngã sir ad el an: Mî la m'a mî ngar ye. Ða go pusïg kï ngékalsïndag kï deg dømi kïta kãi ngød nõat. 6Bøwa ndanga nja kïða al, ke ela an: Kïtøði i ðan titbe? Adonija i de kïmaj kad ront, i ngon go Absalom. 7Adonija øj ta kï Joab ngon Seruja, kï Abiatar ngejanyamosï, în tujoo ndan rod nat, øsïn goa kam nyat kï majal. 8Na Sadok ngejanyamosï kï Benaja ngon Jehojada, Natan ngekelta kï ta Luwaht, Simei, ðen kï bïraðøøg kïbo lo Dabid ndan rod nat kï Adonija al. 9Adonija tøl batg kï mangg kï ngan mangg kï rod bo mbulmbul nderrbe kad mbalt lo Johelet'n i kad mant kïba kï Rogel na kun ngankõng tube, ngan ngar, kï deg kï Juda tube kïkam kïlaþert lo ngar. 10Na kun Natan ngekelta kï ta Luwaht ke Benaja, ke bïraðøøg kïbo, ke Salomõ ngonkõn al.
Takøj lo Natan
11Natan el ta kï Betseba kõ Salomõ an: I ger ta kad Adonija ngon Hagit nda ron ngart kanj kad ngeej Dabid ger go o? 12Tajigla oo dø ta lom maj, m'a m'adi køj kïtakad ajïn roi kï ro ngoni Salomõ. 13Aw, and go ngar Dabidt, ela an: Ngar kï ngeem, un køi kï yokïnda ad þer loi kïdë an: Ngonïm Salomõ la a õþe gotit na a ndï dø pong kõþet loi ye, ale? Kïtøði Adonija ta ndï õþe a? 14Lon i ða el ta kï ngar þaitø a ne, mî kïdøm m'a m'aw goit, m'a m'øsï girr ta loi. 15Betseba aw ro ngart kuju loa. Ngar tel bïga bugum na Abisag dekïdë kï Sunemt la ða ðakïlaþer ada. 16Betseba øsï døn ber nõ ngart, na ngar ndïjea an: Ði a? 17Tura an: Ngeem, un køi kï yokïnda kï tø Bïraþe Luwah loi ad þer loi kïdë an: Rota, ngomïn Salomõ a õþe goit, a ndï dø pong kõþet loi. 18Oo, tajigla Adonija ndï õþe, na î ngar kï ngeem, i ger al. 19Tøl mangg kï ngan mangg kï bon mbulmbul kï batg ngãibe na kun ngan ngar tube nat kï Abiatar ngejanyamosï kï Joab bïradø ngéðøøg na kun þer loi Salomõ al. 20A, ngar kï ngeem, tajigla kum Israelag tube i døit kad øjd nõ a ndï dø pong ngart gan gooti, î ngar kï ngeem. 21Îla i ða titbe al a ne, lon ngar kï ngeem a to nat kï bøwïng mî kï ngonïm Salomõ, a ðajïn tit deg kï ta i dødt be.
22Lon dekïdë ndï el ta þaitø ye Natan ngekelta kï ta Luwaht and. 23Elïn ngar anan: Oo, Natan ngekelta kï ta Luwaht ðe. Natan aw ða nõ ngart, øsï døn ber takuma kïningt. 24Natan el an: A, ngar kï ngeem, î la el kad Adonija aw õþe goit, na a ndï dø pong kõþet loi yo? 25Kïtø þone Adonija aw tøl mangg kï ngan mang kï bon mbulmbul kï batg ngãibe, na kun ngan ngar tube kï Joab bïradø ngéðøøg kï Abiatar ngejanyamosï. Oo, ndï san, ndï ãin nõat na elïn anan: Kï ngar Adonija ndï kï døn dõ. 26Mî ngekïlaþer loi, kï Sadok ngejanyamosï, kï Benaja ngon Jehojada, kï þer loi Salomõ, kunjïn al. 27Î ngar kï ngem la i ða nya 'nten na øj ngékïlaþerg loi de kï sumba kad ndï dø pong kõþet lo ngar kï ngeem gotit al a?
Dabid køt Salomõ kad i ngar dø Israelt
28Ngar Dabid tur an: I kunïn Betseba admïn. Betseba and ða nõ ngart. 29Dabid nda yo an: Tit'n Bïraþe ajmïn ta kamkølgt lom ye kï ndï kï dø dõ. 30Titbe tø la m'ndan yo kï tø Bïraþe Luwah lo Israel m'an: Rota ngoni Salomõ a õþe gotïmt. A ndï dø pong kõþet gotïmt, na þone m'a m'tøl kon ta 'nten. 31Kamla Betseba la døn ber, takuma kïningt na øsï døn ber nõ ngart an: Kï ngar Dabid kï ngeem ndï kï døn dõ mbãkïnõt.
32Ngar Dabid el an: I kunïn Sadok ngejanyamosï, kï Natan ngekelta kï ta Luwaht, kï Benaja ngon Jehojada admïn. În tø awïn nõ ngart. 33Ngar eld an: Øin ngéðakïlaþerg lo ngeesï nat sesï na adïn Salomõ al dø korro rapait lom, awïn sia Gihõ. 34Nu la Sadok ngejanyamosï kï Natan ngekelta kï ta Luwaht, a wurïna kï yib kad i ngar dø Israelt. I kunïn tow mand, na elïn anan: Kï ngar Salomõ ndï kï døn dõ. 35Salomõ a tel ndï dø pong kõþet lom kad õþe gotïmt, na a i tel i ðen goat. Îla a i ngar dø Israelt kï Juda ye. 36Benaja ngon Jehojada tur el ngar an: Ã titbe la Bïraþe elïn ngar kï ngeem ye. 37Tit'n Bïraþe în nat kï ngar kï ngeem ye, titbe tø kïnat kï Salomõ ad pong kõþe loa bo tøi pong kõþe lo ngeem ngar Dabid.
Dabid nda Salomõ ngar gotïnt
38Kamla Sadok ngejanyamosï kï Natan ngekelta kï ta Luwaht kï Benaja ngon Jehojada, kï Keretiag, kï Peletiag ndan Salomõ dø korro rapait lo ngar Dabid na awïn sia Gihõ. 39Sadok ngejanyamosï un gaj dã kü yib kam kujkubt wurïn Salomõt. Kunïn towmand na deg tube elïn anan: Kï ngar Salomõ ndï kï døn dõ. 40Deg tube ndulon goa, kunïn towmand, na ðan ronel ngãibe ad døning yee kïta ndiko lod kï kon.
Salomõ nyàgo majal lo Adonija kø
41Adonija nat kï deg tube'n kund oon dø kah nyag'n non. Lon Joab oo dø ndi towmand ye el an: Kïtøði kïse kon mbiting kam þebot a?
42Lon ndï el ta þaitø a ne Jonatã ngon Abiatar ngejanyamosï tee høi, na Adonija ela an: I ðe, î de kïro, ad i ndï ðe kï hoita kïmaj. 43Jonatã tur Adonija an: Ã, rota Dabid ngar kï ngeej nda Salomõ ngart. 44Ngar la Sadok ngejanyamosï kï Natan ngekelta kï ta Luwaht kï Benaja ngon Jehojada, kï Keretiag kï Peletiag ad ndan Salomõ dø korro rapait lo ngar. 45Sadok ngejanyamosï kï Natan ngekelta kï ta Luwaht wurïn yib dø Salomõt þebot kï Gihõ ad i ngar. Nõbe telïn kï ronel na þebo þai þirþir. Ko la i kah nya'n oo dø ye. 46Salomõ tø ndï dø pong kõþet 47na ngéðakïlaþerg lo ngar ðe hitïn ngeed ngar Dabid anan: Kï Luwah loi, ad tø Salomõ ko tøi kïloi kï ad põg kõþe loa bo tøi pong kõþe loi. Ngar øsï døn ber dø tïra tont. 48Oo ta'n ngar el: Køsïgon kï dø Bïraþe Luwaht lo Israel'n ad ngendï dø pong kõþet lom þone, na m'ooa kï kumm.
49Kamla deg tube'n Adonija kund lo nyasat ye, þool ðad ad þain dekïðen un ðob lon. 50Adonija tø þool Salomõ na þai aw hø gaj dïngïr kadkari. 51Elïn Salomõ anan: Oo, Adonija þool ngar Salomõ na høo gaj dïngïr kadkari, el an: Kï ngar Salomõ nda yo adïm þone kad tøl þer lon kï kiyaðøø al. 52Salomõ tur an: Îla i kïmaj a ne, bisïdøa kïkïða kaa a so ningt al, na îla ngahn majal kamat taa a oi. 53Ngar Salomõ la deg ad ðisïn sia dø dingïrt. Ðe øsï gojïn ber nõ Salomõt na Salomõ ela an: Aw kuju loi.
Currently Selected:
1 Ngar 1: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.