1 Kor 8
8
Ta dø dãt kï la kadkarit kad yog
1Na dø tat lo dã kï la kadkarit kad yog ye, jî tube kï ndï kï nyager tit'n elïn ne nõ. Na nyager taa, ndï ndah dedø sirt ta nda. Na tar ndï ða sej ad j'aw kï ketekete kam kadkam Krist't.
2Îla de mad oo an n'ger nya mad a ne, ger nya mad al þaitø, tit'n sumba loa kad gerïn. 3Na de'n ndï tar Luwah a ne, de'n non Luwah gera ho. 4Na ta dø nya sat kï la kad yog taa, jî kï ger yo i nya mad al døningt ne. Kï ger tø, luwah mad kïðang goto, na Luwah i kïðabe. 5Îla deg madg ndï elïn anan luwahg în kam dørãt kï døningt a ne, i rota, kï lod luwahg în ngãi, bïraþeg în ngãi tø ho.
6Na rojt taa, Luwah i kïðabe do, i Bøw'n nyag tube teen kokïroat. Kï ndï kï døj dõ kïtakula; Bïraþe i kïðabedo, ad i Jeju Krist'n nyag tube în kï ndah kïtakula, kïtakula tø la jîn kï døj dõ ho ye. 7Na deg tube hã gerïn rota 'nten al. Deg madg taa ne, yo i jibel nyaðad kï maði, ad lon ndï san nyasa kï titbe a ne, kamd hød kï ta kïta oon ad i nyasa kï la kad yog þaitø, oon tit yerrïn kï rod. 8Na nyasa a tee sej ro Luwaht al. Ke kï sa al kaa ne, kï nal nya mad al, ke kï sa kaa ne, j'a kï ngah nya mad kï tøi al tø.
9Oon go rosï maj, na þeta tøg'n i ndïn ne nõ tel nya kï kad ngankõsï kï tõg son kam majalt. 10În i ger rota, îla de mad kï tõ kam kadkamt lon ooi i ndï i sanya kam kuj ða yogt ye, a ire kamïn ndang kad sanya kï la ta yogt ale? 11Titbe dekï tõ'n non, ad i ngonkõ'n Krist oi kïtatøa ye, a nuj kø kïtakul nyager loi. 12Lon i ndï ðan majal kï titbe kï ngankõsïg ad i tujïn kamd'n i tõ a ne, i Krist la i ðan majal i ndoorïna ne ye. 13Kïtø 'nten îla nyasa a ad ngonkom so kam majalt a ne, m'am m'sa dã'n non al mbãkïnõmt, na þeta ngonkom so kam majalt.
Currently Selected:
1 Kor 8: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.