1 Kor 12
12
Kadkarig'n Ndil Luwah ad deg
1Tajigla ngankom dø tat lo kadkarig'n Ndil Luwah ad ye, m'ndig kad i gerïn girra maj. 2I gerïn lon maði, în deg kï ngéger Luwah al ye, a ndørsïn kï ta yogt kï ngékelta al, na asïn mbet al. 3Kïtø 'nten m'ndig kad i gerïn maj: De mad kï aw kï Ndil Luwah kï asï kel kan: Jeju i kï ndøl goto. Titbe de mad kï asï kel kan Jeju i Bïraþe goto, na kïtakul Ndil kïkunjðang tã. 4Kadkarig kïdangdang ton nõ, na Ndil Luwah'n ad kadkarig'n non i kïðabe. 5Kïlaþerg kï ða kïdangdang ton nõ, na Bïraþe'n deg ðan kïlaþer adïna i kïðabe. 6Kïlag kï ða dangdang ton nõ, na Luwah kïðabe ndï tee kï kïlaðag kïdangdang ad deg tube. 7Ndil kïkunjðang ndï tee kï døn kam det kïðen kïtakul kadkari, kad ða maj kï deg tube.
8Kïtø Ndil Luwah ad de mad kadkari kelta kïgo terrt, kïmad tø Ndil Luwah kïkïða'n non ada kadkari kelta kïgo nyagert. 9Kïmad Ndil Luwah kïkïða'n non ada kadkari kadkam kï misïmisï. Kïmad tø Ndil Luwah kïkïða'n non ada kadkari yoot ngérotog. 10Kïmad Ndil Luwah ada kadkam ða kïlag kï tøg, kïmad tø ada ndø ndil; kïmad Ndil Luwah ada kadkari tørr ndilg kï rota kï ndilg kï ngom nat. Kïmad Ndil Luwah ada kadkari kelta kï taþeg kïdangdang, kïmad tø ada kadkari mbeltag'n non. 11Ndil Luwah kïkïða'n non la ða nyag'n non tube ye. Ad dekïðen kadkari kïdang kïgo ndigt lon.
Dãro i kïðabe, nganrog în ngãi
12Kïtø Krist i tit dãro kïkïða'n nganroag în ngãibe. Ke nganroag în ngãi kaa ne, dãroa i kïðabe. 13Jî tube, Juipg ke girrdeg kïðang, þerg ke de tanyadg, ðajïn baptem kam Ndil Luwaht kïkïða kïtakad jî dãro kïkïða, na jî tube j'ãi kam Ndil Luwaht kïkïða. 14Kïtø dãro de i ngõðøø kïkïða al, na nganrog ngãi în kamt. 15Îla nja de el an: Mî ji al, ad mî ngõðøø dãro al ðang a ne nja în ngon dãro al ta a? 16Ke îla mbi el an: Mî kum al, ad mî ngõðøø al, na mî dang kï dãro, 'nten a øga kad î ngõðøø oo? 17Îla dãro de kïtaagbe i kum a ne koo dø i ða a? Îla i mbi koon a ne, de a ot nya titbãi a? 18Titbe Luwah ndah ngan rog kam dãro det, la ngõðøø kïðen kam dãrot lot'n kama ndig. 19Îla dãro de kïtaagbe i ngõðøø kïðabe tã koon a ne, dãro de goto. 20I titbe ngan ro de în ngãi, na dãro de i kïðabe koon. 21Kum de a asï kel ji de kan m'geei al al. Na dø de a asï kel nja de kan m'geei al al tø. 22Titbe ngan rog'n j'ood tit'n tõ kï tøi ye, ndaad tot kam dãro det. 23Nganrojg'n j'oon tit asïn ta køsïgon ngãi al ye, ndï kï j'oon god maj. Na nganrojg'n sumba kad de oo al ye, kï ndï j'ut død kï nyag kïmaj tøi. 24Na nganrojg kïmajkoo geen nyakutdø kïmajtøi titbe al. Luwah nda dãro de, na ad køsïgon kï tøi nganrog'n køsïgon dud. 25Luwah ða titbe kïtakad gangna goto kam dãro det, kad nganrog tube ðan kï na. 26Îla ngõðøø kïða ngah kõ a ne, nganrog tube ngahn kõ nat sia, ke îla ngõðøø kïða ngah køsïgon a ne, nganrog tube a ðan ronel nat sia. 27În ta a în dãro Krist, dekïðen i ngõðøøa kïkïða. 28Na kam ngékawnat deg kï dasabang'n Luwah ndahd i ngombangkïlag, kïkõjoo i ngékelta kï ta Luwaht, kõmïta i ngéndoo deg, gog got i îgïn ndïn kï kadkari ða kïla kï tøg, kamla ndah deg'n în kï kadkari kad yootïn ne ngérotog, ndah deg madg kad ðan kï ngékawna kï dõ, kad ørrïn nõ ngékawna, kad elïn ta kï taþeg kïdangdang. 29Tube hã în ngombangkïlag al, tube hã în ngékelta kïta Luwaht al, tube în ngéndoo deg al, în ngéðakïla kï tøg tube al, 30în tube ndïn kï kadkari kad yootïn ne ngérotog al. În tube ndï elïn ta kï taþeg kïdangdang al. În tube în ngémbelta kï ta degt kï ngékelta kï taþeg kïdangdang al tø. 31I sahn kï rotîsï kad i ngahn kadkari kïmaj tøi. Na tajigla m'a m'øjsï ðob mad kïmaj tøi kïmadg.
Currently Selected:
1 Kor 12: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.