Mateo 28
28
Da' 'éeta joca'li nec'aliséguem so' Jesús
(Marcos 16.1-8; Lucas 24.1-12; Juan 20.1-10)
1Joca'li ma'le ỹinoxonéegue so' nolo' mataxaqui, qana'chi ma'le ỹa'agueteda so' 'uáuapiiñi nolo'. Qana'chi jaso' María 'me Magdala lase, qataxa jaso' María laqáỹa, jesaa'me ỹic'átree'ga jaso' napa'lai't. 2Qana'chi nepeláxachichiseguem da' d'iqui jen' 'aléua, qá'a jeso' lamaxasec piỹem lé'ec ñi' qadesaliaxanec Dios, jeso'me chiỹoqot'ot di' piỹem da' naỹá'ña jaso' napa'lai't. Qana'chi naqat so' qa' let'ádaic 'me lapadénaxat jaso'me, qana'chi netalégue. 3Jeso'me ỹátaqta 'edánỹi, 'ená'am jen' laqasélgaxa, qataxa saua' louo ỹátaqta ỹapaga't, 'ena'ama jan' loñi. 4Joca'li ỹilá'a jeso'me so' huataxanaq, qana'chi ỹátaqta ỹivíloxolaqtet da' loqolánaxa. Qana'chi nimíchiiñi, 'ená'am da' ỹileu. 5Qana'chi so' namaxasec piỹem lé'ec, jeso'me 'enapegalo' saua' ỹauo', 'enaaco':
—Sa 'au'óiỹi qomle. Jaỹim saỹáten da' 'ami 'anmichíitaaque so' Jesús 'me qoỹip'enaséguem joca'li. 6Jeso'me sa huét'a jénjo'. Qá'a ma'le ỹitaxa nec'aléegue, ỹipaquíchiỹi joca'li da' 'enaac. 'Aỹaláỹi, ỹa 'auc'achiñii jen'me qoỹachá'ña joca'li. 7Sa 'aniỹáloxodiñiỹo' qomle da' 'oquíỹi, qana'chi 'au'aqtaxañiima gaua' lapaxaguenataqa. 'Aviñíit'oi: “Jeso'me ỹileu, qaláxasa ma'le ỹitaxa nec'aléegue. Qaláxasa ma'le 'uáut'ague da' Galilea. Qana'chi huá'a qomle jidi'me, qana'chi 'anauañíi'ỹi'.” Naqaida da' n'aqtac 'me 'ami s'axatema.
8Qana'chi saua' ỹauo' sa niỹáloxode'n da' quéd'ai jaso' napa'lai't, ỹátaqta 'uo da' loqolánaqa' qataxa ỹátaqta jalcote nataq'en da' netónaxa'j. Qana'chi jéque', ỹátaqta netelotaxáatraseguem da' ỹidó'ualo da' lipi'j jesaa'me napaxaguenataqa. 9Huá'a, qana'chi so' Jesús naloxonalo jesaa'me, qana'chi ỹip'iỹiit'ape. Qana'chi jesaa'me nichíide'uo jeso'me, qana'chi ỹisocoto naua' liliictel, qataxa qapáloovlo naua' lichil. 10Qana'chi so' Jesús 'enapegalo' jesaa'me, 'enaaco':
—Sa 'au'óiỹi qomle. Na'chidáta da' 'oquíỹi, 'au'aqtaxañiim qomle ga' ỹaỹi, qaidi taiỹi da' Galilea. Huá'ña qomle jidi'me, qana'chi jaỹim nauá'ne'.
Da' l'aqtaxanaxa'j saua' huataxanaq lase'
11Joca'li ma'le jéque' saua' ỹauo', qana'chi huo'oi saua' jéque' huataxanaq lase' ỹic'átre'uo di' noic let'ádaic Jerusalén. Qana'chi ỹ'axátetrapeguem jeso'me lasoxola'pi na' netaxaỹáxanaxanecpi ỹima dójo' qoỹauáachiỹi. 12Qana'chi jeso' nasoxola'pi jec da' detaxaỹapégue' so' nasoxonecpi. Joca'li ỹim da' detaxaỹapega't, qana'chi ỹátaqta sa lec'oqtole jaso'me qoỹanem nemena so' huataxanaq. 13Qana'chi qoỹinapego', qoỹiit'oi:
—'Ami 'oñiit'oi qomle da' jeso' pí'ỹaq joca'li 'au'ochíitac, qana'chi saua' lapaxaguenataqa so' Jesús jana'j da' decachíde'uo so' ló'oc jeso'me. 14Qataxa ñi' qadet'a da' 'uootaxa ỹivid'ot da' ỹaỹáten dójo', qaláxasa huo'oi qo'mi 'ami ñiquepaxataqatalóo'te, qaidi qaỹa 'te 'ane'uaxánaguiquii.
15Qana'chi saua' huataxanaq lase' ỹacooteguet jaso' laso'vi', qana'chi jéque' da' ỹ'e't jeda'me n'aqtac. Naqaida da' 'éeta da' l'aqtaxanaxac na' judiopi, cha ỹivíde'ta naỹi.
So' Jesús ỹama' saua' lamaxa's
(Marcos 16.14-18; Lucas 24.36-49; Juan 20.19-23)
16Qana'chi saua' once lapaxaguenataqa jéque', tategue di' Galilea da' ỹic'ádet'a jeso' qasoxonaxa 'me daloxonataxáatapega joca'lio' so' Jesús, da' huá'a, qana'chi qonauá'ne'. 17Qana'chi joca'li ma'le qonauá'ne' so' Jesús, qana'chi qoỹisocoto naua' niliictel, temaqaidi da' 'uo na' doqolguétaxaatac da' ỹátaqta 'eesa naqaiso jeso'me. 18Qana'chi so' Jesús nichíỹa jeso'me, qana'chi 'enapego', 'enaaco':
—Jaỹim ma'le jaỹim qoỹachalégue da' samaqaac ỹima di' huet'ague di' piỹem qataxa jen' huetalégue jen' 'aléua. 19Chan'eesa naỹi 'auc'áchiỹa qomle jen' ỹodapecachi siỹaxadipi da' 'auauóỹi ñisoxonaqapi, 'auachiláxanataxañiỹa qomle da' lenaxat ñi' qadet'a, qataxa jen' lec'óxot, qataxa so' Espíritu Santo. 20Qataxa 'auapaxaguiñíỹic qomle jen'me ñisoxonaqapi da' ỹalaxalégue ỹima na' ỹaqátaxacpi 'me 'ami sanema. Qataxa sa 'aupeteláqaỹet qomle da' jaỹim na'chi 'eeta't da' 'ami souetaavlo ỹiméda naua' noloqo'te, cha ỹivíde'ta ga' loiquiaqa' jen' 'aléua. Já'a, naq'áita dójo'.
Currently Selected:
Mateo 28: PLGNT93
Highlight
Share
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Mateo 28
28
Da' 'éeta joca'li nec'aliséguem so' Jesús
(Marcos 16.1-8; Lucas 24.1-12; Juan 20.1-10)
1Joca'li ma'le ỹinoxonéegue so' nolo' mataxaqui, qana'chi ma'le ỹa'agueteda so' 'uáuapiiñi nolo'. Qana'chi jaso' María 'me Magdala lase, qataxa jaso' María laqáỹa, jesaa'me ỹic'átree'ga jaso' napa'lai't. 2Qana'chi nepeláxachichiseguem da' d'iqui jen' 'aléua, qá'a jeso' lamaxasec piỹem lé'ec ñi' qadesaliaxanec Dios, jeso'me chiỹoqot'ot di' piỹem da' naỹá'ña jaso' napa'lai't. Qana'chi naqat so' qa' let'ádaic 'me lapadénaxat jaso'me, qana'chi netalégue. 3Jeso'me ỹátaqta 'edánỹi, 'ená'am jen' laqasélgaxa, qataxa saua' louo ỹátaqta ỹapaga't, 'ena'ama jan' loñi. 4Joca'li ỹilá'a jeso'me so' huataxanaq, qana'chi ỹátaqta ỹivíloxolaqtet da' loqolánaxa. Qana'chi nimíchiiñi, 'ená'am da' ỹileu. 5Qana'chi so' namaxasec piỹem lé'ec, jeso'me 'enapegalo' saua' ỹauo', 'enaaco':
—Sa 'au'óiỹi qomle. Jaỹim saỹáten da' 'ami 'anmichíitaaque so' Jesús 'me qoỹip'enaséguem joca'li. 6Jeso'me sa huét'a jénjo'. Qá'a ma'le ỹitaxa nec'aléegue, ỹipaquíchiỹi joca'li da' 'enaac. 'Aỹaláỹi, ỹa 'auc'achiñii jen'me qoỹachá'ña joca'li. 7Sa 'aniỹáloxodiñiỹo' qomle da' 'oquíỹi, qana'chi 'au'aqtaxañiima gaua' lapaxaguenataqa. 'Aviñíit'oi: “Jeso'me ỹileu, qaláxasa ma'le ỹitaxa nec'aléegue. Qaláxasa ma'le 'uáut'ague da' Galilea. Qana'chi huá'a qomle jidi'me, qana'chi 'anauañíi'ỹi'.” Naqaida da' n'aqtac 'me 'ami s'axatema.
8Qana'chi saua' ỹauo' sa niỹáloxode'n da' quéd'ai jaso' napa'lai't, ỹátaqta 'uo da' loqolánaqa' qataxa ỹátaqta jalcote nataq'en da' netónaxa'j. Qana'chi jéque', ỹátaqta netelotaxáatraseguem da' ỹidó'ualo da' lipi'j jesaa'me napaxaguenataqa. 9Huá'a, qana'chi so' Jesús naloxonalo jesaa'me, qana'chi ỹip'iỹiit'ape. Qana'chi jesaa'me nichíide'uo jeso'me, qana'chi ỹisocoto naua' liliictel, qataxa qapáloovlo naua' lichil. 10Qana'chi so' Jesús 'enapegalo' jesaa'me, 'enaaco':
—Sa 'au'óiỹi qomle. Na'chidáta da' 'oquíỹi, 'au'aqtaxañiim qomle ga' ỹaỹi, qaidi taiỹi da' Galilea. Huá'ña qomle jidi'me, qana'chi jaỹim nauá'ne'.
Da' l'aqtaxanaxa'j saua' huataxanaq lase'
11Joca'li ma'le jéque' saua' ỹauo', qana'chi huo'oi saua' jéque' huataxanaq lase' ỹic'átre'uo di' noic let'ádaic Jerusalén. Qana'chi ỹ'axátetrapeguem jeso'me lasoxola'pi na' netaxaỹáxanaxanecpi ỹima dójo' qoỹauáachiỹi. 12Qana'chi jeso' nasoxola'pi jec da' detaxaỹapégue' so' nasoxonecpi. Joca'li ỹim da' detaxaỹapega't, qana'chi ỹátaqta sa lec'oqtole jaso'me qoỹanem nemena so' huataxanaq. 13Qana'chi qoỹinapego', qoỹiit'oi:
—'Ami 'oñiit'oi qomle da' jeso' pí'ỹaq joca'li 'au'ochíitac, qana'chi saua' lapaxaguenataqa so' Jesús jana'j da' decachíde'uo so' ló'oc jeso'me. 14Qataxa ñi' qadet'a da' 'uootaxa ỹivid'ot da' ỹaỹáten dójo', qaláxasa huo'oi qo'mi 'ami ñiquepaxataqatalóo'te, qaidi qaỹa 'te 'ane'uaxánaguiquii.
15Qana'chi saua' huataxanaq lase' ỹacooteguet jaso' laso'vi', qana'chi jéque' da' ỹ'e't jeda'me n'aqtac. Naqaida da' 'éeta da' l'aqtaxanaxac na' judiopi, cha ỹivíde'ta naỹi.
So' Jesús ỹama' saua' lamaxa's
(Marcos 16.14-18; Lucas 24.36-49; Juan 20.19-23)
16Qana'chi saua' once lapaxaguenataqa jéque', tategue di' Galilea da' ỹic'ádet'a jeso' qasoxonaxa 'me daloxonataxáatapega joca'lio' so' Jesús, da' huá'a, qana'chi qonauá'ne'. 17Qana'chi joca'li ma'le qonauá'ne' so' Jesús, qana'chi qoỹisocoto naua' niliictel, temaqaidi da' 'uo na' doqolguétaxaatac da' ỹátaqta 'eesa naqaiso jeso'me. 18Qana'chi so' Jesús nichíỹa jeso'me, qana'chi 'enapego', 'enaaco':
—Jaỹim ma'le jaỹim qoỹachalégue da' samaqaac ỹima di' huet'ague di' piỹem qataxa jen' huetalégue jen' 'aléua. 19Chan'eesa naỹi 'auc'áchiỹa qomle jen' ỹodapecachi siỹaxadipi da' 'auauóỹi ñisoxonaqapi, 'auachiláxanataxañiỹa qomle da' lenaxat ñi' qadet'a, qataxa jen' lec'óxot, qataxa so' Espíritu Santo. 20Qataxa 'auapaxaguiñíỹic qomle jen'me ñisoxonaqapi da' ỹalaxalégue ỹima na' ỹaqátaxacpi 'me 'ami sanema. Qataxa sa 'aupeteláqaỹet qomle da' jaỹim na'chi 'eeta't da' 'ami souetaavlo ỹiméda naua' noloqo'te, cha ỹivíde'ta ga' loiquiaqa' jen' 'aléua. Já'a, naq'áita dójo'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.