3 Juan 1
1
Da' 'ónaxaic n'aqtaguec so' Gayo
1Jaỹim 'me jaỹim nasoxonec, 'am samaxa jan' ỹide, 'am ñauotaxaua ỹaqáỹa Gayo, qá'a ỹátaqta 'eesa da' 'am ỹauotaxat.
2'Am ñauotaxaua ỹaqáỹa, da' ñitamnaxac sétaaque da' ỹiỹamqáchiiñi ỹima ga' 'aué'et, qataxa qaỹa 'te 'uo da' 'ad'óiỹaxac, da' qaidi 'ená'am jana' 'adiquidiaqte 'me ỹiỹamqáchiiñi. 3Qá'a jaỹim ỹátaqta jalcote da' ỹamaic ca'li 'uo jen' nóvi' qadaỹi, qana'chi jaỹim ỹ'axátetapeguem da' ỹátaqta 'apaquetelégue da' 'adip'iỹáxac, qá'a 'ouétaaue da' n'aqtac 'me ỹátaqta 'eesa. 4Qaỹa 'te ga' laqáỹa ỹágueegue qa'en da' ñitónaxac da' 'uootaxa jaỹim saỹáten da' jen' ỹalaqapi huétaaue da' ỹ'étetac da' n'aqtac 'me ỹátaqta 'eesa.
5'Am ñauotaxaua ỹaqáỹa, ỹátaqta ỹiỹamqáchiiñi da' 'adasoxoc, qá'a 'apaquetelégue da' 'aneuálaxaitapegue' na' qadaỹi, lamá'asa jen' ỹaqá'a ga' chiỹoxogue. 6Qá'a jen'me qadaỹi d'aqtaxáatapeguem ỹima na' 'amaqténataxanaxaicpi jen'me souét'a, ỹ'axátetac da' 'adauo'chi. Chan'eesa jaỹim 'auchoxoden qomle da' 'alcochiỹa na' qadaỹi ga' leuénaxanaxa, qaidi ỹañoxot da' ỹitaxa 'ecot da' ladíquiaxac. Qaláxasa ga' 'adecochaxac ỹátaqta ỹiỹamaxadéeta ñi' Dios. 7Qá'a na' qadaỹi 'ecot da' ladíquiaxac da' d'onataxaalégue so' Jesucristo, qataxa sa 'te da' ỹaconguet da' lecochaxac jega' sa ỹaateton ñi' Dios. 8Chan'eesa qo'mi 'ónaxaic da' ñachoxola't da' seloxoguet jen' qadaỹi da' ỹicochaxa da' l'aqtaxanaxac da' ỹ'axat da' n'aqtac 'me ỹátaqta 'eesa.
Da' sa nó'in lasoxoc so' Diótrefes
9Jaỹim sidíñi ca'li jaso' ỹide da' samaxa na' 'amaqténataxanaxaicpi. Qaláxasa ga' Diótrefes sa ỹaconguet da' qadamaxasóxonaxac, qá'a jega'me sétaaque da' na'chigáta lasoxola' na' qadaỹi. 10Chan'eesa da' ỹivíta da' sec, qana'chi ỹátaqta ñ'axádiseguem jeda'me, ỹasouaxat da' jaỹim quetapeelégue jega'me qataxa ỹasouaxat da' lesepegaxanaxac. Qataxa sa na'chidáta dójo' ỹ'étetac, nataq'en sa 'te da' ỹaconguet na' qadaỹi. Qataxa jen'me sétaaque da' ỹaconguet na' qadaỹi ỹátaqta sa ỹasenem qataxa ỹamaxáỹi da' cá'ai qa'en na' 'amaqténataxanaxaicpi.
11'Am ñauotaxaua ỹaqáỹa, sa nó'in qomle da' 'oquegue ga' sa nó'in janoic, na'chigáta ga' 'ónaxaic. Qá'a jega'me ỹí'et ga' ỹiỹamqáchiiñi, jega'me lalémaxaset ñi'me Dios, qaláxasa ga' ỹí'et ga' sa ỹiỹamaxañi, qana'chi sa ỹilá'a ñi' Dios.
Da' 'ónaxaic n'aqtaguec so' Demetrio
12Ỹima jen' siỹaxadipi ỹátaqta nó'in da' l'aqtaxanaxac da' qoỹ'axátetac ga' Demetrio. Nataq'en da' n'aqtac 'me ỹátaqta 'eesa, jeda'me ỹ'axat da' 'ónaxaic lasoxoc jega'me. Qo'mi nataq'en s'axátaqtac, qataxa qo'mi 'auaỹáchiñii' dójo' qad'aqtac ỹátaqta 'eesa.
Da' p'áteegue n'aqtac
13Jaỹim ỹátaqta jalcote jen' ỹ'aqtacpi, qaláxasa sa sedelégue jan' ỹide da' 'am samaxa. 14Qá'a seuatét'a qomle 'uootaxa sa huaỹáloq da' 'am sec'áta da' 'am ñauá'ne', qana'chi ỹátaqta ñimá'i da' 'am setaqátapegue'.
15Sétaaque da' 'am 'aulaquíchiiñi. Ỹima jen'me qadaỹi 'me jaỹim huet'asop 'am ỹamaxa da' lip'iỹénataxanaxac. Jaỹim 'auchoxoden, 'auanem qomle da' ỹip'iỹénataxanaxac ñi' 'oonolec ga' qadaỹi.
Currently Selected:
3 Juan 1: PLGNT93
Highlight
Share
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.