Mak 4
4
Chəŋkə te wo ndə ɔ tʉʼ gɛ̀ shùɔ ŋgwiehə
(Matia 13:1-23; Luk 8:4-15)
1Jiso bìʼ chʉ́ʉhə ndə mədàhə mbʉə taanə-kəghəŋ-kə. Nuɔ-bʉə-buŋmbi chə̀ŋtə mbʉə ɔ, i chìi ɔ kóʼ mu kəbuu shíʼ dùʼ ndəŋ ghɔ mu muu. Mbʉ nuɔ-bʉə bənchəŋ tə́ŋtə ŋgwuu-muu njəŋmbi. 2Ɔ kə́ dàhə bɔŋ nə nubə buŋmbi ndə mbɔ̂hə, kə́ dàhə bɔŋ ghɔ̀ŋ mbɔ, 3“B̈ii yʉ́! Wo-mutɔbɛʼ nɔ nə gɛ̀ mutɔ ndə məgɛ̀ mɔ̀ʼ ŋgwie, 4ndə ɔ tʉʼ mɔ̀ʼ, bəbɛʼbə gwùtə bətʉghʉʉ, nuɔmə gwè chʉ́ʼtə. 5Bəbɛʼŋgwie gwùtə mu ŋgoʼhə, təmə chɔʼkə bɛ chɔ yɔ́ŋyɔ́ŋ fɛ, haʼ ndʉʉmɛ ndə i kə byùʼ, bʉʼka chɔʼkə kə bɛ chɔ yɔ́ŋyɔ́ŋ fɛ, 6bɔŋ ndʉʉ ndə chichi kóʼ, i tɔ̀ŋtə. Bʉʼka i kə kie ghûutə fɛ, i yúɔnə kwútə. 7Ibɛʼ ŋgwie gɛ̀ gwù mu təgyii, mbʉ təgyii kóʼ kwóhə təmə i kʉ́ʉnə ntɔŋmə fɛ. 8Bəbɛʼŋgwie gwùtə ndəŋ chɔʼ-jyujyu-kə, kóʼ kə́ kʉ́ʉnə ntɔŋmə, mbyu tiɛŋ ŋgwie kə́ kʉ́ʉnə nə wuŋ tia, wuŋ ntʉʼʉ leʼnə ghyʉʉ tíŋ ndə bə kə shùɔ.” 9Ɔ ghɔ̀ŋ ndʉʉmɛ mbɔ, “Wotəmiyɔŋ ndə ɔ kie tyunəkə ndə məyʉ́, ɔ̈ yʉ́.”
10Ndʉʉ ndə ɔ kə bɛ tətɛʼ ɔ, bʉə ndə bɔ̂ŋ kə bɛ mbʉə ɔ ghɔŋbə vâafɔʼɔ-bi njuɔ bûu nə wuŋ bíʼtə tʉ ɔŋ ndə məfʉ̀ʼtə mbʉ chəŋkə tʉ bɔŋ. 11Jiso ghɔ̀ŋ tʉ bɔŋ mbɔ, “Bii nɔ kie ndaa ndə bə kɔ́ tʉ bii ndə məkínə nubə te Sɔ́ʼ-Nyii ndə bə nɔʼ kə lə̀ŋ hə kəghɔ-wʉʉnəmbikə bɔŋ tʉ bʉə ndə bɔ̂ŋ gòʼ təmə bɛ́ŋ mɔ fɛ, bə nɔ kə́ kwə́ʼ nubə inchəŋ tʉ bɔŋ ndə mbɔ̂hə mbɔ,
12 ‘Bɔ̂ŋ bu kɛŋ kə́ nyíɛ haʼ nyíɛ təmə bɔŋ kə́ chèʼnə fɛ,
bɔ̂ŋ kə́ bu yʉ́ nubə ndə mɔ tʉʼ gìe təmə bɔŋ kínə fɛ,
bʉʼka bɔ̂ŋ mə yi shìe liɛŋtə-ʉə bə sʉ̀fyii hə ndəŋ bʉ̂ʼtə-ʉə.’ ” # 4:12 Adaya 6:9-10.
13Ɔ bíʼtə tʉ bɔŋ mbɔ, “Bii kínə chəŋkə-ɔ̄ŋ fe? Bii bu chìi təka buŋ kínə mbʉ mbɔ̂hə inchəŋ? 14Mbʉ wo shùɔ ŋgwie nɔ bɛ wo ndə ɔ tʉʼ bè ŋgieNyiikə mu bʉə. 15Mbʉ ŋgwie ndə i gwùtə bətʉghʉʉ, nɔ bɛ nə bʉə ndə bɔ̂ŋ tʉʼ yʉ́ ŋgieNyiikə, Sata gwè haʼ ndʉʉghɔfii fyúhə mbʉ kəŋgie ndə bə nɔʼ bè mu bɔŋ. 16Ŋgwie ndə i gwùtə mu ŋgoʼhə nɔ bɛ nə bʉə ndə bɔ̂ŋ yʉ́ mbʉ kəŋgie haʼ ndʉʉmɛ tuŋ fí nə fyii sʉ́ʼnə. 17Təmə bɔ̂ŋ kie ghûutə fɛ, kwìhə məniʼ, kʉ̂ʉ bɛ ndʉʉ ndə nubə tʉʼ shʉ́ə byuunɔ bə kə́ chɔ́ŋhə bɔŋ bʉʼka mbʉ kəŋgie, haʼ ndʉʉmɛ, bɔ̂ŋ tuŋ bʉ̀nə gwù. 18Bəbɛʼbə kə́ bɛ ŋgwie ndə i gwùtə mu təgyii. Bɔ̂ŋ nɔ bɛ nə bʉə ndə bɔ̂ŋ yʉ́ mbʉ kəŋgieNyii, 19bɔŋ ŋkwɔʼtə kəwʉʉnəmbi leʼnə fə́ʼhə ndə i gwè hə ndəŋ fʉʼkə leʼnə ntɔmə te bəbɛʼbə fɔbə ŋíi muŋgɔ kwóhə mbʉ kəŋgieNyii, təmə i mə kʉ́ʉnə ntɔŋmə fɛ. 20Bɔŋ bìbə ndə bə kə shùɔ ndəŋ sê jyujyu nɔ bɛ nə bʉə ndə bɔ̂ŋ yʉ́ mbʉ kəŋgieNyii bɛ́ŋ bɔŋleʼ kʉ́ʉnə ntɔŋmə, wuŋ tia, wuŋ ntʉʼʉ, ghyʉʉ.”
Fʉʼkənu te kɛʼɛ
(Luk 8:16-18)
21Jiso ghɔ̀ŋ tʉ bɔŋ mbɔ, “Bə mə gwè nə kɛʼɛ mu njaa kwóhə shyiikə ndəŋ ghɔ byuunɔ mɔ̀ʼ tɔʼɔ kəbɔ, təmə fùɔ bə ndəŋ kəfɔ kweghɔʼ fɛ mɛ? 22Bʉʼka nubɛʼkə kaa ghɔ ndə bə bɔ̀ŋ ndə i bu yi gòʼ təmə kɛ̀ʼnə fɛ, byuunɔ ndə i tʉʼ líi təmə i bu yi gwè ŋgwʉʉnə fɛ. 23Kaʼ wotəmiyɔŋ kie tyunəkə ndə məyʉ́, ɔ̈ yʉ́.” 24Ɔ ghɔ̀ŋ tʉ bɔŋ mbɔ, “B̈ii ŋɔ́ʼhə tyunəbə-ii ndə nukə ndə bii tʉʼ yʉ́. Ntɛ ndə bii ŋɔ́ʼhə tyunəbə-ii ndə məyʉ́ nukə, nɔ bu dʉ̀ʼ ntyʉʉ ndə bii bu yʉ́, tə buŋ bìʼ yi-yɔ́ŋyɔ́ŋ-yə ndəŋ ghɔ. 25Bʉʼka mbɔ wo ndə ɔ kie, bə bu bìʼ yi-yɔ́ŋyɔ́ŋ-yə chɔ, bɔŋ wo ndə ɔ gòʼ təmə kie fɛ, buŋ vaadyʉʼʉ ndə ɔ kie bə bu fí kəghɔ-ɔ.”
Chəŋkə te ŋgwie ndə i tʉʼ kóʼ
26Jiso bìʼ ghɔ̀ŋ mbɔ, “Sɔ́ʼ-Nyii nɔ bɛ nə wo ndə ɔ tʉʼ yʉ̀ʼ ŋgwie mutɔ. 27Ɔ kə́ nʉ̀ʉ bɛ́ŋ bɔŋleʼ lɔ̀ ndʉʉbətyuʼ ghɔŋ ndʉʉnəchî, mbʉ ŋgwie sɔ́ʼtə kə́ kóʼ, təmə ɔ kínə nukə ndə i tʉʼ chìi i buŋ kə́ kóʼ fɛ. 28Mbʉ kəchɔʼ chìi mbʉ məntɔŋ kʉ́ʉnə nə mbəŋ-ɛŋ, i fəŋ kɔ́ fyuŋbə, biitəkə i kɔ́ setəkə buŋ kɔ́ mbʉ məntɔŋ muŋgɔ. 29Bɔŋ ndʉʉ ndə mbʉ məntɔŋ tə̀ŋ nɔ, ɔ gɛ̀ haʼ ndʉʉghɔfii kə́ síi nə setəkə bʉʼka ndʉʉ síinə-i nɔʼ kʉ̀ʼnə.”
Chəŋkə te ŋgwie-kîa
(Matia 13:31-32,34; Luk 13:18-19)
30Jiso bíʼtə mbɔ, “Bəkɔ bʉʼʉ fʉ̀ʼ Sɔ́ʼ-Nyii ndəŋ ka, byuunɔ bɛ ntɛ kəchəŋ ka ndə bəkɔ bʉʼʉ mɔ̀ʼ te yɔŋ? 31I nɔ bɛ nə vaa-ŋgwie-kîa, ndʉʉ ndə bə bè sê, i tə́ʼ chàa ŋgwiehə kəwʉʉnəmbi inchəŋ. 32Bɔŋ ndʉʉ ndə bə bè ɔ, i kóʼ gʉ́ə chàa tyʉbə inchəŋ mutɔ, kɔ́ ntɔŋkwɛʼtəŋtə ndə bəkɔ nuɔ-mbi-mə fʉ̀ə njaahə-ʉə tɔʼɔ ghɔ.”
33Jiso mɔ̀ʼ mbɔ̂hə tʉ bɔŋ yɔ́ŋyɔ́ŋ nə yɔ̄ŋ-yə, ɔ lɔ̀ʼ ŋgieNyiikə tʉ bɔŋ, ntyʉʉ ndə bəkɔ bɔ̂ŋ yʉ́. 34Ɔ nə kə́ kwə́ʼ tʉ bɔŋ təmə mɔ̀ʼ ndə chəŋkə fɛ, ɔ bɔŋ yə̀ŋnə bɔ̌ŋ nɔ fʉ̀ʼtə nubə nchəŋnchəŋ-ɛŋ tʉ yi-yə vâafɔʼɔ.
Jiso yùʼ fʉ̂əŋ
(Matia 8:23-27; Luk 8:22-25)
35Kʉ̂ʉ bɛ ndʉʉbuumbi yɔ̂ŋ-ghɔ̄, Jiso ghɔ̀ŋ tʉ vâafɔʼɔ-bi mbɔ, “B̈ʉʼʉ dàa muu gɛ̀ ndə ibɛʼ-yə via-kətaanə-kəghəŋ-kə.” 36Bɔ̂ŋ kóʼ bìatə ɔŋ mu kəbuu bɛ̀ʼ ɔ ghɔŋ bɔŋ gɛ̀ mɛ̀ʼtə mbʉ nuɔ-bʉə bɔ̌ŋ. Bə kə́ té bəbɛʼbə buubə gwè hə bɔ̌ŋ bɔŋ. 37Fʉ̂əŋ shʉ́əshʉ́ə ŋɛ̀nə mu mbʉ muu tə lɛɛŋhə-muu-kə kə́ gwù mu kəbuu, i bɛ tə mbʉ kəbuu kə́ kʉ́ʉ lə́ŋ nə muu.
38Jiso kə́ nʉ̀ʉ bɔ̌ŋ kəbuu mɔ̀ʼ tʉkə-i ndəŋ mbunə kə́ bɛ́ŋ. Vâafɔʼɔ-bi yə̀ŋ ɔŋ, ghɔ̀ŋ tʉ ɔŋ mbɔ, “Chicha, a tʉʼ fɛ̀ʼ mbɔ baʼa tʉʼ bɛ́ muu fe?”
39Ɔ gwùʼtə, sɔ́ʼ mbʉ kəfʉʉ bɔŋleʼ ghɔ̀ŋ tʉ mbʉ muu mbɔ, “Tə́nə bɔŋleʼ líitə.” Mbʉ kəfʉʉ tə́nə, yəŋbə kɛŋ líitə. 40Ɔ bíʼtə tʉ bɔŋ mbɔ, “Bii tʉʼ fàa ka yɔ́ŋyɔ́ŋ nɔ? Bii bieleʼ mɔ̀ʼfyii-yii ndəŋ mɔ fe?” 41Faa-kwu-kə yá bɔŋ shʉ́əshʉ́ə, bɔ̂ŋ kə́ bíʼtə tʉ ŋwɔŋtə-ʉə mbɔ, “Bɔŋ yɔ̄ŋ-yə wo bɛ nda nɔ, tə fʉʉ-shʉ́əshʉ́ə-kə ghɔŋbə lɛɛŋhə-muu-bə kə́ yʉ́ chu-i.”
Currently Selected:
Mak 4: bvm
Highlight
Share
Copy
Want to have your highlights saved across all your devices? Sign up or sign in
© 2025 Wycliffe Bible Translators, Inc.
Mak 4
4
Chəŋkə te wo ndə ɔ tʉʼ gɛ̀ shùɔ ŋgwiehə
(Matia 13:1-23; Luk 8:4-15)
1Jiso bìʼ chʉ́ʉhə ndə mədàhə mbʉə taanə-kəghəŋ-kə. Nuɔ-bʉə-buŋmbi chə̀ŋtə mbʉə ɔ, i chìi ɔ kóʼ mu kəbuu shíʼ dùʼ ndəŋ ghɔ mu muu. Mbʉ nuɔ-bʉə bənchəŋ tə́ŋtə ŋgwuu-muu njəŋmbi. 2Ɔ kə́ dàhə bɔŋ nə nubə buŋmbi ndə mbɔ̂hə, kə́ dàhə bɔŋ ghɔ̀ŋ mbɔ, 3“B̈ii yʉ́! Wo-mutɔbɛʼ nɔ nə gɛ̀ mutɔ ndə məgɛ̀ mɔ̀ʼ ŋgwie, 4ndə ɔ tʉʼ mɔ̀ʼ, bəbɛʼbə gwùtə bətʉghʉʉ, nuɔmə gwè chʉ́ʼtə. 5Bəbɛʼŋgwie gwùtə mu ŋgoʼhə, təmə chɔʼkə bɛ chɔ yɔ́ŋyɔ́ŋ fɛ, haʼ ndʉʉmɛ ndə i kə byùʼ, bʉʼka chɔʼkə kə bɛ chɔ yɔ́ŋyɔ́ŋ fɛ, 6bɔŋ ndʉʉ ndə chichi kóʼ, i tɔ̀ŋtə. Bʉʼka i kə kie ghûutə fɛ, i yúɔnə kwútə. 7Ibɛʼ ŋgwie gɛ̀ gwù mu təgyii, mbʉ təgyii kóʼ kwóhə təmə i kʉ́ʉnə ntɔŋmə fɛ. 8Bəbɛʼŋgwie gwùtə ndəŋ chɔʼ-jyujyu-kə, kóʼ kə́ kʉ́ʉnə ntɔŋmə, mbyu tiɛŋ ŋgwie kə́ kʉ́ʉnə nə wuŋ tia, wuŋ ntʉʼʉ leʼnə ghyʉʉ tíŋ ndə bə kə shùɔ.” 9Ɔ ghɔ̀ŋ ndʉʉmɛ mbɔ, “Wotəmiyɔŋ ndə ɔ kie tyunəkə ndə məyʉ́, ɔ̈ yʉ́.”
10Ndʉʉ ndə ɔ kə bɛ tətɛʼ ɔ, bʉə ndə bɔ̂ŋ kə bɛ mbʉə ɔ ghɔŋbə vâafɔʼɔ-bi njuɔ bûu nə wuŋ bíʼtə tʉ ɔŋ ndə məfʉ̀ʼtə mbʉ chəŋkə tʉ bɔŋ. 11Jiso ghɔ̀ŋ tʉ bɔŋ mbɔ, “Bii nɔ kie ndaa ndə bə kɔ́ tʉ bii ndə məkínə nubə te Sɔ́ʼ-Nyii ndə bə nɔʼ kə lə̀ŋ hə kəghɔ-wʉʉnəmbikə bɔŋ tʉ bʉə ndə bɔ̂ŋ gòʼ təmə bɛ́ŋ mɔ fɛ, bə nɔ kə́ kwə́ʼ nubə inchəŋ tʉ bɔŋ ndə mbɔ̂hə mbɔ,
12 ‘Bɔ̂ŋ bu kɛŋ kə́ nyíɛ haʼ nyíɛ təmə bɔŋ kə́ chèʼnə fɛ,
bɔ̂ŋ kə́ bu yʉ́ nubə ndə mɔ tʉʼ gìe təmə bɔŋ kínə fɛ,
bʉʼka bɔ̂ŋ mə yi shìe liɛŋtə-ʉə bə sʉ̀fyii hə ndəŋ bʉ̂ʼtə-ʉə.’ ” # 4:12 Adaya 6:9-10.
13Ɔ bíʼtə tʉ bɔŋ mbɔ, “Bii kínə chəŋkə-ɔ̄ŋ fe? Bii bu chìi təka buŋ kínə mbʉ mbɔ̂hə inchəŋ? 14Mbʉ wo shùɔ ŋgwie nɔ bɛ wo ndə ɔ tʉʼ bè ŋgieNyiikə mu bʉə. 15Mbʉ ŋgwie ndə i gwùtə bətʉghʉʉ, nɔ bɛ nə bʉə ndə bɔ̂ŋ tʉʼ yʉ́ ŋgieNyiikə, Sata gwè haʼ ndʉʉghɔfii fyúhə mbʉ kəŋgie ndə bə nɔʼ bè mu bɔŋ. 16Ŋgwie ndə i gwùtə mu ŋgoʼhə nɔ bɛ nə bʉə ndə bɔ̂ŋ yʉ́ mbʉ kəŋgie haʼ ndʉʉmɛ tuŋ fí nə fyii sʉ́ʼnə. 17Təmə bɔ̂ŋ kie ghûutə fɛ, kwìhə məniʼ, kʉ̂ʉ bɛ ndʉʉ ndə nubə tʉʼ shʉ́ə byuunɔ bə kə́ chɔ́ŋhə bɔŋ bʉʼka mbʉ kəŋgie, haʼ ndʉʉmɛ, bɔ̂ŋ tuŋ bʉ̀nə gwù. 18Bəbɛʼbə kə́ bɛ ŋgwie ndə i gwùtə mu təgyii. Bɔ̂ŋ nɔ bɛ nə bʉə ndə bɔ̂ŋ yʉ́ mbʉ kəŋgieNyii, 19bɔŋ ŋkwɔʼtə kəwʉʉnəmbi leʼnə fə́ʼhə ndə i gwè hə ndəŋ fʉʼkə leʼnə ntɔmə te bəbɛʼbə fɔbə ŋíi muŋgɔ kwóhə mbʉ kəŋgieNyii, təmə i mə kʉ́ʉnə ntɔŋmə fɛ. 20Bɔŋ bìbə ndə bə kə shùɔ ndəŋ sê jyujyu nɔ bɛ nə bʉə ndə bɔ̂ŋ yʉ́ mbʉ kəŋgieNyii bɛ́ŋ bɔŋleʼ kʉ́ʉnə ntɔŋmə, wuŋ tia, wuŋ ntʉʼʉ, ghyʉʉ.”
Fʉʼkənu te kɛʼɛ
(Luk 8:16-18)
21Jiso ghɔ̀ŋ tʉ bɔŋ mbɔ, “Bə mə gwè nə kɛʼɛ mu njaa kwóhə shyiikə ndəŋ ghɔ byuunɔ mɔ̀ʼ tɔʼɔ kəbɔ, təmə fùɔ bə ndəŋ kəfɔ kweghɔʼ fɛ mɛ? 22Bʉʼka nubɛʼkə kaa ghɔ ndə bə bɔ̀ŋ ndə i bu yi gòʼ təmə kɛ̀ʼnə fɛ, byuunɔ ndə i tʉʼ líi təmə i bu yi gwè ŋgwʉʉnə fɛ. 23Kaʼ wotəmiyɔŋ kie tyunəkə ndə məyʉ́, ɔ̈ yʉ́.” 24Ɔ ghɔ̀ŋ tʉ bɔŋ mbɔ, “B̈ii ŋɔ́ʼhə tyunəbə-ii ndə nukə ndə bii tʉʼ yʉ́. Ntɛ ndə bii ŋɔ́ʼhə tyunəbə-ii ndə məyʉ́ nukə, nɔ bu dʉ̀ʼ ntyʉʉ ndə bii bu yʉ́, tə buŋ bìʼ yi-yɔ́ŋyɔ́ŋ-yə ndəŋ ghɔ. 25Bʉʼka mbɔ wo ndə ɔ kie, bə bu bìʼ yi-yɔ́ŋyɔ́ŋ-yə chɔ, bɔŋ wo ndə ɔ gòʼ təmə kie fɛ, buŋ vaadyʉʼʉ ndə ɔ kie bə bu fí kəghɔ-ɔ.”
Chəŋkə te ŋgwie ndə i tʉʼ kóʼ
26Jiso bìʼ ghɔ̀ŋ mbɔ, “Sɔ́ʼ-Nyii nɔ bɛ nə wo ndə ɔ tʉʼ yʉ̀ʼ ŋgwie mutɔ. 27Ɔ kə́ nʉ̀ʉ bɛ́ŋ bɔŋleʼ lɔ̀ ndʉʉbətyuʼ ghɔŋ ndʉʉnəchî, mbʉ ŋgwie sɔ́ʼtə kə́ kóʼ, təmə ɔ kínə nukə ndə i tʉʼ chìi i buŋ kə́ kóʼ fɛ. 28Mbʉ kəchɔʼ chìi mbʉ məntɔŋ kʉ́ʉnə nə mbəŋ-ɛŋ, i fəŋ kɔ́ fyuŋbə, biitəkə i kɔ́ setəkə buŋ kɔ́ mbʉ məntɔŋ muŋgɔ. 29Bɔŋ ndʉʉ ndə mbʉ məntɔŋ tə̀ŋ nɔ, ɔ gɛ̀ haʼ ndʉʉghɔfii kə́ síi nə setəkə bʉʼka ndʉʉ síinə-i nɔʼ kʉ̀ʼnə.”
Chəŋkə te ŋgwie-kîa
(Matia 13:31-32,34; Luk 13:18-19)
30Jiso bíʼtə mbɔ, “Bəkɔ bʉʼʉ fʉ̀ʼ Sɔ́ʼ-Nyii ndəŋ ka, byuunɔ bɛ ntɛ kəchəŋ ka ndə bəkɔ bʉʼʉ mɔ̀ʼ te yɔŋ? 31I nɔ bɛ nə vaa-ŋgwie-kîa, ndʉʉ ndə bə bè sê, i tə́ʼ chàa ŋgwiehə kəwʉʉnəmbi inchəŋ. 32Bɔŋ ndʉʉ ndə bə bè ɔ, i kóʼ gʉ́ə chàa tyʉbə inchəŋ mutɔ, kɔ́ ntɔŋkwɛʼtəŋtə ndə bəkɔ nuɔ-mbi-mə fʉ̀ə njaahə-ʉə tɔʼɔ ghɔ.”
33Jiso mɔ̀ʼ mbɔ̂hə tʉ bɔŋ yɔ́ŋyɔ́ŋ nə yɔ̄ŋ-yə, ɔ lɔ̀ʼ ŋgieNyiikə tʉ bɔŋ, ntyʉʉ ndə bəkɔ bɔ̂ŋ yʉ́. 34Ɔ nə kə́ kwə́ʼ tʉ bɔŋ təmə mɔ̀ʼ ndə chəŋkə fɛ, ɔ bɔŋ yə̀ŋnə bɔ̌ŋ nɔ fʉ̀ʼtə nubə nchəŋnchəŋ-ɛŋ tʉ yi-yə vâafɔʼɔ.
Jiso yùʼ fʉ̂əŋ
(Matia 8:23-27; Luk 8:22-25)
35Kʉ̂ʉ bɛ ndʉʉbuumbi yɔ̂ŋ-ghɔ̄, Jiso ghɔ̀ŋ tʉ vâafɔʼɔ-bi mbɔ, “B̈ʉʼʉ dàa muu gɛ̀ ndə ibɛʼ-yə via-kətaanə-kəghəŋ-kə.” 36Bɔ̂ŋ kóʼ bìatə ɔŋ mu kəbuu bɛ̀ʼ ɔ ghɔŋ bɔŋ gɛ̀ mɛ̀ʼtə mbʉ nuɔ-bʉə bɔ̌ŋ. Bə kə́ té bəbɛʼbə buubə gwè hə bɔ̌ŋ bɔŋ. 37Fʉ̂əŋ shʉ́əshʉ́ə ŋɛ̀nə mu mbʉ muu tə lɛɛŋhə-muu-kə kə́ gwù mu kəbuu, i bɛ tə mbʉ kəbuu kə́ kʉ́ʉ lə́ŋ nə muu.
38Jiso kə́ nʉ̀ʉ bɔ̌ŋ kəbuu mɔ̀ʼ tʉkə-i ndəŋ mbunə kə́ bɛ́ŋ. Vâafɔʼɔ-bi yə̀ŋ ɔŋ, ghɔ̀ŋ tʉ ɔŋ mbɔ, “Chicha, a tʉʼ fɛ̀ʼ mbɔ baʼa tʉʼ bɛ́ muu fe?”
39Ɔ gwùʼtə, sɔ́ʼ mbʉ kəfʉʉ bɔŋleʼ ghɔ̀ŋ tʉ mbʉ muu mbɔ, “Tə́nə bɔŋleʼ líitə.” Mbʉ kəfʉʉ tə́nə, yəŋbə kɛŋ líitə. 40Ɔ bíʼtə tʉ bɔŋ mbɔ, “Bii tʉʼ fàa ka yɔ́ŋyɔ́ŋ nɔ? Bii bieleʼ mɔ̀ʼfyii-yii ndəŋ mɔ fe?” 41Faa-kwu-kə yá bɔŋ shʉ́əshʉ́ə, bɔ̂ŋ kə́ bíʼtə tʉ ŋwɔŋtə-ʉə mbɔ, “Bɔŋ yɔ̄ŋ-yə wo bɛ nda nɔ, tə fʉʉ-shʉ́əshʉ́ə-kə ghɔŋbə lɛɛŋhə-muu-bə kə́ yʉ́ chu-i.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 Wycliffe Bible Translators, Inc.