Apukokinio 1
1
1 #
Dan 2:28,29. Apukokin naka Yesu Kristo naabu Edeke koinak ŋes aitodikin ikebulesin nuibusakinit adoikin atipet, kitejen kanuka aijukar ekemalaika mama ejai Yokana ekebulesit, 2#Apu 6:9. lokitejenuni akirot naka Edeke, ka ajenanut naka Yesu Kristo, kere nuabu koany. 3#Apu 22:7,10. Isirereŋitoi ŋin yenesiomi, ka ŋul da luepupete akiro nuka adwarasit kana, ka luericete da nuiwadikatai kotomakeŋ; naarai eapie apak.
4 #
Any 3:14,15; Isa 41:4; Apu 3:1; 4:5; 5:6. Yokana mama ejaas ikanisan ikanykaarei luka Asia:
Asianut kojai mama ijaas ka ainapakin nuepote kama ejai ŋol loejai, ido lokejai, ido loebuni, ido kama ejaas Imoyon ikanykaarei luejaas kiŋaren keicoloŋoke, 5#Isa 55:4; 40:2; Sab 89:27,37; 130:8; Yok 18:37; Kol 1:18; Bur 9:14; Apu 3:14; 7:14; 19:16. ido kama ejai Yesu Kristo, ekajenan lomunot, ekiyai loka ikatwak, ekayaiton da loka ikabakan luka akwapin.
Mama ejai ŋol lokimina oni, lokilacuni da kotoma adiakanaretawok kanuka aokotoke, 6#Any 19:6; Apu 5:10; 1 Pet 2:5,9; Isa 61:6. kituluo da oni ajakanut, isasedotin luka Edeke Papake, mama ejai ŋol kojai aibuses ka ailerit, kiton ikar ka ikar. Amen. 7#Dan 7:13; Mat 24:30; Mk 13:26; Luk 21:27; 23:27,28; 1 Ses 4:17; Sek 12:10-14; Yok 19:34,37. Koany ebuni nepepe kidouon, eanyuni ŋes ŋinikoŋu, kere lukicumete ŋes; ibworos atekerin kere nuka akwap kanukeŋ. Eebo, Amen,
8 #
Any 3:14; Apu 22:13; 4:8; 21:6; Isa 41:4. Ebala Ejakait Edeke ebe, “Arai eoŋ Alupa ka Omega#1:8 Alupa apolouke ageunet, Omega apolouke esoŋe., loejai, ido lokejai, ido loebuni, Lokapedor kere,”
9Eoŋ Yokana, onacekus, loamori nepepe kayes aiticanio, ka ajakanut, ka atitiŋ, nuejaas toma Yesu, abu kajai apujan naenyaritai Patumo, kanuka akirot naka Edeke, ka aitejenun da nuka Yesu. 10Abu kajai kotoma Omoyo kapaaran naka Ejakait, kasodi apupun eporoto loepol kokaukaŋ, bala loka arupepe, 11#Apu 2:8; 22:13. kobala ebe, “Kiwadik nuiany toma oitabo, kijukak ikanisan ikanykaarei, mama ejai Epeso, ka Sumuruna, ka Perugamo, ka Suatira, ka Sarudio, ka Piladelupia, ka Laodikia da.”
12Abu kebelokin aanyun eporoto loenera keoŋ, ido naebelokinor abu kaany ipirin lukatalai ikanykaarei luka esabu, 13#Dan 7:13; 10:5; Esk 1:26; 8:2. ido kokidiŋ kipirin lukatalai kaany loeputosi bala okoku loka etuŋanan enapit anapito naedolit akejen, koenite da amuny naka esabu atorobuke; 14#Dan 7:9; 10:6; Apu 2:18; 19:12. kokwaŋ akouke ka iketim da kwape ajul nukakwaŋak, kwape akako; akekonye da kwape aipeloret naka akim, 15#Esk 1:24; 43:2. akekeje da aikomon nuepwatat, bala naililiauna kotoma oupa, eporotoke da kosubite bala eporoto loka akipi nuipu; 16#Tub 5:31; Apu 2:12,16; 19:15. ido abu kitiŋite aacer akanykaarei kakanike nakoteten, ido kolom kaitukuke ekileŋ loekwana kowaitin iarei kere, ereeteke da kosubite bala akoloŋ naecai kakepedor,
17 #
Isa 44:6; 48:12; Apu 2:8; 22:13; Dan 8:18; 10:15-19. Naanyunia ŋes, abu kebirokin akejeneke bala atwanit. Kedokok akanike nakoteten, kabala ebe, “Sirikiyoŋ, arai eoŋ losodit ka lokawasia da, 18ido Lokajaran; abu katwanite, ido koany ajari ikar ka ikar, ajai kilaceta luka Atwanare ka luka Okatwak. 19#Isa 48:6; Dan 2:29. Aso kiwadik nuiany, nuejaas, ka nuejaunete da akaulo kaŋun. 20#Mal 2:7; Dan 2:29. Aiyeiyea naka aacer akanykaarei nuiany kakanika nakoteten, ka ipirin lukatalai ikanykaarei luka esabu. Aacer ŋun akanykaarei kes imalaikan luka ikanisan ikanykaarei, ka ipirin da lukatalai ikanykaarei kes ikanisan ikanykaarei.
Currently Selected:
Apukokinio 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.