Marako 1
1
1Ageunet naka Akiro Nukajokak nuka Yesu Kristo, Okoku loka Edeke. 2#Mal 3:1; Mat 11:10; Yok 3:28.#Mat 3:1-12; Luk 3:1-18; Yok 1:19-30. Kwape kiwadikatere toma Isaia enabi ebe:
“Koany, ejukari ekakiyakia kakonyenekon, Loitemonokini ekonirot;
3 #
Isa 40:3. Eporoto loka yenikiworoi kamodiŋ ebe,
‘Kitemonokis erot loka Ejakait, Kitetenata ikesokono.’ ”
4Kotakanu Yokana Lokebatisan elimonokini kamodiŋ aibatisa naka aitoronikin kanuka alemar adiakanareta. 5Kolosenenete lukakwap kere naka Yudaya ka luko Yerusalem da kere mama ejai; kibatisai kes kocor Yorodan, kolimonorete akecediakanareta. 6#2 Ika 1:8; Sek 13:4. Konapenenei Yokana ajul nuka akaal, ka amuny naka emukule kaŋabeteke, konyamenenei da emaase ka esik loka ais. 7#Asw 13:25. Kolimonokini, kobala ebe, “Ebunit kokaukaŋ loketelekarit eoŋ kagogoŋ, lomam eoŋ kebusakinit akukum alacun amuny naka amukake. 8Kebatisat eoŋ yes kakip; konye ŋes kibatisai yes kEmoyo Lokalaunan.”
9 #
Luk 2:51. Kosodi kanen kapaarasia kaŋun, kobu Yesu koNasaret loko Galilaya, abu Yokana kibatisa ŋes koYorodan. #Mat 3:13-17; Luk 3:21-22; Yok 1:31-34. 10Atipet napedokuni kakipi, koany akuj ecilil, kodoku Emoyo mamakeŋ kwape ajele. 11#Age 22:2; Sab 2:7; Isa 42:1; Mat 3:17; 12:18; Mk 9:7; Luk 3:22. Kobu eporoto kotoma akuj kobala ebe, “Irai ijo Okokuka lominat, Kalelakinit jo noi.”
12 #
Mat 4:1-11; Luk 4:1-13. Atipet kireŋea Emoyo ŋes toma amodiŋ, 13#Sab 91:13; Yok 1:51. Kojau toma amodiŋ apaarasia akaisaoŋon, ecoduni Satan ŋes; kojaas nenipe kitiaŋ luka ais, kijaanakinete ŋes imalaikan.
14 #
Mat 4:12-17; Luk 4:14,15. Kedau Yokana aikamario, kobu Yesu Galilaya, elimonokini Akiro Nukajokak nuka Edeke, 15#Mat 3:2; Gal 4:4. kobala ebe, “Adol apak, aapu da ajakanut naka Edeke. Kitoronikinos, kiyuut Akiro Nukajokak.”
16 #
Mat 4:18-22; Luk 5:1-11. Nakitoritor ariri kaŋolol naka Galilaya, koany Simon ka Anderea onaceke ecakakinete eboi aŋolol; naarai keraas ikalokak. 17#Mat 13:47. Kotema Yesu kes atiar, “Kotupunai, ketuluori yes ikalokak ituŋa,” 18Atipet kinyeis iboyanakec, kotupasi ŋes, 19Kiyatak alosit nediokasilon, koany Yakob okoku loka Sebedayo ka Yokana onaceke, lukejaas toma ataker erucete iboyan. 20Atipet konyarau kes; kinyekis papakec Sebedayo kataker nenipe kikewoteok, kotupasi ŋes.
21 #
Luk 4:31-37. Kolomasi Kaparanaum; atipet apaaran nakasabato koloma toma atukos kisisianak. #Mat 4:13. 22#Mat 7:28,29. Koumokis noi ituŋa akeisisianakin, naarai kisisianakini kwape elopet apolou, kwabo mere kwape ikewadikak. 23Atipet kojai toma atukosikec etuŋanan lokejai emoyo loerono. Kiworo, kobala ebe, 24#Mk 5:7; Sab 16:10. “Anyoika sio ka jo, Yesu loko Nasaret? Ibu kereka amudiar sio? Kajeni jo kwape iraar, Lokalaunan loka Edeke.” 25Kiretak Yesu ŋes ebe, “Kobuta, kolom kamakeŋ!” 26#Mk 9:26. Kitamaran ŋes emoyo lokaronon, kodelo keporoto loepol, kolom kamakeŋ. 27Koumokis kere, kiŋitanaros kobalas ebe, “Anyoika bo nu? Itet ca ma aisisianakin na! Naarai icorakini kapedor imoyon lueroko da, erimasi ŋes!” 28Atipet kisiarakin ekeemut aiboisio kere anatar atutubeta kere nuirimorito nuko Galilaya.
29 #
Mat 8:14-16; Luk 4:38-41. Napekelomuniata katukos, kolomasi togo loka Simon ka Anderea, nepepe ka Yakob ka Yokana. 30Keperi kanen amuran naka Simon edeka ekamidi, atipet kolimokis Yesu akekiro. 31Kikunyak kitiŋ akekan, kitonyou ŋes. Atipet koŋaleu ekamidi, kijaanak kes,
32Nakitiboŋ, keloma akoloŋ, koinut ŋes kere lukedekas ka lukajokin. 33Kotukokinos lukore kere orute, 34#Luk 4:41; Asw 16:17,18. Kitaŋaleu luipu lukejaas adekesia nuegelegela, kireŋea da ajokin nuipu; mam kecamakinit ajokin einer, naarai kejenete ŋes.
35 #
Luk 4:42-44. Tupuruc sek eriŋa emutono, konyou ŋesi koloma kolot aibois naesil, kilip kaŋina. 36Kibwapito ŋes Simon ka ikepaup. 37Nakedumuniata kotemasi ŋes atiar, “Kimooto jo ituŋa kere.” 38Kotema kes atiar, “Kaloto nenice, oreria lueapiete, tetere alimonokini ŋina da; naarai ŋin abunitor eoŋ.” 39#Mat 4:23; 9:35. Kolot ilokidai Galilaya kere, elimonokini katukosiakec ka aireŋeanar da aiokin.
40 #
Mat 8:2-4; Luk 5:12-16. Kobu lokatapon mamake, kiŋaiŋa, kokukokin, kotema atiar, “Arai ikoto, ipedori aiswagar eoŋ.” 41Konyunyura, korio akekan, kotiro kotema atiar, “Akoto; kiswagar.” 42Atipet koŋaleu atapon, kiswagar. 43#Mk 3:12; 7:36. Kisiopak Yesu ŋes, kireŋea atipet, 44#Leb 14:1-32; Leb 13:49. kotema ŋes atiar, “Kocoite sirikilimok idiotuŋanan adiokirot. Konye kolot, kitodiar mama ejai esasedoti, koinak nukolo kicorakinit Musa kanuka aiswagariokon, koraut akajenak kamakec.” 45Konye koloma, kogeu alimonokin noi, ka aitisiarakin akirot, komam bobo Yesu epedori alomar ore kaitebeikin, konye kojai kiŋa toma aiboisio nuemameete ituŋa, Kopotu ituŋa mamakeŋ anyoun kaiboisio kere.
Currently Selected:
Marako 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.