Mika 5
5
1 #
Yob 16:10; Aku 3:30; Mat 27:30. Kwana itukokin korioneta,
Ŋo akoku naka moneta:
Kirigau ŋesi sic asurokin:
Inomete kesi ekatubon loka Isirael Kebela oitiny.
2 #
Age 35:19; 49:10; Sab 132:6; Isa 9:6; Sab 90:2; Awa 8:22; Yok 1:1; Mat 2:6; Yok 7:42. Konye jo, Bet-lekem Epurata,
Loidit ajaut toma okekia luka Yuda,
Elomuni kotomakon kanukan
Etuŋanan loeraun ekayaiton loka Isirael;
Alomanaretake ejaas ameun apeŋo,
Ameun ikar lumam enaŋete,
3Kanuka nun ijaikini kes,
Aitodol apak naidounio nm naeriebi:
Kosodete luideunos luka ikeinaean
Aboŋor mama ejaas idwe luka Isirael.
4 #
Sab 72:8; Isa 52:13; Sek 9:10; Luk 1:32. Ebwoi ŋesi, itadaki ekesipan kagogon naka EJAKAIT,
Kapolou naka ekiror loka EJAKAIT, Ekedeke:
Ibojenenete kesi;
Naarai kwana eraun ŋesi loepol
Kiton osaŋeta luka akwap,
5 #
Isa 9:6; Luk 2:14; Pes 2:14; Kol 1:20. Eraun etuŋanan ŋol ainapakiniwok:
Naelomunia Eyasuriat akwapuwok,
Naecakia ŋesi itogoiwok lukapolou,
Kasodete oni aitonyoun ikecokok ikanykaarei,
Ka ituŋa ikanykauni lukapolok asurokin ŋes.
6 #
Luk 1:71; Age 10:8-11. Itisilete kesi akwap naka Asuria kekilen,
Ka aiboisio nuelomarere nuka akwap naka Nimirod:
Kiyuuni ŋesi oni kama ka Eyasuriat,
Naelomunia ŋesi akwapuwok,
Naecakia ŋesi kotoma oikoruwok.
7 #
Sab 110:3. Eraun aatoŋot naka Yakob kokidin katekerin nuipu
Kwape akopyo nuepote kama ejai EJAKAIT,
Kwape elimilim neejaas anya;
Lomam idareuni ituŋanan,
Karaida aidareun idwe luka ituŋa.
8Eraun aatoŋot naka Yakob mama ejaas atekerin,
Kokidin kituna luipu,
Kwape eŋatuny mama ejaas itian luka amagoro,
Kwape iŋatuny mama ejaas isipanin luka amerckekin:
Naitorio, icakacakai epoopooi,
Emamei yeneyuuni.
9Kikiara akonikan kuju kalukedinetakon,
Komudiaros lukasurupokon kere.
10 #
Sek 9:10. Kosodi kanen, ebala EJAKAIT ebe,
Kapaaran kaŋin agelari ibalasinikon kokidinikon,
Amudiari agalinikon:
11Agelari ireria luka akwapukon,
Akesi ireriakon kere Iuegogon.
12Agelari icudeta kakanikon;
Mam bobo ijaunos kikadwarak:
13 #
Sek 13:2; Isa 2:8. Amudiari aputosiakon nuegerer,
Ka ipirinokon kokidinikon;
Mam bobo imai aswam naka akaninikon.
14Arutuni Aserimikon kokidiŋikon:
Amudiari ireriakon.
15Etodoli eoŋ enyaŋit kanyunyura kaisiop
Mama ejaas atekerin numam erimarito.
Currently Selected:
Mika 5: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.