Mika 4
4
1 #
Isa 2:2; Esk 17:22; Dan 2:44. Kosodi konyet kapaarasia nukawasia
Ecatunit eronat loka etogo loka EJAKAIT
Kaidi naka ironan,
Itopolooro kuju kiukon;
Idiaete ituŋa mamakeŋ,
2 #
Yok 6:45. Elosete atekerin nuipu kobalas ebe, “Kopotu, kadokasi oroŋat loka EJAKAIT.
Togo da loka Edeke loka Yakob;
Kisisianakini ŋesi oni ikeponesio,
Kilosenenei korotinike.”
Naarai elomuni ekisil koSion,
Akirot da naka EJAKAIT koYerusalem.
3 #
Isa 2:4; Kos 2:18; Sab 72:7; Luk 1:33; Yok 3:10. Etubokini ŋesi atekerin nuipu,
Ediekakini atekerin nuegogon nuelwaka;
Etataete kesi ikileŋakec aituluor imelekes,
Ka akwarasikec da aituluor icilikikin lukidimet:
Mam ateker ikiari ekileŋ asurokinia aceteker,
Kwabo mam bobo isisiaunete ejie.
4 #
1 Ika 4:25; Isa 36:16; Yer 31:10; Sek 3:10. Konye iboiete kesi ŋinituŋanan kwap kemusabibuke,
Kwap ketinike da;
Mam yenitukuriani kes:
Naarai ener aituk naka EJAKAIT loka aioresio,
5 #
Yer 2:11; Any 3:14,15. Naarai elosenenete atekerin kere,
Ŋinidiopet kokiror loka ekedeke,
Konye kilosenenei oni kokiror loka EJAKAIT
Ewokodeke Ikar ka ikar.
6 #
Isa 56:8; Yer 3:18; Esk 34:13,16; Sep 3:19; Sab 147:2. Ebala EJAKAIT ebe,
Kapaaran kaŋin
Enotuni ŋin naicodo,
Atukokini ŋin naerenearitai,
Ka ŋin da naabu eoŋ ketiean;
7 #
Isa 9:6; Dan 7:14; Luk 1:33; Apu 11:15. Etarauni ŋin naicodo aatoŋot,
Ka ŋin da naereŋearitai ateker naegogoŋ:
Irumi EJAKAIT kes komoru Sion
Amear kwana, ido aitodol ikar kere.
8Ka jo da, wu etogo loeoja loka esipan,
Eukot loka akoku naka Sion,
Edolokini jo;
Eebo, edolokini ayait nakolo,
Alakanut naka akoku naka Yerusalem.
9Aso do kanukinyo ideloria?
Emamei kereka ekabaka kotomakon?
Aolio ekapetan akirokon,
Tape kikamuni ariebo kwape naka aberu naidouni?
10Koriebakin, kitaaritoi aidoun, ijo akoku naka Sion,
Kwape aberu naidouni:
Naarai kwana ilomari kiŋa naka ere,
Iboie okitui, idoli da Babulon.
Kiyuunio kaŋina,
Ŋina ŋes kilakunia EJAKAIT jo
Kakan naka lukasurupokon.
11Kwana da etukonokinos atekerin nuipu asurokin jo, Nuebalas ebe, “Komunaun ŋesi,
Koanyutu do awokokonye eimielikec koSion.”
12Konye mam ejenete kesi aomisio nuka EJAKAIT,
Karaida ajenun ainerunike;
Naarai atukok kes kwape iisutan kopejal.
13 #
Apu 21:24. Konyou kicom, ijo akoku naka Sion:
Naarai etaraun eoŋ amumwarakon asuat,
Ka imagegerakon da aisinit:
Inomonomoi atekerin nuipu;
Igitari amedakec mama ejai EJAKAIT,
Ka iborokec da mama ejai EJAKAIT loka akwap
Currently Selected:
Mika 4: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.