Mika 2
2
1 #
Est 3:8,9; Isa 32:7; Sab 7:11-14; 36:4; Kos 7:6; Age 31:29. Itukwi ŋul luinerunete numam edolito,
Luiswamaete aronis kaperitokec!
Kiwala akwap, itetemonorete,
Naarai ejai toma apedor naka akanikee.
2Iŋobeleete alup, konasete;
Itogoi da, kodemete;
Emwanete etuŋanan ka eketogo,
Ido etuŋanan ka akeirumet.
3 #
Yer 8:3. Ŋes inerar EJAKAIT kwanata atiar:
Koany, enerak aronis okek lo,
Namam ilemarete komurisinakus,
Karaida alosit iŋonasi;
Naarai na ŋes apak naerono.
4Kapaaran kaŋin kiwaragio,
Ekuudianete akuudian nakican, Ebe, “Kiŋasi cut;
Esiec akorakinet naka ikatuŋa; Kademaa ca!
Akoraki lukepali akosilup.”
5 #
Ikis 32:8,9. Ŋes mam ijaunia kayenecakari auno koroet
Katukot naka EJAKAIT.
6“Siridwarete,” kwaŋin edwariata.
“Mam ibus aidwar nuikote nen;
Mam amorosito kidolokinete oni.”
7Ŋo ekek loka Yakob,
Ibus kereka einer ŋun?
Eŋoŋar ca ma emoyo loka EJAKAIT?
Nu tope kes akeswamisio?
Mam akakiro iswamakinete aiokis ŋol loelosi itenara?
8Konye idakunos yes asurokin ikatuŋa #2:8 Aburanian ebala ebe Bian adakunos ikatuŋa. kwape lukasurup:
Idemete asuukai konapen luka nul kaluitorete inapakina Kwape ituŋa lumam ekotosi ejie.
9Ireneanarete aŋor nuka ikatuŋa kotogoikee luisiyalamikinitos; Ilemarete akaibuses ikar kere kodwekec ludidik.
10 #
Ikis 12:9. Konyoutu, koloto:
Naarai mere ne aiyenunetekus:
Kanuka amodokok naemudiari, Ido ka amudiario naasogim.
11Arai esabi etuŋanan loelosi kokwam loka aiŋal, Ebe, “Kadwarakini jo nuka aion ka luitemerete”;
Ŋopenol eraun ekadwaran loka ituŋa kalu!
12 #
Isa 11:11; Mik 4:6,7; Sep 3:19. Mam aswaki atukonokin lukon kere, ijo Yakob:
Mam aswaki atukokin aatoŋot naka Isirael:
Ebwaikin nepepe kwape amerekekin nuka Bosura;
Kwape esipan loejai kidiŋ oronyikec,
Iumaumato noi kanuka aipues naka ituŋa.
13Adoka ekabelan kakonyenekec;
Atikoros, atuboros adolior orute,
Alomut kanen.
Atubor ekabakakee kakonyenekec,
Enareniki EJAKAIT kes.
Currently Selected:
Mika 2: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.