Luka 22
22
1 #
Mat 26:1-5; Mk 14:1,2. Kosodi koapu epucit loka Imugatin lumam itubuunitoi loenyaritai Aleleŋ. 2#Luk 20:19. Komootos isasedotin lupeti ka ikewadikak epone loka aiar ŋes; naarai apotu kokuriaka ituŋa,
3 #
Mat 26:14-16; Mk 14:10,11. Kolomak Satan Yuda loenyaritai Isikariot, lokerai ediopet kotomon ka luarei; #Yok 13:2,27. 4kolot kinerut ka lusasedotin lupeti, ka ikapolokitok iserikalei, epone loka aijaikin ŋes akaninikec. 5Kiyalamikinos, kitutukoto ainakin ŋes arupian. 6Kocam, komo apak naka aijaikin ŋes mamakec, komamei ekodet.
7 #
Mat 26:17-29; Mk 14:12-25. Kodol apaaran naka Imugatin lumam itubuunitoi, naibusiar aaria imerekekin lukaleleŋ. #Any 12:18-20. 8Kiyakia Yesu Petero ka Yokana kobala ebe, “Koloto kitemonokis lukaleleŋ kanuwok, tetere kinyami.” 9Kotemasi ŋes atiar, “Ikoto ketemokis lali?” 10Kotema kes atiar, “Koany, nailomariata ore, iriamunos ketuŋanan loibwokit amot naka akipi; kotupasi ŋes, kolomasi togo loelomari ŋesi, 11Ilimokinete elopet etogo ebe, ‘Ebala Ekesisianakinan ebe, Ani bo agola nakipejok, neanyamakini lukaleleŋ nepepe kikakesisiak?’ 12Kitodikini ŋesi yes agola naepol nakokuju naepesitai; kitemonokis nen.”
13 #
Luk 19:32. Koloto, kodumutu kwape kelimokinia; kitemonokis lukaleleŋ,
14Nakedolio apak, kiboikin ainyam nepepe kikekesisiak. 15Kotema kes atiar, “Abu kemiela noi aimor kayes lukaleleŋ lu, eriŋa eoŋ kiticana; 16#Luk 13:29. naarai katemari yes atiar, Mam anyami bobo Iukaleleŋ kiton naitodolikinere kotoma ajakanut naka Edeke.” 17Kolem akoli, kedau aimal kobala ebe, “Kolemutu na, kijaanakinos: 18naarai katemari yes atiar, Amear kwana mam amasi araito nuka emusabibu kiton neebunio ajakanut naka Edeke.” 19#1 Kor 11:23-25; Asw 27:35. Kolem emugati, kedau aimal, kobilibil, koinak kes, kobala ebe, “Lo ŋes akakuan, nakeinakinio kanukus: kiswamaenenete kwaŋin akiitunitor eoŋ,” 20#Any 24:8; Yer 31:31; Sek 9:11. Ka akoli da kwape kwaŋin kedautu ainyam, kobala ebe, “Akoli na erai aitutuket nakitetet kotoma aokotoka, nuebukoros kanukus. 21#Yok 13:21,22. Konye koany, akan naka ŋol kalokabilakini ebotet ejai keoŋ omesa. 22Naarai elosi Okoku loka etuŋanan kwape kelosikinitere; konye itukwi etuŋanan ŋol loebilakini ŋes ebotet!” 23Kogeutu aiŋitanar bonik ebe Iŋai bo kakesi ekoto aswam akirot ŋin.
24 #
Mat 18:1; Mk 9:34; Luk 9:46. Kolom epeget kotomakec ebe, Iŋai bo loeomitai araut lokapolon. 25#Mat 20:25-27; Mk 10:42-44. Kotema kes atiar, “Irumitos ikabakan lukacekwapin ikecetuŋa; ŋul da lukapedor kamakec enyaritai ikeswamak ajokis. 26#Mat 23:11; Mk 9:35. Konye yes mam ikote kwaŋin, dimarai lokapolon kamakus koraun bala erai lodidi, ka lokeŋarenikinon da bala ŋol loijaanakini. 27#Yok 13:12-15. Naarai iŋai bo lokapolon, ŋol loiboikini ainyam, arai bo ŋol lojaanakini? Mere tope je loiboikini ainyam? Konye ajai eoŋ kokidiŋikus bala ekejaanakinan.
28“Iraas yesi luipotu kotitiŋikis keoŋ kotoma acodunioka; 29#Luk 12:32. eoŋ da keŋadakinit yes ajakanut, kwape keŋadakinitor Papaka eoŋ, 30#Mat 19:28. tetere inyamete ka aimat komesaka kotoma ajakanutuka, ka aiboikin oicoloŋo luka ajakanut, itubokinete atekerin atomon kanuarei nuka Isirael.
31 #
Mat 26:31-35; Mk 14:27-31; Yok 13:36-38. “Simon, Simon, koany, enit Satan yes, tetere kipiesi kwape kalos, #2 Kor 2:11; Amo 9:9. 32#Yok 17:11,15,20; Sab 51:13. Konye kelipak eoŋ jo kinyek akoniiyuun akurwor; ijo da naibelokinor, kitogogoŋ ikoniinacan.” 33Kotema ŋes atiar, “Ejakait, etemokino aupar kajo aenio, kiton atwanare da.” 34Kotema atiar, “Kalimokini jo, Petero, ebe mam lolo ekokor eruikini aitodol nakiŋerio eoŋ irwan auni ebe mam kijeni.”
35 #
Mat 10:9-10; Mk 6:8-9; Luk 9:3; 10:4. Kiŋit kes ebe, “Nakejukaritor yes emamei eriagi, karaida ecoe, karaida amuk, ipotu kereka kipudas imodiobore?” Kobalas ebe, “Mam,” 36Kotema kes atiar, “Konye kwana, yenejai eriagi koyaŋa, ka yenikecoe da kwape kwaŋin. Yenemamei ekileŋ kogwela ekelou, kogwelunia. 37#Isa 53:12; Luk 22:52. Naarai katemari yes atiar, Ibusakinit ŋun nuewadikatai aitodolikinio mamakaŋ ebe, ‘Aponi kimarakinai nepepe ka lukepali’; naarai nukabeito eoŋ ejaas aitodolikiniokec.” 38Kobalas ebe, “Ejakait, koany, ejaas ne ikileŋa iarei.” Kobala kes ebe, “Aso do.”
39 #
Mat 26:30,36-46; Mk 14:26,32-42. Kolom, kolot Moru loka Iseitunin, kwape atapitor; kotupasi ikekesisiak da. #Luk 21:37; Yok 18:1. 40Nakedolio aibois ŋin kotema kes atiar, “Kilipa, kinyeis alomar toma acodunio.” 41Kotiakar ŋesi elopet bala apak naetiakara amoru, kokukokin, kilip, 42#Mat 6:10. ebe, “Wu Papa, arai ikoto, kolema akoli na kamakaŋ; konye mere nuakoto eoŋ, dimarai nuikoto ijo kiswamai.” 43#1 Ika 19:5; Yok 12:29. Kitakanikin ŋes emalaika loabuni kokuju, kitogogoŋ ŋes. 44Kosodi kanuka aikilianar kiyatak noi ailip; kosubito ainyinyirake bala imany luka aokot nuedoenenete kwap, 45Nakenyounio kotoma ailipike, kobu mama ejaas ikesisiak kodum kes ejotoete kanuka aiturur. 46Kotema kes atiar, “Kanukinyo ijotooto? Konyoutu kilipa kinyeis alomar toma acodunio.”
47 #
Mat 26:47-56; Mk 14:43-49; Yok 18:2-11. Atipet napinera ŋesi, koany, kotakan ekodet, iŋarenikinit etuŋanan loenyaritai Yuda, ediopet kotomon ka luarei. Kikunyak mama ejai Yesu tetere enui. 48Kotema Yesu ŋes atiar, “Yuda, ibilakini kereka ijo Okoku loka etuŋanan ebotet kainu?” 49Ŋul da lukejaas die kaŋes, kojenutu nuekotosi adoikin, kobalas ebe, “Ejakait, kajepejepata ca kikileŋa?” 50Ediopet kakesi kojepe ebulesit loka losasedoti lopeti kotubo akekit nakoteten, 51Koboŋok Yesu ebe, “Kinyeis ŋun!” Kotiro akekit kitaŋaleu. 52#Luk 22:37. Kosodi kobala Yesu isasedotin lupeti ka ikapolokitok luka eyekalu ka imakio lukeponikinito ŋes ebe, “Ilomutu ca ikapito ikileŋa ka ibelai bala aikamun ekaŋatan? 53#Luk 19:47; 21:37; Yok 7:30; 8:20; Kol 1:13. Apaarasia kere ajaenena eoŋ nenipe kayes toma oyekalu, konye mam ipotu kikamut eoŋ. Konye lo erai ekusisawa, ka apedor naka amuton.”
54 #
Mat 26:57,58,69-75; Mk 14:53,54,66-72; Yok 18:12-18,25-27. Kosodete kikamut ŋes, koyaata togo loka losasedoti lopeti, konye kotupite Petero kama elwana. 55Kedaut ainokokin akim kidiŋ alaro, kiboikinos nepepe, kiboie Petero da kokidiŋikec, 56Kanen koany apese ŋes, iboie kaneejai akim, kojene, kobala ebe, “Ajaas nan etuŋanan lo nenipe kaŋes.” 57Konye koŋer, kobala ebe, “Ŋo ba na, mam eoŋ ajeni ŋes,” 58Nediokasilon koany ece ŋes, kobala ebe, “Ijo da irai lokec.” Konye Koboŋok Petero ebe, “Ijo ba lo, mere eoŋ,” 59Ketubor bala esawa ediopet kitogogoŋ ece ebe, “Abeit ajai lo nepepe kaŋes; naarai erai ŋesi da Egalilayat.” 60Konye kobala Petero ebe, “Ijo ba lo, mam ajeni nuinera ijo.” Atipet napinera ŋesi koruik ekokor. 61#Luk 22:34. Kibelokin Ejakait kosesen Petero. Kiitu Petero akirot ya naka Ejakait, nakelimokinit ŋes ebe, “Lolo, eriŋa ekokor eruikino, kiŋeri eoŋ irwan auni.” 62Koloma kiŋa komony noi.
63 #
Mat 26:67,68; Mk 14:65. Kosodete ituŋa lukikamunete Yesu koboliatar ŋes, kinomonomata; 64korapanakis akekonye kiŋita atiar, “Kodwaru cani! Iŋai bo kinom jo?” 65Koinyanakinete da kakiro nuipu nuka amoromor.
66 #
Mat 26:59-66; Mk 14:55-64. Kosodi kiwala akwap, kotukonokin atukot naka imakio luka ituŋa, ka isasedotin lupeti ka ikewadikak; koyautu toma aurianetekec, kobalas ebe, 67#Yok 3:12; 8:45; 10:24. “Arai irai ijo Kristo, kolimokinai.” Kobala ebe, “Karaida kaalimokis yes, mam iyuunete cut; 68Arai keeŋit yes, mam iboŋokinete. 69#Dan 7:13; Sab 110:1. Konye amear natikwana iboikin Okoku loka etuŋanan akan nakoteten naka apedor naka Edeke.” 70Kobalas kere ebe, “Aso irai kereka ijo Okoku loka Edeke?” Kobala kes ebe, “Yes ibalas ebe arai eoŋ.” 71Kobalas ebe, “Kipudar bo inyo bobo nuitejenunete? Naarai kiira oni ikulepek akiro nuka aitukuke.”
Currently Selected:
Luka 22: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.