Yuda 1
1
1 #
Mat 13:55; Mk 6:3. Yuda, ebulesit loka Yesu Kristo, onace loka Yakob, Mama ejaas luenyaritai, luminan toma Edeke Papa, luericakinitai Yesu Kristo:
2 #
2 Pet 1:2. Kiyatanakin aitim mamakus, ka ainapakin, ka amin da.
3 #
1 Tim 1:18; 2 Pet 1:5; 2:21. Luminan, eswamai kadunyanut kere aiwadikakin yes nuka aitajariowok nakimori, ketiŋaikinitai aiwadikakin yes kecor yes aut noi kanuka aiyuun naainakinitai lukalaunak irwan atipet bon. 4#Gal 2:4; 2 Pet 2:1. Naarai alomut icetuŋa kaiyeiyea, lukiwadikatai sek alomar otube lo, ituŋa lumam eyoŋito Edeke, luilocete asianut naka Edekewok araun abenyanut, eŋerete da Ekapoloniwok ediopet bon Ejakait Yesu Kristo.
5 #
Any 12:51; Mar 14:29-30,35; 1 Kor 10:5; 2 Pet 1:12. Konye akoto aisiitun yes karaida ijenut kere atipet bon, ebe kedau Ejakait aitajar ituŋa kakwap nako Misiri, akaulo kaŋun abu komudialumam eyuunito. 6#Age 6:1; Yok 8:44; 2 Pet 2:4,9. Imalaikan da lumam apotu koricata ayaitekee, konye kinyeis akeceibois kikulepek, abu ŋesi kidar korikoi lumam edaunos kamuton kiton atubokinio naka apaaran nakapolon. 7#Age 19:1-24; 2 Pet 2:6,19. Kwape ka Sodom ka Gomora, ka ireria da luerimorito kes, luapotu koluŋakinos adoteanut kopone loka ŋul, kotupata acekuan, ibwaikinitai araut aanyunet, iticanio kakim naka ikar kere.
8 #
2 Pet 2:10. Konye kopone kaŋol ituŋa lu da kairujasiakee emunaarete akuan, Kerete ayaio, emoromoroete da lukaibuses. 9#Ikis 34:6; Dan 10:13,21; 12:1; Sek 3:2; Apu 21:7; 2 Pet 2:11. Konye nakeŋolopatar Mikael emalaika lokapolon kaSatan, epegas kanuka akuan naka Musa, mam abu koneikin aosan ŋes katubokinio nakamoromor, konye kobala ebe, “Kitoron Ejakait jo,” 10#2 Pet 2:12. Konye ituŋa lu emoromoroete ŋun kere numam ejenete, konye ŋun nuejenete kaurunet, kwape itiaŋ luemamei acoa, kaŋun emudiario kes. 11#Age 4:3-8; Mar 22:1-35; 16:1-35; 31:16; 2 Pet 2:15. Itukwi kes! Naarai elosete korot loka Kain, kokubokinos kapaar naka Balaam, kanuka eropit komudiarai kopeget loka Kora.
12 #
Esk 34:8; 2 Pet 2:13. Eraas lu amor numam etakanete kopueinokus luka aminanar, emorete kayes komam ekuriaka, icokiete bonik; idouon luemameete akipi luekutarete ikwamin; ikito luka akamu luemameete araito, luatwaka irwan aarei, luarutuno; 13#Isa 57:20; 2 Pet 2:17. akailan nuededeŋ nuka aŋolol, nuekuete ekuetete, lokileieikee; I aacer nuepaarete nuidarakinitai amuton nairiono cucucuc kiton ikar kere.
14 #
Age 5:18,21-24; Ikis 33:2; Sek 14:5. Konye nuka ŋul abu Enok da, lokikanyetekaarei anyoun ka Adam, kodwarakinite ebe, “Koany, ebunit Ejakait nepepe ka lukalaunakake ilukumin itomon, 15#Mat 25:31. aiswamakin kere etube, ka aitoron da kere lumam eyoŋito Edeke kanuka aswamisiokec kere nuka amamus ayoŋit Edeke, ido kanuka akiro kere nueninik nuenerata ikadiakanarak lumam eyoŋito Edeke asurokinia ŋes.” 16#2 Pet 2:10,18. Eraas lu ikerurumak, ikaŋuurianak, luelosete kwape ejaar aiŋobelekec, ineras da aitukekec akiro nukasoga, emaete ituŋa adumunia ameda.
17 #
2 Pet 3:2. Konye yes luminan, kiitut akiro nukolo kinerata ikiyakia luka Ejakaitiwok Yesu Kristo; 18#2 Pet 3:3,5; 1 Tim 4:1. apotu kolimokis yes ebe, “Kapak nakawasia ejaunete ikesekelok, luelosete kwape ejaar aiŋobelekec nakamamus ayoŋit Edeke.” 19#1 Kor 2:14. Eraas lu lueyaunete atiakatiak, luka aijar kana, luemamei Emoyo. 20#Kol 2:7; 1 Ses 5:11. Konye yes, luminan, kodukonoros kaiyuunikus nakalaunan noi, kilipenenete kOmoyo Lokalaunan, 21kidaras bonik toma amin naka Edeke; kidareut aitim naka Ejakaitiwok Yesu Kristo kiton aijar naka ikar kere. 22Kitimoto ice, luebuonokinos; 23#Amo 4:11; Sek 3:2; Yak 5:19; Apu 3:4. kitajarata ice, kouruput kotoma akim; kitimoto ice kakurian, kolaata anapito da naejai elos loka akuan.
24 #
1 Ses 5:23; Pil 1:10; 2 Pet 3:14. Mama ejai ŋol loepedori aidar yes kinyeis aiguikin, kaisibwo yes kakonyen nuka aibusesuke komamei aitoronet, kaiyalama naepol noi, 25#Rom 16:27; 1 Tim 1:17; 2 Pet 3:18. mama ejai Edeke ediopet bon, Eketajaraniwok kanuka Yesu Kristo Ejakaitiwok, kojai aibuses, ka apedor, ka ailerit, ka apolou da, ageikin ikar kere, tinenikwana da, ido kiton ikar kere. Amen.
Currently Selected:
Yuda 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.