Ikatubok 1
1
1 #
Any 28:30; Mar 27:21; Tub 20:18; 1 Sam 23:9. Kosodi kanen ketwana Yosua, kiŋitata idwe luka Isirael EJAKAIT ebe, “Iŋai bo kiŋarenikini sio alosit asurokin Ikanaanin, aitiji kes?”
2 #
Age 49:8. Kotema EJAKAIT atiar, “Yuda ŋes elosi: koany, ejaik akwap akanike.” 3#Lim 4:9; Mk 6:7; 1 Kor 12:26; Gal 6:2. Kotema Yuda onaeeke Simeon atiar, “Bia kauparos oroet lokabeit eoŋ, tetere kitijie Ikanaanin; kwape kwaŋin da kiupar eoŋ kajo oroet lokibeit ijo,” Kouparos Simeon kaŋes. 4#Ikis 9:1; Sab 44:2; 78:55. Kolot Yuda; kijaik EJAKAIT Ikanaanin ka Iperisin akanikee: kodanyata ituŋa ilukumin itomon kaŋul koBesek. 5Apotu kodumakis Adoni-besek Besek: kitijioto ŋes, kodanyata Ikanaanin ka Iperisin. 6Konye koker Adoni-besek; kodapata ŋes, kikamut ŋes, kotubosi ibokoro lukapolok luka akaninike ka luka akejeke da. 7#Leb 24:19; Sab 109:16; Awa 1:31; Mk 4:24; Yak 2:13. Kotema Adonibesek atiar, “Apotu ikabakan akaisakanykaarei luatuboritai ibokoro lukapolok luka akaninikee ka luka akejekee kirarata ikeeenyamat kokwap kemesaka: kwape abu eoŋ keswamaa, keswamaki Edeke eoŋ kwaŋin.” Koyaŋaarai ŋes Yerusalem, kotwanik ŋina.
8 #
Yos 15:63. Kitijioto idwe luka Yuda Yerusalem, kirumata ŋes, kodanyata lukanen kakwanis naka ekileŋ, kicweata ere. 9#Yos 10:12,36; 11:21. Kokau kaŋun, koloto idwe luka Yuda aitiji Ikanaanin lueboiete kakwap nakiukon, kari da naka Eŋalakimak, kapuuton da. 10#Yos 14:15. Kolot Yuda asurokin Ikanaanin lueboiete koKeburon: (kerai ekiror loka Keburon sek Kiriat-araba:) kodanyata Sesai, ka Akiman, ka Talumai.
11 #
Yos 15:15. Konyoutu kanen koloto asurokin lueboiete koDebir. (Kerai ekiror loka Debir sek Kiriat-seper.) 12Kotema Kaleb atiar, “Ŋol loedanyi luka Kiriat-seper, kosodi airum ere, akorakini eoŋ ŋol akokuka Akisa aimany,” 13#Tub 3:9. Kirum Otiniel ŋes, loarai okoku loka Kenas, onaee lodidi loka Kaleb: kokorak ŋes Akisa akokuke aimany. 14#Yos 15:18. Kosodi kanen, kebu mamake abu ŋin kokoto ŋol ailipun papake emanikor: kodok kasigiriake, kotema Kaleb ŋes atiar, “Inyo bo ikoto ijo?” 15#Age 33:11; 1 Sam 25:27; Bur 6:7. Kotema ŋes atiar, “Koinakinai eoŋ arereŋ; naarai kiinakinit eoŋ akwap naka ari naka Eŋalakimak, koinakinai eoŋ da atanin nuka akipi.” Koinak Kaleb ŋes atanin nukokuju ka nukajesa da.
16 #
Mar 10:29-32; 24:21,22; Tub 4:11; 1 Sam 15:6; 1 Siit 2:55; Yer 35:2; Ikis 34:3; 2 Siit 28:15; Mar 21:1; 10:32. Koloto idwe luka Ekenit, ekamuran loka Musa, anyoun kore loka idukudukun kidwe luka Yuda amodiŋ naka Yuda, naejai eŋalakimak naka Arad; kolototo kiboioto kituŋa. 17#Mar 21:3; Yos 19:4. Koloto Yuda ka onaeeke Simeon, kodanyata Ikanaanin lueboiete koSepat, komudiasi cut. Komaikinai ere Koruma. 18#Yos 11:22; 13:3; 15:47; Tub 16:1; 1 Sam 6:17. Kirum Yuda Gasa da ka eikoruke, ka Asukelon ka eikoruke, ka Ekuron ka eikoruke. 19#Age 39:21; Yos 1:5,9; 14:12; 2 Sam 5:10; 2 Ika 18:7; Rom 8:31; Yos 17:16. Kojai EJAKAIT kaYuda; kireŋea lueboienenete kakwap nakiukon; naarai mam ŋes abu kopedo aireŋear lueboienenete kaditot, naarai ajaas ŋul agalin nuka asua. 20#Yos 15:13-14; Mar 14:24; Ikis 1:36; Yos 14:9,13. Koinakis Kaleb Keburon kwape abalar Musa: kireŋea kanen odwe luuni luka Anak. 21#Yos 15:63; 18:28; 2 Sam 5:6; 1 Siit 11:4. Mam idwe luka Benyamin apotu kireŋcasi Iyebusin lueboiete koYerusalem; konye kiboioto Iyebusin kidwe luka Benyamin koYerusalem, kiton lolo.
22Kolot ekalloka Yosep da asurokin Bet-el: kojai EJAKAIT kakes. 23#Yos 2:1; 7:2; Tub 18:2; Age 28:19. Kijuka ekalloka Yosep ituŋa airot Bet-el. (Kerai ekiror loka akwap sek Lus.) 24#Yos 2:12; 1 Sam 30:15. Koanyut ikarotak etuŋanan elomuni kore, kotemasi ŋes atiar, “Kiŋaiŋait, kitodikinai isio neelomarere ore, kiswamakini isio jo nukasianut.” 25Abu Idtodik kes neelomarere ore, kodanyata lukorc kakwanis naka ekileŋ; konye apotu koosikis etuŋanan ŋol ka ekekike kere alosit. 26Kolot etuŋanan ŋol akwap naka Ikitin, koduk ere, komaik ekekiror Lus: loerai ekekiror kiton lolo.
27 #
Yos 17:11-13; 21:25. Mam Manase abu kirenea lueboiete koBet-sean ka ireriake, karaida luka Taanak ka ireriake, karaida lueboiete koDor ka ireriake, karaida lueboiete koIbuleam ka ireriake, karaida lueboiete koMegido ka ireriake: konye apotu Ikanaanin kiboioto kakwap kaŋin, 28Kosodi kanen, kegogoŋor Isirael, apotu kitaraut Ikanaanin ikeswamak nakailolitoi, mam apotu kireŋeasi kes eut,
29 #
Yos 16:10; 1 Ika 9:16. Mam Epuraim abu kirenea Ikanaanin lueboiete koGesir; konye kiboioto Ikanaanin koGeser kamakec.
30 #
Yos 19:15. Mam Sebulun abu kirenea lueboiete koKitiron, karaida lueboiete koNakalol; konye apotu Ikanaanin kiboioto kamakec, koraut ikeswamak nukailolitoi.
31 #
Yos 19:24-30. Mam Aser abu kirenea lueboiete koAko, karaida lueboiete koSidon, karaida luka Akulab, karaida luka Akisib, karaida luka Keluba, karaida luka Apik, karaida luka Rekob: 32#Sab 106:34,35. Konye apotu Iserain kiboioto kama ejaas Ikanaanin ikulepek akwap: naarai mam apotu kireneasi kes.
33 #
Yos 19:38. Mam Naputali abu kirenea lueboiete koBet-semes, karaida lueboiete koBet-anat; konye kiboi kama ejaas Ikanaanin, ikulepek akwap: konye apotu lueboiete koBet-semes ka luka Bet-anak koraut ikeswamakakec nukailolitoi.
34Apotu Imorain koremosi idwe luka Dan akwap nakiukon: naarai mam apotu koeamakis kes abunore aditot: 35#Yos 10:12; 19:42; Tub 12:12. Konye kiboikinos Imorain moru Keres, ka Aiyalon ka Saalubim: konye kolanir akan naka ekal loka Yosep, kwaŋin koraunos ikeswamak nukailolitoi. 36#Mar 34:4; Yos 15:3. Ageunit eikor loka Imorain kaneedokarere Akurabim, anyoun komoru, kiton kuju.
Currently Selected:
Ikatubok 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.