Kabakuk 2
2
1 #
Sab 73:16,17; Isa 21:8. Abwoi do eoŋ kaitelieisika, Adokari togo loeoi,
Eteluori aanyun nuinera keoŋ,
Ka nuabonokini nuka anuurianaka.
2 #
Ikis 27:8; Isa 8:1; Rom 15:4; Apu 1:19. Kabonok EJAKAIT eoŋ ebe:
“Kiwadika aitapoct, kidelelei kamor,
Tetere ekeri do yenesiomi.
3 #
Dan 10:14; Bur 10:37. Naarai eriŋa aitapoet ejai kanuka apak naeseikinitai,
Ewonyari mama ejai esaŋe, mam iŋalai.
Karaida kitumor, kidareu ŋes;
Naarai abeit ebuni, mam iyapi.
4 #
Yok 3:36; 2 Kor 5:7; Rom 1:17; Gal 3:11; Bur 10:38. Koany edakara aiiarake,
Mam itenara kotomake:
Konye ebusi ikadoliton kanuka aiyuunike.
5 #
Awa 27:20. Eebo, ateni, ebino ŋes ekagwelanaran loemodi,
Etuŋanan loiwonoono, lomam esalenenci ore;
Loitalalaari eimielike bala Okatwak,
Esubit bala atwanare, mam epedorio aimonikin,
Konye etukonokini atekerin kere mamakeŋ,
Etunakini ituŋa kere mamakeŋ.
6Mam lu kere itatamete awarag aluikin ŋes, agarac naikienatari ŋes, ebalasi ebe,
“ltukwi ŋol loiyatakini lumere luke! Itodoli ai?
Loigugunatoi kaititiŋeta!”
7Mam kereka kes enyounete katipet lukikonyete jo, Ekwenyunete lukitunyunyurikinete jo?
Iraun do ijo lonatunakec.
8Naarai iŋat ijo atekerin nuipu,
Kinasete jo luedeunos kere luka ituŋa;
Kanuka aokot nuka ituŋa, ka akaje naeswamakinio akwap, Naeswamakinio ere ka luibojete kotoma kere,
9Itukwi ŋin yenedumakini etogoke ameda naerono,
Tetere esipokini akaike neieelelei,
Tetere itajario kakan naka aronis!
10Ineru nukileic abunokin etogokon,
Naarai igela ijo atekerin nuipu;
Idiaka kama ejai aijarakon.
11Naarai emonyi amoru kotoma arwatat,
Abao da kotoma akito eboŋokini ŋes.
12Itukwi ŋin yeneduki ere kaokot,
Kiticat ere kanumam adolit!
13 #
Isa 50:11. Koany, mere naka EJAKAIT loka ajoresio
Ituŋa aitaaritoi kanuka akim,
Ka atekerin da agogoritoi kanuka aamameak?
14 #
Isa 11:9. Naarai ilelebun akwap aijen aibuses naka EJAKAIT,
Kwape erapitotor akip aŋolol.
15Itukwi ŋin yenitamasi iidunyereke,
Kosodi ainyalakin aisoritike,
Kitemer ŋes da tetere eseseni amujalalakec!
16Ileleba ijo ileje itia aibuses.
Komat ijo da, koraun bala yenimam ekepep.
Kibelokin aikopo naka akan nakoteten naka EJAKAIT mamakon,
Ejaunos ileic luimodokokas mama ejai aibusesukon.
17 #
Yer 50:33. Naarai kirapi jo akale nakiswamakin Lebanon,
Kitukurian jo amudiar naka itiaŋ;
Kanuka aokot nuka ituŋa, ka akaje nakiswamakin akwap,
Ka ere, ka luibojete da kotoma kere,
18Anyoin ameda kidumakini aput naegerer,
Naegeria ekasubanike ŋes;
Aput naecalara, ka ekesisianakinan aimod?
Naarai emunokina ekasubanike akeswam,
Naesubunia aputosia nueban aaka.
19Itukwi nin yenetemari akito ebe, Kokweny;
Amoru da naaban ebe, Konyou!
Isisianakini tope ŋin?
Koany, iladaaritai kesabu ka epuesa,
Emamei cut eiyeŋane kotomake.
20Konye ejai EJAKAIT kotoma oyekaluke lokalaunan:
Kililiŋ akwap kere kakonyeneke.
Currently Selected:
Kabakuk 2: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.