1 Yokana 1
1
MAMA EJAAS ITUŊA KERE
1 #
Yok 1:1,14. Ŋin nakejai ameun kageunet, nakipou kapuput, nakianyunit kakosikonye, nakipou kasesenata, katirosi da kakosikanin, naka akirot naka aijar,— 2#Yok 1:4,14. kotakan da aijar, ido kipou kaanyut, kitejenuni da, kilimonokin yes aijar ŋin naka ikar kere, nakejai neejai Papa, nakitakanikinio sio,— 3nakipou kaanyut, kapuput da, kilimonokini yes da, tetere idieasi yesi da kasio. Eidicanewok da ejai nepepe ka Papa, ido nepepe ka Okokuke Yesu Kristo. 4#Yok 15:11; 16:24. Kiwadikai nu tetere itodolikinio awokokiyalama.
5 #
Yak 1:17. Na ŋes aitejenunet nakipou kapuput kamakeŋ, nakilimonokini yes, ebe, Erai Edeke aica, ido kotomakeŋ emamei cut adiomuton. 6#1 Yok 2:4; Yok 3:21. Arai kinera ebe kidica kaŋes, kalosenenete da kotoma amuton, kiŋala bonik, komam kiswamai nukabeit. 7#Bur 9:14; Apu 1:5; 7:14. Konye arai kilosenenei kotoma aica, kwape ejaar ŋesi toma aica, kidicenena bonik ka bonik, ido kitesegarete oni aokot nuka Yesu Okokuke kama kadiakar kere. 8Arai kinera ebe emamei oni adiakar, kimoda bonik, emamei da abeit kotomawok. 9#Awa 28:13. Arai kilimori adiakanaretawok, erai ŋesi lomunot ido loedolit, isioniei oni adiakanareta, itesegari da oni kama kamamus adolit kere. 10Arai kinera ebe mam kipou kadiakasi kituluori ŋes ekeŋalan, emamei da akekirot kotomawok.
Currently Selected:
1 Yokana 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.