Param Marikanka 1
1
Lakula bîla
1Naha sika Gâd mita Jisas Kraist ra diara nani param marikan ba, witin mita laki ai dukia dadaukra nani ra diara nani pat pali takaia ba marikbia wisi. Jisas Kraist mita ai insalka bliki baha tânka ba ai warkka dadaukra Jan ra latan marikan. 2Diara nani Gâd bîla aisaia dukiara, Jisas Kraist mita marikan witin kaikan ba sut witniska ba kasak aisin.
3Lilia kaia sa, ya naha wauhkataya aisi kaiki na, bara lilia sin kaia sa, naha sturka Gâd mita blikan bara nahara ulban na ra pain wali, bîla kat dauki nani ba, kan piua ba pat baila sa bamna.
Jan mita serts 7 ba ra ulbisa
4Yang Jan, Asia tasbaya ra serts 7 ba ra ulbisna. Gâd wina yamnika nani bara kupia kumi lâka ba man nani bris, witinka bâra ban ba, ban kan ba, bara naika balaia ba;#Imp St 3.14. spirit 7 ai king iwaika mawan kat ba wina sin,#Par M 4.5; Ais 11.2. 5bara Jisas Kraist witnis kasakkira ba wina sin,#Ais 55.4. witin sika pas upla pruan wina kli buan ba,#Ap St 26.23; Kol 1.18. bara naha tasba aiska kingka nani sut purara karnika bri ba.#Law 89.27. Kraist mita latwan wan kaikisa, bara ai tâlia laiki wan saurka nani sikbi sakan sa; 6bara yawan na king tasbaya kum bara prîs nani sin wan daukan sa, ai Aisika Gâd warkka daukbia.#Imp St 19.6; Par M 5.10; 20.6. ¡Bamna prana ba bara karnika ba sin, ban kaia ra witin dukia kabia! Baku kabia.
7¡Kraist ba kasbrika nani tilara balbia!#Dn 7.13; Mt 24.30; Mk 13.26; Lk 21.27; 1 Tes 4.17.
Upla sut mita witin ba kaikbia,
ai wîna tara dus prihni ra saban uplika nani sin.#Sak 12.10; Jn 19.34,37.
Tasba aiska uplika nani
witin kaiki sari bri inbia.#Sak 12.10; Mt 24.30.
Âu, baku kabia.
8“Yang sika tâ bara tnata lâs ba sin,”#Tâ bara tnata lâs ba: Grik nani ulbisa A ba alfa, Y ba omega.,#Ais 41.4; 44.6; Par M 1.17; 22.13. Dawan karnika sut bri ba baku wisa, witinka bâra ban ba, kan wina sin ban kan ba, bara balaia ba sin.#Imp St 3.14.
Kraist pranakira tânka latan marikan ba
9Yang Jan, man nani muihkam sna, bara man nani wal aikuki asla sna pât wahwan nani mapa ra, Gâd King aimaki ba lâka ra, bara ban bapi buaia lâka Jisas Kraist mita wanki ba ra sin. Kî dakura kum nina Patmos wi ba ra lulki ai swin kan, Gâd sturka yamni aisi smalkri ba tâwan, bara Jisas Kraist witniska aisari ba tâwan sin. 10Bara Dawan yua kumi ra, Spirit Holikira mita ai karnika munhtara ai brisata, bara nini tani ra bîla baikra tara kum walri, sim trumpit binka baku, 11bara yang ra ai win: “Dîa dîa kaikma ba sut wauhtaya kum ra uls, bara 7 serts Asia ra ba ra blîks, baha ba naha nani sa: Epesus, Esmirna, Pergamum, Tiatira, Sardes, Filadelfia, bara Leodisia.”
12Bara ninira ai warbi tawi kaikri, bîla baikra aisi ba ya aisi kan sapa kaikaia wisi; bamna baku daukri ba ra, kiandil mina gul ni paskan 7 kaikri. 13Baha kiandil bapaika nani 7 ba lilapas diara kum kum kaikri;#Dn 7.13. mawan ba upla mawan talia kan, witin kwala kum dimi kan ba yari ai mina kat kan, bara gul ni ai maisa wila kum bri ban ba ai lama dusa kat kan.#Dn 10.5. 14Ai tâwa nani ba pihni kan, sim sîp tâwa pihni ba baku, bara sno pinhka baku,#Dn 7.9. bara ai nakra nani ba lika pauta lakni klauhi ba baku kan. 15Ai mina nani ba ingwi kan bras slilki lipni pali daukan ba baku;#Dn 10.6. bara ai bîla baikra ba lika karna kan, sim lî aubra binka baku.#Isi 1.24; 43.2. 16Ai mihta aihkika ra slilma 7 bri kan, bara ai bîla ba sord napa wâl mala ba baku kan. Ai mawan ba lika ingni kan sim wan yu lapta ai karnika aiska ni ingwi ba baku.
17Yang bui witin ba kaikri ba ra, ai mina kat pruan baku kauhri. Sakuna witin mita ai mihta aihkika ba purira kahbi, ai win: “Si bripara; yang sika tâ bara lâs.#Ais 41.4; 44.6-8; 48.12; Par M 1.8; 2.8; 22.13. 18Yang sika raya sna. Âu, yang pruri kata, sakuna nanara lika ban kaia ra raya sna. Prura king aimaki tasbaya kîka ba brisna. 19Bamna, dîa kaikram ba sut uls, dîa dîa nanara bâra ba bara naika ra takaia ba sin. 20Bara naha sika slilma 7 mihti aihkika ra kaikram ba bara kiandil mina sin 7 gul ni paskan kaikram dahra yukukan ba: slilma 7 ba lika serts 7 ba insalka nani sa, bara kiandil mina 7 ba lika sertska 7 ba.
Currently Selected:
Param Marikanka 1: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua