Nahum 1
1
Gâd kupia baiwanka ni pana muni ba
1Nahum, Elcós tawanka wina ba, Gâd bui witin ra param taki dahra aisanka wauhkataya yan ba. Naha bîla nani sika Ninibi tawanka ra aisaia blikan ba:#Ais 10.5-34; 14.24-27; Sof 2.13-15.
2Dawan ba tâwan lalawra Gâdka sa,#Imp St 20.5-6; Kli S 4.24.
bara sin pana mamunra sa;
ai lâka mapara nani ra, witin pana saura munisa.
Bamna ai waihla nani mapara ai kupia sauhkisa.
3Dawan ba piua wihka ai kupia alki takaski brisa,
sakuna witin karnika tara brisa,
bamna pâtkira ba lika witin klala yabras ni ban swibia apia.
Dawan ba skwal pura bâk wapisa;
bara kasbrika pihni nani ba,
witin ai mina auhika pukpukika nani sa.
4Kabu ra lawi dauki aisi ba ra,
laya ba mahka lâwisa,
awala nani ba sut sin yan lâwisa.
Basán tasbaya tnaya nani ba
bara Carmelo ilka ba srawisa;
bara Líbano ra dus tangnika nani sin sut srawisa.
5Il tara ba, Dawan mawanra tatatwisa;
il sirpi nani ai kainara ba sin mahka slilwisa.#Law 97.5; Miq 1.4.
Witin ra kaikuya ba ra tasba aiska ba tatatwisa,
tasba aiska bara bilara diara nani bâra ba sin.
6¿Witin ai kupia baiki lawi ba mapara
ya sip sa ki bapi buaia?
Ai kupia baikuya laptika ba,
pauta klauhan baku laiwisa,
bamna walpa tara nani ba baiwi lilak wal taki,
witin ai mawanra, walpa tara nani ba lilak pîs wâl ra baiwisa.
7Dawan ba yamni sa;
pât bri uplika nani yukuwaika watla kum sa;
witin ra luki uplika nani ba kan kahbisa.
8Sakuna, witin ai mapara nani ra,
lisamra tara suni diara sut aubi brih wi ba baku sauhki tikisa.
Ai waihla nani ra tihmu tara ba mita bliki alkan kabia.
9¿Man nani, Dawan mapara buaia wisi,
dîa lâka aisi paskisma?
¡Witin bui man nani sut ra âpu mai daukbia!
¡Upla kumi sin âpu sa ai mapara aima wâl buaia!
10Witin nani ba,
kiaya dusa nani sisitni pâwan baku,
bara sin twi lâwan baku sin aiska pali ambia.
11Ninibi, man wina sika Dawan mapara
saura aisasara ba bal takan;
sins tânka saura nani mariki uplika ba.
12Baha mita, Dawan bui ai uplika nani ra naku aisin:
“Asiria uplika nani ba ailal,
karnika tara pali bri kabia sin,
sauhki tikan kabia bara lui wabia.
Sakuna kau maikrika pât wahwi kama apia.
13Wirhika tara puramra kahban ba,
puram wina saki kriki yuya baman daukamna,
awa nani ni mai wilkan ba sin dakbamna.”
14Ninibi kingka,
man dukiamra Dawan naku daukaia aisin:
“Man kiamkam wala nani, tasba ra raya swin kabia apia
ninam ba brih waia;
gâdkam tempelka watla sut sauhki tikamna,
aidul nani ba bara dawankam lilka bahki nani ba tilara mai bikamna,
kan man ra saura mai kulkan ba mita.”
Ninibi sauhki tikaia ba maisa pakanka
15 #Naha borska nani 1.15—2.13 na bors. wala 2.1-14 ra kli baku ulban sa, baku Hibru nani ulbanka baku sa. ¡Kaiks! ¡Il nani pura bâk pat aula sa,
kupia kumi takaia sturka ba brih aula uplika ba!
Juda, liliakam dauks,
man pramiskam nani ba alki dauks.
Upla saurakira nani ba,
kli aima wala ra sin mai kutbi alkbia apia;
witin nani ba aiska pali sauhki tikan sa.#Ais 52.7.
Currently Selected:
Nahum 1: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua