Sofonías 2
2
1Upla swirkas nani,
man nani aidrubi asla taks,
2rais kapan taya baku
puhbi saki#Law 1.4; Jir 13.24; Os 13.3. kau lap mai tikras ba ra;
Dawan lawanka lapta pali ba
man nani puramra kau balras ba ra,
Dawan lawanka yua man nani ra mai alkras ba ra.
3Bawikira nani sut tasba aiska ra,
Dawan lâka bîla wali dauki nani sma ba,
man nani sut Dawan ra pliks.
Bawikira lâka ra, wapni lâka ra diara nani dauks,
baku kra yukuwaika sâkma,
Dawan lawanka yua ra.#Ais 55.6-7; Jl 2.12-14.
Israel lamara iwi nani ba klala bribia
4Gaza tawanka tara ba âpu daukbia,
Ascalón sin sauhki tikan kabia,
Asdod ra iwi uplika nani ba sin
baha yua pali kangbi sakan kabia,
bara Ecrón uplika nani lika,
pliska wina sakan kabia.
5¡Creta uplika nani,
kabu un ra iwi banhwisma ba,
sarkam pali ai daukisa!
Gâd bui man nani mai sauhki tikaia dukiara pat aisin sa:
“¡Kenan, filisteo nani kuntrika,#Ais 14.29-31; Jir 47.1-7; Isi 25.15-17; Jl 3.4-8; Em 1.6-8; Sak 9.5-7.
bâra iwi banhwisma ba sut
mai sauhki âpu mai tikaisna!
6Baha kuntrika aiska,
kabu un ra ba twi tasbaya takbia,
bara bahara sepad nani asla taki,
ai sîpka nani klarka paski bâra kabia.”
7Juda uplika nani baha yua pâtka ra pruras
swak takan kabia nani ba,
Dawan ai Gâdka,
witin nani tâwan aimaki balbia
bara ai kuntrika ba bribia,
bara piua yamni ra witin nani dimbia.
Bara bahara ai daiwra daknika nani ba kaiki
tihmia ra Ascalón watla nani ra dimi yapi kabia.
8-9Karnika sut alki bri Dawanka, Israel Gâdka ba, naku aisisa:
“Moab uplika nani mita
upla nani swira dauki kan ba walri.#Ais 15-16; 25.10-12; Jir 48; Isi 25.8-11; Em 1.13-15.
Amón uplika nani mita sin saura muni kan ba kaiki,#Jir 49.1-6; Isi 21.28-32; 25.1-7; Em 1.13-15.
witin nani upliki nani ra swira daukan,
upliki nani tasbaya ra iwi,
witin nani tara takan.
Yang raya ban sna bamna swer taki aisisna:
Sodoma uplika ra dîa takan ba baku,
Moab ra takaia,
Amón uplika nani ra sin,
Gomora ra dîa takan ba baku takbia.#Bla St 19-24.
Kiaya nani pâwaika langnika
bara sâl sakaia tasbaya sin takbia;
plis kum ban kaia ra yakan takaskaia ba.
Upliki nani pruras swak takan kabia nani ba,
bal dukia nani ba brih, bâra ai tasbaya ra iwbia.”
10Moab bara Amón wal sika naha ai mana bribia,
Dawan uplika nani ra swira daukan bamna,
bara Dawan uplika hilpka wal tara takan bamna,
Dawan karnika aiska bri ba.
11Dawan ai lawanka ba
witin nani ra marikbia.
Ai tasbaya aiska ra gâd bahki nani bri ba sut slingbi tikbia,
bara tasba bani ra, kî nani ra iwi uplika nani ba sin sut,
Dawan ra baman mayunbia.
12¡Etiopía uplika, man nani sin,#Ais 18.1-7.
Dawan sordka ra pruma!
13Witin ai mihta yahbra tani mapara sakban kabia,
Asiria sauhki tikaia,#Ais 10.5-34; 14.24-27; Nah 1-3.
Ninibi tawanka ba sin âpu daukan kabia,
tasba lâwan upla iwras baku daukbia.
14Watla nani sut daiki tikan kabia,
bara baha watlika ra,
sîp daknika nani bahara dimbia,
daiwan wail nani sâtka sut sin.
Watla slingwanka ra,
iskri nani, sikiski nani dimi yapi kabia,
katauhkatauh nani sin windarka dusa ra uli katauhki kabia.
15Baha tawanka sika aimayunan lâka ni pura luan sa,
kan witin nani baman sa luki kan.
Naha tasba ra, witin nani ai tasbaya uplika nani baku
upla wala âpu sa luki kan.
¡Nahki upla âpu yakan pali swin ba,
daiwan wail nani watla takan ba!
Ansa piua ra witin lamak lui wabia
ba ra, wasbi bara saura kulkan lâka wal ailal mariki kabia.
Currently Selected:
Sofonías 2: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
Sofonías 2
2
1Upla swirkas nani,
man nani aidrubi asla taks,
2rais kapan taya baku
puhbi saki#Law 1.4; Jir 13.24; Os 13.3. kau lap mai tikras ba ra;
Dawan lawanka lapta pali ba
man nani puramra kau balras ba ra,
Dawan lawanka yua man nani ra mai alkras ba ra.
3Bawikira nani sut tasba aiska ra,
Dawan lâka bîla wali dauki nani sma ba,
man nani sut Dawan ra pliks.
Bawikira lâka ra, wapni lâka ra diara nani dauks,
baku kra yukuwaika sâkma,
Dawan lawanka yua ra.#Ais 55.6-7; Jl 2.12-14.
Israel lamara iwi nani ba klala bribia
4Gaza tawanka tara ba âpu daukbia,
Ascalón sin sauhki tikan kabia,
Asdod ra iwi uplika nani ba sin
baha yua pali kangbi sakan kabia,
bara Ecrón uplika nani lika,
pliska wina sakan kabia.
5¡Creta uplika nani,
kabu un ra iwi banhwisma ba,
sarkam pali ai daukisa!
Gâd bui man nani mai sauhki tikaia dukiara pat aisin sa:
“¡Kenan, filisteo nani kuntrika,#Ais 14.29-31; Jir 47.1-7; Isi 25.15-17; Jl 3.4-8; Em 1.6-8; Sak 9.5-7.
bâra iwi banhwisma ba sut
mai sauhki âpu mai tikaisna!
6Baha kuntrika aiska,
kabu un ra ba twi tasbaya takbia,
bara bahara sepad nani asla taki,
ai sîpka nani klarka paski bâra kabia.”
7Juda uplika nani baha yua pâtka ra pruras
swak takan kabia nani ba,
Dawan ai Gâdka,
witin nani tâwan aimaki balbia
bara ai kuntrika ba bribia,
bara piua yamni ra witin nani dimbia.
Bara bahara ai daiwra daknika nani ba kaiki
tihmia ra Ascalón watla nani ra dimi yapi kabia.
8-9Karnika sut alki bri Dawanka, Israel Gâdka ba, naku aisisa:
“Moab uplika nani mita
upla nani swira dauki kan ba walri.#Ais 15-16; 25.10-12; Jir 48; Isi 25.8-11; Em 1.13-15.
Amón uplika nani mita sin saura muni kan ba kaiki,#Jir 49.1-6; Isi 21.28-32; 25.1-7; Em 1.13-15.
witin nani upliki nani ra swira daukan,
upliki nani tasbaya ra iwi,
witin nani tara takan.
Yang raya ban sna bamna swer taki aisisna:
Sodoma uplika ra dîa takan ba baku,
Moab ra takaia,
Amón uplika nani ra sin,
Gomora ra dîa takan ba baku takbia.#Bla St 19-24.
Kiaya nani pâwaika langnika
bara sâl sakaia tasbaya sin takbia;
plis kum ban kaia ra yakan takaskaia ba.
Upliki nani pruras swak takan kabia nani ba,
bal dukia nani ba brih, bâra ai tasbaya ra iwbia.”
10Moab bara Amón wal sika naha ai mana bribia,
Dawan uplika nani ra swira daukan bamna,
bara Dawan uplika hilpka wal tara takan bamna,
Dawan karnika aiska bri ba.
11Dawan ai lawanka ba
witin nani ra marikbia.
Ai tasbaya aiska ra gâd bahki nani bri ba sut slingbi tikbia,
bara tasba bani ra, kî nani ra iwi uplika nani ba sin sut,
Dawan ra baman mayunbia.
12¡Etiopía uplika, man nani sin,#Ais 18.1-7.
Dawan sordka ra pruma!
13Witin ai mihta yahbra tani mapara sakban kabia,
Asiria sauhki tikaia,#Ais 10.5-34; 14.24-27; Nah 1-3.
Ninibi tawanka ba sin âpu daukan kabia,
tasba lâwan upla iwras baku daukbia.
14Watla nani sut daiki tikan kabia,
bara baha watlika ra,
sîp daknika nani bahara dimbia,
daiwan wail nani sâtka sut sin.
Watla slingwanka ra,
iskri nani, sikiski nani dimi yapi kabia,
katauhkatauh nani sin windarka dusa ra uli katauhki kabia.
15Baha tawanka sika aimayunan lâka ni pura luan sa,
kan witin nani baman sa luki kan.
Naha tasba ra, witin nani ai tasbaya uplika nani baku
upla wala âpu sa luki kan.
¡Nahki upla âpu yakan pali swin ba,
daiwan wail nani watla takan ba!
Ansa piua ra witin lamak lui wabia
ba ra, wasbi bara saura kulkan lâka wal ailal mariki kabia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua