Sakaraya 2
2
Diara kulki kaikaia kiwka lilka aihka kaikan ba
1Diara aihka wala kum lilka kaikri. Waitna kum ai mihta ra diara kulki kaikaia kiwka bri ba, yang ra mairikan kan. 2Witin ra naku makabi walri: “¿Man anira auma?” Bara ai win: “Jerusalem tawanka kulki kaikaia auya, baha yarika, bîla yahpika wal nahki sapa kaikaia.”#Isi 40.3-4; Par M 11.1; 21.15-17.
3Baha wina kaikri, insal yang wal aisi kata ba wal prawaia insal wala kum bal takan, 4bara witin ra naku aisin: “Plaps, kulki kaikaia kiwka brih auya wahmika ra wis: ‘Jerusalem ra upla nani kli wih iwaia sa, bara upla ailal, daiwan sin ailal pali bahara kabia bamna, tawan ba walpa kutbanka nani bilara kabia apia. 5Ban sakuna, Dawan naku wisa: Yang, Jerusalem kir pauta klauhi kutbanka kum baku kamna, bara tawanka bilara praina tara ba latan marikamna.’ ”#Ais 4.5; Isi 43.4-5; Par M 21.3,23.
Dawan bui ai uplika nani ba swaki sâkbia
6Dawan kasak aisisa: “Yang mita sika tasba tâ walhwal kat mai kangbri waram, kuna nanara mai wisni: ¡Yahbra tasbaya wina mahka plapi taks! 7¡Man nani Babilon ra iwisma ba, mahka Saion ra plapi bal! Yang, Dawan, kasak aisisna.”
8-9Karnika sut alki bri Dawanka ba, baha uplika nani mai alki mai brih wan ba mapara, naha bîla aisaia ai blikan: “Ya ya yang upliki nani ra pruki ba, yang naikra yula ra pruki baku sa. Baha tâwan, yang uplika nani ba mapara aiklabamna, bara ai albika nani ba bui witin nani ra kli tawi alki brih wabia.” Baku dauki ba natka ra, karnika sut alki bri ba Dawanka ai prana tara ba marikbia, baku sin man nani tânka brima, Dawan bui ai blikan ba.
10Dawan kasak aisisa: “¡Liliakira aiwans, Jerusalem uplika nani, kan yang lika man nani tilamra iwaia aulna!” 11Baku takbia ba ra, upla kiamka ailal Dawan wal asla takbia. Bara Dawan naku wibia: “Baha uplika kiamka nani sin, yang upliki nani kabia, bara yang lika man nani tilamra iwi kamna.” Baku man nani sin tânka brima, karnika sut bri Dawanka ba mita ai blikan ba. 12Dawan sika witin bâk sakan tasbaya ra, Juda uplika nani ba kli ai uplika aihwa nani baku bribia, bara Jerusalem ba bâk sakan tawanka baku kli kulkbia.
13¡Yarka upla nani sut Dawan mawanra sâp pali kabia, kan witin iwi yaba watla holikira ba wina yawan ra aula sa!#Ab 2.20; Sof 1.7.
Currently Selected:
Sakaraya 2: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
Sakaraya 2
2
Diara kulki kaikaia kiwka lilka aihka kaikan ba
1Diara aihka wala kum lilka kaikri. Waitna kum ai mihta ra diara kulki kaikaia kiwka bri ba, yang ra mairikan kan. 2Witin ra naku makabi walri: “¿Man anira auma?” Bara ai win: “Jerusalem tawanka kulki kaikaia auya, baha yarika, bîla yahpika wal nahki sapa kaikaia.”#Isi 40.3-4; Par M 11.1; 21.15-17.
3Baha wina kaikri, insal yang wal aisi kata ba wal prawaia insal wala kum bal takan, 4bara witin ra naku aisin: “Plaps, kulki kaikaia kiwka brih auya wahmika ra wis: ‘Jerusalem ra upla nani kli wih iwaia sa, bara upla ailal, daiwan sin ailal pali bahara kabia bamna, tawan ba walpa kutbanka nani bilara kabia apia. 5Ban sakuna, Dawan naku wisa: Yang, Jerusalem kir pauta klauhi kutbanka kum baku kamna, bara tawanka bilara praina tara ba latan marikamna.’ ”#Ais 4.5; Isi 43.4-5; Par M 21.3,23.
Dawan bui ai uplika nani ba swaki sâkbia
6Dawan kasak aisisa: “Yang mita sika tasba tâ walhwal kat mai kangbri waram, kuna nanara mai wisni: ¡Yahbra tasbaya wina mahka plapi taks! 7¡Man nani Babilon ra iwisma ba, mahka Saion ra plapi bal! Yang, Dawan, kasak aisisna.”
8-9Karnika sut alki bri Dawanka ba, baha uplika nani mai alki mai brih wan ba mapara, naha bîla aisaia ai blikan: “Ya ya yang upliki nani ra pruki ba, yang naikra yula ra pruki baku sa. Baha tâwan, yang uplika nani ba mapara aiklabamna, bara ai albika nani ba bui witin nani ra kli tawi alki brih wabia.” Baku dauki ba natka ra, karnika sut alki bri ba Dawanka ai prana tara ba marikbia, baku sin man nani tânka brima, Dawan bui ai blikan ba.
10Dawan kasak aisisa: “¡Liliakira aiwans, Jerusalem uplika nani, kan yang lika man nani tilamra iwaia aulna!” 11Baku takbia ba ra, upla kiamka ailal Dawan wal asla takbia. Bara Dawan naku wibia: “Baha uplika kiamka nani sin, yang upliki nani kabia, bara yang lika man nani tilamra iwi kamna.” Baku man nani sin tânka brima, karnika sut bri Dawanka ba mita ai blikan ba. 12Dawan sika witin bâk sakan tasbaya ra, Juda uplika nani ba kli ai uplika aihwa nani baku bribia, bara Jerusalem ba bâk sakan tawanka baku kli kulkbia.
13¡Yarka upla nani sut Dawan mawanra sâp pali kabia, kan witin iwi yaba watla holikira ba wina yawan ra aula sa!#Ab 2.20; Sof 1.7.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua