Esdras 10
10
Mairin nani Israel uplika apia kan ba kangbi sakan
1Esdras Gâd tempelka ra dimi aisi ai pura suni ai dahra saki kan ba ra, ai lula kriki ai mawan ra kauhi ini, baha dauki kan ba ra Israel luhpia nani dakni kum taki, ai lamara wan: waitna, mairin bara tuktan nani, baha nani sin ai kupia wirha pali ini banhwi kata. 2Bamna Secanías, Jehiel luhpia waitna, Elam kiamka tila wina ba bal, naku Esdras ra win: “Yang nani wan Gâd mapara ai lâka ba saura pali dauki banhri, mairin nani nisan wala tasbaya wina kan ba, yang nani mayi bri banhri bamna; ban sakuna, Israel ra kau bîla kaikanka lâka bâra sa. 3Bamna kaiks, nanara yang nani pramis takaisna, man wan smalkisma baku wala nani sin Gâd lâka kulki ba baku, yang nani daukaisna: wan mairka nani ba sut pliska ra bliki banhwaisna, ai luhpia nani sin, bara lâ ulbanka ba aimakbia, man bara wala nani brinkam ba kat. 4Bamna man bus, kan naha warkka sika man daukaia sma, yang nani lika man tâm baikamna. Mahka mihtam wark ra mangks, bara warkka na alki dauks.”
5Bamna Esdras lika ai mina ra bûi, prîs bara Libait nani ra, baku sin Israel uplika nani sut ra sin win ai pramiska ba daukbia sapa, bara witin nani ai pramiska daukaia âu takan. 6Bara Esdras, Gâd tempelka ba wina bûi taki wan bara Eliasib luhpia waitna, Johanán yapaika ra wan, bahara witin plun piras bara lî sin diras ban lalawata, kan ai kupia kriwanka ba kau ban kan baha nani alba wina balan nani saura daukan ba ra luki.
7Ningkara winanka kum daukan Juda bara Jerusalem ra upla sut ra alba lâka ra kan kli balan uplika nani ba sut, Jerusalem ra asla takbia dukiara. 8Tawan tâ bri bara lâ smalki uplika nani lâ daukan ba baku lâ daukbia: yu yumhpa bilara asla takras uplika nani ba, ai tasbaya bri raitka ba lus tiwbia, baha purkara sin alba lâka wina kli balan uplika nani ba, kangbi sakan kabia. 9Bahamna Juda wina waitna nani ba sut, Benjamín wina sin sut aidrubi asla takan Jerusalem ra lapta yua 20, kati 9 alkan bilka ra, wibia kaka, yu yumhpa ra upla nani ba asla takan. Bara baku, witin nani sut Gâd watla latka ra asla iwi banhwan, baha pâtka ba dukiara luki banhwi kan, baha purkara lî sin auhi kan ba tâka mita witin nani tatatwi banhwi kan. 10Bara prîs Esdras witin nani mawanra buan bara win:
—Man nani saura daukram, Israel mairka briras mairin tringsar mayam bri banhram ba mita, baku Israel pâtka ba kau tara daukisma. 11Baku bamna, man nani nanara aisikam nani Dawanka bara Gâdka ba mawanra pâtkira banhwisma ba damra wals, baku bamna Dawan lâka ba alki dauks, idan uplika nani lâka ba wina dakwi taks, baha purkara tringsar mairin nani ba wina sin.
12Bara upla sut bui wini aisi, win:
—Man dîa aisaram ba kat yang nani daukamna. 13Sakuna yang nani nâra upla ailal sna, baha purkara sin uba lî auhisa, bara baku sip apia yang nani nâra yabal ra bûi kaia, lâka na sin yu kumi, yu wâl daukaia lâka apia sa, kan yang nani ailal baha saurka daukri sa bamna. 14Kanra yamni kabia naku daukaia: yang nani waitlika ra wan tawanka wihta nani ba nâra takaskbia, bara baha waitnika nani tringsar mairin brin nani ba, witin nani ra yua kum yabia baha yua ba witin nani balbia, witin nani tâ brabrira nani ba bara wihta nani ba aikuki, ani yua yawan wan Gâd ai lawanka tara ba yawan wina tnaya ra lakbia ba kat.
15-16Bara upla wala nani sut alba kan wina balan nani ba, baha aisinka ba pain walan baku daukaia, sakuna Janatan, Asael luhpia waitna ba, wala Jahazías, Ticvá luhpia waitna wal baman, baha aisanka ba mapara kan, Mesulam bara Sabtai Libait nani ba baha nani bui sin witin nani ra tâ baikan. Bara alba lâka ra brih wan kli balan nani ba aitani lukan, bara prîs Esdras bal tila wihta nani, witin nani ai kiamka tila wina bâk sakan, baha lâka daukaia bara baha nani ba mahka lâka ba tânka laki kaikan, kati 10 yua pas aimakan ba wina. 17Bara kati pas mani tâura katka ba yua pas ba kat, kati yumhpa, witin nani baha waitnika nani tringsar mairin nani brin ba lâka ba aisi danh takan.
18Naha prîska nani na sika tringsar mairin nani ba ai maya brin ba:
Jasua kiamka nani ba wina, Josadac luhpia waitna ba, ai taya nani tila wina: Maaseías, Eliézer, Jarib bara Guedalías, 19witin nani sut wilin takan ai maya nani ba swiaia bara witin nani sîp wainhka kum, lâ krikan daukan ba mana prisantka yaban.
20Imer kiamka tila wina: Hananí bara Zebadías.
21Harim kiamka tila wina: Maaseías, Ilayas, Semaías, Jehiel bara Ozías.
22Pashur kiamka tila wina: Elioenai, Maaseías, Ismael, Natanael, Jozabad bara Elasá.
23Libai kiamka tila wina: Jozabad, Simí, Quelaías (naha tânka sika Quelitá), Petahías, Juda bara Eliézer.
24Aiwawanra nani ba tila wina: Eliasib.
Bara dur aihwawakra nani ba tila wina: Salum, Télem bara Urí.
25Baku sin, Israel uplika wala nani sin baku daukan ba naha nani kata:
Parós kiamka wina: Ramías, Jezías, Malquías, Mijamín, Eleazar, Malquías bara Benaías.
26Elam kiamka tila wina: Matanías, Sakaraya, Jehiel, Abdí, Jeremot bara Ilayas.
27Zatú kiamka tila wina: Elioenai, Eliasib, Matanías, Jeremot, Zabad bara Azizá.
28Bebai kiamka tila wina: Johanán, Hananías, Zabai bara Atlai.
29Baní kiamka ba tila wina: Mesulam, Maluc, Adaías, Jasub, Seal bara Ramot.
30Pahat-moab kiamka tila wina: Adná, Quelal, Benaías, Maaseías, Matanías, Besalel, Binuy bara Manasés.
31Harim kiamka tila wina: Eliézer, Isías, Malquías, Semaías, Simian, 32Benjamín, Maluc bara Semarías.
33Hasum kiamka tila wina: Matenai, Matatá, Zabad, Elifélet, Jirimaya, Manasés bara Simí.
34Baní kiamka tila wina: Madai, Amram, Uel, 35Benaías, Bedías, Queluhu, 36Vanías, Meremot, Eliasib, 37Matanías, Matenai bara Jaasai.
38Binuy kiamka tila wina: Simí, 39Selemías, Natán, Adaías, 40Macnadbai, Sasai, Sarai, 41Azarel, Selemías, Semarías, 42Salum, Amarías bara Josep.
43Nebo kiamka tila wina: Jeiel, Matatías, Zabad, Zebiná, Jadau, Joel bara Benaías.
44Naha uplika nani sut sika tringsar mairin nani ba ai maya bri banhwi kan ba, sakuna witin nani ba mahka ai tawanka ra blikan wan, bara ai luhpia nani sin.
Currently Selected:
Esdras 10: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
Esdras 10
10
Mairin nani Israel uplika apia kan ba kangbi sakan
1Esdras Gâd tempelka ra dimi aisi ai pura suni ai dahra saki kan ba ra, ai lula kriki ai mawan ra kauhi ini, baha dauki kan ba ra Israel luhpia nani dakni kum taki, ai lamara wan: waitna, mairin bara tuktan nani, baha nani sin ai kupia wirha pali ini banhwi kata. 2Bamna Secanías, Jehiel luhpia waitna, Elam kiamka tila wina ba bal, naku Esdras ra win: “Yang nani wan Gâd mapara ai lâka ba saura pali dauki banhri, mairin nani nisan wala tasbaya wina kan ba, yang nani mayi bri banhri bamna; ban sakuna, Israel ra kau bîla kaikanka lâka bâra sa. 3Bamna kaiks, nanara yang nani pramis takaisna, man wan smalkisma baku wala nani sin Gâd lâka kulki ba baku, yang nani daukaisna: wan mairka nani ba sut pliska ra bliki banhwaisna, ai luhpia nani sin, bara lâ ulbanka ba aimakbia, man bara wala nani brinkam ba kat. 4Bamna man bus, kan naha warkka sika man daukaia sma, yang nani lika man tâm baikamna. Mahka mihtam wark ra mangks, bara warkka na alki dauks.”
5Bamna Esdras lika ai mina ra bûi, prîs bara Libait nani ra, baku sin Israel uplika nani sut ra sin win ai pramiska ba daukbia sapa, bara witin nani ai pramiska daukaia âu takan. 6Bara Esdras, Gâd tempelka ba wina bûi taki wan bara Eliasib luhpia waitna, Johanán yapaika ra wan, bahara witin plun piras bara lî sin diras ban lalawata, kan ai kupia kriwanka ba kau ban kan baha nani alba wina balan nani saura daukan ba ra luki.
7Ningkara winanka kum daukan Juda bara Jerusalem ra upla sut ra alba lâka ra kan kli balan uplika nani ba sut, Jerusalem ra asla takbia dukiara. 8Tawan tâ bri bara lâ smalki uplika nani lâ daukan ba baku lâ daukbia: yu yumhpa bilara asla takras uplika nani ba, ai tasbaya bri raitka ba lus tiwbia, baha purkara sin alba lâka wina kli balan uplika nani ba, kangbi sakan kabia. 9Bahamna Juda wina waitna nani ba sut, Benjamín wina sin sut aidrubi asla takan Jerusalem ra lapta yua 20, kati 9 alkan bilka ra, wibia kaka, yu yumhpa ra upla nani ba asla takan. Bara baku, witin nani sut Gâd watla latka ra asla iwi banhwan, baha pâtka ba dukiara luki banhwi kan, baha purkara lî sin auhi kan ba tâka mita witin nani tatatwi banhwi kan. 10Bara prîs Esdras witin nani mawanra buan bara win:
—Man nani saura daukram, Israel mairka briras mairin tringsar mayam bri banhram ba mita, baku Israel pâtka ba kau tara daukisma. 11Baku bamna, man nani nanara aisikam nani Dawanka bara Gâdka ba mawanra pâtkira banhwisma ba damra wals, baku bamna Dawan lâka ba alki dauks, idan uplika nani lâka ba wina dakwi taks, baha purkara tringsar mairin nani ba wina sin.
12Bara upla sut bui wini aisi, win:
—Man dîa aisaram ba kat yang nani daukamna. 13Sakuna yang nani nâra upla ailal sna, baha purkara sin uba lî auhisa, bara baku sip apia yang nani nâra yabal ra bûi kaia, lâka na sin yu kumi, yu wâl daukaia lâka apia sa, kan yang nani ailal baha saurka daukri sa bamna. 14Kanra yamni kabia naku daukaia: yang nani waitlika ra wan tawanka wihta nani ba nâra takaskbia, bara baha waitnika nani tringsar mairin brin nani ba, witin nani ra yua kum yabia baha yua ba witin nani balbia, witin nani tâ brabrira nani ba bara wihta nani ba aikuki, ani yua yawan wan Gâd ai lawanka tara ba yawan wina tnaya ra lakbia ba kat.
15-16Bara upla wala nani sut alba kan wina balan nani ba, baha aisinka ba pain walan baku daukaia, sakuna Janatan, Asael luhpia waitna ba, wala Jahazías, Ticvá luhpia waitna wal baman, baha aisanka ba mapara kan, Mesulam bara Sabtai Libait nani ba baha nani bui sin witin nani ra tâ baikan. Bara alba lâka ra brih wan kli balan nani ba aitani lukan, bara prîs Esdras bal tila wihta nani, witin nani ai kiamka tila wina bâk sakan, baha lâka daukaia bara baha nani ba mahka lâka ba tânka laki kaikan, kati 10 yua pas aimakan ba wina. 17Bara kati pas mani tâura katka ba yua pas ba kat, kati yumhpa, witin nani baha waitnika nani tringsar mairin nani brin ba lâka ba aisi danh takan.
18Naha prîska nani na sika tringsar mairin nani ba ai maya brin ba:
Jasua kiamka nani ba wina, Josadac luhpia waitna ba, ai taya nani tila wina: Maaseías, Eliézer, Jarib bara Guedalías, 19witin nani sut wilin takan ai maya nani ba swiaia bara witin nani sîp wainhka kum, lâ krikan daukan ba mana prisantka yaban.
20Imer kiamka tila wina: Hananí bara Zebadías.
21Harim kiamka tila wina: Maaseías, Ilayas, Semaías, Jehiel bara Ozías.
22Pashur kiamka tila wina: Elioenai, Maaseías, Ismael, Natanael, Jozabad bara Elasá.
23Libai kiamka tila wina: Jozabad, Simí, Quelaías (naha tânka sika Quelitá), Petahías, Juda bara Eliézer.
24Aiwawanra nani ba tila wina: Eliasib.
Bara dur aihwawakra nani ba tila wina: Salum, Télem bara Urí.
25Baku sin, Israel uplika wala nani sin baku daukan ba naha nani kata:
Parós kiamka wina: Ramías, Jezías, Malquías, Mijamín, Eleazar, Malquías bara Benaías.
26Elam kiamka tila wina: Matanías, Sakaraya, Jehiel, Abdí, Jeremot bara Ilayas.
27Zatú kiamka tila wina: Elioenai, Eliasib, Matanías, Jeremot, Zabad bara Azizá.
28Bebai kiamka tila wina: Johanán, Hananías, Zabai bara Atlai.
29Baní kiamka ba tila wina: Mesulam, Maluc, Adaías, Jasub, Seal bara Ramot.
30Pahat-moab kiamka tila wina: Adná, Quelal, Benaías, Maaseías, Matanías, Besalel, Binuy bara Manasés.
31Harim kiamka tila wina: Eliézer, Isías, Malquías, Semaías, Simian, 32Benjamín, Maluc bara Semarías.
33Hasum kiamka tila wina: Matenai, Matatá, Zabad, Elifélet, Jirimaya, Manasés bara Simí.
34Baní kiamka tila wina: Madai, Amram, Uel, 35Benaías, Bedías, Queluhu, 36Vanías, Meremot, Eliasib, 37Matanías, Matenai bara Jaasai.
38Binuy kiamka tila wina: Simí, 39Selemías, Natán, Adaías, 40Macnadbai, Sasai, Sarai, 41Azarel, Selemías, Semarías, 42Salum, Amarías bara Josep.
43Nebo kiamka tila wina: Jeiel, Matatías, Zabad, Zebiná, Jadau, Joel bara Benaías.
44Naha uplika nani sut sika tringsar mairin nani ba ai maya bri banhwi kan ba, sakuna witin nani ba mahka ai tawanka ra blikan wan, bara ai luhpia nani sin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua