Kli Smalkanka 3
3
Israel luhpia nani bui Og pura luan
(Kul K 21.31-35)
1“Baha ningkara, yang nani yabal wala alkri bara Basán ra wapri. Sakuna Og, baha kuntrika kingka ba, ai suliarka aikuki Edrei kat balan yawan wal aiklabaia.
2“Bamna Dawan bui ai win: ‘Witin sîa yapara, kan witin ai suliarka bara ai tasbaya aiska man nani mihtam ra mangkri sa, Sihón ra, amorreo nani kingka Hesbón ra iwi kan, witin nani ra dîa munram baku munma.’
3“Baku Dawan wan Gâd ba daukan, king Og ai suliarka aikuki wan mihta ra kauhaia ba, bara witin nani ba sut ikri, upla raya kumi sin swiras. 4Ba purkara 60 tawan tara nani pura lui dakbi briri. Tawanka nani kumi sin yang nani mihti wina swakras, Argob tasbaya aiska, king Og tasbaya aiska sin. 5Baha tawanka nani sut ba walpa ni kutbi sunan kan, get nani ayan kutbanka bilara apia kan nani ba kulkras. 6Baha nani sut âpu daukri, Sihón, Hesbón kingka, waitna nani, mairin nani, tuktan nani sut âpu daukri baku. 7Daiwan nani bara diara mana tara dukia nani baman yang nani waihli wina dakbi briri.
8“Baku kan bamna, baha piua amorreo nani kingka tasbaya wâl wan mihta ra mangkan, baha nani Jordan awala lalmika ra iwi kan, baha sika Arnón awala wina Hermón ilka ba kat. 9(Baha ilka nina ba Sidón uplika nani bui Sirión mâki kan, amorreo nani bui lika Senir mâki kan.) 10Baha tasbaya tawanka tara nani, langnika ba sut, Galaad, Basán bara Salcá bara Edrei kat, tawan tara nani sut king Og karnika munhtara kan ba Basán ra, wan mihta ra kauhan. 11(King Og baman sika, refaíta nani tila wina takaskan ba; krikrika ba ayan ni paskan, 6 pît bîla yahpika, yarika 14 pît, witin nani kulkanka praiska yawan baha kaikaia Amón tawanka, Rabá ra.)
Ruben, Gad bara Manasés kiamka nani ba Jordan lalma tani ra iwan
(Kul K 32.1-42)
12“Baha piua ra yawan dakbi brin tasbaya nani ba, Ruben bara Gad kiamka nani ra yabri, Aroer wina ban Arnón awala pura aiska, Galaad ilka bakriki bara tawanka tara nani ba sut. 13Galaad tasbaya tâka kau swin ba wina, Basán tasbaya aiska, king Og tasbaya kan ba, bara Argob tasbaya aiska, refaíta nani tasbaya kulki kan ba sut, Manasés kiamka bakriki ra yabri. 14(Jaír, Manasés kiamka wina ba, Argob tasbaya aiska ban Guesur tasbaya piarkika ba kat, baha wina Maacá tasbaya ba sin brin, bara tasbaya nina Basán mâkan ba watlika ra witin ai nina ni Havot-jaír mâkan. Naiwa kat baha nina ban baku mâkisa.) 15Maquir ra lika Galaad tasbaya ba yabri, 16bamna Ruben bara Gad kiamka nani ba lika tasbaya yabri, Galaad wina Arnón awala ba kat bilka ra, Jaboc awala lila ba wina tasbaya piarkika ba kulkisa, ban Amón uplika nani tasbaya piarkika wal prawaia ba kat. 17Baha tasbaya bilara, Arabá sin witin nani ra yabri, Jordan awala tasbaya piarkika baha wina, lalma tani ra Arabá kabuka kat, baha sika Kabu Pruan ba. Kli baha wina lalma tani ra, Pisgá ilka witnika ba kat.
18“Sakuna baha piua ra, yang bui man nani ra lâ naku mai smalki kapri: ‘Dawan Gâdkam naha tasbaya nani sut man dukiam briaia maikan sa. Israel luhpia nani, man nani tilam wina pat kupia karna takan, war aiklabaia sip nani ba, man nani kainamra blîkka wabia aiklabaia dukia nani bri, Jordan awala baila wala ra luaia. 19Bamna tawan nani yang yabri ba ra, mairin nani, tuktan nani, bîp nani baman takaskbia, yang nu sna man nani diara ailal brisma ba. 20Bara yang Dawan, muihkam nani ra yaras kapri, lamni lâka man nani ra maikri ba baku, witin nani sin ai pliska briras man nani tasbayam maikisna ba baku. Jordan awala baila wala wina, man nani sin sip kli tawi balma apia yang tasba maikri ba ra.’#Jas 1.12-15.
21“Jasua ra yang naha adarka yâri: ‘Man namkra pali ni kaikram baha kingka nani wal Dawan Gâdkam dîa daukan ba; bara man king nani tasbaya bâk lui waisma ba sut wal sin witin baku daukbia. 22Si bripara, kan Dawan Gâdkam ba man nani hilpkam ra aiklabia.’
Dawan bui Moses ra adar yaras Kenan ra dimaia
23“Baha minitka ra Dawan ra makabri: 24‘Dawan, man albikam na ra tânkam tara bara karnikam ba marikuma. Gâd wala âpu sa kasbrika purara bara tasba ra sin, man diara aihkakira nani daukisma ba daukaia. 25Mamkabisni adar aikma, Jordan awalka baila wala ra luaia, kan kaikan ai daukisa baha tasbaya painkira ba, baha il tasbaya pranakira ba, bara Líbano sin.’ 26Sakuna Dawan ba yang ra ai kupia sauhkan, man nani pâtkam dukiara. Bara âu ai wiras kan, yang makabri ba. Ban sakuna, ai win: ‘¡Ba kat aitani! Naha dukiara kau ai aisapara. 27Pisgá ilka pura ba ra uls, bara baha wina kaiks lalma ra, muna ra, yahbra ra waupasa ra, sakuna Jordan baila wala ra lika luma apia.#Kul K 27.1 2-14; Kli S 32.48-52. 28Jasua ra smalki, tâ baiks ai karnika bribia, kan witin sika upla nani kainara wabia, witin mita sika upla nani ra baha kuntrika ba yabia, man baha pliska kaikisma ba.’
29“Bara Bet-peor langnika ra takaski banhri.
Currently Selected:
Kli Smalkanka 3: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
Kli Smalkanka 3
3
Israel luhpia nani bui Og pura luan
(Kul K 21.31-35)
1“Baha ningkara, yang nani yabal wala alkri bara Basán ra wapri. Sakuna Og, baha kuntrika kingka ba, ai suliarka aikuki Edrei kat balan yawan wal aiklabaia.
2“Bamna Dawan bui ai win: ‘Witin sîa yapara, kan witin ai suliarka bara ai tasbaya aiska man nani mihtam ra mangkri sa, Sihón ra, amorreo nani kingka Hesbón ra iwi kan, witin nani ra dîa munram baku munma.’
3“Baku Dawan wan Gâd ba daukan, king Og ai suliarka aikuki wan mihta ra kauhaia ba, bara witin nani ba sut ikri, upla raya kumi sin swiras. 4Ba purkara 60 tawan tara nani pura lui dakbi briri. Tawanka nani kumi sin yang nani mihti wina swakras, Argob tasbaya aiska, king Og tasbaya aiska sin. 5Baha tawanka nani sut ba walpa ni kutbi sunan kan, get nani ayan kutbanka bilara apia kan nani ba kulkras. 6Baha nani sut âpu daukri, Sihón, Hesbón kingka, waitna nani, mairin nani, tuktan nani sut âpu daukri baku. 7Daiwan nani bara diara mana tara dukia nani baman yang nani waihli wina dakbi briri.
8“Baku kan bamna, baha piua amorreo nani kingka tasbaya wâl wan mihta ra mangkan, baha nani Jordan awala lalmika ra iwi kan, baha sika Arnón awala wina Hermón ilka ba kat. 9(Baha ilka nina ba Sidón uplika nani bui Sirión mâki kan, amorreo nani bui lika Senir mâki kan.) 10Baha tasbaya tawanka tara nani, langnika ba sut, Galaad, Basán bara Salcá bara Edrei kat, tawan tara nani sut king Og karnika munhtara kan ba Basán ra, wan mihta ra kauhan. 11(King Og baman sika, refaíta nani tila wina takaskan ba; krikrika ba ayan ni paskan, 6 pît bîla yahpika, yarika 14 pît, witin nani kulkanka praiska yawan baha kaikaia Amón tawanka, Rabá ra.)
Ruben, Gad bara Manasés kiamka nani ba Jordan lalma tani ra iwan
(Kul K 32.1-42)
12“Baha piua ra yawan dakbi brin tasbaya nani ba, Ruben bara Gad kiamka nani ra yabri, Aroer wina ban Arnón awala pura aiska, Galaad ilka bakriki bara tawanka tara nani ba sut. 13Galaad tasbaya tâka kau swin ba wina, Basán tasbaya aiska, king Og tasbaya kan ba, bara Argob tasbaya aiska, refaíta nani tasbaya kulki kan ba sut, Manasés kiamka bakriki ra yabri. 14(Jaír, Manasés kiamka wina ba, Argob tasbaya aiska ban Guesur tasbaya piarkika ba kat, baha wina Maacá tasbaya ba sin brin, bara tasbaya nina Basán mâkan ba watlika ra witin ai nina ni Havot-jaír mâkan. Naiwa kat baha nina ban baku mâkisa.) 15Maquir ra lika Galaad tasbaya ba yabri, 16bamna Ruben bara Gad kiamka nani ba lika tasbaya yabri, Galaad wina Arnón awala ba kat bilka ra, Jaboc awala lila ba wina tasbaya piarkika ba kulkisa, ban Amón uplika nani tasbaya piarkika wal prawaia ba kat. 17Baha tasbaya bilara, Arabá sin witin nani ra yabri, Jordan awala tasbaya piarkika baha wina, lalma tani ra Arabá kabuka kat, baha sika Kabu Pruan ba. Kli baha wina lalma tani ra, Pisgá ilka witnika ba kat.
18“Sakuna baha piua ra, yang bui man nani ra lâ naku mai smalki kapri: ‘Dawan Gâdkam naha tasbaya nani sut man dukiam briaia maikan sa. Israel luhpia nani, man nani tilam wina pat kupia karna takan, war aiklabaia sip nani ba, man nani kainamra blîkka wabia aiklabaia dukia nani bri, Jordan awala baila wala ra luaia. 19Bamna tawan nani yang yabri ba ra, mairin nani, tuktan nani, bîp nani baman takaskbia, yang nu sna man nani diara ailal brisma ba. 20Bara yang Dawan, muihkam nani ra yaras kapri, lamni lâka man nani ra maikri ba baku, witin nani sin ai pliska briras man nani tasbayam maikisna ba baku. Jordan awala baila wala wina, man nani sin sip kli tawi balma apia yang tasba maikri ba ra.’#Jas 1.12-15.
21“Jasua ra yang naha adarka yâri: ‘Man namkra pali ni kaikram baha kingka nani wal Dawan Gâdkam dîa daukan ba; bara man king nani tasbaya bâk lui waisma ba sut wal sin witin baku daukbia. 22Si bripara, kan Dawan Gâdkam ba man nani hilpkam ra aiklabia.’
Dawan bui Moses ra adar yaras Kenan ra dimaia
23“Baha minitka ra Dawan ra makabri: 24‘Dawan, man albikam na ra tânkam tara bara karnikam ba marikuma. Gâd wala âpu sa kasbrika purara bara tasba ra sin, man diara aihkakira nani daukisma ba daukaia. 25Mamkabisni adar aikma, Jordan awalka baila wala ra luaia, kan kaikan ai daukisa baha tasbaya painkira ba, baha il tasbaya pranakira ba, bara Líbano sin.’ 26Sakuna Dawan ba yang ra ai kupia sauhkan, man nani pâtkam dukiara. Bara âu ai wiras kan, yang makabri ba. Ban sakuna, ai win: ‘¡Ba kat aitani! Naha dukiara kau ai aisapara. 27Pisgá ilka pura ba ra uls, bara baha wina kaiks lalma ra, muna ra, yahbra ra waupasa ra, sakuna Jordan baila wala ra lika luma apia.#Kul K 27.1 2-14; Kli S 32.48-52. 28Jasua ra smalki, tâ baiks ai karnika bribia, kan witin sika upla nani kainara wabia, witin mita sika upla nani ra baha kuntrika ba yabia, man baha pliska kaikisma ba.’
29“Bara Bet-peor langnika ra takaski banhri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua