Mag 7
7
Gruk lang pato carai
(Ma-thi-ơ 15:1-20)
1Kal nan hu hadôm mưnuix Pha-ri-si thong dôm gru pato adat mưng dhan Yê-ru-sa-lem mai, tom nhom tom dar Pô Yê-su; 2khol nhu ƀôh tha hadôm anưk xêh Bhô ƀang vār bloh tangin ôh cih, ar nạn ô ka rao tangin. 3(Tui carai anưd mưnuix yao, mưnuix Pha-ri-si thong bôl Yo Thaic jang ôh ƀang mưyah ôh ka rao tangin; 4tuk pak darak mưrai thang, mưyah ô ka rao khol nhu lijang ôh ƀang.#7:4 tuk pak darak... lijang ôh ƀang: Ngan nạn pakar mưng darak mai, mưyah ô ka rao, khol nhu lijang ôh ƀang. Khol nhu dok gilaic khik ralô kabha pakan vơk yau rao padam pangin cavan, uk kalok thong dôm anưd angui mưng bar). 5Ywa nan ka, dôm urang Pha-ri-si thong dôm gru pato adat tanhi Bhô: “Ywa haget anưk xêh Gru ôh dok dang tui carai mưnuix yao, kưk lôi tangin mưrag bloh ƀang yau nan?” 6Bhô thuuk: “Ê-sai krung hu đôm hôr ka tapôr jalan adat baniai khol hư biak njaup:
‘Bôl ni mưk caƀôi pabah pôkja Ita,
Min tian khol nhu biak atah di Ita lô.
7Bruk khol nhu bhuktik Ita nạn ôh hu hanim,
Katika khol nhu pato ciêt nạn dôm adat caƀat mưrôxak.’
8Khol hư klāk vahi anưd Pô Lingik bloh khik tana rakun anưd mưrôxak!”
9Bhô lijang đôm thong khol nhu: “Khol hư ghơh klāk vahi anưd Pô Lingik piêh ran khik carai drei! 10Kaywa Mô-se krung hu đôm: ‘Xang pôkja amek amư hư’ thong ‘Thei dhao thah amek amư yơ xang gok binax’; 11min khol hư gilaic đôm: ‘Mưyah thei đôm thong amek amư drei laic dôm haget dahlak hu mưda pajup amek amư nạn ko-ƀan’ (ar nạn panôja krung hu limah ka Pô Lingik). 12Yơ khol hư brei idin urang nan ôh ngak haget pajup ka amek amư drei. 13Yau nan, khol hư ran khik carai drei bloh mong Panôic Pô Lingik ôh lingai. Khol hư dok ngak ralô bruk pakan mưhiơk yau nan.”
14Hadei di nan, Bhô gilaic iêu bôl bhap mưrai thong bican: “Abih drei xang pang Ita thong dul laic: 15Ôh hu pakar haget mưng lingiu tamư dalam mưnuix hu mưda ngak haruk haram ka mưrôxak hu; min dôm haget tabiak mưng di dalam mưng ngak ka mưnuix haruk haram.” 16[Mưyah thei hu tangi piêh pang, xang pang!]#7:16 Dalam tha thanôn blah vak tangin ôh hu kanen 16. 17Tuk Bhô krung hu tamư dalam thang doh atah di bôl bhap bloh, dôm anưk xêh tanhi Bhô ka arkatê nan. 18Bhô bican: “Khol hư lijang ôh dul ô? Khol hư ôh thau laic ôh hu kaya haget mưng lingiu tamư hu mưda ngak ka mưnuix gok haruk haram ô? 19Kaywa kaya nan ôh tamư dalam tung tian mưrôxak, min tamư tung, bloh gok klāk tabiak lingiu.” Yau nan, Bhô pablo laic abih kaya ƀang jang haci hacih. 20Bhô gilaic bican: “Kabha haget tabiak mưng mưnuix mưng ngak ka mưnuix gok haruk haram. 21Kaywa mưng di dalam, mưng tung tian mưnuix bloh pajiơng tabiak dôm gimnit ag yau: Payar, poh blah, pamưtai mưnuix, 22ƀang glai mưtah, tathrưg lagơh, xag mưjưy, lor kator, ƀang mưin phak palah, jhak hatai, thoh thar, ganan, hanrôi taba. 23Abih dôm kabha jhak rumưk nan jang mưng di dalam bloh patabiak thong ngak ka mưnuix haruk haram.”
Sagar anưd kamei Ka-na-an
(Ma-thi-ơ 15:21-28)
24Mưng nạn Pô Yê-su nao tal canar tanưh dhan Ti-rơ thong dhan Si-đôn. Bhô tamư tha thang dêh thong ôh ưng ka thei thau drei dok tak nan, min ôh mưda padaup bihu. 25Tha muk dêh hu anưk kamei gok tan ok yang mưk, birau hamit đôm ka Bhô yơ binhêt mưrai pam rup di takai Bhô. 26Muk nạn mưnuix Bôl-Lingiu,#7:26 mưnuix Bôl-Lingiu: Ngan nạn mưnuix đôm xap Hi-lap. bôl Si-rô-phê-ni-xi. Muk likau di Bhô tiaup ajin tabiak truh di anưk kamei drei. 27Pô Yê-su đôm thong muk: “Xang lôi ka anưk bik ƀang trei dahlau ka, kaywa mưk tapei di anưk bik bloh parah ka athau ƀang nạn kabha ôh njaup gađi.” 28Min muk thuuk laic: “Pô lơy, njaup yau nan, min dôm drei athau ala paban lijang bihu ƀang dôm kleh tapei rong anưd anưk bik.” 29Bhô bican: “Hư nao thang mek, kaywa panôic hư birau đôm ajin krung hu tabiak truh di anưk kamei hư pajơ.” 30Nao tal thang, muk ƀôh anưk drei đih ngok katong, thong ajin krung hu tabiak truh.
Pô Yê-su pajru dhit ka ra langoh
31Pô Yê-su gilaic niga canar tanưh dhan Ti-rơ nao thrang tapa dhan Si-đôn nôic tal tathik Ga-li-lê thong tamư canar tanưh Đê-ka-ƀô-lơ. 32Mưnuix urang ba mai ka Bhô tha urang langoh thong gak ôn, neh likau Bhô cek tangin ngok ra nan. 33Bhô ba urang nan tabiak truh di tapôr ralô, cek canau tangin tamư di dwa gah tangi nhu, thong kacôic ia pabah njôm tamư dalah nhu. 34Bloh Bhô talāk mưta tagôk lingik, mưk yava atah thong bican: “Ep-pha-ta!” ar nạn: “Xang pơh tabiak!” 35Binhêt tuk nan tangi urang nan bihu pơh tabiak, dalah bihu njôl njaic thong nhu đôm jalang jalôi. 36Pô Yê-su pađar nhu jôi lak kadha ni thong thei, min Bhô bik pakaup mưnuix urang bik đôm. 37Abih drei jang biak plơng kadơng bloh đôm: “Abih bruk Bhô ngak jang siam mưkrư: Bhô ngak ka ra langoh hamit bihu, mưnuix kamlo đôm jiơng!”
Currently Selected:
Mag 7: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Mag 7
7
Gruk lang pato carai
(Ma-thi-ơ 15:1-20)
1Kal nan hu hadôm mưnuix Pha-ri-si thong dôm gru pato adat mưng dhan Yê-ru-sa-lem mai, tom nhom tom dar Pô Yê-su; 2khol nhu ƀôh tha hadôm anưk xêh Bhô ƀang vār bloh tangin ôh cih, ar nạn ô ka rao tangin. 3(Tui carai anưd mưnuix yao, mưnuix Pha-ri-si thong bôl Yo Thaic jang ôh ƀang mưyah ôh ka rao tangin; 4tuk pak darak mưrai thang, mưyah ô ka rao khol nhu lijang ôh ƀang.#7:4 tuk pak darak... lijang ôh ƀang: Ngan nạn pakar mưng darak mai, mưyah ô ka rao, khol nhu lijang ôh ƀang. Khol nhu dok gilaic khik ralô kabha pakan vơk yau rao padam pangin cavan, uk kalok thong dôm anưd angui mưng bar). 5Ywa nan ka, dôm urang Pha-ri-si thong dôm gru pato adat tanhi Bhô: “Ywa haget anưk xêh Gru ôh dok dang tui carai mưnuix yao, kưk lôi tangin mưrag bloh ƀang yau nan?” 6Bhô thuuk: “Ê-sai krung hu đôm hôr ka tapôr jalan adat baniai khol hư biak njaup:
‘Bôl ni mưk caƀôi pabah pôkja Ita,
Min tian khol nhu biak atah di Ita lô.
7Bruk khol nhu bhuktik Ita nạn ôh hu hanim,
Katika khol nhu pato ciêt nạn dôm adat caƀat mưrôxak.’
8Khol hư klāk vahi anưd Pô Lingik bloh khik tana rakun anưd mưrôxak!”
9Bhô lijang đôm thong khol nhu: “Khol hư ghơh klāk vahi anưd Pô Lingik piêh ran khik carai drei! 10Kaywa Mô-se krung hu đôm: ‘Xang pôkja amek amư hư’ thong ‘Thei dhao thah amek amư yơ xang gok binax’; 11min khol hư gilaic đôm: ‘Mưyah thei đôm thong amek amư drei laic dôm haget dahlak hu mưda pajup amek amư nạn ko-ƀan’ (ar nạn panôja krung hu limah ka Pô Lingik). 12Yơ khol hư brei idin urang nan ôh ngak haget pajup ka amek amư drei. 13Yau nan, khol hư ran khik carai drei bloh mong Panôic Pô Lingik ôh lingai. Khol hư dok ngak ralô bruk pakan mưhiơk yau nan.”
14Hadei di nan, Bhô gilaic iêu bôl bhap mưrai thong bican: “Abih drei xang pang Ita thong dul laic: 15Ôh hu pakar haget mưng lingiu tamư dalam mưnuix hu mưda ngak haruk haram ka mưrôxak hu; min dôm haget tabiak mưng di dalam mưng ngak ka mưnuix haruk haram.” 16[Mưyah thei hu tangi piêh pang, xang pang!]#7:16 Dalam tha thanôn blah vak tangin ôh hu kanen 16. 17Tuk Bhô krung hu tamư dalam thang doh atah di bôl bhap bloh, dôm anưk xêh tanhi Bhô ka arkatê nan. 18Bhô bican: “Khol hư lijang ôh dul ô? Khol hư ôh thau laic ôh hu kaya haget mưng lingiu tamư hu mưda ngak ka mưnuix gok haruk haram ô? 19Kaywa kaya nan ôh tamư dalam tung tian mưrôxak, min tamư tung, bloh gok klāk tabiak lingiu.” Yau nan, Bhô pablo laic abih kaya ƀang jang haci hacih. 20Bhô gilaic bican: “Kabha haget tabiak mưng mưnuix mưng ngak ka mưnuix gok haruk haram. 21Kaywa mưng di dalam, mưng tung tian mưnuix bloh pajiơng tabiak dôm gimnit ag yau: Payar, poh blah, pamưtai mưnuix, 22ƀang glai mưtah, tathrưg lagơh, xag mưjưy, lor kator, ƀang mưin phak palah, jhak hatai, thoh thar, ganan, hanrôi taba. 23Abih dôm kabha jhak rumưk nan jang mưng di dalam bloh patabiak thong ngak ka mưnuix haruk haram.”
Sagar anưd kamei Ka-na-an
(Ma-thi-ơ 15:21-28)
24Mưng nạn Pô Yê-su nao tal canar tanưh dhan Ti-rơ thong dhan Si-đôn. Bhô tamư tha thang dêh thong ôh ưng ka thei thau drei dok tak nan, min ôh mưda padaup bihu. 25Tha muk dêh hu anưk kamei gok tan ok yang mưk, birau hamit đôm ka Bhô yơ binhêt mưrai pam rup di takai Bhô. 26Muk nạn mưnuix Bôl-Lingiu,#7:26 mưnuix Bôl-Lingiu: Ngan nạn mưnuix đôm xap Hi-lap. bôl Si-rô-phê-ni-xi. Muk likau di Bhô tiaup ajin tabiak truh di anưk kamei drei. 27Pô Yê-su đôm thong muk: “Xang lôi ka anưk bik ƀang trei dahlau ka, kaywa mưk tapei di anưk bik bloh parah ka athau ƀang nạn kabha ôh njaup gađi.” 28Min muk thuuk laic: “Pô lơy, njaup yau nan, min dôm drei athau ala paban lijang bihu ƀang dôm kleh tapei rong anưd anưk bik.” 29Bhô bican: “Hư nao thang mek, kaywa panôic hư birau đôm ajin krung hu tabiak truh di anưk kamei hư pajơ.” 30Nao tal thang, muk ƀôh anưk drei đih ngok katong, thong ajin krung hu tabiak truh.
Pô Yê-su pajru dhit ka ra langoh
31Pô Yê-su gilaic niga canar tanưh dhan Ti-rơ nao thrang tapa dhan Si-đôn nôic tal tathik Ga-li-lê thong tamư canar tanưh Đê-ka-ƀô-lơ. 32Mưnuix urang ba mai ka Bhô tha urang langoh thong gak ôn, neh likau Bhô cek tangin ngok ra nan. 33Bhô ba urang nan tabiak truh di tapôr ralô, cek canau tangin tamư di dwa gah tangi nhu, thong kacôic ia pabah njôm tamư dalah nhu. 34Bloh Bhô talāk mưta tagôk lingik, mưk yava atah thong bican: “Ep-pha-ta!” ar nạn: “Xang pơh tabiak!” 35Binhêt tuk nan tangi urang nan bihu pơh tabiak, dalah bihu njôl njaic thong nhu đôm jalang jalôi. 36Pô Yê-su pađar nhu jôi lak kadha ni thong thei, min Bhô bik pakaup mưnuix urang bik đôm. 37Abih drei jang biak plơng kadơng bloh đôm: “Abih bruk Bhô ngak jang siam mưkrư: Bhô ngak ka ra langoh hamit bihu, mưnuix kamlo đôm jiơng!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.