Rut 3
3
Rut o Boas vere vati sama trigu kai
1Lee aer iso, Noemi dale laa nii vine veu Rut plee kade'e, “Rut, tempu rata see, a leti mane iso ke let nee le kiti, odi kiti lebo dia umo kai riko, i kiti lebo mori tanega. Ka plee mane?
2Se'i pun bloi me. Kiti veki nurat mane iso gala Boas ka? U ta prepara odi kiti lebo loi trigu kai vere vine servisu noor sii kavovo. Boas familia o kiti, pio kau laki iso ke mate bali see. Buta kade'e, Boas o atu dotu veki laa le vati sama trigu kai odi tapi trigu-uu veri kano'o. 3Kau manara plee kade'e: Kiti la diu, posi mina megi i tama ropa is ke sanotor odi kiti laa le vati sama trigu kai. Mas peni rata Boas ha'a-enu ma'o, odi Boas veki nan eto kiti le kano'o. 4Boas ha'a ma'o see, u laa ena. Kiti la lise pun bloi, Boas ena vere mane. Aipiil iso Boas ena see, kiti laa le u'u, lo'e nii lapeta i nee sinal la Boas,#3:4:Atu seri ke pna'a ubu k'dia le Biblia dale, kade'e mge'es sinal iso 1) pita Boas magees familia iso ke dia direitu posi mat le Rut, 2) Rut prontu se Boas manara kaben o u, dara nii direitu. i kiti ena grai nii koe. Boas panaa nii lisa, i u veki dale le kiti, seta batu kiti tenki punu.”
5Rut mataar, “Bloi. A veki punu dara ple'u.” 6Rut duu laa le vati sama trigu kai. I Rut punu dara ma'o seta batu nii ina-ba'i Noemi kasuu.
7Aipiil iso Boas ha'a-enu ma'o see, u sinti beso. I Boas laa ena le trigu-uu ser ke dotu putu bali nii bai-seri. Peni rata Boas mat bue, Rut laa vel-vele le Boas nii vati. I u lo'e lapeta le Boas nii koe, i u ena le u'u. 8I rae buta talaa, Boas kakoraa blee. U galelu, u kakoraa, pita dia vine iso ena bali garai nii koe. 9I Boas tugu la u, “Seni tas kade'e?”
Rut mataar, “A Rut, kiti at vine. Mas am-na'i batu dia ‘direitu selo tagotu’ a. [U'u signifika dale am-na'i batu dia direitu odi kaben o a, odi nee ana o ubu-ana la kau laki ke mate see.] See ple'u a negi la am-na'i pita a o am-na'i ni lapeta nuba nan kade'e, magees sinal iso tok de kiti manara kaben o a.”#Ezequiel 16:8
10I Boas kakoraa, u mos dale, “A negi la NAI Maromak nee bensa laa kiti! Kiti atu bloi, pita kiti matani see kiti domin o respeitu la kiti laki iso ke mate bali nii familia, i kiti tee la leti mane veki nan sae seri ke riku ka kiak ver kade'e. Kiti tee punu iso u'u. Kiti lara bloi iso panai kade'e, ha'e desi vali muno kiti matani laa amaa Noemi. 11Ple'u Rut tee lebo mataku! A veki punu dara kiti manara ma'o. Te lebo nurat dotu, pita atu ha'e ma'o vere sidadi kade'e roo panaa bali see dale, kiti vine iso ke lara bloi i manema. 12Mas veki dia lapa iso a let dale, a pio kiti laki iso mate see nii familia, ple'u a dia ‘direitu let selo tagotu’ kiti. Mas dia atu selo iso ke garai desi a. I u ta dia direitu odi kaben o kiti.#Rut 2:20 13I a nee daa plee kade'e: buta kade'e kiti na peni le kade'e. Aer batu a laa soru o u. Se u prontu kaben o kiti, tee dia lapa iso. Mas se u bra'i, a jura odi NAI Maromak mori nii gala, a riko taa kaben o kiti. Kami lisa dale, a ta ‘selo tagotu’ kiti. Kiti na ena le kade'e rata rae aer.
14I Rut ena garai le Boas nii koe. Le aer busu lelo tee sa'e veki, Rut blee see. Pita Boas dale bali see, “Te bloi see atu panaa buta kade'e dia vine mai le vati sama trigu kai kade'e. 15Mai, lui kiti lapeta odi a posi trigu.” I Boas sukat trigu-uu kalen poku vou-niso posi la Rut nii lapeta. I Boas bua lapeta sape la Rut nii dabaas. I Boas mos galelu laa nii sidadi.#3:15:Dale-uu Ebreu kero dale, “u (mane Boas)" galelu la sidadi. Mas seri kero dale “u (vine Rut) ta galelu la sidadi.
16Aipiil iso Rut rata umo, ni ina-ba'i Noemi tugu laa u, “Buta plee mane?”
Rut nee panaa ma'o seta batu Boas punu la u, 17i Rut dale pita, “Boas ta nee trigu-uu kade'e mai a. I Boas mos dale, ‘Kiti tee lebo galelu la kiti ina-ba'i Noemi o limu ma'o.’”
18I Noemi mataar, “Loba see! Agora kiti tenki pasensia odi peni, pita loba bali see, Boas manara tetu dale-uu kade'e i u bra'i peni pita see. Loba riko Boas manara tetu dale-uu le aer iso kade'e.”
Currently Selected:
Rut 3: BTKD
Highlight
Share
Copy
Want to have your highlights saved across all your devices? Sign up or sign in
Wycliffe Timor-Leste © 2025 Wycliffe Bible Translators Inc
Rut 3
3
Rut o Boas vere vati sama trigu kai
1Lee aer iso, Noemi dale laa nii vine veu Rut plee kade'e, “Rut, tempu rata see, a leti mane iso ke let nee le kiti, odi kiti lebo dia umo kai riko, i kiti lebo mori tanega. Ka plee mane?
2Se'i pun bloi me. Kiti veki nurat mane iso gala Boas ka? U ta prepara odi kiti lebo loi trigu kai vere vine servisu noor sii kavovo. Boas familia o kiti, pio kau laki iso ke mate bali see. Buta kade'e, Boas o atu dotu veki laa le vati sama trigu kai odi tapi trigu-uu veri kano'o. 3Kau manara plee kade'e: Kiti la diu, posi mina megi i tama ropa is ke sanotor odi kiti laa le vati sama trigu kai. Mas peni rata Boas ha'a-enu ma'o, odi Boas veki nan eto kiti le kano'o. 4Boas ha'a ma'o see, u laa ena. Kiti la lise pun bloi, Boas ena vere mane. Aipiil iso Boas ena see, kiti laa le u'u, lo'e nii lapeta i nee sinal la Boas,#3:4:Atu seri ke pna'a ubu k'dia le Biblia dale, kade'e mge'es sinal iso 1) pita Boas magees familia iso ke dia direitu posi mat le Rut, 2) Rut prontu se Boas manara kaben o u, dara nii direitu. i kiti ena grai nii koe. Boas panaa nii lisa, i u veki dale le kiti, seta batu kiti tenki punu.”
5Rut mataar, “Bloi. A veki punu dara ple'u.” 6Rut duu laa le vati sama trigu kai. I Rut punu dara ma'o seta batu nii ina-ba'i Noemi kasuu.
7Aipiil iso Boas ha'a-enu ma'o see, u sinti beso. I Boas laa ena le trigu-uu ser ke dotu putu bali nii bai-seri. Peni rata Boas mat bue, Rut laa vel-vele le Boas nii vati. I u lo'e lapeta le Boas nii koe, i u ena le u'u. 8I rae buta talaa, Boas kakoraa blee. U galelu, u kakoraa, pita dia vine iso ena bali garai nii koe. 9I Boas tugu la u, “Seni tas kade'e?”
Rut mataar, “A Rut, kiti at vine. Mas am-na'i batu dia ‘direitu selo tagotu’ a. [U'u signifika dale am-na'i batu dia direitu odi kaben o a, odi nee ana o ubu-ana la kau laki ke mate see.] See ple'u a negi la am-na'i pita a o am-na'i ni lapeta nuba nan kade'e, magees sinal iso tok de kiti manara kaben o a.”#Ezequiel 16:8
10I Boas kakoraa, u mos dale, “A negi la NAI Maromak nee bensa laa kiti! Kiti atu bloi, pita kiti matani see kiti domin o respeitu la kiti laki iso ke mate bali nii familia, i kiti tee la leti mane veki nan sae seri ke riku ka kiak ver kade'e. Kiti tee punu iso u'u. Kiti lara bloi iso panai kade'e, ha'e desi vali muno kiti matani laa amaa Noemi. 11Ple'u Rut tee lebo mataku! A veki punu dara kiti manara ma'o. Te lebo nurat dotu, pita atu ha'e ma'o vere sidadi kade'e roo panaa bali see dale, kiti vine iso ke lara bloi i manema. 12Mas veki dia lapa iso a let dale, a pio kiti laki iso mate see nii familia, ple'u a dia ‘direitu let selo tagotu’ kiti. Mas dia atu selo iso ke garai desi a. I u ta dia direitu odi kaben o kiti.#Rut 2:20 13I a nee daa plee kade'e: buta kade'e kiti na peni le kade'e. Aer batu a laa soru o u. Se u prontu kaben o kiti, tee dia lapa iso. Mas se u bra'i, a jura odi NAI Maromak mori nii gala, a riko taa kaben o kiti. Kami lisa dale, a ta ‘selo tagotu’ kiti. Kiti na ena le kade'e rata rae aer.
14I Rut ena garai le Boas nii koe. Le aer busu lelo tee sa'e veki, Rut blee see. Pita Boas dale bali see, “Te bloi see atu panaa buta kade'e dia vine mai le vati sama trigu kai kade'e. 15Mai, lui kiti lapeta odi a posi trigu.” I Boas sukat trigu-uu kalen poku vou-niso posi la Rut nii lapeta. I Boas bua lapeta sape la Rut nii dabaas. I Boas mos galelu laa nii sidadi.#3:15:Dale-uu Ebreu kero dale, “u (mane Boas)" galelu la sidadi. Mas seri kero dale “u (vine Rut) ta galelu la sidadi.
16Aipiil iso Rut rata umo, ni ina-ba'i Noemi tugu laa u, “Buta plee mane?”
Rut nee panaa ma'o seta batu Boas punu la u, 17i Rut dale pita, “Boas ta nee trigu-uu kade'e mai a. I Boas mos dale, ‘Kiti tee lebo galelu la kiti ina-ba'i Noemi o limu ma'o.’”
18I Noemi mataar, “Loba see! Agora kiti tenki pasensia odi peni, pita loba bali see, Boas manara tetu dale-uu kade'e i u bra'i peni pita see. Loba riko Boas manara tetu dale-uu le aer iso kade'e.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Wycliffe Timor-Leste © 2025 Wycliffe Bible Translators Inc