Maruko 4
4
na paruwalruwan kana 'emapiyar
(Matay 13.1-9; Luka 8.4-8)
1i Yēsu masalr ziya kazu i ngaydiran kana Galili na danaw panadam kana trau. 'alrana muwazuk kantaw i paliyuliyus na zinekalranan mu salaw kana ma'etre'etr, zi 'inava lra nu muitras za saya kana tamina i intaw, kemayan. na tamina kazu kana danaw i itras, na zinekalranan tikakeziran i ngaydiran kana danaw. 2i Yēsu mimanay za paruwalruwan panadam kanazu za sazu a lremak, a panadam mu marengay kanazu:
3<<tarekinger i inmu a! ulra a sasa na 'ema'apiyar mupatraran mukuwa 'emapiyara. 4a 'emapiyar i intaw mu, ulra na 'apiyar mutani i ngaydiran kana dalan, muvii zuwa na 'ayam tu ekanaw lra nazu. 5ulra a zuma mutani kana apana na dare' i itras kana varasarasa', dika temelriyu na 'apiyar, 'alrana 'azi pasavak na dare', 6a mupana na kadaw, tu kadaway na sever zi marum lra, zi 'alrana 'azi pasavak merami, zi marum lra. 7ulra zuma mutani kana su'asu'ar i savakan, nu ma'a'izang na su'asu'ar, tu lrikutraw na sever lra, 'azi maruwa mivuwa'. 8ulra zuma na 'apiyar mutani kana 'inava na dare', temelriyu ma'izang zi maderu, 'eras nu mivuwa', ulra na mare'ani za pinakamakatelun, ulra na pinakamakanemen, ulra na pinakasaleman.>>
9marengay ziya i Yēsu: <<na mitralinga mu, kingeri mapiya a!>>
pauwayan za paruwalruwan
(Matay 13.10-17; Luka 8.9-10)
10a sasa i Yēsu mu, ulra na kinger lra kanantu ivavati na trau zi na papulu' zi zazuwa na sito marelrang mukasa zuwa kirepana'uwa kantaw, kiyami kantaw pavavati kananni na paruwalruwan tu pauwayan. 11marengay i Yēsu: <<na kanatal na Viruwa i itras na asavak muvulri iveray lra kanmu; kema ta kana trau i panayan, nantu kiningeran ziyan nazu mu maw pakalrang za paruwalruwan. 12kamawan kana nirengay na Sēsiyo:
nu mena'u lra nazu masasalr mena'u, mawmu 'azi mena'u,
kinger lra zi masasalr kinger, mawmu 'azi patulre'ay malrazam;
nu 'azi mu, mareveliyas muasalr za anger nazu mu,
tu lapusay nazu kana Viruwa i itras.>>
marengay pakapauwa kanantu pauwayan na paruwalruwan za 'emapiyar
(Matay 13.18-23; Luka 8.11-15)
13kiyumalr ziya kanazu i Yēsu: <<'azi mu malrazam kanantu pauwayan kanini na paruwalruwan ziyamaw? nu kemazu mu, kemuda mu malrazam kana zuma na paruwalruwan awa? 14na 'ema'apiyar na trau mu maw 'emapiyar kanantu vati na Viruwa i itras. 15ulra zuma na trau kamawan za mutani kana dalan i ngaydiran na 'apiyar; a kinger kana vati nazu, payas lra zuwa na satang, tu 'araway kana i'apiyar kanantu anger i savakan na vati. 16ulra zuma na trau kamawan za mutani kana varasarasa' na dare' i itras na 'apiyar; a kinger kana vati payas semangal kituluz nazu, 17mawmu na vati kazu kanantu anger i savakan 'azi pasavak merami, 'azi maruwa patrutru sawariyan, anu muramawan kana vati zi muelep kana kuwaatrengan zi za kemuwatreng, payas meretra' 'ematelr. 18ulra zuma na trau kamawan za i'apiyar i savakan kana su'asu'ar na 'apiyar; a kinger lra kana vati nazu, 19mawmu mavangavang i wayway, 'emilring mukezeng za piniemanan, zi zuma na marekudakuda na alengatran mupapana, paziyazi lra kanantu iyavaaw kanini na vati, 'azi maruwa mivuwa'. 20mawmu, ulra zuma na trau kamawan za 'inapiyar kana 'inava na dare' i savakan na 'apiyar; a kinger kana vati nazu, kituluz lra, pawnung mivuwa' lra, ulra na mare'ani za pinakamakatelun, ulra na pinakamakanemen, ulra na pinakasaleman.>>
na lrawlraw i makesavak kana vitaw
(Luka 8.16-18)
21masasalr ziya marengay i Yēsu: <<ulra i eman nu pasenan kana lrawlraw mu, meretra' i makesavak kana vitaw zi i makalusu kana sa'esa'? i intaw kamelriya lra 'azi meretra' kana pulrawlrawan i itras ziyamaw? 22na muvulri na lremak ziya 'azika'azi mupana kikalrazam; na ivulri ilrasez na lremak ziya kemazu kikalrazam. 23na mitralinga mu, kingeri mapiya a!>>
24i intaw masasalr ziya marengay kanazu: <<taranapaw kananmu kiningeran! mimanay mu za eman vakesiyu venakesiyu mu, na Viruwa i itras kemazu pimanay kana mararesan na vakesiyu venakesiyu veray kanmu, arusay za kasazuway veray kanmu. 25izu na ulra mu, vaveray kantaw za marasazu; na iniyan mu, arusay na ulra kantaw na saema mu 'a'araway melak peniya.>>
paruwalruwan za ma'a'izang lra na 'apiyar
26patrutru marengay i Yēsu: <<kanatal na Viruwa i itras mu kamawan kana trau 'ema'apiyar i dare'. 27alrup'e nu 'aremeng i intaw, marahan nu 'uninan, izu na 'apiyar temelriyu ma'a'izang, kemuda zi kemani, 'azi malrazam i intaw. 28na dare' kemazu patelriyu zi pakama'izang kana isalem, mivuwa'; iyanguwayan misever, zi venusisi, i likuzan lra na vusisi mivuwa' matemuy. 29maderu lra na isalem, payas mare'ani mimanay kana kawkaw i intaw, 'alrana meredek lra na kare'aniyan.>>
na paruwalruwan kana karasina na 'apiyar
(Matay 13.31-32; Luka 13.18-19)
30kiyumalr i Yēsu: <<kema ta kana kanatal na Viruwa i itras kamawan za eman awa? ta paruwalruwanay za eman marengay pakapauwa kantru awa? 31na kanatal na Viruwa i itras mu kamawan kana 'apiyar na karasina, maw maramakitekiteng kana 'apiyar i punapunan. ulra a trau tu salemanay i dare', 32melavat za pidawariyan, ma'izang i intaw, marama'izang kana kulang ziyan; misa'az za ma'izang, na 'ayam kazu kanantu sinulevan na sa'az demaway za ruvu.>>
33i Yēsu melak za sazu a mararesan na paruwalruwan palenak za vati kana zinekalranan, paturusanay kanantu karuwayan malrazam panadam kanazu. 34i intaw kemazu marayas manay za paruwalruwan venavati kanazu; mawmu nu mutukasa mukasa kana temakesi i intaw mu, venavati pakapauwa peniya kana temakesi.
i Yēsu paziyazi kana vali zi na kelun
(Matay 8.23-27; Luka 8.22-25)
35azu kana karauvan, marengay i Yēsu kana temakesi: <<arelra melavata ta kana danaw mukuwa i makakuwaziyu kana dare' a.>> 36kemazu zi muwaday kana zinekalranan nazu. i Yēsu kazu lra mengangara i itras kana tamina, muitras lra na temakesi kana tamina zi tu pilralrangaw i intaw; ulra zuma a tamina mukasa mukuwa. 37maherareher za venali pakirev na danaw, semelretrap na kelun, na kelun temelrisa' kana tamina i savakan, pulavus matemuy na zanum kana tamina lra. 38a azu mu i Yēsu kazu kana tamina i likuzakuzan, misalrazan trurin alrupe' lra. tu valrukaw na temakesi, marengay: <<sinsi, 'azi mi lra kavaaw a! 'azi u milingaw ziyamaw?>>
39marahan i Yēsu, semeratr kana vali: <<paziyazi a!>> zi temuru kana kelun: <<paziyazi!>> zi maziyazi na vali, ametreh lra na danaw. 40kemazu zi marengay i intaw kana temakesi: <<kemuda zi makaud mu, iniyan mu ziya za pakutatena'an ziyamaw?>>
41zi salaw makakaud nazu, mazayazayar: <<i eman ini na trau, arusay na vali na kelun kemazu mukinger kantaw!>>
Currently Selected:
Maruko 4: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023
Maruko 4
4
na paruwalruwan kana 'emapiyar
(Matay 13.1-9; Luka 8.4-8)
1i Yēsu masalr ziya kazu i ngaydiran kana Galili na danaw panadam kana trau. 'alrana muwazuk kantaw i paliyuliyus na zinekalranan mu salaw kana ma'etre'etr, zi 'inava lra nu muitras za saya kana tamina i intaw, kemayan. na tamina kazu kana danaw i itras, na zinekalranan tikakeziran i ngaydiran kana danaw. 2i Yēsu mimanay za paruwalruwan panadam kanazu za sazu a lremak, a panadam mu marengay kanazu:
3<<tarekinger i inmu a! ulra a sasa na 'ema'apiyar mupatraran mukuwa 'emapiyara. 4a 'emapiyar i intaw mu, ulra na 'apiyar mutani i ngaydiran kana dalan, muvii zuwa na 'ayam tu ekanaw lra nazu. 5ulra a zuma mutani kana apana na dare' i itras kana varasarasa', dika temelriyu na 'apiyar, 'alrana 'azi pasavak na dare', 6a mupana na kadaw, tu kadaway na sever zi marum lra, zi 'alrana 'azi pasavak merami, zi marum lra. 7ulra zuma mutani kana su'asu'ar i savakan, nu ma'a'izang na su'asu'ar, tu lrikutraw na sever lra, 'azi maruwa mivuwa'. 8ulra zuma na 'apiyar mutani kana 'inava na dare', temelriyu ma'izang zi maderu, 'eras nu mivuwa', ulra na mare'ani za pinakamakatelun, ulra na pinakamakanemen, ulra na pinakasaleman.>>
9marengay ziya i Yēsu: <<na mitralinga mu, kingeri mapiya a!>>
pauwayan za paruwalruwan
(Matay 13.10-17; Luka 8.9-10)
10a sasa i Yēsu mu, ulra na kinger lra kanantu ivavati na trau zi na papulu' zi zazuwa na sito marelrang mukasa zuwa kirepana'uwa kantaw, kiyami kantaw pavavati kananni na paruwalruwan tu pauwayan. 11marengay i Yēsu: <<na kanatal na Viruwa i itras na asavak muvulri iveray lra kanmu; kema ta kana trau i panayan, nantu kiningeran ziyan nazu mu maw pakalrang za paruwalruwan. 12kamawan kana nirengay na Sēsiyo:
nu mena'u lra nazu masasalr mena'u, mawmu 'azi mena'u,
kinger lra zi masasalr kinger, mawmu 'azi patulre'ay malrazam;
nu 'azi mu, mareveliyas muasalr za anger nazu mu,
tu lapusay nazu kana Viruwa i itras.>>
marengay pakapauwa kanantu pauwayan na paruwalruwan za 'emapiyar
(Matay 13.18-23; Luka 8.11-15)
13kiyumalr ziya kanazu i Yēsu: <<'azi mu malrazam kanantu pauwayan kanini na paruwalruwan ziyamaw? nu kemazu mu, kemuda mu malrazam kana zuma na paruwalruwan awa? 14na 'ema'apiyar na trau mu maw 'emapiyar kanantu vati na Viruwa i itras. 15ulra zuma na trau kamawan za mutani kana dalan i ngaydiran na 'apiyar; a kinger kana vati nazu, payas lra zuwa na satang, tu 'araway kana i'apiyar kanantu anger i savakan na vati. 16ulra zuma na trau kamawan za mutani kana varasarasa' na dare' i itras na 'apiyar; a kinger kana vati payas semangal kituluz nazu, 17mawmu na vati kazu kanantu anger i savakan 'azi pasavak merami, 'azi maruwa patrutru sawariyan, anu muramawan kana vati zi muelep kana kuwaatrengan zi za kemuwatreng, payas meretra' 'ematelr. 18ulra zuma na trau kamawan za i'apiyar i savakan kana su'asu'ar na 'apiyar; a kinger lra kana vati nazu, 19mawmu mavangavang i wayway, 'emilring mukezeng za piniemanan, zi zuma na marekudakuda na alengatran mupapana, paziyazi lra kanantu iyavaaw kanini na vati, 'azi maruwa mivuwa'. 20mawmu, ulra zuma na trau kamawan za 'inapiyar kana 'inava na dare' i savakan na 'apiyar; a kinger kana vati nazu, kituluz lra, pawnung mivuwa' lra, ulra na mare'ani za pinakamakatelun, ulra na pinakamakanemen, ulra na pinakasaleman.>>
na lrawlraw i makesavak kana vitaw
(Luka 8.16-18)
21masasalr ziya marengay i Yēsu: <<ulra i eman nu pasenan kana lrawlraw mu, meretra' i makesavak kana vitaw zi i makalusu kana sa'esa'? i intaw kamelriya lra 'azi meretra' kana pulrawlrawan i itras ziyamaw? 22na muvulri na lremak ziya 'azika'azi mupana kikalrazam; na ivulri ilrasez na lremak ziya kemazu kikalrazam. 23na mitralinga mu, kingeri mapiya a!>>
24i intaw masasalr ziya marengay kanazu: <<taranapaw kananmu kiningeran! mimanay mu za eman vakesiyu venakesiyu mu, na Viruwa i itras kemazu pimanay kana mararesan na vakesiyu venakesiyu veray kanmu, arusay za kasazuway veray kanmu. 25izu na ulra mu, vaveray kantaw za marasazu; na iniyan mu, arusay na ulra kantaw na saema mu 'a'araway melak peniya.>>
paruwalruwan za ma'a'izang lra na 'apiyar
26patrutru marengay i Yēsu: <<kanatal na Viruwa i itras mu kamawan kana trau 'ema'apiyar i dare'. 27alrup'e nu 'aremeng i intaw, marahan nu 'uninan, izu na 'apiyar temelriyu ma'a'izang, kemuda zi kemani, 'azi malrazam i intaw. 28na dare' kemazu patelriyu zi pakama'izang kana isalem, mivuwa'; iyanguwayan misever, zi venusisi, i likuzan lra na vusisi mivuwa' matemuy. 29maderu lra na isalem, payas mare'ani mimanay kana kawkaw i intaw, 'alrana meredek lra na kare'aniyan.>>
na paruwalruwan kana karasina na 'apiyar
(Matay 13.31-32; Luka 13.18-19)
30kiyumalr i Yēsu: <<kema ta kana kanatal na Viruwa i itras kamawan za eman awa? ta paruwalruwanay za eman marengay pakapauwa kantru awa? 31na kanatal na Viruwa i itras mu kamawan kana 'apiyar na karasina, maw maramakitekiteng kana 'apiyar i punapunan. ulra a trau tu salemanay i dare', 32melavat za pidawariyan, ma'izang i intaw, marama'izang kana kulang ziyan; misa'az za ma'izang, na 'ayam kazu kanantu sinulevan na sa'az demaway za ruvu.>>
33i Yēsu melak za sazu a mararesan na paruwalruwan palenak za vati kana zinekalranan, paturusanay kanantu karuwayan malrazam panadam kanazu. 34i intaw kemazu marayas manay za paruwalruwan venavati kanazu; mawmu nu mutukasa mukasa kana temakesi i intaw mu, venavati pakapauwa peniya kana temakesi.
i Yēsu paziyazi kana vali zi na kelun
(Matay 8.23-27; Luka 8.22-25)
35azu kana karauvan, marengay i Yēsu kana temakesi: <<arelra melavata ta kana danaw mukuwa i makakuwaziyu kana dare' a.>> 36kemazu zi muwaday kana zinekalranan nazu. i Yēsu kazu lra mengangara i itras kana tamina, muitras lra na temakesi kana tamina zi tu pilralrangaw i intaw; ulra zuma a tamina mukasa mukuwa. 37maherareher za venali pakirev na danaw, semelretrap na kelun, na kelun temelrisa' kana tamina i savakan, pulavus matemuy na zanum kana tamina lra. 38a azu mu i Yēsu kazu kana tamina i likuzakuzan, misalrazan trurin alrupe' lra. tu valrukaw na temakesi, marengay: <<sinsi, 'azi mi lra kavaaw a! 'azi u milingaw ziyamaw?>>
39marahan i Yēsu, semeratr kana vali: <<paziyazi a!>> zi temuru kana kelun: <<paziyazi!>> zi maziyazi na vali, ametreh lra na danaw. 40kemazu zi marengay i intaw kana temakesi: <<kemuda zi makaud mu, iniyan mu ziya za pakutatena'an ziyamaw?>>
41zi salaw makakaud nazu, mazayazayar: <<i eman ini na trau, arusay na vali na kelun kemazu mukinger kantaw!>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023