Yohanē 1
1
na vati za uwavaawan
1a mudaway pakangawayan na rukup, kazu lra na vati. na vati mukasa kana Viruwa i itras; na vati maw na Viruwa i itras. 2a melrivak, na vati mu kazu mukasa kana Viruwa i itras. 3na Viruwa i itras pakalrang kantaw parevuwa' demaway kana eman ziyan; kana dinaway peniya i savakan, iniyan a sasaya za amelri ipakalrang kantaw demaway. 4na vati mawna rami za uwavaawan, ini na uwavaawan veray za senan kana trau. 5na senan pasenan kana 'aremengan, na 'aremengan 'azi ziyan kiseker kana senan.
6ulra a sasa trau, mingadan kani Yohanē, maw pinakarun na Viruwa i itras na pakarunan. 7zuwa uwasay kanizu na senan i intaw, muramawan maranger za kingera mapiya kanantu vati zi pakutatena'. 8i intaw amelri izu na senan, a maw muramawan uwasay kana senan. 9izu na senan mawna tatena' na senan, zuwa pasenana i punapunan kana tratrautrau ziyan.
10kazu i punapunan na vati, na Viruwa i itras pakalrang kantaw parevuwa' demaway kani punapunan, zi i punapunan na trau 'azi malrazam kantaw. 11zuwa kanantu kinazuwan i intaw, mawmu tu trau 'azi muwai kituluz kantaw. 12mawmu, na kituluz ziya kantaw mu, mawna pakutatena' kantaw na trau, zi veray kanazu za kezang mutu lralrak kana Viruwa i itras i intaw. 13kemani na trau amelri kemay kana kireeman za trungulran, amelri kemay kanantu alengatran i zazek za trau, zi amelri kemay kanantu nirangeran na ma'inayan pinialrak, a maw pinialrak kemay kana Viruwa i itras.
14mutu trau na vati, kaazu kanta i savakan, matemuy za ipuwavut zi za tatena' vati. mena'u ta lra kanantu lihu, ini na lihu penauwa maw tu Alrak na misasa ni Ama na mipauwayan melak.
15uwasay kantaw i Yohanē, 'emuy'uy marengay: <<na kireeman kantaw, marengay ku lra: <i intaw kiliyakuzan kaninku zuwa, mawmu maraayawan kaninku; 'alrana a pinialrak ku pakangawayan mu, kazu lra i intaw.> >>
16kemay kanantu merevaw i savakan, kituluz ta lra za ipuwavut, pawnung puwapuwa za ipuwavut. 17na Viruwa i itras pakalrang kani Mosē pupana za kuret, mawmu na ipuwavut zi na tatena' vati maw pakalrang kani Yēsu Kiristo zi zuwa. 18iniyan ziya a trau za mena'u lra kana Viruwa i itras, mawmau a misasa na Alrak#1.18 <<mawmau misasa na Alrak>> zuma ulra pidaya awatranan lulun vinavalray za <<mawmau maresan kana Viruwa i itras na Alrak misasa>>., mawna maramudalep kani Ama izu na sasa, zi papakalrazam kantaw.
na vati kana semasuwap i Yohanē
(Matay 3.1-12; Maruko 1.1-8; Luka 3.1-18)
19i pakalusu mu tu uwasay ni Yohanē. a azu, i Yērusalem tu yawan na Yodaya pakarun kana rahan zi na Lēvi na trau mukuwa kirepana'uwa kani Yohanē, kiyumalr kantaw: <<i eman u?>>
20i Yohanē 'azi 'emazi temuvang, mawmu penatezelr pakanumaw marengay: <<amelri ku i Kiristo.>>
21kiyumalr nazu: <<nu kemazu mu, i eman u? maw i Ēliya ziyamaw?>>
temuvang i Yohanē: <<amelri ku.>>
kiyumalr ziya nazu: <<maw izu na patralritralri ziyamaw?>>
masalr temuvang i intaw: <<amelri.>>
22patrungulr marengay nazu: <<'alrazi rengayaw mi, i eman u, zi maruwaya mi temuvang kana pakarun kaniyam na trau. rengay i inu, eman trauwan u?>>
23i Yohanē melak kanantu ngay na patralritralri i Isaya temuvang, marengay:
maw ku na kazu i alalas 'emuway'uy na lrengaw:
muramawan kani Luzu temulre'ay papatezelr kanantu dadalan!
24na Palisay na trau tu ipakarun nazu na trau, 25penatezelr kiyumalr kani Yohanē: <<nu maw amelri u i Kiristo, amelri i Ēliya, zi amelri izu na patralritralri, nu kemazu mu, kemuda zi semuwap u?>>
26temuvang i Yohanē: <<semuwap ku za zanum; mawmu ulra a sasa matikezir kanmu i savak, maw na 'azi mu malrazam, 27kiliyakuzan kaninku zuwa i intaw, arusay za paruveli ku melapus kanantu kuse mu 'azi kirepa'uwa.>>
28nanni na lremak kazu mupana i Yorudan zinanuman makakuwaziyu i Bētaniya, mawna semuwap kana trau na kinazuwan ni Yohanē.
tu siri na Viruwa i itras
29kazuwa wari, i Yohanē mena'u kani Yēsu tremepa kantaw zuwa, zi marengay: <<na'uwi a, tu siri na Viruwa i itras, na puwaelak kanantu pinamelriyan za trau i punapunan! 30i ini na sasa maw nanku nirengayan <i intaw kiliyakuzan kaninku zuwa, mawmu maraayawan kaninku; 'alrana a pinialrak ku pakangawayan mu, kazu lra i intaw> izu na sasa. 31zi 'azi ku malrazam kantaw; zuwa ku harem, semuwap za zanum, malrazama na Iseraēl na trau kantaw.>>
32i Yohanē masalr ziya uwasay marengay: <<mena'u ku kana Vangesar Lu'em kamawan kana tutur mulusu kemay lingatr, maziyazi kanantu zazek. 33'azi ku ziya malrazam kantaw, mawmu izu na pakarun kaninku semuwap za zanum na Viruwa i itras marengay kaninku: <mena'u u kana Vangesar Lu'em mulusu, maziyazi kani i eman zazek mu, maw i eman na sasuwap kemay kana Vangesar Lu'em.> 34mena'u ku lra, semeneng uwasay ku kanmu i intaw mawna Alrak kana Viruwa i itras.>>
palrivak palimi' demaulr za temakesi
35melavat lra za saya wari, i Yohanē zi tu temakesi a zazawa kazu ziya i kazu;. 36mena'u kani Yēsu za makalrang i intaw, zi marengay: <<na'uwi a, tu siri na Viruwa i itras!>>
37a kinger na temakesi na zazuwa kanini na ngay mu, zi kurelrang kani Yēsu. 38marepiles i Yēsu, mena'u kanazu za kurelrang, zi kiyumalr: <<maranger mu za eman?>>
temuvang nazu: <<Rabi, kaazu u i iyan?>> (<<Rabi>> tu pauwayan maw a <<sinsi>>.)
39marengay i Yēsu: <<alamu na'u i inmu a!>> nazu kurelrang kantaw salrangan mukuwa, mena'u lra kanantu kaazuwan, azu kana wari mu mukasa kantaw kikazu. (a azu karuwa lra pata tuki a alusu kadaw.)
40na kinger kana ngay ni Yohanē zi kurelrang kani Yēsu izu na zazuwa i savakan, ulra sasa maw i waditaw ni Simon Pētēro i Antēlē. 41i intaw iyanguwayan mukuwa miya'a kani vautaw i Simon, marengay kantaw: <<kiretrevung mi lra kani Misaya.>> (<<Misaya>> tu pauwayan maw <<Kiristo>>.) 42kemazu zi tu pilralrangaw i Simon mukuwa kirena'uwa kani Yēsu.
i Yēsu tremeketrek mena'u kantaw, marengay: <<maw u alrak ni Yohanē i Simon, nu ngadan i Kēfas kakuwa.>> (Kēfas zi Pētēro maresan za pauwayan, tu pauwayan maw a <<danapan>>.)
demaulr kani Filip zi i Natanaēl
43melavat lra za saya wari, i Yēsu kemuret za auwa i Galili siyo. miya' kani Filip i intaw, marengay kantaw: <<alamu kurelrang kaninku!>> (44i Filip maw i Bētsayta na trau, sazekalran kana Antēlē zi i Pētēro.) 45i Filip atrevung kani Natanaēl, marengay kantaw: <<tu vinavalrayan ni Mosē na valray kana kuret zi tu vinavalrayan na patralritralri izu na sasa, mi atrevungay lra. mawna alrak ni Yosēf i intaw, Nazalē na trau i Yēsu.>>
46zi kiyumalr i Natanaēl: <<uwapana za eman a 'inava i Nazalē ziyamaw?>>
marengay i Filip: <<alamu na'uwi i innu a!>>
47a mena'u i Yēsu kani Natanaēl tremepa kantaw zuwa, zi marengay: <<na'uwi, i intaw maw tatenatena' i Iseraēl na trau; tu anger iniyan za saemaema za kuwatrengan!>>
48kiyumalr kantaw i Natanaēl: <<kemuda zi malrazam u kaninku?>>
temuvang i Yēsu: <<a kazu u ziya kana tepur na kawi i makalusu, i Filip 'azi ziyan penaiz kannu mu, mena'u ku lra kannu.>>
49marengay i Natanaēl: <<sinsi, maw u Alrak na Viruwa i itras; maw u ayawan na Iseraēl!>>
50marengay i Yēsu: <<'alrana marengay ku kannu, mena'u ku kannu kazu kana tepur na kawi i makalusu, zi pakutatena' u lra ziyamaw? nana'u u za marama'izang kanini na lremak!>> 51marengay ziya kanazu: <<penazangala ku marengay kanmu, nana'u mu mutruwalr na lingatr, tu tēnsi na Viruwa i itras kazu kanantu zazek kana Alrak na trau, muitras mulusu muwa'a'ivat.>>
Currently Selected:
Yohanē 1: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023
Yohanē 1
1
na vati za uwavaawan
1a mudaway pakangawayan na rukup, kazu lra na vati. na vati mukasa kana Viruwa i itras; na vati maw na Viruwa i itras. 2a melrivak, na vati mu kazu mukasa kana Viruwa i itras. 3na Viruwa i itras pakalrang kantaw parevuwa' demaway kana eman ziyan; kana dinaway peniya i savakan, iniyan a sasaya za amelri ipakalrang kantaw demaway. 4na vati mawna rami za uwavaawan, ini na uwavaawan veray za senan kana trau. 5na senan pasenan kana 'aremengan, na 'aremengan 'azi ziyan kiseker kana senan.
6ulra a sasa trau, mingadan kani Yohanē, maw pinakarun na Viruwa i itras na pakarunan. 7zuwa uwasay kanizu na senan i intaw, muramawan maranger za kingera mapiya kanantu vati zi pakutatena'. 8i intaw amelri izu na senan, a maw muramawan uwasay kana senan. 9izu na senan mawna tatena' na senan, zuwa pasenana i punapunan kana tratrautrau ziyan.
10kazu i punapunan na vati, na Viruwa i itras pakalrang kantaw parevuwa' demaway kani punapunan, zi i punapunan na trau 'azi malrazam kantaw. 11zuwa kanantu kinazuwan i intaw, mawmu tu trau 'azi muwai kituluz kantaw. 12mawmu, na kituluz ziya kantaw mu, mawna pakutatena' kantaw na trau, zi veray kanazu za kezang mutu lralrak kana Viruwa i itras i intaw. 13kemani na trau amelri kemay kana kireeman za trungulran, amelri kemay kanantu alengatran i zazek za trau, zi amelri kemay kanantu nirangeran na ma'inayan pinialrak, a maw pinialrak kemay kana Viruwa i itras.
14mutu trau na vati, kaazu kanta i savakan, matemuy za ipuwavut zi za tatena' vati. mena'u ta lra kanantu lihu, ini na lihu penauwa maw tu Alrak na misasa ni Ama na mipauwayan melak.
15uwasay kantaw i Yohanē, 'emuy'uy marengay: <<na kireeman kantaw, marengay ku lra: <i intaw kiliyakuzan kaninku zuwa, mawmu maraayawan kaninku; 'alrana a pinialrak ku pakangawayan mu, kazu lra i intaw.> >>
16kemay kanantu merevaw i savakan, kituluz ta lra za ipuwavut, pawnung puwapuwa za ipuwavut. 17na Viruwa i itras pakalrang kani Mosē pupana za kuret, mawmu na ipuwavut zi na tatena' vati maw pakalrang kani Yēsu Kiristo zi zuwa. 18iniyan ziya a trau za mena'u lra kana Viruwa i itras, mawmau a misasa na Alrak#1.18 <<mawmau misasa na Alrak>> zuma ulra pidaya awatranan lulun vinavalray za <<mawmau maresan kana Viruwa i itras na Alrak misasa>>., mawna maramudalep kani Ama izu na sasa, zi papakalrazam kantaw.
na vati kana semasuwap i Yohanē
(Matay 3.1-12; Maruko 1.1-8; Luka 3.1-18)
19i pakalusu mu tu uwasay ni Yohanē. a azu, i Yērusalem tu yawan na Yodaya pakarun kana rahan zi na Lēvi na trau mukuwa kirepana'uwa kani Yohanē, kiyumalr kantaw: <<i eman u?>>
20i Yohanē 'azi 'emazi temuvang, mawmu penatezelr pakanumaw marengay: <<amelri ku i Kiristo.>>
21kiyumalr nazu: <<nu kemazu mu, i eman u? maw i Ēliya ziyamaw?>>
temuvang i Yohanē: <<amelri ku.>>
kiyumalr ziya nazu: <<maw izu na patralritralri ziyamaw?>>
masalr temuvang i intaw: <<amelri.>>
22patrungulr marengay nazu: <<'alrazi rengayaw mi, i eman u, zi maruwaya mi temuvang kana pakarun kaniyam na trau. rengay i inu, eman trauwan u?>>
23i Yohanē melak kanantu ngay na patralritralri i Isaya temuvang, marengay:
maw ku na kazu i alalas 'emuway'uy na lrengaw:
muramawan kani Luzu temulre'ay papatezelr kanantu dadalan!
24na Palisay na trau tu ipakarun nazu na trau, 25penatezelr kiyumalr kani Yohanē: <<nu maw amelri u i Kiristo, amelri i Ēliya, zi amelri izu na patralritralri, nu kemazu mu, kemuda zi semuwap u?>>
26temuvang i Yohanē: <<semuwap ku za zanum; mawmu ulra a sasa matikezir kanmu i savak, maw na 'azi mu malrazam, 27kiliyakuzan kaninku zuwa i intaw, arusay za paruveli ku melapus kanantu kuse mu 'azi kirepa'uwa.>>
28nanni na lremak kazu mupana i Yorudan zinanuman makakuwaziyu i Bētaniya, mawna semuwap kana trau na kinazuwan ni Yohanē.
tu siri na Viruwa i itras
29kazuwa wari, i Yohanē mena'u kani Yēsu tremepa kantaw zuwa, zi marengay: <<na'uwi a, tu siri na Viruwa i itras, na puwaelak kanantu pinamelriyan za trau i punapunan! 30i ini na sasa maw nanku nirengayan <i intaw kiliyakuzan kaninku zuwa, mawmu maraayawan kaninku; 'alrana a pinialrak ku pakangawayan mu, kazu lra i intaw> izu na sasa. 31zi 'azi ku malrazam kantaw; zuwa ku harem, semuwap za zanum, malrazama na Iseraēl na trau kantaw.>>
32i Yohanē masalr ziya uwasay marengay: <<mena'u ku kana Vangesar Lu'em kamawan kana tutur mulusu kemay lingatr, maziyazi kanantu zazek. 33'azi ku ziya malrazam kantaw, mawmu izu na pakarun kaninku semuwap za zanum na Viruwa i itras marengay kaninku: <mena'u u kana Vangesar Lu'em mulusu, maziyazi kani i eman zazek mu, maw i eman na sasuwap kemay kana Vangesar Lu'em.> 34mena'u ku lra, semeneng uwasay ku kanmu i intaw mawna Alrak kana Viruwa i itras.>>
palrivak palimi' demaulr za temakesi
35melavat lra za saya wari, i Yohanē zi tu temakesi a zazawa kazu ziya i kazu;. 36mena'u kani Yēsu za makalrang i intaw, zi marengay: <<na'uwi a, tu siri na Viruwa i itras!>>
37a kinger na temakesi na zazuwa kanini na ngay mu, zi kurelrang kani Yēsu. 38marepiles i Yēsu, mena'u kanazu za kurelrang, zi kiyumalr: <<maranger mu za eman?>>
temuvang nazu: <<Rabi, kaazu u i iyan?>> (<<Rabi>> tu pauwayan maw a <<sinsi>>.)
39marengay i Yēsu: <<alamu na'u i inmu a!>> nazu kurelrang kantaw salrangan mukuwa, mena'u lra kanantu kaazuwan, azu kana wari mu mukasa kantaw kikazu. (a azu karuwa lra pata tuki a alusu kadaw.)
40na kinger kana ngay ni Yohanē zi kurelrang kani Yēsu izu na zazuwa i savakan, ulra sasa maw i waditaw ni Simon Pētēro i Antēlē. 41i intaw iyanguwayan mukuwa miya'a kani vautaw i Simon, marengay kantaw: <<kiretrevung mi lra kani Misaya.>> (<<Misaya>> tu pauwayan maw <<Kiristo>>.) 42kemazu zi tu pilralrangaw i Simon mukuwa kirena'uwa kani Yēsu.
i Yēsu tremeketrek mena'u kantaw, marengay: <<maw u alrak ni Yohanē i Simon, nu ngadan i Kēfas kakuwa.>> (Kēfas zi Pētēro maresan za pauwayan, tu pauwayan maw a <<danapan>>.)
demaulr kani Filip zi i Natanaēl
43melavat lra za saya wari, i Yēsu kemuret za auwa i Galili siyo. miya' kani Filip i intaw, marengay kantaw: <<alamu kurelrang kaninku!>> (44i Filip maw i Bētsayta na trau, sazekalran kana Antēlē zi i Pētēro.) 45i Filip atrevung kani Natanaēl, marengay kantaw: <<tu vinavalrayan ni Mosē na valray kana kuret zi tu vinavalrayan na patralritralri izu na sasa, mi atrevungay lra. mawna alrak ni Yosēf i intaw, Nazalē na trau i Yēsu.>>
46zi kiyumalr i Natanaēl: <<uwapana za eman a 'inava i Nazalē ziyamaw?>>
marengay i Filip: <<alamu na'uwi i innu a!>>
47a mena'u i Yēsu kani Natanaēl tremepa kantaw zuwa, zi marengay: <<na'uwi, i intaw maw tatenatena' i Iseraēl na trau; tu anger iniyan za saemaema za kuwatrengan!>>
48kiyumalr kantaw i Natanaēl: <<kemuda zi malrazam u kaninku?>>
temuvang i Yēsu: <<a kazu u ziya kana tepur na kawi i makalusu, i Filip 'azi ziyan penaiz kannu mu, mena'u ku lra kannu.>>
49marengay i Natanaēl: <<sinsi, maw u Alrak na Viruwa i itras; maw u ayawan na Iseraēl!>>
50marengay i Yēsu: <<'alrana marengay ku kannu, mena'u ku kannu kazu kana tepur na kawi i makalusu, zi pakutatena' u lra ziyamaw? nana'u u za marama'izang kanini na lremak!>> 51marengay ziya kanazu: <<penazangala ku marengay kanmu, nana'u mu mutruwalr na lingatr, tu tēnsi na Viruwa i itras kazu kanantu zazek kana Alrak na trau, muitras mulusu muwa'a'ivat.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023