Matai 8
8
Yesu ikumbumbulusya umundu
(Mar 1.40-45; Luk 5.12-16)
1Umwene Yesu bo asulwike pakyamba, popapo ifilundilo fi fingi filinkunkonga. 2Popapo umundu gwambungo ya bukoma alinkwisa kumyake, alinkumbungulukila, alinkuyoba nagwe alinkuti, “Gwe Ntwa, linga gwiganile ubagile ukunyelusya.” 3Umwene Yesu alinkugolosya ikiboko alinkumpalamasya, alinkumwamula alinkuti, “Niganile, elukaga.” Nakalinga itolo alinkweluka ubukoma bwake. 4#Levi 14.1-32Popapo Yesu alinkumbula alinkuti, “Keta ungayakumbulaga yumo umundu, loli buka ukibonesye kumputi, ukatwalege ifyabupe fifyo alagile Mose, fyofiyege fya kumanyilamo abene.”
Yesu ikumbumbulusya umbombi gwa sarijenti
(Luk 7.1-10)
5Lelo bo ingile nkaya ka Kapernaumu, sarijenti yumo alinkwisa kumyake alinkunsuma Yesu alinkuti, 6“Gwe Ntwa, umbombi gwangu alambalele kukaya ali nimbungo ya bukokonyale, yinyasisye fiyo.” 7Umwene Yesu alinkumwamula alinkuti, “Ngwisa kukumbumbulusya.” 8Umwene sarijenti alinkwamula alinkuti, “Gwe Ntwa, ngabagila ukuti ugwe gwingilege nkitembe kyangu, loli uliyobaga lilisyulyene po umbombi gwangu isakuponaga. 9Namanga nanine ndimundu uyu abikigwe pasi pa ba maka, kangi nanine ndi na basikali pasi pamyangu; linga nikumbula yumo nikuti, ‘Bukaga,’ ikubuka, kangi linga nikuyoba kuyungi nikuti, ‘Isaga,’ ikwisa; na kuntumwa gwangu linga nikuti, ‘Bomba iyi,’ ikubomba.” 10Umwene Yesu bo apilike sisisi alinkuswiga, alinkubabula aba bankongaga alinkuti, “Naloli nikubabula une nikuti, ngalwagamo sikumuli yumo ulwitiko ulukulumba bo ulu nkisu kya Israeli. 11#Luk 13.29Une nikubabula nikuti, bingi bisakwisaga ukufuma kubusokelo isuba na kubuyongelo, bisakutugasaniaga pamopene na Abrahamu, na Isaka, na Yakobu, mbutwa bwa kumwanya; 12#Mat 22.13; 25.30; Luk 13.28loli abanyabutwa bisakutagigwaga panja mungisi; mo yisakuyaga nguto ndupunulusyegetulo lwamino.” 13Umwene Yesu alinkumbula sarijenti yula alinkuti, “Bukaga, sikwisilege ugwe bo mumo gwitikile.” Popapo umbombi gwake alinkupona pakabalilo kako itolo.
Yesu ikubabumbulusya abandu babingi
(Mar 1.29-34; Luk 4.38-41)
14Popapo Yesu alinkwakwingila nnyumba ya Peteri, mo alinkumwaga unko gwa Peteri unkikulu alambalele, ali nisekema. 15Alinkumpalamasya ikiboko, popapo isekema yilinkundekesya; alinkusumuka, alinkumbombela. 16Lelo bo bwilile namayolo, popapo balinkuntwalila abandu ba bingi aba mbepo inyali; alinkusisosya imbepo nisyu itolo, nukubabumbulusya bosa aba babinile. 17#Yes 53.4Ukuti mo simalikilege sisyo syayobeligwe nunsololi Yesaya isya kuti, “Umwene abwegile ubonywa bwitu, apimbile nimbungo syitu.”
Aba bikulonda ukuya bafundigwa
(Luk 9.57-62)
18Umwene Yesu bo agile ifilundilo fimbunganile, popapo alinkubabula abafundigwa bake alinkuti, “Oko twambukege.” 19Alinkwisa kumyake yumo ummanyandagilo alinkuti, “Mmanyisi, nikukukongaga kosa kuno kubukaga.” 20Umwene Yesu alinkumbula alinkuti, “Abakambwe bali nimina, ninjuni sya kumwanya sili nififumbwa, loli Nnyamundu akaya napo pabulambaliko untu.” 21Uyungi lolimba fundigwa alinkumbula alinkuti, “Gwe Ntwa ulinyitikisyaga ukutimbuke ngansyile tasi tata.” 22Loli umwene Yesu alinkumbula alinkuti, “Ngongaga, baleke abafwe babasyile abafwe babo.”
Yesu ikugukemela umbelo
(Mar 4.34-41; Luk 8.22-25)
23Popapo Yesu alinkwipaka mwiboti, abafundigwa bake balinkunkonga. 24Balinkwaga inyanja yikusambuka fiyo, namayiga gikulitimbikila iliboti; umwene Yesu yo agonile utulo. 25Popapo balinkwisa kumyake balinkundembusya balinkuti, “Gwe Ntwa, tupoka, tukwibila.” 26Yesu alinkubabula alinkuti, “Muli boga fiki? Mwe ba lwitiko ulupepe umwe!” Alinkusumuka, alinkugukemela umbelo ninyanja, popapo kulinkuya yonjolo itolo. 27Abandu bala balinkuswiganika balinkuti, “Yo mundu nki uyu, buno umbelo ninyanja fikumpilika?”
Yesu ikubabumbulusya aba mbepo inyali babili
(Mar 5.1-20; Luk 8.26-39)
28Umwene Yesu bo afikile isilya lila, nkisu kya baGadara, alinkwaganila nabandu babili aba mbepo inyali, aba bafumile mmapumba; bali bakali fiyo, nayumo umundu abagile ukwenda injila yila. 29Abene balinkukolela balinkuti, “Tuli buki uswe nanugwe, gwe Mwana gwa Kyala? Ngimba gwisile kuno nkutufunda bo akabalilo kakali?” 30Lelo gwalipo pabutalipo untimo gwa ngulube sinyingi isi syatimigwaga. 31Popapo imbepo inyali silinkunsuma silinkuti, “Linga kutusosya, po ututume twingilege muntimo gwa ngulube gula.” 32Umwene Yesu alinkusibula alinkuti, “Amubukege.” Isyene silinkusoka nukwakwingila mungulube; popapo untimo gosa gulinkugulutukila kulupanga, silinkwitaga munyanja, silinkulwila mmisi. 33Loli abatimi balinkubopa, balinkubuka nkaya, balinkwakusifumusya syosa inongwa nisya ba mbepo inyali bala. 34Keta, abandu akayakosa balinkusoka ukubuka kukwaganila nagwe Yesu. Bo bambwene, balinkunsuma ukuti asokemo nkisu kyabo.
Currently Selected:
Matai 8: NNBII
Highlight
Share
Copy
Want to have your highlights saved across all your devices? Sign up or sign in
BAIBULO INONGWA INUNU © Bible Society of Malawi, 2017.
Matai 8
8
Yesu ikumbumbulusya umundu
(Mar 1.40-45; Luk 5.12-16)
1Umwene Yesu bo asulwike pakyamba, popapo ifilundilo fi fingi filinkunkonga. 2Popapo umundu gwambungo ya bukoma alinkwisa kumyake, alinkumbungulukila, alinkuyoba nagwe alinkuti, “Gwe Ntwa, linga gwiganile ubagile ukunyelusya.” 3Umwene Yesu alinkugolosya ikiboko alinkumpalamasya, alinkumwamula alinkuti, “Niganile, elukaga.” Nakalinga itolo alinkweluka ubukoma bwake. 4#Levi 14.1-32Popapo Yesu alinkumbula alinkuti, “Keta ungayakumbulaga yumo umundu, loli buka ukibonesye kumputi, ukatwalege ifyabupe fifyo alagile Mose, fyofiyege fya kumanyilamo abene.”
Yesu ikumbumbulusya umbombi gwa sarijenti
(Luk 7.1-10)
5Lelo bo ingile nkaya ka Kapernaumu, sarijenti yumo alinkwisa kumyake alinkunsuma Yesu alinkuti, 6“Gwe Ntwa, umbombi gwangu alambalele kukaya ali nimbungo ya bukokonyale, yinyasisye fiyo.” 7Umwene Yesu alinkumwamula alinkuti, “Ngwisa kukumbumbulusya.” 8Umwene sarijenti alinkwamula alinkuti, “Gwe Ntwa, ngabagila ukuti ugwe gwingilege nkitembe kyangu, loli uliyobaga lilisyulyene po umbombi gwangu isakuponaga. 9Namanga nanine ndimundu uyu abikigwe pasi pa ba maka, kangi nanine ndi na basikali pasi pamyangu; linga nikumbula yumo nikuti, ‘Bukaga,’ ikubuka, kangi linga nikuyoba kuyungi nikuti, ‘Isaga,’ ikwisa; na kuntumwa gwangu linga nikuti, ‘Bomba iyi,’ ikubomba.” 10Umwene Yesu bo apilike sisisi alinkuswiga, alinkubabula aba bankongaga alinkuti, “Naloli nikubabula une nikuti, ngalwagamo sikumuli yumo ulwitiko ulukulumba bo ulu nkisu kya Israeli. 11#Luk 13.29Une nikubabula nikuti, bingi bisakwisaga ukufuma kubusokelo isuba na kubuyongelo, bisakutugasaniaga pamopene na Abrahamu, na Isaka, na Yakobu, mbutwa bwa kumwanya; 12#Mat 22.13; 25.30; Luk 13.28loli abanyabutwa bisakutagigwaga panja mungisi; mo yisakuyaga nguto ndupunulusyegetulo lwamino.” 13Umwene Yesu alinkumbula sarijenti yula alinkuti, “Bukaga, sikwisilege ugwe bo mumo gwitikile.” Popapo umbombi gwake alinkupona pakabalilo kako itolo.
Yesu ikubabumbulusya abandu babingi
(Mar 1.29-34; Luk 4.38-41)
14Popapo Yesu alinkwakwingila nnyumba ya Peteri, mo alinkumwaga unko gwa Peteri unkikulu alambalele, ali nisekema. 15Alinkumpalamasya ikiboko, popapo isekema yilinkundekesya; alinkusumuka, alinkumbombela. 16Lelo bo bwilile namayolo, popapo balinkuntwalila abandu ba bingi aba mbepo inyali; alinkusisosya imbepo nisyu itolo, nukubabumbulusya bosa aba babinile. 17#Yes 53.4Ukuti mo simalikilege sisyo syayobeligwe nunsololi Yesaya isya kuti, “Umwene abwegile ubonywa bwitu, apimbile nimbungo syitu.”
Aba bikulonda ukuya bafundigwa
(Luk 9.57-62)
18Umwene Yesu bo agile ifilundilo fimbunganile, popapo alinkubabula abafundigwa bake alinkuti, “Oko twambukege.” 19Alinkwisa kumyake yumo ummanyandagilo alinkuti, “Mmanyisi, nikukukongaga kosa kuno kubukaga.” 20Umwene Yesu alinkumbula alinkuti, “Abakambwe bali nimina, ninjuni sya kumwanya sili nififumbwa, loli Nnyamundu akaya napo pabulambaliko untu.” 21Uyungi lolimba fundigwa alinkumbula alinkuti, “Gwe Ntwa ulinyitikisyaga ukutimbuke ngansyile tasi tata.” 22Loli umwene Yesu alinkumbula alinkuti, “Ngongaga, baleke abafwe babasyile abafwe babo.”
Yesu ikugukemela umbelo
(Mar 4.34-41; Luk 8.22-25)
23Popapo Yesu alinkwipaka mwiboti, abafundigwa bake balinkunkonga. 24Balinkwaga inyanja yikusambuka fiyo, namayiga gikulitimbikila iliboti; umwene Yesu yo agonile utulo. 25Popapo balinkwisa kumyake balinkundembusya balinkuti, “Gwe Ntwa, tupoka, tukwibila.” 26Yesu alinkubabula alinkuti, “Muli boga fiki? Mwe ba lwitiko ulupepe umwe!” Alinkusumuka, alinkugukemela umbelo ninyanja, popapo kulinkuya yonjolo itolo. 27Abandu bala balinkuswiganika balinkuti, “Yo mundu nki uyu, buno umbelo ninyanja fikumpilika?”
Yesu ikubabumbulusya aba mbepo inyali babili
(Mar 5.1-20; Luk 8.26-39)
28Umwene Yesu bo afikile isilya lila, nkisu kya baGadara, alinkwaganila nabandu babili aba mbepo inyali, aba bafumile mmapumba; bali bakali fiyo, nayumo umundu abagile ukwenda injila yila. 29Abene balinkukolela balinkuti, “Tuli buki uswe nanugwe, gwe Mwana gwa Kyala? Ngimba gwisile kuno nkutufunda bo akabalilo kakali?” 30Lelo gwalipo pabutalipo untimo gwa ngulube sinyingi isi syatimigwaga. 31Popapo imbepo inyali silinkunsuma silinkuti, “Linga kutusosya, po ututume twingilege muntimo gwa ngulube gula.” 32Umwene Yesu alinkusibula alinkuti, “Amubukege.” Isyene silinkusoka nukwakwingila mungulube; popapo untimo gosa gulinkugulutukila kulupanga, silinkwitaga munyanja, silinkulwila mmisi. 33Loli abatimi balinkubopa, balinkubuka nkaya, balinkwakusifumusya syosa inongwa nisya ba mbepo inyali bala. 34Keta, abandu akayakosa balinkusoka ukubuka kukwaganila nagwe Yesu. Bo bambwene, balinkunsuma ukuti asokemo nkisu kyabo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BAIBULO INONGWA INUNU © Bible Society of Malawi, 2017.