Hagay 1
1
Ny fotoana hananganana indray ny tempoly
1Tamin’ny taona faharoa nanjakan’i Dariôsa, fony andro voalohan’ny volana fahenina, dia nisy tenin’ny TOMPO tamin’ny alalan’i Hagay mpaminany. Hafatra ho an’ny governoran’i Joda, dia i Zerobabela zanakalahin’i Sealtiela#1.1 I Dariôsa dia mpanjakan’ny Persianina ny taona faharoa... ny volana fahenina: izany hoe tokony ho tamin’ny faran’ny volana aogositra 520 tal. J.K. –i Zerobabela zanakalahin’i Sealtiela: araka ny 1 Tan 3.17-19 dia zafikelin’i Jekônià mpanjaka izay nantsoina koa hoe Jôakîna. Noho izany dia taranak’i Davida izy. Ny mpanjakan’i Persia dia nanendry azy ho governoran’i Joda., sy ho an’i Josoa mpisorombe zanakalahin’i Jôtsadaky izany ka nanao hoe:
2–Izao no lazain’ny TOMPOn’izao rehetra izao: «Ny vahoakan’ity firenena ity milaza fa tsy mbola tonga ny fotoana hananganana indray ny tranoko#1.2 Ny tranon’ny Tompo na ny tempolin’i Jerosalema dia voaroba sy voadotran’ny Babilônianina tamin’ny 587 tal. J.K. (Jer 52.12-23). Ireo olona voalohany tafaverina avy any an-tsesitany, ka anisan’ireny i Zerobabela sy i Josoa (Hez 3.1-9) dia nanomboka nanangana indray ny tempoly. Nefa ny fanoheran’ny Samaritanina no nanery azy ireo hampijanona ny asa..» 3Dia nisy indray tenin’ny Tompo tamin’ny alalan’i Hagay mpaminany. Hafatra ho an’ny vahoaka izany ka nanao hoe: 4–Moa ve fotoana tokony hipetrahanareo amina trano voaravaka zava-tsarobidy ankehitriny, kanefa rava ity tempoly ity? 5Koa izao no lazain’ny TOMPOn’izao rehetra izao aminareo: Hevero tsara ny manjo anareo. 6Namafy be ianareo nefa kely no jinjainareo; mihinana ianareo nefa tsy voky ary misotro nefa tsy afa-po; mitafy ianareo nefa tsy mafana; ary ny karaman’ny mpiasa dia mora lany toy ny amin’ny kitapo loaka.» 7Izany no ilazan’ny TOMPOn’izao rehetra izao aminareo hoe: Hevero tsara ny manjo anareo. 8Miakara any an-tendrombohitra, dia makà hazo ary atsangano indray ny tranoko. Ho sitrako sady hahazoako voninahitra izany, hoy AHO aminareo. 9Vokatra betsaka no nantenainareo, nefa hitanareo fa kely no azo. Ary izay notaominareo dia notsofiko hiparitaka. Koa manontany hentitra anareo Izaho TOMPOn’izao rehetra izao hoe: Ahoana izany? Valiny: Satria rava ny tranoko nefa ianareo samy sahirana manao ny tranonareo avy. 10Izany no tsy nisian’ny orana latsaka na zavatra naniry. 11Nantsoiko ny fahamainana hamely ny tany: dia ny tendrombohitra, ny tanimbary sy ny tanimboaloboka ary ny tanin’ôliva sy ny tanimboly hafa; hahita faisana amin’izany koa ny olona mbamin’ny biby fiompy ary ny zavatra rehetra nisasaran’ny tananareo.»
12I Zerobabela zanakalahin’i Sealtiela ary koa i Josoa mpisorombe zanakalahin’i Jôtsadaky mbamin’izay rehetra tafaverina avy any an-tsesitany#1.12 izay rehetra tafaverina avy any an-tsesitany: ny rijan-teny hebreo dia manao hoe ny sisa rehetra tamin’ny vahoaka, jereo Hez 1.4; 9.8,14; Za 8.6,11. dia nandray tsara ny tenin’ny TOMPO Andriamaniny, izay nampitain’i Hagay mpaminany araka ny efa nanirahan’ny TOMPO Andriamaniny azy; ary naneho fanajana ny TOMPO ireo olona ireo. 13Dia araka ny hafatra nampitondrain’ny TOMPO ho an’ny vahoaka no nitenenan’i Hagay iraky ny TOMPO hoe:
–Izaho no miaraka aminareo. Fampanantenana hentitra avy amiko TOMPO izany.
14Dia notairin’ny TOMPO ny risi-pon’i Zerobabela governoran’i Joda sy ny an’i Josoa mpisorombe ary ny an’izay rehetra tafaverina avy any an-tsesitany; ary dia rafitra ireo nanao ny tranon’ilay TOMPOn’izao rehetra izao sady Andriamaniny, 15tamin’ny taona faharoa nanjakan’i Dariôsa, volana fahenina, andro faha-24.
Currently Selected:
Hagay 1: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.