COUNG" NGHEI 1
1
MOUGSOUG" DA PUG
Cng 1—41
Deungmain" Da" Gau Yi Ngei Pyo: Khyoo:
1Akhyeung" da" byu yi phajhi" khyau" da" khyoo: ri he: pyam bang:-
yooboo dab, mo, da" akhyoo" again moo abo cang bang:-
Mangso shid re" ce: akyu" aboo mo, yo' dage"
abo zhung: bang: gi ngilho' nyid boem.
2Hau: tho' moo: agoo" Aseing da" tarha" ri goug goug yi yi tam" gyo: wigi
hau: tarha" ri nyid" ri myen" ri phoid: sho: yu" nyid mo, gi
ngei pyo: khyoo: yo" yu boem.
3Nyangnu" gi gyid yam, moo yug jo, lho:
nya: da" ayo, moo ashi" zei: wigi
afu' we' akyoug lo" da" seiggam yo' du nyid.
Nyangnu" zei: da" moo" zoo" dangain" moo oung: doid lo.
4Nghoid loug we' akhyeung" da" byu yigi hougsu" anghoid.
Nyangnu" gi lid hau' tang" lo" da" pheipyang" yo' du nyid ago".
5Yooboo dab, mo, gi Mangso tarha" dang: phyed khyoo: ri shoug" wa ziyo'
Mangso byumyu" yi jang" mo kho' thu pyam zi shau" boem wa nghoid.
6Deung: byeung" bang: rigi Aseing mo wigi khyoo: shu" vhu" she: ziyo'
lhoug zung" goem coung: zi shoug" nyid boem.
Akhyeung" bang: koem gi joem: lo" byug boem wa zi nghoid.
Currently Selected:
COUNG" NGHEI 1: LCL
Highlight
Share
Copy
Want to have your highlights saved across all your devices? Sign up or sign in
Lacid Bible © Bible Society of Myanmar, 2009.