24
Jesuh Thawhsalnak
(Mat 28.1-10; Mar 16.1-8; Joh 20.1-10)
1Nipi ni zing thlapit ah nunau pawl cu an timtuah ciami rimhmui pawl kengin thlaan ah an feh. 2Thlankhar lung phengpi a rak òhawn aw zo kha an hmu; 3cu hrangah an vung lut, asinain Bawipa Jesuh ih ruak cu an hmu lo. 4An mang a bang ih an ding; culai fangah hmakhatte ah hnipuan tleuzet hrukin mi pahnih an kiangah an rung ding. 5An òih ngaingai ih leilungah an bok; cutikah mi pahnih cun, öZiangah so a thimi lakah a nungmi cu nan hawl? 6Hinah a um nawn lo; a tho sal zo. Galilee-ih a um laiah nan hnenih a simmi kha nan ciing lo maw? 7ðMilai Fapa hi misual pawl kut sungah pek a si ding; thinglamtah parah an khen ding ih ni thum hnuah a tho sal ding,ó a ti kha!” tiah an ti.
8Cule nunau pawl cun a òong kha an vun mang sal ih, 9thlaan ihsin an kir hnuah dungthluntu hleikhat le midang pawl hnenah an sim. 10Nunau pawl cu Mari Magdalene, Joanna le Jeim ih nu Mari tla an si. Anmah le nunau dang an hnenih a telmi pawl in a dungthluntu pawl kha an sim. 11Sikhalsehla a dungthluntu pawl cun nunau pawl ih simmi cu thulolak ah an ruat ih an zum lo. 12Asinain Piter cu a pok ih thlaanah cun a va tlan. Kuun tahratin a vun bih ih ruak tuamnak puan neemte lawng a hmu; a dang zianghman a hmu lo. Cule cutiih a cangmi cu a mangbang zetin inn ah a tlung sal.
Emmaus Khua Ah A Feh
(Mar 16.12-13)
13Cuih ni thotho ah Jesuh a rak thluntu mi pahnih cu Jerusalem ihsin peng sarih hrawng a hlami Emmaus timi khua ah an feh. 14Cule tubaite ih thil a cangmi pawl cu an ruah aw vivo. 15Cutiin an òong ih an relkhawm rero laiah cun Jesuh amah rori in a hun fuuk hai ih an feh tlang. 16Amah cu an hmu naón an thei thiam lo. 17Jesuh in an hnenah, öNan feh phahah ziang thu so nan rel rero?” tiah a sut.
Cule an riahsia mithmai thawn an ding. 18Pakhat pa, Kleopas an timi pa in, öJerusalem khua a ra tlawngtu mi hmuahhmuah lakah nangmah lawng hi maw tuih ni hnih thum sungah Jerusalem khawsungih thil a cangmi pawl a thei lotu hi na si?” tiah a ti.
19Anih in, öZiang thil maw?” tiah a sut.
Annih in, öNazareth Jesuh parih thil a cangmi pawl!” tiah an let. öHimi pa cu Pathian hmai le misenpi hmaiah zozo khal in profet a si ih a òongmi ah siseh, a tuahmi ah siseh, huham a nei ngaingai tiih an ruah òhehmi a si. 20Kan puithiam upa pawl le in hotu pawl in a thihnak rel dingah mi kut ah an pek ih cuticun thinglamtah parah an that. 21Cule amah cu Israel mi tlentu a si ding, tiah ruahsannak kan rak neih zetmi a si. Cuih tlunah cubangtuk thil a can hnu tuih ni hi a ni thumnak ni a si. 22Kan lakih nunau òhenkhat in kan mang in bangter fawn; tuihzing zingthlapit ah thlaan ah an va feh; 23asinain a ruak an va hmu lo. An ra kir ih ðVancungmi kan hmu ih Anih cu a nungsal zo, tiah in sim,ó tiah an ti. 24Kan lakih mi òhenkhat thlaanah an va feh ve ih nunau pawl sim vek cekci in an va hmu ve; asinain amah cu an hmu thotho lo,” tiah an ti.
25Cule Jesuh cun an hnenah, öNannih hi nan va aa so! Profet pawl ih an rak sim ciami nan va zum har lawmmam so! 26Messiah hrangah hi thil pawl hmuahhmuah hi a tuarta òheh hnuah a sunlawinak sungih luh ding cu a òul lo maw si?” tiah a ti. 27Cule Jesuh in Ca Thianghlim sung Moses cauk pawl ihsin thokin profet pawl ih nganmi tiang, amah ih thu an ngannak hmuahhmuah kha an hnenah a simfiang.
28An feh tumnak khua an thlen zik zawng ah Jesuh cu a feh hrih ding vekin a um awter. 29Asinain annih in, öKan hnenah riak ve ko aw! Khua a tlai zo ih a thim thlang fawn,” tiah an kai. Curuangah an hnen riak dingin a thlun. 30An hnenah cun a to ih rawl an hil tlang. Sang a lak ih thla a cam hnuah a phel ih a zem hai. 31Cutikah an mit a hung vaang ih Amah a si kha an thei thiam; asinain an mithmuh ah a hlo sal. 32Anmah le anmah cu, öLamzin kan feh tlang laiih kan hnenih a òong le Ca Thianghlim a simfiang rero laiah khan kan sungah meisa kang vekin a um tho lo maw kha?” tiah an ti aw.
33Hmakhatteah Jerusalem ah an kir sal ih dungthlun hleikhat le a dang pawl an rak tonkhawm lai kha an va hmu ih, 34öBawipa cu a tho sal taktak a si! Simon hnenah a lang!” tiih an rak sim awk rero kha an thei.
35Annih pahnih khal in lamzin ih thil a cangmi thu le sang a phel zawng ih Bawipa a si ti an theihthiamnak thu pawl kha an sim ve.
Dungthlun Pawl Hnenah Jesuh A Lang
(Mat 28.16-20; Mar 16.14-18; Joh 20.19-23; Dung 1.6-8)
36An pahnih in lamzin ih thil a cangmi pawl thu kha dungthluntu hnenih an rel rero laiah hmakhatte ah an lakah Bawipa cu a rung ding ih, öNan hnenah daihnak um seh,” tiah a ti.
37Mithla kan hmu tiah an ruat ih an òih ngaingai. 38Asinain anih in, öZiangah so nan thin a phan? Ziangah so nan thinlung sungah rinhmainak a um ciamco? 39Ka kut le ka ke tla hi zohhnik uh! Keimah sokhaw ka si! I tham uhla nan thei ding; ziangahtile mithla cun ruh le titsa a nei lo, kei cu ka nei ti in hmu a si!” tiah a ti.
40Cutiin a sim ih a kut le a ke tla cu a hmuh hai. 41An zum thei thotho lo; an lung a awi tukih an mang tla a bang tuk fawn. Curuangah anmah cu, öHinah ei òha ziangtal nan nei maw?” tiah a sut. 42Annih in nga pum khat suan cia an pek ih, 43a lak ih an hmuh hnganah cun a ei.
44Cule an hnenah cun, öNan hnen ka um laiah ka sim reromi cu hi thil pawl hi sokhaw an si: Moses Daan cabu sung, profet pawl ih nganmi cabu sung le Saam cabu sungih keimah ih thu an rak nganmi pawl cu a kim òheh a òul a si,” tiah a ti.
45Cun an thinlung mit a vangter ih Ca Thianghlim ih simmi kha an thei thei. 46An hnenah, öAn nganmi cu hihi a si: Messiah cu a tuar pei ih a thih hnu ni thumnak ah a tho sal ding. 47Cule Jerusalem ihsin thokin miphun hmuahhmuah hnenah amah hmin ih sualsirnak le sualngaidamnak thuthang cu phuan a si ding. 48Nannih cu hi thil cangmi pawl ih thutheitu nan si. 49Cule ka Pa ih a lo tiam ciami kha keimah rori in nan parah ka run thlah ding. Asinain tlunlam ihsin huham nan hnenih a rung thlen hlanlo khawpi sungin nan hngak pei,” tiah a ti.
Jesuh Vancung ah A Kai
(Mat 16.19-20; Dung 1.9-11)
50Cun khawpi ihsin a hruai suak hai ih Bethani khua tiang an feh. Cutawkah a ban a pharh ih thlawsuah a pek hai. 51Cutiih thlawsuahnak a pek laiah an hnen ihsin a suak ih vancungah a kai.#Luka 24.51 ðVancung ah a kai,ó timi hi kut ngan cabu òhenkhat sungah a tel lo. 52Amah cu an biak ih lungawi zetin Jerusalem ah an kir. 53An tikcu hmuahhmuah cu Biakinn sungah Pathian thangòhatnak ah an hmang.
Loading reference in secondary version...