EZRA 7
7
Jerusalem Ah Ezra A Thleng
1Kum a hung rei ih Artakzaksis#Artakzaksis timi hi Ezra 4.7 sungih fiantermi siangpahrang pakhatkhat hi a si ding. Artakzaksis I a si ahcun 465-424 BC kum sung a ṭuantu a si. Artakzaksis II a si ahcun 404-358 BC kum sung a ṭuantu a si ding. cu Persia siangpahrang a si tikah, Ezra an timi pa a um. Ezra ih pupa pawl cu Puithiam Sang Aaron ih cithlah an si. Ezra cu Seraiah fapa a si, Seraiah cu Azariah fapa a si, Azariah cu Hilkiah fapa a si; 2Hilkiah cu Shallum fapa a si, Shallum cu Zadok fa a si, Zadok cu Ahitub fapa a si; 3Ahitub cu Amariah fapa a si, Amariah cu Azariah fapa si, Azariah cu Meraioth fapa a si; 4Meraioth cu Zerahiah fapa a si, Zerahiah cu Uzzi fapa a si, Uzzi cu Bukki fapa a si; 5Bukki cu Abishua fapa a si, Abishua cu Finehas fapa a si, Finehas cu Eleazar fapa a si, Eleazar cu Aaron fapa a si.
6Ezra cu Daan thiamzet a si ih Bawipa, Israel ih Pathian in Moses hnenah a pekmi Daan thu cu a thei ngaingai. Ezra cu Bawipa in thlawsuah a pek ruangah a dilmi hmuahhmuah cu siangpahrang in a pek. 7Artakzaksis siangpahrang a ṭuan kum sarihnak kum ah Ezra cu Babilon ihsin Jerusalem ah Israel mi le puithiam pawl Levi mi pawl, Biakinn hla saktu pawl, Biakinn kotka kiltu pawl le hnaṭuantu pawl thawn an feh. 8-9Thla khat thla, ni khat ni ah Babilon ihsin an suak ih Pathian bomnak thawngin Jerusalem cu thla nga thla, ni khat ni ah an thleng. 10Ezra in a tikcu hmuahhmuah cu Bawipa ih pekmi Daan zirnak ah le thlunnak ah siseh, cuih daan le thupekmi pawl cu Israel mi pawl zirhsinnak ah siseh, a hmang.
Artakzaksis In Canganmi Ezra A Pek
11Siangpahrang Artakzaksis in a tanglam ih cangan mi#cangan mi timi hi a tanglam caang 12 ihsin caang 26 tiang nganmi cakuat hi a si ih Aramaik ṭong in nganmi a si. cu Bawipa in Israel mi hnenih a pekmi daan le thupekmi pawl a thei zettu, puithiam le cathiam zetmi Ezra hnenah a pek:
12“Siangpahrang Artakzaksis hnen in van ih Pathian ih Daan thu a thei zettu puithiam Ezra hnenah, 13Ka uk sung khuazakip ih um Israel mi, puithiam pawl le Levi mi pawl, Jerusalem ih kir a duhmi hmuahhmuah cu na hnenah an kir thei ding, tiah thu ka pe a si. 14Siangpahrang keimah le ruahnak i petu ka minung pasarih in, na ṭuanvo ih retmi Pathian ih pekmi Daan cu Judah le Jerusalem ah ziang bangtuk in an thlun, ti vung zoh dingah kan lo thlah a si. 15Israel ih Pathian, Jerusalem khua Biakinn a neitu hnenah, keimah le ruahnak i petu ka minung pasarih in pek kan duhmi sui le ngun na keng pei. 16Cuih tlunah Israel mi le an puithiam pawl in Jerusalem ih ummi Pathian Biakinn hrangih an pekmi pawl le Babilon peng sung ihsin na khawm ciami sui le ngun pawl khal na keng pei.
17“Hi tangka pawl cu cawcang, tuucang, tunote, sangphut le sabitti pawl leinak ah fel zetin na hmang pei ih cupawl cu Jerusalem Biakinn ah thawinak - thlairawl thawinak le inmi thawinak ah na pek pei. 18A taanglai mi sui le ngun a um hrih asile nangmah le na ramsungmi pawl ih a mawi nan tinak ah le nan Pathian ih duhnak bangtuk in nan hmang thei ding. 19Biakinn sung hnaṭuannak le Pathian biaknak ih hman dingah an lo pekmi bungbeel pawl hmuahhmuah cu Jerusalem khua, Pathian hrangah na pe thluh pei. 20Biakinn hrangah na ṭulmi dangdang a um hrih asile siangpahrang tangka sungin na hmang thei ding.
21“Siangpahrang Artakzaksis keimah in, puithiam le Van ih Pathian ih Daan thu a thiamzet mi Ezra ih a dilmi hmuahhmuah cu zamrangte ih pek dingah, Eufrates Nitlaknak lam peng sungih a ummi tangka kiltu pawl hmuahhmuah cu thu ka pe zo. 22A dilmi hmuahhmuah cu-ngun talent zakhat#talent zakhat timi hi pawng thawng sarih le zanga tluk a si ding. tiang, sangvut haan zaruk sawmnga tiang, sabitti pung za le sawmnga tiang, olif hriak pung za le sawmnga tiang, cite cu a ṭul zat, nan pek thei ding, ka ti. 23Van ih Pathian in a biakinn hrangih a haimi hmuahhmuah cu pe thluh dingin taimak zetin ṭuan awla Pathian cu ka parah le ka hnu ih ram a uktu parah ziangtik hmanih a thinheng lo dingin fimkhur zetin tuah aw. 24Puithiam pawl, Levi mi pawl, hla satu pawl, kotka kiltu pawl, hnaṭuantu pawl le hi Biakinn thawn a pehtlai awmi hmuahhmuah hnen ihsin siah siseh, ngunkhuai le a dang khawlmi khal siseh, lak theinak thu hrimhrim nan nei lo a si.
25“Ezra nangmah in, na Pathian ih a lo pekmi fimnak cu hmangin Eufrates Nitlaknak lam pengah Bawipa ih pekmi Daan vekin a nungmi pawl uktu dingah ram uktu bawi le thuṭhentu pawl na ret pei. A thei hrih lo pawl hmuahhmuah hnenah hi daan cu na zirh pei. 26Zokhal in na Pathian ih daan, a si lole ramsung daan cu a thlun lo a si ahcun thah in maw, dawihlo in maw, a thilri hmuahhmuah long ṭheh in maw, thawngthlak in maw, hmakhatte-ih hrem a tuar ding a si,” a ti.
Ezra In Pathian A Thangṭhat
27Cutikah Ezra in, “Kan pupa ih Pathian, Bawipa cu thangṭhat in umseh! Amah in hna a ṭuan ih hi bangtuk in Jerusalem ih a ummi Bawipa ih Biakinn parah siangpahrang in upatnak a neih hi! 28Pathian ih zaangfahnak in siangpahrang le a ruahnak petu pawl le thuneizettu a kuthnuai bawi pawl ih mithmai ṭha ka tong zo a si. Bawipa ka Pathian in ralṭhatnak i pek ih Israel hrin sungih sungkhat lubik ciar tampi cu keimah thawn kir dingin ka leem thei a si,” tiah a ti.
Currently Selected:
EZRA 7: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.