EZRA 4
4
Biakinn Sak Lungkim Lo Pawl
1Cun Judah mi le Benjamin mi a rak huatu pawl in Bawipa, Israel ih Pathian ih Biakinn sak cu saltaannak ihsin a ra kirmi pawl in an thok zo ti kha an thei. 2Cupawl cu Zerubbabel le an hrin ciarih hotu pawl hnenah an feh ih, “Nan biakinn sak cu kan lo bawm ding. Nan biakmi Pathian cu kannih khal in kan bia ve ih Assiria siangpahrang Esarhaddon#siangpahrang Esarhaddon cu BC 681 in 669 tiang Assiria ram pumpi uktu a si. in hi ramih um dingah in run kuat vete in a hnenah thawinak kan pek ringring a si,” an ti.
3Cutikah Zerubbabel, Joshua le an hrin ciar ih hotu pawl cun, “Bawipa kan Pathian hrang Biakinn saknak ah nannih bom kan ṭul lo. Persia siangpahrang Sairas ih thupek vek in kanmah tein kan sak ko pei,” tiah an ti.
4Cutikah cuih ramih a rung ummi milai pawl cun Biakinn sak lo dingah le an tha nau dingah Judah mi pawl cu an hro ciamco. 5Cuih hlei ah Biakinn sak cawlter hai seh tiah Persia Acozah bawi pawl kha nawhthuh an pek ih an tumtahmi tuahsuak thei lo ding le an beidong dingin siangpahrang Sairas in ram a uk sung hmuahhmuah le siangpahrang Darias#siangpahrang Darias cu Darias I a si ih 522 BC in 486 BC tiang Persia siangpahrang a ṭuantu a si. Hi thuhla peh cu caang 24 ah zoh. bawi a ṭuan tiangin cubangtuk in thil ṭha lo an tuah a si. 6Cule siangpahrang Xerxes#siangpahrang Xerxes cu Xerxes I a si ih Persia ram 486 BC in 465 BC tiang a uktu a si. Ahasueras ti tla in an ko. Xerxes cu Persia hmin a si ih Ahasueras cu Hebru hmin a si. a hung bawi tikah Judah le Jerusalem ih a ummi pawl zuarnak ca cu siangpahrang hnenah an pek.
Siangpahrang Hnenih Cakuat Mi
7Persia siangpahrang Artakzaksis#4.7 siangpahrang Artakzaksis cu Artakzaksis I a si, tiin zum a um ih 465 BC in 425 BC tiang Persia ram uktu a si. An zatein Persia ram uktu Artakzaksis pathum an um: Artakzaksis I (465-424 BC), Artakzaksis II (404-358 BC), le Artakzaksis III (358-338 BC) an si. in ram a uk laiah, Bishlam, Mithredath, Tabeel le an rualpi pawl in siangpahrang hnenah ca an ngan. Cuih ca cu Aramaik#4.7 Aramaik ṭong hi Persia ram ih hmanmi ram pumpi ṭong a si ih hi Ezra cauk khal hi 4.8 ihsin 6.18 tiang Hebru ṭong in ngan loin Aramaik ṭong in an ngan a si. ṭong in an ngan ih an rak siar tikah leh a ṭul.
8Cule ram uk bawi Rehum le ramsung sungṭuan Shimshai tla in Jerusalem thu cu siangpahrang Artakzaksis hnenah a tanglam vekin ca an ngan:
9Ram uk bawi Rehum, ramsung sungṭuan Shimshai le anmah bawmtu pawl, thuṭhentu pawl, le Erek, Babilon le Elam ram Susa khawsungmi a rak si ih atu ah bawi a ṭuantu pawl, 10cuih tlunah milian le micak Ashurbanipal#4.10 Ashurbanipal hi Assiria siangpahrang hminthang lakih a neta bik a si ih, 669 BC in 627 BC tiang a uk. in an khua le an ram ihsin a ṭhawn ih Samaria khua le Eufrates Nitlaknak lam Ram #4.10 Eufrates Nitlaknak lam Ram timi hi Persia Ram ukmi sungah Eufrates Tiva ihsin nitlak lam hmuahhmuah tinak a si ih cuih sungah Judah ram tla a tel. ih a umtermi senpi pawl in cuih ca cu an ngan.
11An cangan mi cu hivek in a si:
Eufrates in Nitlaknak lam ih a ummi na sal pawl in siangpahrang Artakzaksis na hnenah ca kan lo kuat. 12Bawipa, na ramsung hmun dangdang ihsin Judah mi hitawk ah an ra thleng ih Jerusalem khua ah an um ih hi khua ṭha lo le ral thawh hmang khua cu an din sal rero. Khua kulhnak phar tla an dawl sal ih a hram lungphummi tla an rem ih an ṭheh cing ding. 13Siangpahrang bawipa, hi khua hi an dinsuak ngaingai ih a phar pawl tla an dawl ṭheh ngaingai a si ahcun hitawk ih misenpi pawl cun siah siseh, ngunkhuai siseh, an lo pe nawn lo ding ih na siahkhawlmi a ṭum ding a si. 14Bawipa, na kuthnuai ummi kan si ih na ram sungih thuhla lo theihter ding cu kan hnaṭuan a si. Siah an pek lo ding le na siahkhawlmi a ṭum ding cu kan duh lo zetmi a si. 15Curuangah na pupa pawl ih an taanmi an thuhla khummi hminsinnak cabupi sungah rak zoh awla, cuih sungah hi khua hi khua hlanlai ihsin raltho hmang khua a rak sizia le siangpahrang le ram uk bawi pawl harsatnak a petu ringring a si kha na hmu ding. Hi khawsungmi pawl hi uk har minung an rak si ringring. Curuangah sokhaw hi khua an rak siatsuah thluhnak cu! 16Hi khua an dinsuah ngaingai ih a phar pawl tla an dawl ṭheh ngaingai ahcun, siangpahrang bawipa, Eufrates Nitlaknak lam Ram cu na uk thei nawn lo ding, ti cu fiangtein kan hmu a si,” an ti.
Siangpahrang ih Cakhirh
17Siangpahrang bawipa in hiti in ca a khirh:
“Ram uk bawi Rehum, ramsung sungṭuan Shimshai, le Samaria le Eufrates Nitlaknak lam ih a ummi anmah bawmtu pawl, cibai ka lo buk hai a si.
18“Ka hnenih nan cakuat cu ṭong an let ih ka theih ah an siar. 19Nan sim vekin thu hminsinnak cabu sungah zingzoi dingin thu ka pek ih an zingzoi tikah khua hlanlai ihsin Jerusalem khua cu siangpahrang a rak dodaltu le mi hnaihnok le raltho pawl umnak a rak si ringring, ti cu an hmu ngaingai. 20Siangpahrang cak zetzet in Jerusalem le Eufrates in Nitlaknak lam Ram cu an rak uk ih siah le ram-nga pawl an rak lak a si. 21Cuih ruangah thu ka lo than sal hlan lo an khua dinsalnak hnaṭuan cu cawl dingin thu rak pe uh. 22Daithlang loin zamrang in rak tuah uh; ka uk sungah thil ṭha lo an suahpi pang ding,” a ti.
23Siangpahrang Artakzaksis cakuat cu Rehum, Shimshai le anmah bawmtu pawl hmai ih an siar ṭheh vete in zamrang zetin Jerusalem ah an feh ih hranhram in an hnaṭuan cu an cawlter.
24A hlan khalah cubangtuk ṭhiamṭhiam in Biakinn sak cu an rak cawlter zo ih Persia siangpahrang Darias bawi a ṭuan kum hnihnak tiang zianghman tuah thei loin an cawl a si. #4.24 zianghman tuah thei loin an cawl. timi hi 535 BC in 520 BC tiang Biakinn sak an rak cawl.
Currently Selected:
EZRA 4: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.