SUAHLANNAK 2
2
Moses Suahnak
1Cuih caanah Levi mi pakhat in a phunpi nunau pakhat a ṭhi. 2A nupi cu fa a vun ih fapa a hring. Fapa mawizet a si tikha a nu in a hmuh tikah thla thum sung a thup. 3Asinain a thuh thei nawn lo tikah phaipheng ih tuahmi bawm pakhat a lak ih tidai lut thei lo dingin cingthling le khuaiseng a hnih. A sungah naute cu a hlum ih tivapi kap hrampi sang zetzet lakah a ret. 4Ziang a cang pei ti theih duh ah a u nu cun hlat nawn in a thlir.
5Cutikah Faro ih fanu tibual dingah tiva ah a ra ih a zawng-um nunau pawl cu tivakap ahcun lam an leng. Faro ih fanu in hrampi lakih bawm cu a hmuh tikah la dingah a zawng-um nu a fial. 6Faro ih fanu in bawm cu a on tikah naute cu ṭap rero ih a um kha a hmu. A zaangfahzet ih, “Hebru naute a si hi!” a ti.
7Cutikah cuih a u nu cun, “Hi naute a lo zohsaktu dingah Hebru nunau pakhat ka va ko pei maw?” tiah a sut.
8Cule Faro ih fanu in, “Va ko aw,” a ti. A va feh ih amah ih nu rori a va ko. 9Cutikah Faro ih fanu cun, “Hi naute hi i rak zohsak awla na zoh man cu ka lo pe ding,” tiah a ti. Curuangah cuih naute cu a nu in a lak ih ṭhatein a zoh. 10Naute cu a hung upat deuh tikah a nu cun Faro ih fanu hnenah a hei fehpi ih Faro ih fanu cun amah ih fapa-ah a tuah. “Tidai sungin ka suahmi a si,” a ti ih a hminah Moses#2.10 Moses: ti cu Hebru ṭong in Suah ti thawn a aw suah a bang aw; ti sungin suahmi ti ai a si. a sak.
Midian Ram Ah Moses A Tlan
11Tawkfang a hung rei hnu, Moses a upat deuh tikah a miphun pawl a va leng. Cutiih a va len tikah a miphun pawl cu Izipt mi pawl in hranhram ih hnaṭuan khung an ṭuanter kha a hmu. Cuih tlunah a phunpi Hebru mi pakhat Izipt mi pa ih a vuak kha a hmu. 12A kiangkap a zoh ih zohman a hmuh lo tikah Izipt mipa cu a that ih a ruak cu vunnel sungah a thup. 13A thaisun ah a phunpi pawl hnenih a va feh sal tikah Hebru mi pahnih an sual-awk rero kha a hmu. Cutikah a mawh deuhtu pa ih hnenah, “Ziangah so na phunpi cu na thawi?” tiah a ti.
14Cutikah anih cun, “Zoin so kan tlunih uktu le thuṭhentu dingah a lo tuah? Izipt pa na thah vekin a thah i tum maw si?” tiah a ti. Cutikah Moses cu a thin a phang ih, “Ka thil tuahmi hi midang in an thei zo a sihi!” tiah a ti. 15Cumi thu cu Faro ih a theih tikah Moses cu thah a tum. Asinain Moses cu a tlan ih Midian ramih um dingin a feh. Midian ram a thlen tikah tikhur pakhat kiangah a cawl.
16Midian ramih puithiam Jethro #2.16 Jethro: Jethro hi Moses ih pu a si ih Reuel ti tla in an ko. in fanu pasarih a nei. A fanu pawl cu tikhur ah an ra ih, an pa ih tuu le me hrangah tidai an khai ih an ṭilva tidai innak kuang sungah an thlet. 17Culaifang ah tuukhal pawl an ra ih an ra dawi hai. Sikhalsehla Moses in nunau pawl cu a ṭan ih an ṭilva cu tidai a peksak. 18Cule an pa hnenih an va kir tikah an pa cun, “Ziangtin so tuihsun bul tuanih nan tlun thei?” tiah a sut.
19“Izipt pa in tuukhal pawl hnenin in run ruangah a si,” tiah an ti. “Kan hrangah tidai hman in khai sak ih ṭilva pawl tla a tul a si,” an ti.
20Cutikah an pa cun, “Khuiah so a um? Ziangah so cupa cu nan taanta? Va ko uhla kan hnenah rawl ra ei seh,” tiah a fanu pawl cu a fial.
21Cuticun Moses cu Midian ramah cun a um ih Jethro in a fanu Zipporah cu Moses ih nupi dingah a pek. 22Zipporah in fapa a nei ih, “Tluang ramah ramdang mi ka si,” a ti ih a hminah Gershom#2.22 Gershom: ti cu Hebru ṭong in Ramdang mi ti thawn a aw suah a bang aw. a sak.
23Kum tampi hnuah Izipt siangpahrang cu a thi. Asinain Israel mi pawl cu sal an tuarnak ruangah an aihram ih an raak an kio lai thotho. Cuti an aihramnak aw cu Pathian hnenah a thleng ih, 24an raak an kionak aw cu Pathian in a thei. Cun Abraham, Isaak le Jakob hnenih a thukammi khal a ciing. 25Israel mi pawl an sal tuarnak cu Pathian in a hmu ih an parah seherhnak a nei.
Currently Selected:
SUAHLANNAK 2: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
SUAHLANNAK 2
2
Moses Suahnak
1Cuih caanah Levi mi pakhat in a phunpi nunau pakhat a ṭhi. 2A nupi cu fa a vun ih fapa a hring. Fapa mawizet a si tikha a nu in a hmuh tikah thla thum sung a thup. 3Asinain a thuh thei nawn lo tikah phaipheng ih tuahmi bawm pakhat a lak ih tidai lut thei lo dingin cingthling le khuaiseng a hnih. A sungah naute cu a hlum ih tivapi kap hrampi sang zetzet lakah a ret. 4Ziang a cang pei ti theih duh ah a u nu cun hlat nawn in a thlir.
5Cutikah Faro ih fanu tibual dingah tiva ah a ra ih a zawng-um nunau pawl cu tivakap ahcun lam an leng. Faro ih fanu in hrampi lakih bawm cu a hmuh tikah la dingah a zawng-um nu a fial. 6Faro ih fanu in bawm cu a on tikah naute cu ṭap rero ih a um kha a hmu. A zaangfahzet ih, “Hebru naute a si hi!” a ti.
7Cutikah cuih a u nu cun, “Hi naute a lo zohsaktu dingah Hebru nunau pakhat ka va ko pei maw?” tiah a sut.
8Cule Faro ih fanu in, “Va ko aw,” a ti. A va feh ih amah ih nu rori a va ko. 9Cutikah Faro ih fanu cun, “Hi naute hi i rak zohsak awla na zoh man cu ka lo pe ding,” tiah a ti. Curuangah cuih naute cu a nu in a lak ih ṭhatein a zoh. 10Naute cu a hung upat deuh tikah a nu cun Faro ih fanu hnenah a hei fehpi ih Faro ih fanu cun amah ih fapa-ah a tuah. “Tidai sungin ka suahmi a si,” a ti ih a hminah Moses#2.10 Moses: ti cu Hebru ṭong in Suah ti thawn a aw suah a bang aw; ti sungin suahmi ti ai a si. a sak.
Midian Ram Ah Moses A Tlan
11Tawkfang a hung rei hnu, Moses a upat deuh tikah a miphun pawl a va leng. Cutiih a va len tikah a miphun pawl cu Izipt mi pawl in hranhram ih hnaṭuan khung an ṭuanter kha a hmu. Cuih tlunah a phunpi Hebru mi pakhat Izipt mi pa ih a vuak kha a hmu. 12A kiangkap a zoh ih zohman a hmuh lo tikah Izipt mipa cu a that ih a ruak cu vunnel sungah a thup. 13A thaisun ah a phunpi pawl hnenih a va feh sal tikah Hebru mi pahnih an sual-awk rero kha a hmu. Cutikah a mawh deuhtu pa ih hnenah, “Ziangah so na phunpi cu na thawi?” tiah a ti.
14Cutikah anih cun, “Zoin so kan tlunih uktu le thuṭhentu dingah a lo tuah? Izipt pa na thah vekin a thah i tum maw si?” tiah a ti. Cutikah Moses cu a thin a phang ih, “Ka thil tuahmi hi midang in an thei zo a sihi!” tiah a ti. 15Cumi thu cu Faro ih a theih tikah Moses cu thah a tum. Asinain Moses cu a tlan ih Midian ramih um dingin a feh. Midian ram a thlen tikah tikhur pakhat kiangah a cawl.
16Midian ramih puithiam Jethro #2.16 Jethro: Jethro hi Moses ih pu a si ih Reuel ti tla in an ko. in fanu pasarih a nei. A fanu pawl cu tikhur ah an ra ih, an pa ih tuu le me hrangah tidai an khai ih an ṭilva tidai innak kuang sungah an thlet. 17Culaifang ah tuukhal pawl an ra ih an ra dawi hai. Sikhalsehla Moses in nunau pawl cu a ṭan ih an ṭilva cu tidai a peksak. 18Cule an pa hnenih an va kir tikah an pa cun, “Ziangtin so tuihsun bul tuanih nan tlun thei?” tiah a sut.
19“Izipt pa in tuukhal pawl hnenin in run ruangah a si,” tiah an ti. “Kan hrangah tidai hman in khai sak ih ṭilva pawl tla a tul a si,” an ti.
20Cutikah an pa cun, “Khuiah so a um? Ziangah so cupa cu nan taanta? Va ko uhla kan hnenah rawl ra ei seh,” tiah a fanu pawl cu a fial.
21Cuticun Moses cu Midian ramah cun a um ih Jethro in a fanu Zipporah cu Moses ih nupi dingah a pek. 22Zipporah in fapa a nei ih, “Tluang ramah ramdang mi ka si,” a ti ih a hminah Gershom#2.22 Gershom: ti cu Hebru ṭong in Ramdang mi ti thawn a aw suah a bang aw. a sak.
23Kum tampi hnuah Izipt siangpahrang cu a thi. Asinain Israel mi pawl cu sal an tuarnak ruangah an aihram ih an raak an kio lai thotho. Cuti an aihramnak aw cu Pathian hnenah a thleng ih, 24an raak an kionak aw cu Pathian in a thei. Cun Abraham, Isaak le Jakob hnenih a thukammi khal a ciing. 25Israel mi pawl an sal tuarnak cu Pathian in a hmu ih an parah seherhnak a nei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.