Rota 4
4
Karakarain’i Bôhaza ny lovan’i Elimelèka
1Dia niakatra ho eo am-bavahadin’ny tanàna toerana fandaminan-draharaha i Bôhaza, ka nipetraka teo. Ary indro nandalo ilay havana mahavotra voalazan’i Bôhaza, ka nantsoiny hoe:
–Avia kely ianao, ranona, mipetraha eto.
Dia nanatona izy, ary nipetraka. 2Dia naka folo lahy tamin’ny loholona tao an-tanàna i Bôhaza, ka nanao hoe:
–Mipetraha eto ianareo.
Ary rehefa nipetraka ireo, 3dia hoy i Bôhaza tamin’ilay havana mahavotra:
–Vidio ny saha izay an’i Elimelèka izay havantsika fa amidin’i Nahômỳ izao izy tafaverina avy tany amin’ny faritr’i Môaba izao. 4Tapa-kevitra aho manko fa hampandre anao mba hampividy anao azy eo anatrehan’ireo olona manatrika eto sy ireo loholona. Koa raha hanavotra ianao, dia avoty; fa raha tsy hanavotra ianao, dia ambarao ahy ho fantatro, satria tsy misy afa-tsy ianao no tokony hanavotra ary izaho no manarakaraka anao.
Ary hoy ny navaliny hoe:
–Izaho no hanavotra!
5Dia hoy kosa i Bôhaza:
–Amin’ny andro ividiananao ny saha eo an-tanan’i Nahômỳ, dia halainao ho vady koa i Rota vehivavy môabita mba hamelo-maso ny anaran’ny maty eo amin’ny lovany#4.5 halainao ho vady koa i Rota: Araka ireo dkt tranainy; amin’ny hebreo: hovidinao amin’i Rota koa. Ho an’ny and rehetra, jereo 2.20 sy nta..
6Fa novalian’ilay havana mahavotra hoe:
–Tsy afaka hanavotra ho an’ny tenako aho raha izany, sao manimba ny anjara lovako. Avoty ho anao izay tokony havotako fa tsy afaka hanavotra aho.
7Fa taloha, tany Israely, raha misy manavotra lova na mifanakalo fananana, dia esorin’ny olona ny kapany#4.7 Ny fanesorana ny kapa dia manambara fa tsy manana alalana amin’ilay fananana intsony. ka omeny ny namany, mba hanamafy ny faharaiketan’ny raharaha. Tany Israely dia izany no antoka fa raikitra ny raharaha. 8Ka ilay havana mahavotra, raha niteny tamin’i Bôhaza hoe «Vidio ho anao izany», dia nanaisotra ny kapany sy nanome azy an’i Bôhaza#4.8 sy nanome azy an’i Bôhaza: tsy hita ao amin’ny rijan-teny hebreo.. 9Tamin’izany dia hoy i Bôhaza tamin’ny loholona sy ny vahoaka rehetra:
–Ianareo no vavolombelona manatri-maso androany fa efa novidiko teo an-tanan’i Nahômỳ izay rehetra an’i Elimelèka sy izay rehetra an’i Kiliôna sy i Mahalôna; 10miaraka amin’izany koa i Rota, vehivavy môabita, dia efa noraisiko ho vadiko mba hamelo-maso ny anaran’ny maty ao amin’ny lovany, ka tsy ho tapaka ny anaran’ny maty eo amin’ny mpiara-monina sy eo am-bavahadin’ny tanàna toerana fandaminan-draharaha.
11Dia hoy ireo vahoaka rehetra izay teo am-bavahady sy loholona hoe:
–Eny, vavolombelona manatri-maso izahay. Hotahin’ny TOMPO anie ity vehivavy izay hankao an-tranonao, ka ho tahaka an-dRahely sy i Lea fa izy roa vavy no niavian’ny vahoaka Israely; hataony manan-karena eo amin’ny Efratîta#4.11 Efratîta: jereo 1.2 sy nta. anie ianao, ary halaza eran’i Betlehema anie ny anaranao! 12Enga anie ny tokantranonao ho tahaka ny an’i Peretsa#4.12 Peretsa: dia razamben’i Bôhaza, jereo 4.18-21; 1 Tan 2.5, 9-12., izay naterak’i Tamara reniny tamin’i Joda, ka ho betsaka ny taranaka izay homen’ny TOMPO anao amin’ity vehivavy tanora ity!
Ny nampakaran’i Bôhaza an’i Rota ho vadiny
13Dia nampakarin’i Bôhaza ho vadiny i Rota. Niray tamin’i Rota izy; ary nambinin’ny TOMPO ravehivavy ka bevohòka, dia niteraka zazalahy. 14Dia hoy ireo vehivavy tao Betlehema tamin’i Nahômỳ:
–Hisaorana anie ny TOMPO fa tsy navelany tsy hanan-kavana mahavotra ianao ankehitriny! Halaza eo amin’i Israely anie ny anaran’ny zafinao! 15Io zafinao io dia hampitombina ny fanahinao sy ho mpanolokolo anao amin’ny fahanteranao, satria ilay vinantovavy fatra-pitia anao sady tsara lavitra ho anao noho ny zanakalahy fito no efa niteraka azy.
16Dia nandray ny zaza i Nahômỳ ka namihina azy teo an-tratrany#4.16 Ka namihina azy teo an-tratrany: mety ho fihetsika manambara fananganana, ampit Gen 30.3-8; 48.5-12; 50-23., ary lasa mpitaiza azy. 17Ny vehivavy mpiara-monina kosa no nanome ny anarany, fa hoy ireo hoe: «Zazalahy no naterak’i Rota ho an’i Nahômỳ!»; koa ny anarany dia nantsoin’ireo hoe Hôbeda: Izy no rain’i Jisay izay rain’i Davida.
Ny tetiaran’i Davida miainga avy eo amin’i Peretsa
18Izao no taranak’i Peretsa: i Peretsa no ray niteraka an’i Hetsirôna, 19i Hetsirôna, ray niteraka an’i Rama; i Rama, ray niteraka an’i Haminadaba; 20i Haminadaba, ray niteraka an’i Nahasôna; Nahasôna, ray niteraka an’i Salmôna; 21i Salmôna, ray niteraka an’i Bôhaza; i Bôhaza, ray niteraka an’i Hôbeda; 22i Hôbeda, ray niteraka an’i Jisay; ary i Jisay no ray niteraka an’i Davida.
Currently Selected:
Rota 4: DIEMDC
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
Rota 4
4
Karakarain’i Bôhaza ny lovan’i Elimelèka
1Dia niakatra ho eo am-bavahadin’ny tanàna toerana fandaminan-draharaha i Bôhaza, ka nipetraka teo. Ary indro nandalo ilay havana mahavotra voalazan’i Bôhaza, ka nantsoiny hoe:
–Avia kely ianao, ranona, mipetraha eto.
Dia nanatona izy, ary nipetraka. 2Dia naka folo lahy tamin’ny loholona tao an-tanàna i Bôhaza, ka nanao hoe:
–Mipetraha eto ianareo.
Ary rehefa nipetraka ireo, 3dia hoy i Bôhaza tamin’ilay havana mahavotra:
–Vidio ny saha izay an’i Elimelèka izay havantsika fa amidin’i Nahômỳ izao izy tafaverina avy tany amin’ny faritr’i Môaba izao. 4Tapa-kevitra aho manko fa hampandre anao mba hampividy anao azy eo anatrehan’ireo olona manatrika eto sy ireo loholona. Koa raha hanavotra ianao, dia avoty; fa raha tsy hanavotra ianao, dia ambarao ahy ho fantatro, satria tsy misy afa-tsy ianao no tokony hanavotra ary izaho no manarakaraka anao.
Ary hoy ny navaliny hoe:
–Izaho no hanavotra!
5Dia hoy kosa i Bôhaza:
–Amin’ny andro ividiananao ny saha eo an-tanan’i Nahômỳ, dia halainao ho vady koa i Rota vehivavy môabita mba hamelo-maso ny anaran’ny maty eo amin’ny lovany#4.5 halainao ho vady koa i Rota: Araka ireo dkt tranainy; amin’ny hebreo: hovidinao amin’i Rota koa. Ho an’ny and rehetra, jereo 2.20 sy nta..
6Fa novalian’ilay havana mahavotra hoe:
–Tsy afaka hanavotra ho an’ny tenako aho raha izany, sao manimba ny anjara lovako. Avoty ho anao izay tokony havotako fa tsy afaka hanavotra aho.
7Fa taloha, tany Israely, raha misy manavotra lova na mifanakalo fananana, dia esorin’ny olona ny kapany#4.7 Ny fanesorana ny kapa dia manambara fa tsy manana alalana amin’ilay fananana intsony. ka omeny ny namany, mba hanamafy ny faharaiketan’ny raharaha. Tany Israely dia izany no antoka fa raikitra ny raharaha. 8Ka ilay havana mahavotra, raha niteny tamin’i Bôhaza hoe «Vidio ho anao izany», dia nanaisotra ny kapany sy nanome azy an’i Bôhaza#4.8 sy nanome azy an’i Bôhaza: tsy hita ao amin’ny rijan-teny hebreo.. 9Tamin’izany dia hoy i Bôhaza tamin’ny loholona sy ny vahoaka rehetra:
–Ianareo no vavolombelona manatri-maso androany fa efa novidiko teo an-tanan’i Nahômỳ izay rehetra an’i Elimelèka sy izay rehetra an’i Kiliôna sy i Mahalôna; 10miaraka amin’izany koa i Rota, vehivavy môabita, dia efa noraisiko ho vadiko mba hamelo-maso ny anaran’ny maty ao amin’ny lovany, ka tsy ho tapaka ny anaran’ny maty eo amin’ny mpiara-monina sy eo am-bavahadin’ny tanàna toerana fandaminan-draharaha.
11Dia hoy ireo vahoaka rehetra izay teo am-bavahady sy loholona hoe:
–Eny, vavolombelona manatri-maso izahay. Hotahin’ny TOMPO anie ity vehivavy izay hankao an-tranonao, ka ho tahaka an-dRahely sy i Lea fa izy roa vavy no niavian’ny vahoaka Israely; hataony manan-karena eo amin’ny Efratîta#4.11 Efratîta: jereo 1.2 sy nta. anie ianao, ary halaza eran’i Betlehema anie ny anaranao! 12Enga anie ny tokantranonao ho tahaka ny an’i Peretsa#4.12 Peretsa: dia razamben’i Bôhaza, jereo 4.18-21; 1 Tan 2.5, 9-12., izay naterak’i Tamara reniny tamin’i Joda, ka ho betsaka ny taranaka izay homen’ny TOMPO anao amin’ity vehivavy tanora ity!
Ny nampakaran’i Bôhaza an’i Rota ho vadiny
13Dia nampakarin’i Bôhaza ho vadiny i Rota. Niray tamin’i Rota izy; ary nambinin’ny TOMPO ravehivavy ka bevohòka, dia niteraka zazalahy. 14Dia hoy ireo vehivavy tao Betlehema tamin’i Nahômỳ:
–Hisaorana anie ny TOMPO fa tsy navelany tsy hanan-kavana mahavotra ianao ankehitriny! Halaza eo amin’i Israely anie ny anaran’ny zafinao! 15Io zafinao io dia hampitombina ny fanahinao sy ho mpanolokolo anao amin’ny fahanteranao, satria ilay vinantovavy fatra-pitia anao sady tsara lavitra ho anao noho ny zanakalahy fito no efa niteraka azy.
16Dia nandray ny zaza i Nahômỳ ka namihina azy teo an-tratrany#4.16 Ka namihina azy teo an-tratrany: mety ho fihetsika manambara fananganana, ampit Gen 30.3-8; 48.5-12; 50-23., ary lasa mpitaiza azy. 17Ny vehivavy mpiara-monina kosa no nanome ny anarany, fa hoy ireo hoe: «Zazalahy no naterak’i Rota ho an’i Nahômỳ!»; koa ny anarany dia nantsoin’ireo hoe Hôbeda: Izy no rain’i Jisay izay rain’i Davida.
Ny tetiaran’i Davida miainga avy eo amin’i Peretsa
18Izao no taranak’i Peretsa: i Peretsa no ray niteraka an’i Hetsirôna, 19i Hetsirôna, ray niteraka an’i Rama; i Rama, ray niteraka an’i Haminadaba; 20i Haminadaba, ray niteraka an’i Nahasôna; Nahasôna, ray niteraka an’i Salmôna; 21i Salmôna, ray niteraka an’i Bôhaza; i Bôhaza, ray niteraka an’i Hôbeda; 22i Hôbeda, ray niteraka an’i Jisay; ary i Jisay no ray niteraka an’i Davida.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.