Nomerỳ 3
3
Ny raharaha nampanaovina ny fokon’i Levỳ
1Ireto avy ny taranak’i Aharôna sy i Mosesy tamin’ny andro nitenenan’ny TOMPO tamin’i Mosesy teo an-tendrombohitra Sinay. 2Nanan-janaka efatra mirahalahy i Aharôna, ka i Nadaba no lahimatoa, ny sisa dia i Abihò sy i Elehazara ary i Itamara#3.2 Jereo 26.60; Eks 6.23.. 3Ireo no anaran’ny zanakalahin’i Aharôna izay samy mpisorona voahosotra sy voatokana hanao ny fisoronana. 4Maty teo anatrehan’ny TOMPO anefa i Nadaba sy Abihò fony nandoro vovo-javamanitra tsy sahaza Azy tany an-taniefitr’i Sinay#3.4 Jereo Lev 10.1-7. Tsy nety angamba ny fomba narahina tamin’ny fampifangaroana ny vovo-javamanitra; jereo Eks 30.34-35.. Samy tsy niteraka izy mirahalahy, koa dia i Elehazara sy i Itamara ihany no sisa nanao ny fisoronana teo anatrehan’i Aharôna rainy.
5Hoy ny TOMPO tamin’i Mosesy:
6–Asaivo manatona ny fokon’i Levỳ ka apetraho eo ambany fahefàn’i Aharôna mpisorona mba hanampy azy#3.6 mba hanampy azy: ny taranak’i Aharôna no sokajin’ny mpisorona. Ny taranak’i Levỳ hafa kosa no sokajin’ny Levita, izay sokajy miankina amin’ny mpisorona.. 7Eo anoloan’ny Tranolay fihaonana no hanatanterahany ny asany ho an’i Aharôna sy ho an’ny fiangonana manontolo, ka hanaovany ny fanompoana ao amin’ny Fonena-masina. 8Hiandraikitra ny fanaka rehetra momba ny Tranolay fihaonana izy ary ho vonona hanompo ny Israelita ka hanatanteraka izany ao amin’ny Tranolay. 9Koa homenao an’i Aharôna sy ny zanany ny Levita; eny, homenao azy marina tokoa avy amin’ny Israelita ireo. 10Hatsanganao hitandrina ny asa fisoronana i Aharôna sy ny zanany; fa izay tsy mpisorona mitady hanatona kosa dia hatao maty.
11Mbola niteny tamin’i Mosesy indray ny TOMPO ka nanao hoe:
12–Indro Aho efa nifidy ny Levita tamin’ny Israelita rehetra ho solon’ny lahimatoa rehetra voalohan-teraka aminy; koa dia Ahy ny Levita, 13satria Ahy ny voalohan-teraka rehetra. Tamin’ny andro namelezako ny voalohan-teraka rehetra tany Ejipta no nanokanako ny voalohan-teraka rehetra tamin’ny Israelita ho Ahy, na olona izay na biby fiompy: Ahy ireo#3.13 Jereo 3.40-51. Ampit Eks 13.1-16.. Izaho no TOMPO.
Fanisana voalohany ny fokon’i Levỳ
14Niteny tamin’i Mosesy tany an-taniefitr’i Sinay ny TOMPO ka nanao hoe:
15–Ataovy ny fanisana ny taranak’i Levỳ isam-pianakaviana sy isan-tarika avy, ka ny Levita lahy rehetra feno iray volana no ho miakatra no hoisainao.
16Dia nataon’i Mosesy ny fanisana azy ireo, araka izay nandidian’ny TOMPO azy.
17Ireto avy ny anaran’ny zanakalahin’i Levỳ: i Gersôna, i Kehata ary i Merarỳ. 18Indreto kosa ny anaran’ny zanakalahin’i Gersôna: i Libnỳ sy i Simehỳ ka izy roa lahy no razan’ny tarika avy aminy. 19Ary ny anaran’ny zanakalahin’i Kehata dia ireto avy: i Hamrama sy i Jitsehara ary i Hebrôna sy i Hoziela ka izy efa-dahy no razan’ny tarika avy aminy. 20Ary ny zanakalahin’i Merarỳ dia i Mahilỳ sy i Mosỳ ka izy roa lahy no razan’ny tarika avy aminy. Izy valo lahy ireo no ipoiran’ny tariky ny Levita araka ny fianakaviambeny avy.
21I Gersôna no razan’ny Gersônita izay misy tarika roa, dia ny Libnita sy ny Simehita. 22Rehefa natao fanisana ny lehilahy rehetra tao aminy, izay feno iray volana no ho miakatra, dia nahatratra 7 500. 23Nitoby teo ivohon’ny Fonena-masina, teo andrefany, ny Gersônita. 24I Eliasafa zanakalahin’i Laela no filoham-pianakaviamben’ny Gersônita. 25Niandraikitra ny amin’ny Tranolay fihaonana no raharahan’i Gersônita; dia ny Fonena-masina, ny lay, ny firakony, ny lambam-baravaran’ny Tranolay fihaonana, 26ny fefilamban’ny kianja sy ny vavahady lamba amin’ny kianja izay manodidina ny Fonena-masina sy ny alitara, ary ny tadin’ny lay. Nisahana ny fikarakarana rehetra momba ireny ny Gersônita.
27I Kehata no razan’ny Kehatita izay misy tarika efatra, dia ny Hamramita sy ny Jitseharita ary ny Hebrônita sy ny Hozielita. 28Rehefa natao fanisana ny lehilahy rehetra tao aminy, izay feno iray volana no ho miakatra, dia 8 600#3.28 8 600: ny dkt tranainy grika dia mamaky hoe 8 300, izay mifanaraka amin’ny fitambaran’isa omena ao amin’ny and 39. Kanefa jereo 3.39 sy nta.. Ireo no mpikarakara ny Fonena-masina. 29Nitoby teo amin’ny lafy atsimon’ny Fonena-masina ny Kehatita. 30I Elisafàna zanakalahin’i Hoziela no filoham-pianakaviamben’ny Kehatita. 31Ny Kehatita no miandraikitra ny Vatamasina, ny latabatra masina, ny fitoeran-jiro sy ny alitara roa ary ny fanaky ny Toeramasina izay fanaovana fanompoam-pivavahana, ary ny varavarana lamba. Nisahana ny fikarakarana rehetra momba ireny ny Kehatita.
32I Elehazara, zanakalahin’i Aharôna mpisorona, no filoha faratampon’ny Levita; izy no mpiandraikitra ireo olona mikarakara ny fanompoana ao amin’ny Toeramasina.
33I Merarỳ no razan’ny Merarita izay nisy tarika roa dia ny Mahilita sy ny Mosita. 34Rehefa natao fanisana ny lehilahy rehetra tao aminy, izay feno iray volana no ho miakatra, dia 6 200. 35I Tsoriela zanakalahin’i Abihaîla no filoham-pianakaviamben’ny Merarita. Nitoby teo amin’ny lafy avaratry ny Fonena-masina izy ireo. 36Ny Merarita no miandraikitra ny hazo fisaka amin’ny Tranolay; ny barany, ny andriny mbamin’ny faladiany, ary ny fanaka rehetra momba azy. Nisahana ny fikarakarana rehetra momba ireny ny Merarita. 37Mbola izy ireo koa no niandraikitra ny andry manodidina ny kianja masina mbamin’ny faladiany sy ny tsatòka ary ny tady.
38I Mosesy sy i Aharôna ary ny zanakalahin’i Aharôna dia nitoby teo anoloana atsinanan’ny Tranolay fihaonana eo amin’ny fiposahan’ny masoandro. Izy ireo no miandraikitra ny fiambenana ny Toeramasina amin’ny anaran’ny Israelita. Izay tsy mpisorona mitady hanatona eo dia hatao maty.
39Ny fitambaran’ny lehilahy levita rehetra feno iray volana no ho miakatra, nisain’i Mosesy sy i Aharôna isan-tarika araka ny didin’ny TOMPO, dia nahatratra 22 000#3.39 Ny isa hoe 7 500 (3.22), 8 600 (3.28), 6 200 (3.34), ary 22 000 (3.39) dia mety mivaky hoe andiany 7 misy lehilahy 500, andiany 8 misy lehilahy 600, andiany 6 misy lehilahy 200 ary andiany 21 misy lehilahy 1 300. Jereo 1.20-45 sy nta..
Ny fanavotana indray ny voalohan-teraka
40Hoy ny TOMPO tamin’i Mosesy:
–Isao ny lahimatoa rehetra, eo amin’ny Israelita, dia izay feno iray volana no ho miakatra, ka ataovy lisitra ny anarany: 41Hatokanao ho Ahy ny Levita ho solon’ny lahimatoa rehetra eo amin’ny Israelita fa Izaho no TOMPO; dia tahaka izany koa, ny biby fiompin’ny Levita no ho solon’ny voalohan-teraky ny biby fiompy rehetra eo amin’ny Israelita.
42Dia nisain’i Mosesy araka ny nandidian’ny TOMPO azy ny lahimatoa rehetra teo amin’ny Israelita, 43dia izay feno iray volana no ho miakatra; ka nahatratra 22 273 ny fitambarany araka ny lisitry ny anarany.
44Hoy koa ny TOMPO tamin’i Mosesy:
45–Atokano ho Ahy ny Levita ho solon’ny lahimatoa rehetra eo amin’ny Israelita fa Izaho no TOMPO; dia tahaka izany koa, ny biby fiompin’ny Levita no ho solon’ny voalohan-teraky ny biby fiompin’ny Israelita. 46Ho fanavotana ny lahimatoa miisa 273 eo amin’ny Israelita, izany hoe ireo lahimatoa izay nihoatra tamin’ny isan’ny Levita, 47dia hakanao sekela dimy isan’olona; ka araka ny sekela fampiasa ao amin’ny Toeramasina, izany hoe sekela iray milanja folo grama, no hangalanao azy. 48Homenao an’i Aharôna sy ny zanany io vola io ho avotr’ireo lahimatoa mihoatra isa ireo.
49Nangonin’i Mosesy ny vola avotra izay nomen’ireo mihoatra isa noho ny voaavotry ny Levita ireo. 50Vola denàry 1 365 no voaangony tamin’ny lahimatoan’ny Israelita, araka ny sekela fampiasa ao amin’ny Toeramasina; 51dia natolotr’i Mosesy an’i Aharôna sy ny zanany izany vola avotra izany, araka ny didy nampitain’ny TOMPO tamin’i Mosesy.
Currently Selected:
Nomerỳ 3: DIEMDC
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
Nomerỳ 3
3
Ny raharaha nampanaovina ny fokon’i Levỳ
1Ireto avy ny taranak’i Aharôna sy i Mosesy tamin’ny andro nitenenan’ny TOMPO tamin’i Mosesy teo an-tendrombohitra Sinay. 2Nanan-janaka efatra mirahalahy i Aharôna, ka i Nadaba no lahimatoa, ny sisa dia i Abihò sy i Elehazara ary i Itamara#3.2 Jereo 26.60; Eks 6.23.. 3Ireo no anaran’ny zanakalahin’i Aharôna izay samy mpisorona voahosotra sy voatokana hanao ny fisoronana. 4Maty teo anatrehan’ny TOMPO anefa i Nadaba sy Abihò fony nandoro vovo-javamanitra tsy sahaza Azy tany an-taniefitr’i Sinay#3.4 Jereo Lev 10.1-7. Tsy nety angamba ny fomba narahina tamin’ny fampifangaroana ny vovo-javamanitra; jereo Eks 30.34-35.. Samy tsy niteraka izy mirahalahy, koa dia i Elehazara sy i Itamara ihany no sisa nanao ny fisoronana teo anatrehan’i Aharôna rainy.
5Hoy ny TOMPO tamin’i Mosesy:
6–Asaivo manatona ny fokon’i Levỳ ka apetraho eo ambany fahefàn’i Aharôna mpisorona mba hanampy azy#3.6 mba hanampy azy: ny taranak’i Aharôna no sokajin’ny mpisorona. Ny taranak’i Levỳ hafa kosa no sokajin’ny Levita, izay sokajy miankina amin’ny mpisorona.. 7Eo anoloan’ny Tranolay fihaonana no hanatanterahany ny asany ho an’i Aharôna sy ho an’ny fiangonana manontolo, ka hanaovany ny fanompoana ao amin’ny Fonena-masina. 8Hiandraikitra ny fanaka rehetra momba ny Tranolay fihaonana izy ary ho vonona hanompo ny Israelita ka hanatanteraka izany ao amin’ny Tranolay. 9Koa homenao an’i Aharôna sy ny zanany ny Levita; eny, homenao azy marina tokoa avy amin’ny Israelita ireo. 10Hatsanganao hitandrina ny asa fisoronana i Aharôna sy ny zanany; fa izay tsy mpisorona mitady hanatona kosa dia hatao maty.
11Mbola niteny tamin’i Mosesy indray ny TOMPO ka nanao hoe:
12–Indro Aho efa nifidy ny Levita tamin’ny Israelita rehetra ho solon’ny lahimatoa rehetra voalohan-teraka aminy; koa dia Ahy ny Levita, 13satria Ahy ny voalohan-teraka rehetra. Tamin’ny andro namelezako ny voalohan-teraka rehetra tany Ejipta no nanokanako ny voalohan-teraka rehetra tamin’ny Israelita ho Ahy, na olona izay na biby fiompy: Ahy ireo#3.13 Jereo 3.40-51. Ampit Eks 13.1-16.. Izaho no TOMPO.
Fanisana voalohany ny fokon’i Levỳ
14Niteny tamin’i Mosesy tany an-taniefitr’i Sinay ny TOMPO ka nanao hoe:
15–Ataovy ny fanisana ny taranak’i Levỳ isam-pianakaviana sy isan-tarika avy, ka ny Levita lahy rehetra feno iray volana no ho miakatra no hoisainao.
16Dia nataon’i Mosesy ny fanisana azy ireo, araka izay nandidian’ny TOMPO azy.
17Ireto avy ny anaran’ny zanakalahin’i Levỳ: i Gersôna, i Kehata ary i Merarỳ. 18Indreto kosa ny anaran’ny zanakalahin’i Gersôna: i Libnỳ sy i Simehỳ ka izy roa lahy no razan’ny tarika avy aminy. 19Ary ny anaran’ny zanakalahin’i Kehata dia ireto avy: i Hamrama sy i Jitsehara ary i Hebrôna sy i Hoziela ka izy efa-dahy no razan’ny tarika avy aminy. 20Ary ny zanakalahin’i Merarỳ dia i Mahilỳ sy i Mosỳ ka izy roa lahy no razan’ny tarika avy aminy. Izy valo lahy ireo no ipoiran’ny tariky ny Levita araka ny fianakaviambeny avy.
21I Gersôna no razan’ny Gersônita izay misy tarika roa, dia ny Libnita sy ny Simehita. 22Rehefa natao fanisana ny lehilahy rehetra tao aminy, izay feno iray volana no ho miakatra, dia nahatratra 7 500. 23Nitoby teo ivohon’ny Fonena-masina, teo andrefany, ny Gersônita. 24I Eliasafa zanakalahin’i Laela no filoham-pianakaviamben’ny Gersônita. 25Niandraikitra ny amin’ny Tranolay fihaonana no raharahan’i Gersônita; dia ny Fonena-masina, ny lay, ny firakony, ny lambam-baravaran’ny Tranolay fihaonana, 26ny fefilamban’ny kianja sy ny vavahady lamba amin’ny kianja izay manodidina ny Fonena-masina sy ny alitara, ary ny tadin’ny lay. Nisahana ny fikarakarana rehetra momba ireny ny Gersônita.
27I Kehata no razan’ny Kehatita izay misy tarika efatra, dia ny Hamramita sy ny Jitseharita ary ny Hebrônita sy ny Hozielita. 28Rehefa natao fanisana ny lehilahy rehetra tao aminy, izay feno iray volana no ho miakatra, dia 8 600#3.28 8 600: ny dkt tranainy grika dia mamaky hoe 8 300, izay mifanaraka amin’ny fitambaran’isa omena ao amin’ny and 39. Kanefa jereo 3.39 sy nta.. Ireo no mpikarakara ny Fonena-masina. 29Nitoby teo amin’ny lafy atsimon’ny Fonena-masina ny Kehatita. 30I Elisafàna zanakalahin’i Hoziela no filoham-pianakaviamben’ny Kehatita. 31Ny Kehatita no miandraikitra ny Vatamasina, ny latabatra masina, ny fitoeran-jiro sy ny alitara roa ary ny fanaky ny Toeramasina izay fanaovana fanompoam-pivavahana, ary ny varavarana lamba. Nisahana ny fikarakarana rehetra momba ireny ny Kehatita.
32I Elehazara, zanakalahin’i Aharôna mpisorona, no filoha faratampon’ny Levita; izy no mpiandraikitra ireo olona mikarakara ny fanompoana ao amin’ny Toeramasina.
33I Merarỳ no razan’ny Merarita izay nisy tarika roa dia ny Mahilita sy ny Mosita. 34Rehefa natao fanisana ny lehilahy rehetra tao aminy, izay feno iray volana no ho miakatra, dia 6 200. 35I Tsoriela zanakalahin’i Abihaîla no filoham-pianakaviamben’ny Merarita. Nitoby teo amin’ny lafy avaratry ny Fonena-masina izy ireo. 36Ny Merarita no miandraikitra ny hazo fisaka amin’ny Tranolay; ny barany, ny andriny mbamin’ny faladiany, ary ny fanaka rehetra momba azy. Nisahana ny fikarakarana rehetra momba ireny ny Merarita. 37Mbola izy ireo koa no niandraikitra ny andry manodidina ny kianja masina mbamin’ny faladiany sy ny tsatòka ary ny tady.
38I Mosesy sy i Aharôna ary ny zanakalahin’i Aharôna dia nitoby teo anoloana atsinanan’ny Tranolay fihaonana eo amin’ny fiposahan’ny masoandro. Izy ireo no miandraikitra ny fiambenana ny Toeramasina amin’ny anaran’ny Israelita. Izay tsy mpisorona mitady hanatona eo dia hatao maty.
39Ny fitambaran’ny lehilahy levita rehetra feno iray volana no ho miakatra, nisain’i Mosesy sy i Aharôna isan-tarika araka ny didin’ny TOMPO, dia nahatratra 22 000#3.39 Ny isa hoe 7 500 (3.22), 8 600 (3.28), 6 200 (3.34), ary 22 000 (3.39) dia mety mivaky hoe andiany 7 misy lehilahy 500, andiany 8 misy lehilahy 600, andiany 6 misy lehilahy 200 ary andiany 21 misy lehilahy 1 300. Jereo 1.20-45 sy nta..
Ny fanavotana indray ny voalohan-teraka
40Hoy ny TOMPO tamin’i Mosesy:
–Isao ny lahimatoa rehetra, eo amin’ny Israelita, dia izay feno iray volana no ho miakatra, ka ataovy lisitra ny anarany: 41Hatokanao ho Ahy ny Levita ho solon’ny lahimatoa rehetra eo amin’ny Israelita fa Izaho no TOMPO; dia tahaka izany koa, ny biby fiompin’ny Levita no ho solon’ny voalohan-teraky ny biby fiompy rehetra eo amin’ny Israelita.
42Dia nisain’i Mosesy araka ny nandidian’ny TOMPO azy ny lahimatoa rehetra teo amin’ny Israelita, 43dia izay feno iray volana no ho miakatra; ka nahatratra 22 273 ny fitambarany araka ny lisitry ny anarany.
44Hoy koa ny TOMPO tamin’i Mosesy:
45–Atokano ho Ahy ny Levita ho solon’ny lahimatoa rehetra eo amin’ny Israelita fa Izaho no TOMPO; dia tahaka izany koa, ny biby fiompin’ny Levita no ho solon’ny voalohan-teraky ny biby fiompin’ny Israelita. 46Ho fanavotana ny lahimatoa miisa 273 eo amin’ny Israelita, izany hoe ireo lahimatoa izay nihoatra tamin’ny isan’ny Levita, 47dia hakanao sekela dimy isan’olona; ka araka ny sekela fampiasa ao amin’ny Toeramasina, izany hoe sekela iray milanja folo grama, no hangalanao azy. 48Homenao an’i Aharôna sy ny zanany io vola io ho avotr’ireo lahimatoa mihoatra isa ireo.
49Nangonin’i Mosesy ny vola avotra izay nomen’ireo mihoatra isa noho ny voaavotry ny Levita ireo. 50Vola denàry 1 365 no voaangony tamin’ny lahimatoan’ny Israelita, araka ny sekela fampiasa ao amin’ny Toeramasina; 51dia natolotr’i Mosesy an’i Aharôna sy ny zanany izany vola avotra izany, araka ny didy nampitain’ny TOMPO tamin’i Mosesy.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.