YouVersion Logo
Search Icon

Maciu 1

1
A WASE I. —Ai tubutubu i Jisu, 1-17. A nona sucu mai vua na gonealewa, 18-25.
1AI vola ni tubutubu i Jisu Karisito, na luve i Tavita, na luve i Eparaama.
2A tama i Aisake ko Eparaama; ka tama i Jekope ko Aisake; ka tama i Juta kei iratou na tuakana kei iratou na tacina ko Jekope; 3ka tama i Feresi kei Sera ko Juta, a tina-drau ko Camari; ka tama i Esiromi ko Feresi; ka tama i Erami ko Esiromi; 4ka tama i Aminatapi ko Erami; ka tama i Naasoni ko Aminatapi; ka tama i Salimoni ko Naasoni; 5ka tama i Poasi ko Salimoni, a tinana ko Reapi; ka tama i Opeti ko Poasi, a tinana ko Ruci; ka tama i Isei ko Opeti; 6ka tama i Tavita na tui ko Isei.
Ka tama i Solomoni ko Tavita na tui, a tinanako koya ka nei Uria; 7ka tama i Ropoami ko Solomoni; ka tama i Epia ko Ropoami; ka tama i Asa ko Epia; 8ka tama i Iosafati ko Asa; ka tama i Yorami ko Iosafati; ka tama i Osia ko Yorami; 9ka tama i Yocami ko Osia; ka tama i Aasi ko Yocami; ka tama i Esekia ko Aasi; 10ka tama i Manase ko Esekia; ka tama i Amoni ko Manase; ka tama i Josia ko Amoni; 11ka tama i Yikonia kei iratou na wekana ko Josia, ni sa yaco na tiko vakavulagi mai Papiloni.
12Ia ni ra sa kau dina ki Papiloni, sa qai sucu ko Salacieli, a tamana ko Yikonia; ka tama i Soropapeli ko Salacieli; 13ka tama i Epiuta ko Soropapeli; ka tama i Eliakimi ko Epiuta; ka tama i Asori ko Eliakimi; 14ka tama i Satoki ko Asori; ka tama i Akeimi ko Satoki; ka tama i Iliuta ko Akeimi; 15ka tama i Eliasari ko Iliuta; ka tama i Macani ko Eliasari; ka tama i Jekope ko Macani; 16ia ko Jekope na tama i Josefa na wati i Meri, o koya sa sucu mai vua ko Jisu, o koya sa vakatokai ko Karisito.
17Sai tabatamata kina e tinikava nai tabatamata kecega sa vakatekivu vata kei Eparaama ka yacovi Tavita; ia sai tabatamata e tinikava ko ira sa vakatekivu vata kei Tavita ka yacova na tiko vakavulagi mai Papiloni; ia sai tabatamata e tinikava ko ira sa vakatekivu vata kei na tiko vakavulagi mai Papiloni ka yacovi Karisito.
18Ia sa vakaoqo na sucu i Jisu Karisito: Ni sa musu eliu ko Meri na tinana vei Josefa, ia ni rau sa sega mada ni veikilai, sa votu na nona bukete mai vua na Yalo Tabu. 19Ia ni sa yalododonu ko Josefa na watina, a sa sega ni via vakasesevotuna, sa gu me biuta vuni yani. 20Ia ni sa vakananuma tiko ko koya na ka o qori, raica, sa dua na agilose ni Turaga sa rairai mai vua e na tadra, ka kaya, Josefa, na luve i Tavita, kakua ni rere ni kauta vei iko na watimu ko Meri: ni sa mai vua na Yalo Tabu na ka sa kunekune vua: 21ia ena vakasucuma ko koya e dua na gonetagane; ia mo vakatoka na yacana ko JISU; ni sai koya ga o qo ena vakabulai ira na nona tamata mai na nodrai valavala ca.
( 22Ia sa yaco kecega o qo, me vakayacori kina na vosa ni Turaga a ya sa tukuna na parofita, ka kaya, 23Raica, ena bukete na gonealewa, ka na vakasucuma e dua na gonetagane, ka na vakatokai na yacana ko Imanueli: —a kenai balebale, A Kalou e na keda maliwa.)
24Ia ni sa yadra mai na moce ko Josefa sa laʼki kitaka me vaka ka kaya vua na agilose ni Turaga, a sa kauta vua na watina: 25a rau sa sega ni veikilai, ka malua me vakasucuma mada ko koya na nona ulumatua na gonetagane; a sa vakatoka na yacana ko koya ko JISU.

Currently Selected:

Maciu 1: FIJ1864

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy