JUDIT 4
4
La xchapan sbaic sventa ta spoj sbaic li israeletique
1C'alal laj ya'yic israeletic ta Judá#4.1 Judá - Li'i ja' sc'oplal scotol yosilalic israeletic ti i'och ta sc'obic yan velta c'alal isutic tal ta Babilonia banamil ti bu to'ox ichucatic batele. Ta yabilal 538 jabil sc'an xtal li Cristoe ja' sba velta isutic tal ta slumalique (2 Cr 36.22-23). Ta yabilal 516 sc'an xtal ta banamil li Cristoe laj yich' ts'u'iltasel li muc'ta ch'ulna yu'unique (Esd 6.16). c'usi tspas li Holofernes ja' li banquilal yajsoldado Nabucodonosor muc'ta ajvalil ta Asiriae, ja' li boch'o ep xa c'usi la spasbeic yantic lume, xchi'uc ti la soquesbe sna sdiosique, 2ep iniquic ta xi'el ta scoj li lum Jerusalene, xchi'uc li xch'ulna Diose, yu'un ja' to isutic tal ta mozoil ta yan lum. 3Ach' to la stsob sbaic li' ta Judá, ja' to la sts'u'iltasic li ch'ulnae, xchi'uc li scajleb smoton Diose xchi'uc scotol c'usitic chtun te ta ch'ulna ti soquesbil to'oxe. 4Ja' yu'un la staquic mantal ta scotol yosilal Samaria, Coná, Bet-horón, Belmain, Jericó, Joba, Asora xchi'uc ta soplejaltic yu'un Salém. 5Bat smaquic li toyolaltic ti bu toyolic vitsetique, la setic ta coralton li tsobtsobnaetic te oyique. La stsob ep sve'elic xchi'uc c'usitic chtun yu'unic ti c'alal yorail pasc'ope, yu'un ach' to la stsobic c'usi iloc' yu'unic li cristianoetique.
6Li Joaquine ja'o ochem ta banquilal pale ta Jerusalén. La sts'ibtabe batel vun li jnaclumetic ta Betuliae,#4.6 Betuliae - Ja' nopbil sbi li jun lum bu ic'ot ta pasel c'usitic albil ta vun li'i. Ja' te xcom ta stenlejaltic ta nopol lum Esdrelón. Mu'yuc bu jech lum ti otquinbil sbi jeche. xchi'uc ta Betomestain te ta yeloval Esdrelón ta yochebal stenlejaltic yu'un Dotane. 7Laj yalbe batel ti ac'o smaquic li ch'acch'ac vits te xjelov tal sbelal Judae, yu'un ja' toj c'un ta maquel ta be te li j'uts'intavanejetique yu'un ja' toj chuculaltic, ja' no'ox xu' chjelovic ta chabchab. 8Li israeletique la xch'unbeic c'usi i'albatic yu'un li banquilal pale Joaquine xchi'uc li banquilal jpasmantaletic yu'unic te ta Jerusalene.
9Scotolic li israeletique tsots i'avanic ta scotol yo'ntonic ta stojol li Diose, biq'uit laj yac' sbaic ta stojol. 10Scotolic la slapic c'u'il ti ch'ixlajan ta lapele, c'alal ta antsetic, ta ololetic, ta xvacaxic, xchi'uc c'alal ta yanlum cristianoetic, c'alal ta mozoetic, ta jsa'abteletic. 11Xchi'uc li jnaclumetic ta Jerusalene iq'uejinic ta yamaq'uil ch'ulna c'alal ta vinic, ta antsetic, ta ololetic laj yac' tan ta sjolic. 12La xpixic ta ch'ixlajan c'u'il noxtoc li scajleb matanale. Jmoj tsots i'avanic, ta scotol yo'ntonic la sc'anbeic vocol li Dios yu'un Israele ti mu me x'ochic ta sc'ob j'uts'intavanejetic li yol xnich'onique, xchi'uc mu me chucbiluc xbatic li yajnilique. Mu me soc li lumetic ti bu ac'bilic comel yu'un smoltot syame'ic ta vo'onee, xchi'uc li ch'ulnae, xchi'uc ti mu me x'aq'ueic ta labanel yu'un li yanlumetique. 13Li Muc'ul Diose laj ya'ibe li sc'opique, la sna'be li svocolique. Scotol li Judá xchi'uc Jerusalene sjil c'ac'al laj yictaic ixim te ta xch'ulna li Dios ti scotol xu' yu'une. 14Li banquilal pale Joaquín xchi'uc scotol li paleetic ti te chtunic ta ch'ulnae te slapojic o li c'u'il ti ch'ixlajan ta lapele; chaq'uic chic'bil matanal xchi'uc yantic matanal ta slequil yo'ntonic li cristianoetique. 15Xchucoj xch'utic ta chuquil ti ch'ixlajane, xchi'uc yac'oj tan ta xpix sjolic ti c'alal tsc'anbeic vocol Muc'ul Diose, ta scotol sjol yo'ntonic, ti ac'o pojaticuc ta scotol slumal li Israele.
Currently Selected:
JUDIT 4: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
JUDIT 4
4
La xchapan sbaic sventa ta spoj sbaic li israeletique
1C'alal laj ya'yic israeletic ta Judá#4.1 Judá - Li'i ja' sc'oplal scotol yosilalic israeletic ti i'och ta sc'obic yan velta c'alal isutic tal ta Babilonia banamil ti bu to'ox ichucatic batele. Ta yabilal 538 jabil sc'an xtal li Cristoe ja' sba velta isutic tal ta slumalique (2 Cr 36.22-23). Ta yabilal 516 sc'an xtal ta banamil li Cristoe laj yich' ts'u'iltasel li muc'ta ch'ulna yu'unique (Esd 6.16). c'usi tspas li Holofernes ja' li banquilal yajsoldado Nabucodonosor muc'ta ajvalil ta Asiriae, ja' li boch'o ep xa c'usi la spasbeic yantic lume, xchi'uc ti la soquesbe sna sdiosique, 2ep iniquic ta xi'el ta scoj li lum Jerusalene, xchi'uc li xch'ulna Diose, yu'un ja' to isutic tal ta mozoil ta yan lum. 3Ach' to la stsob sbaic li' ta Judá, ja' to la sts'u'iltasic li ch'ulnae, xchi'uc li scajleb smoton Diose xchi'uc scotol c'usitic chtun te ta ch'ulna ti soquesbil to'oxe. 4Ja' yu'un la staquic mantal ta scotol yosilal Samaria, Coná, Bet-horón, Belmain, Jericó, Joba, Asora xchi'uc ta soplejaltic yu'un Salém. 5Bat smaquic li toyolaltic ti bu toyolic vitsetique, la setic ta coralton li tsobtsobnaetic te oyique. La stsob ep sve'elic xchi'uc c'usitic chtun yu'unic ti c'alal yorail pasc'ope, yu'un ach' to la stsobic c'usi iloc' yu'unic li cristianoetique.
6Li Joaquine ja'o ochem ta banquilal pale ta Jerusalén. La sts'ibtabe batel vun li jnaclumetic ta Betuliae,#4.6 Betuliae - Ja' nopbil sbi li jun lum bu ic'ot ta pasel c'usitic albil ta vun li'i. Ja' te xcom ta stenlejaltic ta nopol lum Esdrelón. Mu'yuc bu jech lum ti otquinbil sbi jeche. xchi'uc ta Betomestain te ta yeloval Esdrelón ta yochebal stenlejaltic yu'un Dotane. 7Laj yalbe batel ti ac'o smaquic li ch'acch'ac vits te xjelov tal sbelal Judae, yu'un ja' toj c'un ta maquel ta be te li j'uts'intavanejetique yu'un ja' toj chuculaltic, ja' no'ox xu' chjelovic ta chabchab. 8Li israeletique la xch'unbeic c'usi i'albatic yu'un li banquilal pale Joaquine xchi'uc li banquilal jpasmantaletic yu'unic te ta Jerusalene.
9Scotolic li israeletique tsots i'avanic ta scotol yo'ntonic ta stojol li Diose, biq'uit laj yac' sbaic ta stojol. 10Scotolic la slapic c'u'il ti ch'ixlajan ta lapele, c'alal ta antsetic, ta ololetic, ta xvacaxic, xchi'uc c'alal ta yanlum cristianoetic, c'alal ta mozoetic, ta jsa'abteletic. 11Xchi'uc li jnaclumetic ta Jerusalene iq'uejinic ta yamaq'uil ch'ulna c'alal ta vinic, ta antsetic, ta ololetic laj yac' tan ta sjolic. 12La xpixic ta ch'ixlajan c'u'il noxtoc li scajleb matanale. Jmoj tsots i'avanic, ta scotol yo'ntonic la sc'anbeic vocol li Dios yu'un Israele ti mu me x'ochic ta sc'ob j'uts'intavanejetic li yol xnich'onique, xchi'uc mu me chucbiluc xbatic li yajnilique. Mu me soc li lumetic ti bu ac'bilic comel yu'un smoltot syame'ic ta vo'onee, xchi'uc li ch'ulnae, xchi'uc ti mu me x'aq'ueic ta labanel yu'un li yanlumetique. 13Li Muc'ul Diose laj ya'ibe li sc'opique, la sna'be li svocolique. Scotol li Judá xchi'uc Jerusalene sjil c'ac'al laj yictaic ixim te ta xch'ulna li Dios ti scotol xu' yu'une. 14Li banquilal pale Joaquín xchi'uc scotol li paleetic ti te chtunic ta ch'ulnae te slapojic o li c'u'il ti ch'ixlajan ta lapele; chaq'uic chic'bil matanal xchi'uc yantic matanal ta slequil yo'ntonic li cristianoetique. 15Xchucoj xch'utic ta chuquil ti ch'ixlajane, xchi'uc yac'oj tan ta xpix sjolic ti c'alal tsc'anbeic vocol Muc'ul Diose, ta scotol sjol yo'ntonic, ti ac'o pojaticuc ta scotol slumal li Israele.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.