2 Samuel 24
24
Li Davide la stsac ta vun scotol li xchi'iltaque
(1 Cr 21.1-17)
1Li Muc'ul Diose lic ilinuc yan velta ta stojol li israeletique, ja' yu'un laj yac'be sna' David ti ac'o stsac ta vun scotol li xchi'iltaque, yu'un jech ac'o sta svocolic. 2Ja' yu'un li Davide jech laj yalbe li Joab, ja' li banquilal soldado te xchi'inoje:
—Batan ta scotol yosilal li jaychop jchi'iltactique. Tsacbo ta vun sbiic scotolic, yu'un jech ta jna' c'u yepal oy ta scotol. Liqueso ta Dan c'alal to ta Beerseba —xut.
3Pero li Joabe jech laj yal:
—Li Muc'ul Dios, ja' li Dios avu'une, ac'o yepajes stuc vo'vinic (100) velta li jchi'iltactic jech chac c'u cha'al yepalic li' ta orae, xchi'uc ac'o avil to ta asat ti jech chc'ot ta pasele. Yan li tsactsacvun chac'an chbat jpase ¿c'usi stu avu'un? —xi.
4Pero li smantal ajvalile icom o ta sbaic li Joab xchi'uc banquilal soldadoetique. Ja' yu'un li Joab xchi'uc banquilal soldadoetique te ta sat ajvalil iloq'uic batel, bat spasic li tsactsacvun ta stojol israeletique. 5Ijelovic batel ta uc'um Jordán, te la sliquesic ta lum Aroer xchi'uc ta lum ta o'lol stenlejaltic yu'un Gad ta nopol Jazer. 6Ts'acal ibatic ta Galaad xchi'uc ta Gades ta yosilal Hetetic. Ts'acal te ic'otic ta Dan; te no'ox ijoybijic batel ta stuq'uil lum Sidón. 7Ts'acal ibatic ta Tiro, ja' li lum ti lec setbil ta tsatsal coraltone, xchi'uc ta scotol slumal hevetic xchi'uc cananetic. Te to ic'otic ta loq'uel ta stuq'uil sur yu'un Judá ta lum Beerseba. 8C'alal la xanic scotol li yosilalique, isutic batel ta Jerusalén. Pero iloc' xa'ox baluneb u xchi'uc jtob (20) c'ac'al sloq'uelic batel. 9Li Joabe c'ot yac'be ajvalil li sbiic xchi'iltaquique. Te ta Israele iloc' vaxquib ciento ta mil (800,000) viniquetic ti lec xa xu' yu'unic pleitoe; ja' vo'ob ciento ta mil (500,000) viniquetic iloc' te ta Judá.
10Pero li Davide oy smul ic'ot laj ya'ay ta yo'nton ti c'alal la spas li tsactsacvune, jech lic yalbe li Muc'ul Diose:
—Muc'ul Dios, laj xa jta tsots jmul ta atojol ta sventa ti jech la jpase. Ja' yu'un avocoluc ch'aybun ta avo'nton jmul, vu'un li avajtunelune, yu'un ta jbolil no'ox ti jech la jvovil pase —xut.
11Ta sob yoc'omal c'alal liquem xa'ox li Davide, li Muc'ul Diose la sc'opan li j'alc'op Gade, ja' li j'alc'op ti oy ono'ox c'usi tsjac'be li Davide, jech laj yalbe: 12“Bat albo David ti oy oxib c'usi chcalbee. Ac'o st'uj bu junucal tsc'an, yu'un jech xu' ta jpas”, xut. 13Jech ibat li Gade, jech c'ot yalbe li Davide:
—¿C'usi junucal chac'an? ¿Me ja' chac'an chtal vucub jabil vi'nal li' ta cosilaltic, o me ja' chac'an chajatov batel oxib u ta nutsel yu'un avajcontratac, o ja' chac'an chtal tsatsal chamel oxib c'ac'al li' ta jlumaltique? Nopo ta ora yu'un jech ta jna' c'usi chc'ot calbe li boch'o la stacun tale —xut.
14Itac'ov li Davide:
—Toj ep chcat co'nton chca'ay. Ac'o xa no'ox ochcutic ta sc'ob stuc li Muc'ul Diose, yu'un ja' toj ep c'uxubinel yu'un. Ja' mu lecuc me ja' chij'och ta sc'ob li cristianoetique —xi.
15Li Muc'ul Diose ta yoc'omal la stac tal tsatsal chamel ta stojol li israeletique, ja' to ti c'alal its'aqui li sc'ac'alil albile. Ta scotol li yosilalic xlic ta Dan c'alal to ta Beersebae, ichamic lajuneb xchanvinic (70,000) ta mil viniquetic. 16C'alal jutuc xa'ox sc'an x'ul sjunul lum Jerusalén yu'un li j'almantale, li Muc'ul Diose lic c'uxubajuc ta yo'nton, jech laj yalbe li yaj'almantale: “Xu' xa o; mu xa xamil”, xut.
Li j'almantale te xa'ox oy batel ta yav smajubil strigo li Arauna jebuseo vinique. 17C'alal laj yil David ti chmilbat ta chamel xchi'iltac yu'un li j'almantale, jech laj yalbe li Muc'ul Diose:
—Vu'un no'ox jtuc ti oy jmule, ti la jpas c'usi mu lecuque. ¿C'usi smulic li jchi'iltac le'e? Ta jc'anbot vocol ti vu'un ac'o c'otuc ta jbacutic jchi'uc calab jnich'nab li stojol mulil avu'une —xut.
Li Davide la spasbe scajleb smoton Dios
18Te no'ox ta sc'ac'alil ital c'opanatuc yan velta yu'un Gad li Davide, jech i'albat: “Bat pasbo junuc scajleb smoton Dios te ta yav smajubil strigo li Arauna jebuseo vinique”, xut. 19Li Davide bat spas c'usi i'albat yu'un li Gade yu'un jech yaloj mantal li Muc'ul Diose. 20Li Araunae la sq'uel batel ta nom; laj yil ti te tuc' chtalic ta stojol xchi'uc yaj'abteltac li ajvalile. Jech inopaj batel; la squejan spatan sba ta stojol. 21Jech laj yalbe:
—¿C'usi sventa ti tal aq'uelun, vu'un li xocol vinicune? —xut.
Itac'ov li Davide:
—Yu'un ta jc'an ta jmanbot li yav smajubil atrigoe, yu'un li' ta jpasbe jun scajleb smoton li Muc'ul Diose, yu'un jech xu' ch-ech' li tsatsal chamel li' ta jlumale —xut.
22Itac'ov li Araunae:
—Lec oy ajvalil, ich'o ti bu lec chavile; chic'bo smoton li Muc'ul Diose. Oy tot vacaxetic li'i chic'bo smotonin li Diose. Xchi'uc li' oy ste'el jtrigo xchi'uc yabtejebtac jvacax xu' chatunes ta si'. 23Scotol li'i xu' chacac'bot vo'ot li ajvalilote —xut.
Jech laj yal noxtoc li Araunae:
—Lec ti me chaxc'uxubinot li Muc'ul Dios avu'une —xut.
24Li ajvalile jech laj yal:
—Lec oy, colaval. Pero ta jmanbot; ta jtoj ti c'u yepal chac'ane. Yu'un ti me mu'yuc manbil cu'une, mu xu' ta jchic'be smoton li Muc'ul Dios cu'une —xi.
Ja' yu'un li Davide la sman li banamile xchi'uc li tot vacaxetique. Ja' lajuneb yoxvinic (50) ta sep saquil taq'uin la stoj. 25Jech te lic spasbe jun scajleb smoton li Muc'ul Diose. Te la xchic'be, xchi'uc la smilbe smoton sventa ac'o co'oluc yo'ntonic xchi'uc. Ja' yu'un li Muc'ul Diose laj yich' ta muc' ti ic'anbat vocol ta sventa li chamel te ta yosilal israeletique, jech ipaj o li tsatsal chamel ta stojolique.
Currently Selected:
2 Samuel 24: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
2 Samuel 24
24
Li Davide la stsac ta vun scotol li xchi'iltaque
(1 Cr 21.1-17)
1Li Muc'ul Diose lic ilinuc yan velta ta stojol li israeletique, ja' yu'un laj yac'be sna' David ti ac'o stsac ta vun scotol li xchi'iltaque, yu'un jech ac'o sta svocolic. 2Ja' yu'un li Davide jech laj yalbe li Joab, ja' li banquilal soldado te xchi'inoje:
—Batan ta scotol yosilal li jaychop jchi'iltactique. Tsacbo ta vun sbiic scotolic, yu'un jech ta jna' c'u yepal oy ta scotol. Liqueso ta Dan c'alal to ta Beerseba —xut.
3Pero li Joabe jech laj yal:
—Li Muc'ul Dios, ja' li Dios avu'une, ac'o yepajes stuc vo'vinic (100) velta li jchi'iltactic jech chac c'u cha'al yepalic li' ta orae, xchi'uc ac'o avil to ta asat ti jech chc'ot ta pasele. Yan li tsactsacvun chac'an chbat jpase ¿c'usi stu avu'un? —xi.
4Pero li smantal ajvalile icom o ta sbaic li Joab xchi'uc banquilal soldadoetique. Ja' yu'un li Joab xchi'uc banquilal soldadoetique te ta sat ajvalil iloq'uic batel, bat spasic li tsactsacvun ta stojol israeletique. 5Ijelovic batel ta uc'um Jordán, te la sliquesic ta lum Aroer xchi'uc ta lum ta o'lol stenlejaltic yu'un Gad ta nopol Jazer. 6Ts'acal ibatic ta Galaad xchi'uc ta Gades ta yosilal Hetetic. Ts'acal te ic'otic ta Dan; te no'ox ijoybijic batel ta stuq'uil lum Sidón. 7Ts'acal ibatic ta Tiro, ja' li lum ti lec setbil ta tsatsal coraltone, xchi'uc ta scotol slumal hevetic xchi'uc cananetic. Te to ic'otic ta loq'uel ta stuq'uil sur yu'un Judá ta lum Beerseba. 8C'alal la xanic scotol li yosilalique, isutic batel ta Jerusalén. Pero iloc' xa'ox baluneb u xchi'uc jtob (20) c'ac'al sloq'uelic batel. 9Li Joabe c'ot yac'be ajvalil li sbiic xchi'iltaquique. Te ta Israele iloc' vaxquib ciento ta mil (800,000) viniquetic ti lec xa xu' yu'unic pleitoe; ja' vo'ob ciento ta mil (500,000) viniquetic iloc' te ta Judá.
10Pero li Davide oy smul ic'ot laj ya'ay ta yo'nton ti c'alal la spas li tsactsacvune, jech lic yalbe li Muc'ul Diose:
—Muc'ul Dios, laj xa jta tsots jmul ta atojol ta sventa ti jech la jpase. Ja' yu'un avocoluc ch'aybun ta avo'nton jmul, vu'un li avajtunelune, yu'un ta jbolil no'ox ti jech la jvovil pase —xut.
11Ta sob yoc'omal c'alal liquem xa'ox li Davide, li Muc'ul Diose la sc'opan li j'alc'op Gade, ja' li j'alc'op ti oy ono'ox c'usi tsjac'be li Davide, jech laj yalbe: 12“Bat albo David ti oy oxib c'usi chcalbee. Ac'o st'uj bu junucal tsc'an, yu'un jech xu' ta jpas”, xut. 13Jech ibat li Gade, jech c'ot yalbe li Davide:
—¿C'usi junucal chac'an? ¿Me ja' chac'an chtal vucub jabil vi'nal li' ta cosilaltic, o me ja' chac'an chajatov batel oxib u ta nutsel yu'un avajcontratac, o ja' chac'an chtal tsatsal chamel oxib c'ac'al li' ta jlumaltique? Nopo ta ora yu'un jech ta jna' c'usi chc'ot calbe li boch'o la stacun tale —xut.
14Itac'ov li Davide:
—Toj ep chcat co'nton chca'ay. Ac'o xa no'ox ochcutic ta sc'ob stuc li Muc'ul Diose, yu'un ja' toj ep c'uxubinel yu'un. Ja' mu lecuc me ja' chij'och ta sc'ob li cristianoetique —xi.
15Li Muc'ul Diose ta yoc'omal la stac tal tsatsal chamel ta stojol li israeletique, ja' to ti c'alal its'aqui li sc'ac'alil albile. Ta scotol li yosilalic xlic ta Dan c'alal to ta Beersebae, ichamic lajuneb xchanvinic (70,000) ta mil viniquetic. 16C'alal jutuc xa'ox sc'an x'ul sjunul lum Jerusalén yu'un li j'almantale, li Muc'ul Diose lic c'uxubajuc ta yo'nton, jech laj yalbe li yaj'almantale: “Xu' xa o; mu xa xamil”, xut.
Li j'almantale te xa'ox oy batel ta yav smajubil strigo li Arauna jebuseo vinique. 17C'alal laj yil David ti chmilbat ta chamel xchi'iltac yu'un li j'almantale, jech laj yalbe li Muc'ul Diose:
—Vu'un no'ox jtuc ti oy jmule, ti la jpas c'usi mu lecuque. ¿C'usi smulic li jchi'iltac le'e? Ta jc'anbot vocol ti vu'un ac'o c'otuc ta jbacutic jchi'uc calab jnich'nab li stojol mulil avu'une —xut.
Li Davide la spasbe scajleb smoton Dios
18Te no'ox ta sc'ac'alil ital c'opanatuc yan velta yu'un Gad li Davide, jech i'albat: “Bat pasbo junuc scajleb smoton Dios te ta yav smajubil strigo li Arauna jebuseo vinique”, xut. 19Li Davide bat spas c'usi i'albat yu'un li Gade yu'un jech yaloj mantal li Muc'ul Diose. 20Li Araunae la sq'uel batel ta nom; laj yil ti te tuc' chtalic ta stojol xchi'uc yaj'abteltac li ajvalile. Jech inopaj batel; la squejan spatan sba ta stojol. 21Jech laj yalbe:
—¿C'usi sventa ti tal aq'uelun, vu'un li xocol vinicune? —xut.
Itac'ov li Davide:
—Yu'un ta jc'an ta jmanbot li yav smajubil atrigoe, yu'un li' ta jpasbe jun scajleb smoton li Muc'ul Diose, yu'un jech xu' ch-ech' li tsatsal chamel li' ta jlumale —xut.
22Itac'ov li Araunae:
—Lec oy ajvalil, ich'o ti bu lec chavile; chic'bo smoton li Muc'ul Diose. Oy tot vacaxetic li'i chic'bo smotonin li Diose. Xchi'uc li' oy ste'el jtrigo xchi'uc yabtejebtac jvacax xu' chatunes ta si'. 23Scotol li'i xu' chacac'bot vo'ot li ajvalilote —xut.
Jech laj yal noxtoc li Araunae:
—Lec ti me chaxc'uxubinot li Muc'ul Dios avu'une —xut.
24Li ajvalile jech laj yal:
—Lec oy, colaval. Pero ta jmanbot; ta jtoj ti c'u yepal chac'ane. Yu'un ti me mu'yuc manbil cu'une, mu xu' ta jchic'be smoton li Muc'ul Dios cu'une —xi.
Ja' yu'un li Davide la sman li banamile xchi'uc li tot vacaxetique. Ja' lajuneb yoxvinic (50) ta sep saquil taq'uin la stoj. 25Jech te lic spasbe jun scajleb smoton li Muc'ul Diose. Te la xchic'be, xchi'uc la smilbe smoton sventa ac'o co'oluc yo'ntonic xchi'uc. Ja' yu'un li Muc'ul Diose laj yich' ta muc' ti ic'anbat vocol ta sventa li chamel te ta yosilal israeletique, jech ipaj o li tsatsal chamel ta stojolique.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.