1 Reyes 2
2
Li Davide laj yalbe comel lec mantal li Salomone
1C'alal jutuc xa'ox sc'an xcham li Davide, laj yalbe comel mantal li xnich'on Salomone. Jech laj yalbe: 2“Li vu'une jutuc xa sc'an xibat yo' bu chbatic scotol li cristianoetic ta banamile. Tsotsan me, oyuc me lec stsatsal avo'nton; lequil vinic me xapas aba. 3Ja' me xach'un c'usitic yaloj li Muc'ul Dios cu'untique. Ch'unbo me scotol li smantaltaque; ich'o me ta muc' li chanubtasel yu'un jech chac c'u cha'al ts'ibabil yu'un Moisese, yu'un jech lec chbat scotol li c'usitic chapase xchi'uc ti buyuc no'ox chabate. 4Yu'un jech ac'o c'otuc ta pasel ti jech ono'ox yalojbun li Muc'ul Diose: ‘Me mu'yuc ta scomtsanicun o li amomnich'nabtaque, me lec c'usitic tspasic o ta jtojol ta scotol sjol yo'ntonique, mu'yuc ta xlaj sc'oplal o ti ja' ch-ochic ta ajvalilal cu'un te ta Israele’, xiyutun ono'ox”, xi li Davide.
5“Li vo'ote ana'oj c'u x'elan laj yac'bun jvocol li Joab, yol Sarvia ta scoj ti la smil li chib banquilal soldado yu'un israeletique: ja' li Abner,#2 S 3.27. xnich'on Nere, xchi'uc li Amasa,#2 S 20.10. xnich'on Jetere. Yu'un la smil ti c'alal pajem xa'ox pleitoe. Jech vu'un la jcuchubin ta sventa ti imilvane. 6Pero li vo'ote paso me ta sventa abijil; mu me xavac' ti ta smalubel xa chbat ta yavil animaetique. 7Yan li xnich'nabtac Barsilai liquem ta Galaade,#2 S 17.27-29. c'uxubino me; co'ol xave' achi'uc ta amexa. Yu'un la xc'uxubinicun ec ti c'alal lijatov batel ta scoj li abanquil Absalone. 8Q'uelo me aba noxtoc ti te achi'uc li Simei, xnich'on Gera liquem ta jchop yu'un Benjamín te nacal ta lum Bahurime. Ja' ti bats'i chopol c'usi laj yalbun ti c'alal ja'o chibat ta Mahanaime.#2 S 16.5-13. Ts'acal ja' stuc te bat snupun ta be ta uc'um Jordán, jech persa laj calbe ta jamal ta stojol Muc'ul Dios ti mu'yuc ta jmile.#2 S 19.16-23. 9Mu me teuc no'ox xats'icbe li smule. Yu'un li vo'ote oy lec abijil; xana' c'usi chapasbe. Ac'o maluc xch'ich'al ti c'alal mu'yuc to chmalube”, xi li Davide.
Icham li Davide
(1 Cr 29.26-30)
10Li Davide icham. Te bat yich' muquel ta slumal stuc yo' bu mucul li smoltotaque. 11Ti c'u yepal jabil i'och ta ajvalilal li Davide ja' cha'vinic (40) jabil. Vucub jabil i'abtej ta Hebrón; ja' oxlajuneb xcha'vinic (33) jabil i'abtej ta Jerusalén.#2 S 5.4-5; 1 Cr 3.4. 12Li Salomone ja' i'och ta xq'uexol li stote;#1 Cr 29.23. toj lec ibat yu'un ti c'u x'elan la spas mantale.
Li Salomone inaqui ta ajvalilal
13Li Adonías, yol Haguite, bat sq'uel li Betsabé, ja' li sme' Salomone. Li Betsabee jech la sjac':
—¿Me ta yutsil avo'nton ti latale? —xut.
—Jech, 14yu'un oy c'usi ta jc'an chacalbot —xi.
—Alo tal —xi li Betsabee.
15—Li vo'ote lec xana' ti vu'un oy ta jventa ox chi'och ta ajvalilale. Scotol israeletic smala-malaic ti vu'un chi'och ta ajvalilale. Pero li Muc'ul Diose ja' xa laj yac' c'otuc ta stojol li quits'ine; chapal xa yu'un ch-och ta ajvalilal. 16Li' ta orae tal jc'anbot vocol ta atojol, pero mu me xaval ti mu xu' avu'une —xut.
Itac'ov li Betsabee:
—Lec oy, alo tal —xi.
17Jech lic yal li Adoniase:
—Avocoluc albo li ajvalil Salomón ti ac'o yac'bun quic' li Abisag liquem tal ta Suneme. Li vo'ote mu xasjalanbot —xi.
18—Lec oy, xu' ta jc'opanbot li ajvalile —xi itac'ov li Betsabee.
19Jech li Betsabee ibat sc'opan li ajvalil Salomón ta sventa li Adoniase. Li ajvalile itots, la snup li sme'e; la squejan sba ta stojol. Ts'acal bat chotiuc ta xchotleb yan velta. Laj yal mantal ti ac'o yich'ic tal jun xila sventa chchoti li sme'e; te la xchotan ta sbats'ic'ob. 20Li Betsabee jech laj yal:
—Oy jutuc c'usi oy ta co'nton chajc'anbot. Avocoluc mu me xajalanbun —xut.
—Lec oy, yaya, c'ano li c'usi chac'ane. Mu'yuc ta jalanbot —xi li ajvalile.
21—¿Me xu' chavac'be yic' abanquil Adonías li Abisag liquem ta Suneme? —xut.
22Li ajvalil Salomone jech la stac'be li sme'e:
—¿C'u yu'un chac'an ti ac'o yic' Adonías li Abisag liquem ta Suneme? Naca xa muc chac'anbun noxtoc ti ac'o cac'be li cabtel sventa ajvalilale yu'un ja' jbanquil, xchi'uc ja' co'ol yo'nton xchi'uc li pale Abiatare xchi'uc li Joab, yol Sarviae —xut.
23Li ajvalil Salomone jech laj yal jamal ta stojol li Muc'ul Diose: “¡Dios ac'o yac'bun jtoj ti me mu xcham o ta sventa c'usi laj yal li Adoniase! 24Jamal chcal ta stojol Muc'ul Dios, ja' li Dios ti laj yac' ochcun ta ajvalilal, ti laj yac' choticun ta spasubmantal li jtote, ja' li Davide xchi'uc ti ta to xac' ochuc ta ajvalilal li jnich'nabtaque yu'un tana no'ox ta xcham li Adoniase”, xi.
25Ja' yu'un li ajvalil Salomone la stac batel li Benaía, xnich'on Joiadae, yu'un ac'o bat smil li Adoniase, jech te icham o. 26Li ajvalile jech laj yalbe li pale Abiatare “Batan ta Anatot yo' bu avosile. Amoton xa milel ec ti jechuque. Pero ta sventa ti vo'ot laj avich' batel li xcaxail smantal Muc'ul Dios te ta stojol li jtote,#2 S 15.24. xchi'uc laj ava'ay avocol ec ti c'alal ep svocol li jtote, mu'yuc chajmilot”,#1 S 22.20-23. xut. 27Ja' jech la sloq'ues o ta paleal ta stojol Muc'ul Dios li Abiatare yu'un ja' ic'ot ta pasel c'usi laj yal Muc'ul Dios te ta Silo ta sventa li yalab xnich'nab Elie.#1 S 2.27-36.
28Li Joabe ja' co'ol yo'ntonic xchi'uc li Adoniase, ma'uc co'ol yo'ntonic xchi'uc li Absalone. C'alal laj ya'ay Joab li c'usi ic'ot ta pasele, ibat ta ora ta ch'ulna; te la snac' sba ta scajleb smoton Muc'ul Dios. 29Pero bat yalbeic Salomón ti te ijatov batel ta ch'ulna li Joabe ti te xa snac'oj sba ta scajleb smoton Muc'ul Diose. Jech li Salomone la stac batel li Benaía xnich'on Joiadae, yu'un ac'o bat smil. 30I'och batel ta ch'ulna li Benaiae jech c'ot yalbe li Joabe:
—Li ajvalile laj yal tal mantal ti chaloc' batel li'i —xut.
Itac'ov li Joabe:
—¡Mo'oj! ¡Li' no'ox ac'o chamcune! —xi.
Li Benaiae isut batel ta stojol li ajvalile, c'ot yalbe c'usi la stac' li Joabe. 31Li ajvalile jech laj yal:
—Pasbo li c'usi tsc'ane. Milo, muco comel. Yu'un jech ac'o ch'ayuc ta stojol yalab xnich'nab anima jtot xchi'uc ta jtojol ec li mulil ta sventa ti imilvan ta jech no'ox li Joabe. 32Ac'o ac'batuc smulin stuc yu'un Muc'ul Dios ti chchame, yu'un ta yo'nton stuc la smil ta espada li chib viniquetic ti ja' xjelov slequil jech c'u cha'al stuque: ja' li Abner, banquilal soldado ta Israele, xchi'uc Amasa, banquilal soldado ta Judae. Mu'yuc laj ya'ay jtot ti jech la spase. 33Li xch'ich'al chib viniquetique ac'o xcuch stuc li Joab xchi'uc smomnich'nabtaque. Yan li David xchi'uc smomnich'nabtaque ja' ac'o c'otuc o ta stojolic ti xquechcun ch-ochic batel ta ajvalilale. Ac'o junuc no'ox yo'ntonic ta sventa li Muc'ul Diose —xut.
34Ja' yu'un li Benaiae ibat smil li Joabe. Te bat smuquic ta sna ta xocol banamil. 35Li ajvalile ja' laj yac' ochuc ta xq'uexol Joab li Benaiae; ja' la sventain li soldadoetique. Li Sadoque ja' laj yac' ochuc ta xq'uexol li Abiatare. 36Ts'acal lic stac ta iq'uel noxtoc li Simeie, jech laj yalbe:
—Bat paso ana ta Jerusalén; te xanaqui o. Te no'ox oyan o; mu me bu xaloc'. 37Li c'usi c'ac'alil me oy laloc' batele, me ech' atuch' li biq'uit uc'um Cedrone, ta jbel sc'oplal chacham, vo'ot ta amul atuc me lachame —xut.
38Li Simeie jech la stac'be li ajvalile:
—Lec oy, xu' ta jch'un li c'usi chavale, ajvalil —xi.
Li Simeie ep c'ac'al te inaqui ta Jerusalén. 39C'alal i'ech' oxib jabile, li Simeie ijatov batel chib smozotac. Te ibat xchi'inic ta naclej li Aquis, xnich'on Maaca, ajvalil ta Gate. C'alal laj ya'ay Simei ti te xa oyic ta Gat li chib smozotaque, 40lic smeltsan batel sburo; ibat ta sna Aquis ta lum Gat yu'un bat st'un tal li chib smozotaque. Jech te laj yic' tal li smozotaque. 41Li Salomone laj ya'ay ti iloc' batel ta Jerusalén li Simeie, ti ibat ta Gate xchi'uc ti isut xa tale. 42Ja' yu'un li ajvalile la stac ta iq'uel li Simeie, jech laj yalbe:
—¿Me mu laj calbot ta jamal ta stojol Muc'ul Dios ti c'usi c'ac'alil chaloc' ta buyuc no'ox, ti persa chavich' milele? ¿Me mu jechuc laj avalbun: ‘Lec oy, xu' ta jch'un li c'usi laj avalbune’, me mu xachiuc? 43¿C'u yu'un muc xach'un, yu'un laj aval ta jamal ti chach'une? ¿C'u yu'un muc xach'un li c'usi laj calbote? 44Li vo'ote lec xana' li c'usitic chopol la apasbe li David, ja' li jtote. Ja' yu'un li Muc'ul Diose ta xac' sutuc tal ta atojol ec li c'usi chopol apasoje. 45Vu'un li ajvalil Salomonune, ac'bilun bendición. Li yabtel David sventa ajvalilale j'ech'el jech te chcom o ta stojol li Muc'ul Diose —xut.
46Li ajvalile lic spas ta mantal li Benaía, xnich'on Joiadae, yu'un ac'o bat smil li Simeie jech ibat smil. Jech lic sventain o lec yabtel ta ajvalilal li Salomone.
Currently Selected:
1 Reyes 2: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
1 Reyes 2
2
Li Davide laj yalbe comel lec mantal li Salomone
1C'alal jutuc xa'ox sc'an xcham li Davide, laj yalbe comel mantal li xnich'on Salomone. Jech laj yalbe: 2“Li vu'une jutuc xa sc'an xibat yo' bu chbatic scotol li cristianoetic ta banamile. Tsotsan me, oyuc me lec stsatsal avo'nton; lequil vinic me xapas aba. 3Ja' me xach'un c'usitic yaloj li Muc'ul Dios cu'untique. Ch'unbo me scotol li smantaltaque; ich'o me ta muc' li chanubtasel yu'un jech chac c'u cha'al ts'ibabil yu'un Moisese, yu'un jech lec chbat scotol li c'usitic chapase xchi'uc ti buyuc no'ox chabate. 4Yu'un jech ac'o c'otuc ta pasel ti jech ono'ox yalojbun li Muc'ul Diose: ‘Me mu'yuc ta scomtsanicun o li amomnich'nabtaque, me lec c'usitic tspasic o ta jtojol ta scotol sjol yo'ntonique, mu'yuc ta xlaj sc'oplal o ti ja' ch-ochic ta ajvalilal cu'un te ta Israele’, xiyutun ono'ox”, xi li Davide.
5“Li vo'ote ana'oj c'u x'elan laj yac'bun jvocol li Joab, yol Sarvia ta scoj ti la smil li chib banquilal soldado yu'un israeletique: ja' li Abner,#2 S 3.27. xnich'on Nere, xchi'uc li Amasa,#2 S 20.10. xnich'on Jetere. Yu'un la smil ti c'alal pajem xa'ox pleitoe. Jech vu'un la jcuchubin ta sventa ti imilvane. 6Pero li vo'ote paso me ta sventa abijil; mu me xavac' ti ta smalubel xa chbat ta yavil animaetique. 7Yan li xnich'nabtac Barsilai liquem ta Galaade,#2 S 17.27-29. c'uxubino me; co'ol xave' achi'uc ta amexa. Yu'un la xc'uxubinicun ec ti c'alal lijatov batel ta scoj li abanquil Absalone. 8Q'uelo me aba noxtoc ti te achi'uc li Simei, xnich'on Gera liquem ta jchop yu'un Benjamín te nacal ta lum Bahurime. Ja' ti bats'i chopol c'usi laj yalbun ti c'alal ja'o chibat ta Mahanaime.#2 S 16.5-13. Ts'acal ja' stuc te bat snupun ta be ta uc'um Jordán, jech persa laj calbe ta jamal ta stojol Muc'ul Dios ti mu'yuc ta jmile.#2 S 19.16-23. 9Mu me teuc no'ox xats'icbe li smule. Yu'un li vo'ote oy lec abijil; xana' c'usi chapasbe. Ac'o maluc xch'ich'al ti c'alal mu'yuc to chmalube”, xi li Davide.
Icham li Davide
(1 Cr 29.26-30)
10Li Davide icham. Te bat yich' muquel ta slumal stuc yo' bu mucul li smoltotaque. 11Ti c'u yepal jabil i'och ta ajvalilal li Davide ja' cha'vinic (40) jabil. Vucub jabil i'abtej ta Hebrón; ja' oxlajuneb xcha'vinic (33) jabil i'abtej ta Jerusalén.#2 S 5.4-5; 1 Cr 3.4. 12Li Salomone ja' i'och ta xq'uexol li stote;#1 Cr 29.23. toj lec ibat yu'un ti c'u x'elan la spas mantale.
Li Salomone inaqui ta ajvalilal
13Li Adonías, yol Haguite, bat sq'uel li Betsabé, ja' li sme' Salomone. Li Betsabee jech la sjac':
—¿Me ta yutsil avo'nton ti latale? —xut.
—Jech, 14yu'un oy c'usi ta jc'an chacalbot —xi.
—Alo tal —xi li Betsabee.
15—Li vo'ote lec xana' ti vu'un oy ta jventa ox chi'och ta ajvalilale. Scotol israeletic smala-malaic ti vu'un chi'och ta ajvalilale. Pero li Muc'ul Diose ja' xa laj yac' c'otuc ta stojol li quits'ine; chapal xa yu'un ch-och ta ajvalilal. 16Li' ta orae tal jc'anbot vocol ta atojol, pero mu me xaval ti mu xu' avu'une —xut.
Itac'ov li Betsabee:
—Lec oy, alo tal —xi.
17Jech lic yal li Adoniase:
—Avocoluc albo li ajvalil Salomón ti ac'o yac'bun quic' li Abisag liquem tal ta Suneme. Li vo'ote mu xasjalanbot —xi.
18—Lec oy, xu' ta jc'opanbot li ajvalile —xi itac'ov li Betsabee.
19Jech li Betsabee ibat sc'opan li ajvalil Salomón ta sventa li Adoniase. Li ajvalile itots, la snup li sme'e; la squejan sba ta stojol. Ts'acal bat chotiuc ta xchotleb yan velta. Laj yal mantal ti ac'o yich'ic tal jun xila sventa chchoti li sme'e; te la xchotan ta sbats'ic'ob. 20Li Betsabee jech laj yal:
—Oy jutuc c'usi oy ta co'nton chajc'anbot. Avocoluc mu me xajalanbun —xut.
—Lec oy, yaya, c'ano li c'usi chac'ane. Mu'yuc ta jalanbot —xi li ajvalile.
21—¿Me xu' chavac'be yic' abanquil Adonías li Abisag liquem ta Suneme? —xut.
22Li ajvalil Salomone jech la stac'be li sme'e:
—¿C'u yu'un chac'an ti ac'o yic' Adonías li Abisag liquem ta Suneme? Naca xa muc chac'anbun noxtoc ti ac'o cac'be li cabtel sventa ajvalilale yu'un ja' jbanquil, xchi'uc ja' co'ol yo'nton xchi'uc li pale Abiatare xchi'uc li Joab, yol Sarviae —xut.
23Li ajvalil Salomone jech laj yal jamal ta stojol li Muc'ul Diose: “¡Dios ac'o yac'bun jtoj ti me mu xcham o ta sventa c'usi laj yal li Adoniase! 24Jamal chcal ta stojol Muc'ul Dios, ja' li Dios ti laj yac' ochcun ta ajvalilal, ti laj yac' choticun ta spasubmantal li jtote, ja' li Davide xchi'uc ti ta to xac' ochuc ta ajvalilal li jnich'nabtaque yu'un tana no'ox ta xcham li Adoniase”, xi.
25Ja' yu'un li ajvalil Salomone la stac batel li Benaía, xnich'on Joiadae, yu'un ac'o bat smil li Adoniase, jech te icham o. 26Li ajvalile jech laj yalbe li pale Abiatare “Batan ta Anatot yo' bu avosile. Amoton xa milel ec ti jechuque. Pero ta sventa ti vo'ot laj avich' batel li xcaxail smantal Muc'ul Dios te ta stojol li jtote,#2 S 15.24. xchi'uc laj ava'ay avocol ec ti c'alal ep svocol li jtote, mu'yuc chajmilot”,#1 S 22.20-23. xut. 27Ja' jech la sloq'ues o ta paleal ta stojol Muc'ul Dios li Abiatare yu'un ja' ic'ot ta pasel c'usi laj yal Muc'ul Dios te ta Silo ta sventa li yalab xnich'nab Elie.#1 S 2.27-36.
28Li Joabe ja' co'ol yo'ntonic xchi'uc li Adoniase, ma'uc co'ol yo'ntonic xchi'uc li Absalone. C'alal laj ya'ay Joab li c'usi ic'ot ta pasele, ibat ta ora ta ch'ulna; te la snac' sba ta scajleb smoton Muc'ul Dios. 29Pero bat yalbeic Salomón ti te ijatov batel ta ch'ulna li Joabe ti te xa snac'oj sba ta scajleb smoton Muc'ul Diose. Jech li Salomone la stac batel li Benaía xnich'on Joiadae, yu'un ac'o bat smil. 30I'och batel ta ch'ulna li Benaiae jech c'ot yalbe li Joabe:
—Li ajvalile laj yal tal mantal ti chaloc' batel li'i —xut.
Itac'ov li Joabe:
—¡Mo'oj! ¡Li' no'ox ac'o chamcune! —xi.
Li Benaiae isut batel ta stojol li ajvalile, c'ot yalbe c'usi la stac' li Joabe. 31Li ajvalile jech laj yal:
—Pasbo li c'usi tsc'ane. Milo, muco comel. Yu'un jech ac'o ch'ayuc ta stojol yalab xnich'nab anima jtot xchi'uc ta jtojol ec li mulil ta sventa ti imilvan ta jech no'ox li Joabe. 32Ac'o ac'batuc smulin stuc yu'un Muc'ul Dios ti chchame, yu'un ta yo'nton stuc la smil ta espada li chib viniquetic ti ja' xjelov slequil jech c'u cha'al stuque: ja' li Abner, banquilal soldado ta Israele, xchi'uc Amasa, banquilal soldado ta Judae. Mu'yuc laj ya'ay jtot ti jech la spase. 33Li xch'ich'al chib viniquetique ac'o xcuch stuc li Joab xchi'uc smomnich'nabtaque. Yan li David xchi'uc smomnich'nabtaque ja' ac'o c'otuc o ta stojolic ti xquechcun ch-ochic batel ta ajvalilale. Ac'o junuc no'ox yo'ntonic ta sventa li Muc'ul Diose —xut.
34Ja' yu'un li Benaiae ibat smil li Joabe. Te bat smuquic ta sna ta xocol banamil. 35Li ajvalile ja' laj yac' ochuc ta xq'uexol Joab li Benaiae; ja' la sventain li soldadoetique. Li Sadoque ja' laj yac' ochuc ta xq'uexol li Abiatare. 36Ts'acal lic stac ta iq'uel noxtoc li Simeie, jech laj yalbe:
—Bat paso ana ta Jerusalén; te xanaqui o. Te no'ox oyan o; mu me bu xaloc'. 37Li c'usi c'ac'alil me oy laloc' batele, me ech' atuch' li biq'uit uc'um Cedrone, ta jbel sc'oplal chacham, vo'ot ta amul atuc me lachame —xut.
38Li Simeie jech la stac'be li ajvalile:
—Lec oy, xu' ta jch'un li c'usi chavale, ajvalil —xi.
Li Simeie ep c'ac'al te inaqui ta Jerusalén. 39C'alal i'ech' oxib jabile, li Simeie ijatov batel chib smozotac. Te ibat xchi'inic ta naclej li Aquis, xnich'on Maaca, ajvalil ta Gate. C'alal laj ya'ay Simei ti te xa oyic ta Gat li chib smozotaque, 40lic smeltsan batel sburo; ibat ta sna Aquis ta lum Gat yu'un bat st'un tal li chib smozotaque. Jech te laj yic' tal li smozotaque. 41Li Salomone laj ya'ay ti iloc' batel ta Jerusalén li Simeie, ti ibat ta Gate xchi'uc ti isut xa tale. 42Ja' yu'un li ajvalile la stac ta iq'uel li Simeie, jech laj yalbe:
—¿Me mu laj calbot ta jamal ta stojol Muc'ul Dios ti c'usi c'ac'alil chaloc' ta buyuc no'ox, ti persa chavich' milele? ¿Me mu jechuc laj avalbun: ‘Lec oy, xu' ta jch'un li c'usi laj avalbune’, me mu xachiuc? 43¿C'u yu'un muc xach'un, yu'un laj aval ta jamal ti chach'une? ¿C'u yu'un muc xach'un li c'usi laj calbote? 44Li vo'ote lec xana' li c'usitic chopol la apasbe li David, ja' li jtote. Ja' yu'un li Muc'ul Diose ta xac' sutuc tal ta atojol ec li c'usi chopol apasoje. 45Vu'un li ajvalil Salomonune, ac'bilun bendición. Li yabtel David sventa ajvalilale j'ech'el jech te chcom o ta stojol li Muc'ul Diose —xut.
46Li ajvalile lic spas ta mantal li Benaía, xnich'on Joiadae, yu'un ac'o bat smil li Simeie jech ibat smil. Jech lic sventain o lec yabtel ta ajvalilal li Salomone.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.