Kolɔsitaamba. Nelmuoyamma
Nelmuoyamma
Pol nyɛgãaŋ sɛbɛ daayo‑i hã Diiloŋ-dũŋ-baamba maŋ waa Kolɔsi. Ku biyaa ŋaa Pol fuɔ fɛrɛ saa hi nelle falle‑i dede, u wuɔratieŋo naŋo‑i kãa ka waŋ Diiloŋ-nelma‑i baa-ba ba hũu-ma. U wuɔratieŋo faŋo‑i ba taa ba bĩ-yo Epafirasi. Fuɔ taa u bi hel Kolɔsi yaa nuɔ‑i.
Huɔŋgu naŋgu juɔ hi, baa dii Pol kaso. Huhurmantaamba namba kã ka ta ba guɔl Kolɔsitaamba gbeini‑i wuɔ da ŋ ta ŋ taara ŋ ka da Diiloŋo‑i ŋ saaya ŋ ta ŋ buol *dɔrpɔpuɔrbiemba‑i aa ŋ saaya ŋ *jã. Ŋ saaya ŋ bi ne niiwuoni nanni baa niinyɔnni nanni aa yaŋ-ni, baa ma temma bɔi. Epafirasi wuɔ kã ka hi Pol baa-ma.
Pol wuɔ nyɛgɛ̃ŋ sɛbɛ daayo‑i a gbuya Diiloŋ-dũŋ-baamba‑i wuɔ Diiloŋ uŋ ciɛ Yesu-Kirsa kor-ba dumaa, ku gbĩɛ; kunaŋgu si dii da ku ce naara-kuɔ. Nelbilieŋ ãncemma siɛ gbãa ce nɛliɛŋ nuɔ ŋ ka da Diiloŋo‑i. Da ŋ haa ŋ naŋga‑i Yesu-Kirsa‑i-na yoŋ, ŋ kuraa nyuŋgo, ŋ kuraa bisĩnuɔ (sap. 1–2).
Ku huoŋgu-na, u dii u nuŋgu‑i a piiye pigãaŋ-ba baŋ saaya ba ta ba wuɔ hũmefɛlɛŋ daade‑i dumaa ku ta ku dɔlnu *Kirsa‑i (sap. 3.1–4.1-6). U piraaŋ u sɛbɛ‑i baa jaalupãlle (sap. 4.7-18).
Currently Selected:
Kolɔsitaamba. Nelmuoyamma: cme
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.