MATHE 19
19
Nyi yah Lvng Gang
(Mak 10.1-12)
1Gvshih Yesu haih dang dye taiq lyis, nyang Galile mau masyah toq las Yodan lvng thyitvp, Yuda wuxom mha jweh loh. 2Moqjens zainsmuh nyah thang mha chank los las, nyang houmha nyamoq lyis gis los nhang.
3Hauh uhlyis Pharishe moq nyah jyank mas los las nyang lyis shiwu zoh lyis nyei zis gas, Dvyuk yuk gas nyah yhensain nyhiq dvja ja chah shuot lyis she tyamp das zis lyi vbos lah, ge.
4Nyang nyamoq lyis phuk taiq zis, Cangxeih lyis yah nyah zomh lyis gvnkhanh soeu ka, vbusbih yahge vmesbih lyis gvnkhanh toh goeus yvlyis namoq ma nghap ku goh lhyeh?#Vpm 1.27, 5.2 5Hauh gvng mas vbusbih gas nyah ungwes uwus lyis toh khoq zis yah nyah yhensain nyhiq yah tsoq las, nyah zomh gas gungsshoh dvkoeuq kyingh duot das, ge.#Vpm 2.24 6Housoeh yvmvyah nyah zomh gas aiq yuk ma nghuot, gungsshoh dvkoeuq dvnghuot lo. Housoeh Mangso tsomp toh yvlyis dius yah ma kangh bas jungh, ge.
7Nyamoq nyang lyis taiq zis gas, Housoeh lyis gas, kangh maussauh lhaih dyei las nyang lyis yoh nhang kat, ge Moshe chamus tying toh au lhyeh, ge.#Lyi 24.1-4; Mat 5.31
8Nyang nyamoq lyis taiq zis gas, Namoq nhaiqlom tsain than yvmvyah, namoq dah yhensain nyhiq jens lyis tsain she tyamp das xiklyis Moshe vmingh dyei zis nghuot. Nghuot laus eq cangxeih gas heisoeh ma nghuot. 9Ngos namoq lyis taiq bah, yauxi cho mhayah lai las, vsainnyang dah yhensain nyhiq lyis she tyamp las gohtoeu nyihwank yoeus soeu hank laus eq nyi shuot soeu nghuot, ge.#Mat 5.32; 1Kr 7.10-11
10Nyah changlo jens nyang lyis taiq zis gas, Nyi lvng dah cho heisoeh nghuot lyis gas, nyi yoeus, yhenloh ma kuot lyis gis, ge.
11Nghuot laus eq nyang nyamoq lyis phuk taiq zis gas, Hai jyauh cho lhyi dius dvnganhmoq yah ma yoh lhom yoeus: hauh zis dyei toh zis xauh bang kyingh dvyoh lhom yoeus. 12Khasoeh ge lyis dius dvyhamh gas, nyah ungwes ung mhayah khoeu los lyis yah yukgis ma dyeh bang bos. Dvyhamh gas dius yah shan toh. Dvyhamh gas maukhung munghdan xiklyis nyi ma yoeus yhen ma loh bang eq bos. Yoh lhom yoeus soeu ka lhom yoeus bas jungh, ge.
Loshang jens lyis Shvmanh
(Mak 10.13-16; Luk 18.15-17)
13Hauh thang lhyi loshang jens thoq mas loq kih las shvmanh dung dyei bas jungh ge, nyamoq lyis nyah jyank mas shwih lyih uhlyis, changlo jens gas nyamoq lyis nyho. 14Nghuot laus eq Yesu taiq zis gas, Loshang jens ngah jyank mas los nhang geh, nyamoq lyis vtomp toh goh: khasoeh ge lyis maukhung munghdan gas housoeh teh bang xiklyis nghuot, ge.
15Housoeh nyang nyamoq thoq mas loq kih dyei lho lha, hou mhayah toq loh.
Dis dah Loyvm Phoq
(Mak 10.17-31; Luk 18.18-30)
16Yoeuh aq, dius dvyuk nyah jyank mas los las, Svra eh, ngos vcaiq vto kang yoh das xiklyis gis zis cha kuot chah lah, ge.
17Nyang taiq zis gas, Nvng ngos lyis gis cho yah sen lha chamus nyei? Gis soeu dvyuk kyingh dvbos. Nvng kang o mes lyis gas tyingtoh dang lyis chank aq, ge.
18Nyang, Yesu lyis taiq zis gas, Lyi kha koeuq nghuot lah, ge.#Dyu 20.13-16; Lyi 5.17-20
Yesu phuk taiq zis gas, Dius vsat, nyi vshuot, vkhauh, ma ying kanghjyoeng vkat; 19Nah ungwes uwus lyis phauh nyang aq, nah yhenkyoh lyis nvnyang gungs lyis teh yoh jyetdap das, ge.#Dyu 20.12; Lyi 5.16; Lew 19.18
20Hauh loyvm phoq nyang lyis taiq zis gas, Hauh goeu dvnganh yvlyis ngos loyvm yoq lyis yah chank kuot goeus: ngos cha chah shih lah, ge.
21Yesu nyang lyis taiq zis gas, Nvng dyinghjet mes lyis gas, Loh aq, nvng yoh zis ungh las nyungs bang lyis dyei tyamp aq, housoeh lyis nvng maukhung mha zisyos yoh das. Housoeh las ngah thang mha chank los aq, ge.
22Nghuot laus eq hau loyvm phoq hauh dang xauhgyo lyis nhaiqkuk zis yah loh lo: Khasoeh ge lyis nyang gas zisyos nyoshoq yoh soeu nghuot.
23Housoeh las Yesu nyah changlo jens lyis taiq zis gas, Ngos namoq lyis jyoengh taiq bah, dis soeu ka maukhung munghdan mas svsoh wvng yau. 24Ngos namoq lyis taiq shih bah, Dis soeu dvyuk Mangso munghdan mas yoh wvng das thoq lyis gas, nghvpnho mha gola-u wvng das zis zes lwis, ge.
25Nyah changlo jens hauh zis xauhgyo lyis nyamoq svsoh mauh las, Housoeh lyis gas khyuot yoeus zis hank xauh das lah, ge.
26Nghuot laus eq Yesu nyamoq lyis yoeuh lho lha taiq zis gas, Haih zis gas dius yah gas ma yoh bweh, nghuot laus eq Mangso ka dvnganh zis lyis yoh bweh nhang, ge.
27Petru nyang lyis phuk taiq zis gas, Yoeuh aq, ngamoq dvnganh yah toh khoq las nah thang mha chank los goeus. Housoeh las ngamoq cha xauh yoeus das lah, ge.
28Yesu nyang lyis taiq zis gas, Ngos namoq lyis jyoengh taiq bah, Cangsoeu Lo gas nyah phunk yah hwankti tank mas tsung dah dius caiq vsaiq mas namoq ngah thang mha chank bang eq, hwankti tank dvci aiq lom mas tsung lha Israel dvci aiq nyau lyis soetuon das, ge.#Mat 25.31; Luk 22.30 29Ngah nyings gvng mas yhen, vmang vnoeuh, nhamhmuh, ungwes, uwus, yhensain nyhiq, lo jens, maunyeis lyis tyamp soeu hank laus eq vkyuh dvxo huon xauh yoeus las, vcaiq vto kang vso vlho xauh kham yoeus das. 30Nghuot laus eq cangxeih bang nyoshoq gas thang thank nghuot das. Thang thank bang cangxeih nghuot das, ge.#Mat 20.16; Luk 13.30
Currently Selected:
MATHE 19: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.
MATHE 19
19
Nyi yah Lvng Gang
(Mak 10.1-12)
1Gvshih Yesu haih dang dye taiq lyis, nyang Galile mau masyah toq las Yodan lvng thyitvp, Yuda wuxom mha jweh loh. 2Moqjens zainsmuh nyah thang mha chank los las, nyang houmha nyamoq lyis gis los nhang.
3Hauh uhlyis Pharishe moq nyah jyank mas los las nyang lyis shiwu zoh lyis nyei zis gas, Dvyuk yuk gas nyah yhensain nyhiq dvja ja chah shuot lyis she tyamp das zis lyi vbos lah, ge.
4Nyang nyamoq lyis phuk taiq zis, Cangxeih lyis yah nyah zomh lyis gvnkhanh soeu ka, vbusbih yahge vmesbih lyis gvnkhanh toh goeus yvlyis namoq ma nghap ku goh lhyeh?#Vpm 1.27, 5.2 5Hauh gvng mas vbusbih gas nyah ungwes uwus lyis toh khoq zis yah nyah yhensain nyhiq yah tsoq las, nyah zomh gas gungsshoh dvkoeuq kyingh duot das, ge.#Vpm 2.24 6Housoeh yvmvyah nyah zomh gas aiq yuk ma nghuot, gungsshoh dvkoeuq dvnghuot lo. Housoeh Mangso tsomp toh yvlyis dius yah ma kangh bas jungh, ge.
7Nyamoq nyang lyis taiq zis gas, Housoeh lyis gas, kangh maussauh lhaih dyei las nyang lyis yoh nhang kat, ge Moshe chamus tying toh au lhyeh, ge.#Lyi 24.1-4; Mat 5.31
8Nyang nyamoq lyis taiq zis gas, Namoq nhaiqlom tsain than yvmvyah, namoq dah yhensain nyhiq jens lyis tsain she tyamp das xiklyis Moshe vmingh dyei zis nghuot. Nghuot laus eq cangxeih gas heisoeh ma nghuot. 9Ngos namoq lyis taiq bah, yauxi cho mhayah lai las, vsainnyang dah yhensain nyhiq lyis she tyamp las gohtoeu nyihwank yoeus soeu hank laus eq nyi shuot soeu nghuot, ge.#Mat 5.32; 1Kr 7.10-11
10Nyah changlo jens nyang lyis taiq zis gas, Nyi lvng dah cho heisoeh nghuot lyis gas, nyi yoeus, yhenloh ma kuot lyis gis, ge.
11Nghuot laus eq nyang nyamoq lyis phuk taiq zis gas, Hai jyauh cho lhyi dius dvnganhmoq yah ma yoh lhom yoeus: hauh zis dyei toh zis xauh bang kyingh dvyoh lhom yoeus. 12Khasoeh ge lyis dius dvyhamh gas, nyah ungwes ung mhayah khoeu los lyis yah yukgis ma dyeh bang bos. Dvyhamh gas dius yah shan toh. Dvyhamh gas maukhung munghdan xiklyis nyi ma yoeus yhen ma loh bang eq bos. Yoh lhom yoeus soeu ka lhom yoeus bas jungh, ge.
Loshang jens lyis Shvmanh
(Mak 10.13-16; Luk 18.15-17)
13Hauh thang lhyi loshang jens thoq mas loq kih las shvmanh dung dyei bas jungh ge, nyamoq lyis nyah jyank mas shwih lyih uhlyis, changlo jens gas nyamoq lyis nyho. 14Nghuot laus eq Yesu taiq zis gas, Loshang jens ngah jyank mas los nhang geh, nyamoq lyis vtomp toh goh: khasoeh ge lyis maukhung munghdan gas housoeh teh bang xiklyis nghuot, ge.
15Housoeh nyang nyamoq thoq mas loq kih dyei lho lha, hou mhayah toq loh.
Dis dah Loyvm Phoq
(Mak 10.17-31; Luk 18.18-30)
16Yoeuh aq, dius dvyuk nyah jyank mas los las, Svra eh, ngos vcaiq vto kang yoh das xiklyis gis zis cha kuot chah lah, ge.
17Nyang taiq zis gas, Nvng ngos lyis gis cho yah sen lha chamus nyei? Gis soeu dvyuk kyingh dvbos. Nvng kang o mes lyis gas tyingtoh dang lyis chank aq, ge.
18Nyang, Yesu lyis taiq zis gas, Lyi kha koeuq nghuot lah, ge.#Dyu 20.13-16; Lyi 5.17-20
Yesu phuk taiq zis gas, Dius vsat, nyi vshuot, vkhauh, ma ying kanghjyoeng vkat; 19Nah ungwes uwus lyis phauh nyang aq, nah yhenkyoh lyis nvnyang gungs lyis teh yoh jyetdap das, ge.#Dyu 20.12; Lyi 5.16; Lew 19.18
20Hauh loyvm phoq nyang lyis taiq zis gas, Hauh goeu dvnganh yvlyis ngos loyvm yoq lyis yah chank kuot goeus: ngos cha chah shih lah, ge.
21Yesu nyang lyis taiq zis gas, Nvng dyinghjet mes lyis gas, Loh aq, nvng yoh zis ungh las nyungs bang lyis dyei tyamp aq, housoeh lyis nvng maukhung mha zisyos yoh das. Housoeh las ngah thang mha chank los aq, ge.
22Nghuot laus eq hau loyvm phoq hauh dang xauhgyo lyis nhaiqkuk zis yah loh lo: Khasoeh ge lyis nyang gas zisyos nyoshoq yoh soeu nghuot.
23Housoeh las Yesu nyah changlo jens lyis taiq zis gas, Ngos namoq lyis jyoengh taiq bah, dis soeu ka maukhung munghdan mas svsoh wvng yau. 24Ngos namoq lyis taiq shih bah, Dis soeu dvyuk Mangso munghdan mas yoh wvng das thoq lyis gas, nghvpnho mha gola-u wvng das zis zes lwis, ge.
25Nyah changlo jens hauh zis xauhgyo lyis nyamoq svsoh mauh las, Housoeh lyis gas khyuot yoeus zis hank xauh das lah, ge.
26Nghuot laus eq Yesu nyamoq lyis yoeuh lho lha taiq zis gas, Haih zis gas dius yah gas ma yoh bweh, nghuot laus eq Mangso ka dvnganh zis lyis yoh bweh nhang, ge.
27Petru nyang lyis phuk taiq zis gas, Yoeuh aq, ngamoq dvnganh yah toh khoq las nah thang mha chank los goeus. Housoeh las ngamoq cha xauh yoeus das lah, ge.
28Yesu nyang lyis taiq zis gas, Ngos namoq lyis jyoengh taiq bah, Cangsoeu Lo gas nyah phunk yah hwankti tank mas tsung dah dius caiq vsaiq mas namoq ngah thang mha chank bang eq, hwankti tank dvci aiq lom mas tsung lha Israel dvci aiq nyau lyis soetuon das, ge.#Mat 25.31; Luk 22.30 29Ngah nyings gvng mas yhen, vmang vnoeuh, nhamhmuh, ungwes, uwus, yhensain nyhiq, lo jens, maunyeis lyis tyamp soeu hank laus eq vkyuh dvxo huon xauh yoeus las, vcaiq vto kang vso vlho xauh kham yoeus das. 30Nghuot laus eq cangxeih bang nyoshoq gas thang thank nghuot das. Thang thank bang cangxeih nghuot das, ge.#Mat 20.16; Luk 13.30
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.