MALEAKI 1
1
1Ndika olyo elaka ndyoka Omuwa e li pe Maleaki, opo e li lombwele oshigwana shaIsrael.
Ohole yOmuwa okuhola Israel
2Omuwa ota ti kaantu ye: “Ondi mu hole aluhe.” Ihe oyo taa yamukula: “Ohole yoye owe yi tu ulukile mushike?”
Omuwa ta yamukula: “Esau naJakob oya li aamwayinathana, ihe ngame onda li ndi hole Jakob noluvalo lwe 3nonda tondo Esau noluvalo lwe. Onda mbugaleke oondundu dhaEsau nevi lye onde li thigile iithitukuti.”
4Ngele oluvalo lwaEsau, Aaedomi, taa ti: “Iilando yetu oya hanagulwa po, ihe otatu yi tungulula,” nena Omuwa ota yamukula: “Yi tungululeni e tandi ke yi kumuna po ishewe. Aantu otaa ke yi ithana ‘Oshilongo oshidhudhu’ na ‘Oshigwana shoka sha geelwa kOmuwa ndongo aluhe.’ ”
5Oshigwana shaIsrael otashi ka tala iinima mbika nomeho gawo yene e taa ti: “Omuwa oye omunankondo nokiilongo yilwe.”
Omuwa ta nyenyetele aayambi
6Omuwa Omunankondoawike ota lombwele aayambi ta ti: “Omumati oha simaneke he, nomupiya oha simaneke mwene gwe. Ongame ho — omolwashike itaamu simaneke ndje? Ongame mwene gweni, ndele oshike itaamu tundu ndje? Ne otamu nyeme ndje, nonando tamu pula: ‘Otwe ku nyeme ngiini?’ 7Oshoka ohamu yamba poshiyambelo shandje iikulyandjambo inaayi yogoka. Nena otamu pula: ‘Otwa nyengwa ngiini oku ku simaneka?’ Oshoka otamu dhiladhila kutya otamu vulu okudhina oshiyambelo shandje. 8Ngele tamu eta oshimuna oshiposi, mu shi yambele ndje, nani kape na epuko mpoka? Nongele tamu eta oshimuna oshilema nenge tashi alukwa, kali shi epuko ndyono? Yelekela utale, oshimuna sha tya ngaaka u shi faalele omuleli gwoshilongo shaandjeni! Ote ku taamba nuukuume nenge ote ku hokwa?”
9Ngashingeyi ne aayambi, kambadhaleni okupula Kalunga, e tu sile ohenda. Sho itaa yamukula nando omagalikano geni, ombedhi oyeni. 10Omuwa Omunankondoawike ota ti: “Onda hala, gumwe gweni e edhile omiyelo dhotempeli, opo e mu keelele, mwaa teme omulilo gwosima koshiyambelo shandje. Kandi na ombili nane; itandi taamba omayambo ngoka tamu etele ndje. 11Okuza kuuzilo sigo okuuninginino aantu otaa simaneke ndje. Akuhe oyo taa fikile ndje omatsininondjambo notaa yamba oondjambo dhi shi okutaambwa. Ayeheyehe otaa simaneke ndje. 12Ihe ne otamu shundula ndje, sho tamu ti, oshiyambelo shandje kashi na shilonga nasho tamu yambele ko iikulya yaa na omupondo gwasha. 13Ne otamu ti: ‘Otwa loloka ngiini kwaayihe mbino, ee!’ One nomwa kenyanana ndje. Ngele tamu yambele ndje, otamu eta oshimuna sha yakwa nenge oshilema nenge tashi ehama. Otamu dhiladhila, otandi shi taamba? 14Etulomutima nali adhe omukotokeli ngoka ta yambele ndje oshimuna kaashi na omwago, manga e na moshigunda she oshimuna oshiwanawa e shi uvanekela ndje. Oshoka ngame omukwaniilwa omunene, naantu yiigwana ayihe ohaa tila ndje.”
Currently Selected:
MALEAKI 1: ONDB
Highlight
Share
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.