Markus 8
8
Yesu a zɨmdə morye haru bəw laka fwat
(Matta 15.32-39)
1A vor bətɨngɨn i təkə-təkətɨ ɓwaare a mɨna peyə ɓə. Taa asə kaarən tən ɓa zɨmə, gə ləngɨn Yesu a waga lagbe dan təna paya a hakan. Nda sarən, 2“Lə minə paya-payatɨnə nee dɨ ori, gəkɨlə tən bə ga mwaakɨn ka myatə a hake tənaa zɨm asə. 3Hɨn kana sarən atɨ a təna muɗə hwoɗye ka myatɨngɨn, tən ɓa mbərhe a nə tɨfe gəkɨlə imi dɨ vorsərən nə maɗa dɨ hee ɓong-ɓong.”
4Lagbe dan a san, “Ɓə a ndo haa a vor kaaka nə gəngnə mya ɗɨm sɨzɨmtə a zɨmdərən?”
5Yesu a ɗiyərən, “Nda goɓoryi buroditə ya hwuna gə kaara?”
Təna san atɨ, “Tukolukpe.”
6Nda sa ɓwaarengɨn atɨ a təna nza njiya. Ite nda luu goɓoryi buroditɨngɨn tukolukpe nda ɗa usəkətə, nda takarən a və lagbe dan gə təna ɓyana ɓwaare, təna ɗaasə mgban. 7Tənə ka vaakye ɓyeləng mgban, Yesu a hiwo nəngrən ka usəkətə, nda sa lagbe dan atɨ a təna ɓyana ɓwaare. 8Ɓwaare a zɨmshe a hyaɓa. Beetɨ angɨn lagbe dan a pedə mosəryi sɨzɨmte mbiɗi koni kpan-kpanye tukolukpe. 9Myee zɨmshe a hangɨn ɓa ɗa ɓwaare haru bəw laka fwat. Beetɨ itɨngɨn Yesu a sa ɓwaarengɨn kat atɨ təna muɗə, 10nda pɨrə koombotə ka lagbe dan a muɗə vor njiya Dalmanuta.
Sɨgbəshe
(Matta 16.1-4; Luka 12.54-56)
11A hangɨn i Farise a shi haka Yesu a tiya ɗiyən ləməgye som-som gə təna kanarən. Təna san atɨ a nda bɨlərən sɨgbəshe dɨ vor pwa gə təna nan. 12Nda mɨndə pisən kaɓa kpan a sarən atɨ, “Ɓə gə mɨnə mi wanetɨnə a dɨ mwo atɨ a mya bɨlərən sɨgbəshe? Diyalə na dɨ səwnə, taa i sɨgbəshi də mya bɨlə mi wanetɨnə.” 13Nda mɨna ɗakarən ɓwaa ka lagbe dan a hangɨn a pɨrə koombotə mya nggɨrdən a itɨ ɓayati.
Maɗe da Farise ka hɨnggə Hiridus
(Matta 16.5-12)
14Ite təna pɨrə koombotə, myentɨ lagbe dan a ngguro tənaa poro ka buroditə, nzɨ-ite hiɗə a vor koombotə nə ɓəmbə təna gə kaarə. 15Yesu a fyel-kwaki lagbe dan a sarən atɨ, “Bəmdə myensəwnə ka maɗe da Farise ka hɨnggə Hiridus.”
16Lagbe dan a ɗiyəsə le a wakasərən a sasə atɨ, “Gəkɨlə myaa shim ka buroditə səngɨn ɗa nda ɓə bwe le ma?”
17Ite Yesu a lee la təna dɨ ɗiyəsə a wakasərən, nda ɗiyərən atɨ, “Ɓə mɨnə ɗa hwuna dɨ boyəsə le a nə burodite hwun tam kaara? Baa ɓəgəng kwa-hubosəwnə aa banga ma? Taa səɗə-yedi kəwnə mgban? 18Hwun ka dye aa i naa haa? Kwakingəwnə mgban aa i kɨl la? Taayə ɗyangalə kəwnə mgban? 19Ɓətɨ ite na taka goɓoryi buroditə tuf a ɓyana ɓwaare haru bəw laka tuf, mosəryee mbiɗi hwuna poro konye ya?”
Təna san atɨ, “Konye bəw a mbiɗi-kpe.”
20Yesu a mɨna ɗiyərən, “Ɓə ite mgban na taka buroditə tukolukpe a ɓyana ɓwaare haru bəwtə laka fwat, mosəryee mbiɗi konye kpan-kpanye ya hwuna pora?”
Təna san atɨ, “Konye tukolukpe.”
21Nda sarən atɨ, “Baa ɓəgəng hubosəwnə aa banga?”
Yesu a gwadə welə
22Təna shi nzɨ-vɨrate mya dɨ wa atɨ Betesda, mya shi ka Yesu ka a welə a nyisən gə nda pa weləngɨn a gwadən. 23Yesu a kɨt tɨfə weləngɨn a dɨmgə vor vɨratə kan. Nda təfə mangɨn nawye a diingɨn nda ɗɨkən tyefingɨn a diingɨn. Nda ɗiyə mangɨn atɨ, “Hye nee naa asa?”
24Mangɨn a maddə nəngɨn a pwa, a nidə haa a sa atɨ, “Hɨne dɨ naa ɓwaare tənə ɓətɨ kade dɨ woyi.”
25Yesu a mɨna ɗɨkdə tyefingɨn a dii mangɨn. Nda nii haa kpəkəkə, diingɨn a wonə, nda naa haa pepe. 26Yesu a san atɨ nda muɗə hwoɗye. Nda mɨna san atɨ, “Ɓe pɨrə vor vɨratɨngɨn.”
La Bitrus a boyə nə Yesu
(Matta 16.13-20; Luka 9.18-21)
27Yesu ka lagbe dan a woyo a takadə ji-vɨre kur-kuryee a vor njiya vɨra Kesariyatɨ Filipi. Təne a nə tɨfe dɨ woyi nda ɗiyərən, “Ɓwaare a dɨ sa ke atɨ hɨnə wona?”
28Təna luwa a san atɨ, “Imi a dɨ sa atɨ hyenə Yohana nzə-ɗa batisɨmatə, imi a dɨ sa atɨ hyenə kpale Iliya, imi mgban a dɨ sa atɨ hyenə hiɗə dɨ vor kpalyee kaaɗəng.”
29Nda ɗiyərən atɨ, “Ɓə hwun mgban hwuna sa ke atɨ hɨnə wona?”
Bitrus a luwa a san atɨ, “Hyenə Ma Həmɨnpwa a Yaɓwarən.”
30Də Yesu a gɨratɨrən atɨ ɓe tənaa boyə ama le a nəngɨn.
Yesu a bwe wule mbɨrte ndi ɓa mbɨrə
(Matta 16.21-28; Luka 9.22-27)
31Yesu a ɓə shea tiya bwetə ta boyə lagbe dan le atɨ, mbak-mbak Nze da Ɓwaara ɓa sop tənətə som-som, mi kpan-kpanye ɓa kworən, ka kɨsehəmi kpan-kpanye ka ji-lee kəndə ɓashita Musa. Mye ɓa ɓɨltən, beetɨ bətə mwaakɨn ndi ɓa maggə we ka myentə. 32Nda boyərən ləngɨn a bɨlərən bwang. Bitrus a warən a gyenge a tiya nyatə nya ka Yesu a nə wule ləngɨn a Yesu a boyo.
33Dɨ bee ite Yesu a ɓiya a nidə lagbe dan, nda gɨra Bitrus a nyakan a san atɨ, “Təkəsə ke kwe Shetan! Teewa koɗə hɨnggə Həmɨnpwa, hɨnggə ɓwaara hye dɨ koɗən.”
34Də Yesu a waga myee a hangɨn kat ka lagbe dan, nda sarən atɨ, “Ma dɨ mwi atɨ nda kwaɗe a gəə lagba de, mbak-mbak mangɨn a məntəmə nəngɨn, a nggur kada ɓɨdɨmtɨ dan a kwaɗe. 35Gə ma kat dɨ mwi atɨ nda mbədə myensən, ɓa ɗongərə, ma mgban ɗongə myensən gəkɨlə nda vədə gə le de ka ləmə feme, ɓa mbədə. 36Mɨnə wula də ka ite atɨ ɓwaara a pedə shi vɨratə kat a ɗɨmə, nda shea ɗongə myensən? 37Naasə mgban mɨnə ɓwaara ɓa vədən a kwaamɨ myensən? 38Ma kat ɗa sopi, ka sopi ləməgye de a vɨra wanetɨnə naa ka kadawe ka səhase. Sə mgban hɨn Nze da Ɓwaara ɓa ɗa sopi mangɨn a fəra ndi ɓa mɨna a vɨratə kan ka fukata Baagən, ndi kana shi kat ka malyeni ɗəmɗəmye dan.”
Currently Selected:
Markus 8: bcy
Highlight
Share
Copy
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Markus 8
8
Yesu a zɨmdə morye haru bəw laka fwat
(Matta 15.32-39)
1A vor bətɨngɨn i təkə-təkətɨ ɓwaare a mɨna peyə ɓə. Taa asə kaarən tən ɓa zɨmə, gə ləngɨn Yesu a waga lagbe dan təna paya a hakan. Nda sarən, 2“Lə minə paya-payatɨnə nee dɨ ori, gəkɨlə tən bə ga mwaakɨn ka myatə a hake tənaa zɨm asə. 3Hɨn kana sarən atɨ a təna muɗə hwoɗye ka myatɨngɨn, tən ɓa mbərhe a nə tɨfe gəkɨlə imi dɨ vorsərən nə maɗa dɨ hee ɓong-ɓong.”
4Lagbe dan a san, “Ɓə a ndo haa a vor kaaka nə gəngnə mya ɗɨm sɨzɨmtə a zɨmdərən?”
5Yesu a ɗiyərən, “Nda goɓoryi buroditə ya hwuna gə kaara?”
Təna san atɨ, “Tukolukpe.”
6Nda sa ɓwaarengɨn atɨ a təna nza njiya. Ite nda luu goɓoryi buroditɨngɨn tukolukpe nda ɗa usəkətə, nda takarən a və lagbe dan gə təna ɓyana ɓwaare, təna ɗaasə mgban. 7Tənə ka vaakye ɓyeləng mgban, Yesu a hiwo nəngrən ka usəkətə, nda sa lagbe dan atɨ a təna ɓyana ɓwaare. 8Ɓwaare a zɨmshe a hyaɓa. Beetɨ angɨn lagbe dan a pedə mosəryi sɨzɨmte mbiɗi koni kpan-kpanye tukolukpe. 9Myee zɨmshe a hangɨn ɓa ɗa ɓwaare haru bəw laka fwat. Beetɨ itɨngɨn Yesu a sa ɓwaarengɨn kat atɨ təna muɗə, 10nda pɨrə koombotə ka lagbe dan a muɗə vor njiya Dalmanuta.
Sɨgbəshe
(Matta 16.1-4; Luka 12.54-56)
11A hangɨn i Farise a shi haka Yesu a tiya ɗiyən ləməgye som-som gə təna kanarən. Təna san atɨ a nda bɨlərən sɨgbəshe dɨ vor pwa gə təna nan. 12Nda mɨndə pisən kaɓa kpan a sarən atɨ, “Ɓə gə mɨnə mi wanetɨnə a dɨ mwo atɨ a mya bɨlərən sɨgbəshe? Diyalə na dɨ səwnə, taa i sɨgbəshi də mya bɨlə mi wanetɨnə.” 13Nda mɨna ɗakarən ɓwaa ka lagbe dan a hangɨn a pɨrə koombotə mya nggɨrdən a itɨ ɓayati.
Maɗe da Farise ka hɨnggə Hiridus
(Matta 16.5-12)
14Ite təna pɨrə koombotə, myentɨ lagbe dan a ngguro tənaa poro ka buroditə, nzɨ-ite hiɗə a vor koombotə nə ɓəmbə təna gə kaarə. 15Yesu a fyel-kwaki lagbe dan a sarən atɨ, “Bəmdə myensəwnə ka maɗe da Farise ka hɨnggə Hiridus.”
16Lagbe dan a ɗiyəsə le a wakasərən a sasə atɨ, “Gəkɨlə myaa shim ka buroditə səngɨn ɗa nda ɓə bwe le ma?”
17Ite Yesu a lee la təna dɨ ɗiyəsə a wakasərən, nda ɗiyərən atɨ, “Ɓə mɨnə ɗa hwuna dɨ boyəsə le a nə burodite hwun tam kaara? Baa ɓəgəng kwa-hubosəwnə aa banga ma? Taa səɗə-yedi kəwnə mgban? 18Hwun ka dye aa i naa haa? Kwakingəwnə mgban aa i kɨl la? Taayə ɗyangalə kəwnə mgban? 19Ɓətɨ ite na taka goɓoryi buroditə tuf a ɓyana ɓwaare haru bəw laka tuf, mosəryee mbiɗi hwuna poro konye ya?”
Təna san atɨ, “Konye bəw a mbiɗi-kpe.”
20Yesu a mɨna ɗiyərən, “Ɓə ite mgban na taka buroditə tukolukpe a ɓyana ɓwaare haru bəwtə laka fwat, mosəryee mbiɗi konye kpan-kpanye ya hwuna pora?”
Təna san atɨ, “Konye tukolukpe.”
21Nda sarən atɨ, “Baa ɓəgəng hubosəwnə aa banga?”
Yesu a gwadə welə
22Təna shi nzɨ-vɨrate mya dɨ wa atɨ Betesda, mya shi ka Yesu ka a welə a nyisən gə nda pa weləngɨn a gwadən. 23Yesu a kɨt tɨfə weləngɨn a dɨmgə vor vɨratə kan. Nda təfə mangɨn nawye a diingɨn nda ɗɨkən tyefingɨn a diingɨn. Nda ɗiyə mangɨn atɨ, “Hye nee naa asa?”
24Mangɨn a maddə nəngɨn a pwa, a nidə haa a sa atɨ, “Hɨne dɨ naa ɓwaare tənə ɓətɨ kade dɨ woyi.”
25Yesu a mɨna ɗɨkdə tyefingɨn a dii mangɨn. Nda nii haa kpəkəkə, diingɨn a wonə, nda naa haa pepe. 26Yesu a san atɨ nda muɗə hwoɗye. Nda mɨna san atɨ, “Ɓe pɨrə vor vɨratɨngɨn.”
La Bitrus a boyə nə Yesu
(Matta 16.13-20; Luka 9.18-21)
27Yesu ka lagbe dan a woyo a takadə ji-vɨre kur-kuryee a vor njiya vɨra Kesariyatɨ Filipi. Təne a nə tɨfe dɨ woyi nda ɗiyərən, “Ɓwaare a dɨ sa ke atɨ hɨnə wona?”
28Təna luwa a san atɨ, “Imi a dɨ sa atɨ hyenə Yohana nzə-ɗa batisɨmatə, imi a dɨ sa atɨ hyenə kpale Iliya, imi mgban a dɨ sa atɨ hyenə hiɗə dɨ vor kpalyee kaaɗəng.”
29Nda ɗiyərən atɨ, “Ɓə hwun mgban hwuna sa ke atɨ hɨnə wona?”
Bitrus a luwa a san atɨ, “Hyenə Ma Həmɨnpwa a Yaɓwarən.”
30Də Yesu a gɨratɨrən atɨ ɓe tənaa boyə ama le a nəngɨn.
Yesu a bwe wule mbɨrte ndi ɓa mbɨrə
(Matta 16.21-28; Luka 9.22-27)
31Yesu a ɓə shea tiya bwetə ta boyə lagbe dan le atɨ, mbak-mbak Nze da Ɓwaara ɓa sop tənətə som-som, mi kpan-kpanye ɓa kworən, ka kɨsehəmi kpan-kpanye ka ji-lee kəndə ɓashita Musa. Mye ɓa ɓɨltən, beetɨ bətə mwaakɨn ndi ɓa maggə we ka myentə. 32Nda boyərən ləngɨn a bɨlərən bwang. Bitrus a warən a gyenge a tiya nyatə nya ka Yesu a nə wule ləngɨn a Yesu a boyo.
33Dɨ bee ite Yesu a ɓiya a nidə lagbe dan, nda gɨra Bitrus a nyakan a san atɨ, “Təkəsə ke kwe Shetan! Teewa koɗə hɨnggə Həmɨnpwa, hɨnggə ɓwaara hye dɨ koɗən.”
34Də Yesu a waga myee a hangɨn kat ka lagbe dan, nda sarən atɨ, “Ma dɨ mwi atɨ nda kwaɗe a gəə lagba de, mbak-mbak mangɨn a məntəmə nəngɨn, a nggur kada ɓɨdɨmtɨ dan a kwaɗe. 35Gə ma kat dɨ mwi atɨ nda mbədə myensən, ɓa ɗongərə, ma mgban ɗongə myensən gəkɨlə nda vədə gə le de ka ləmə feme, ɓa mbədə. 36Mɨnə wula də ka ite atɨ ɓwaara a pedə shi vɨratə kat a ɗɨmə, nda shea ɗongə myensən? 37Naasə mgban mɨnə ɓwaara ɓa vədən a kwaamɨ myensən? 38Ma kat ɗa sopi, ka sopi ləməgye de a vɨra wanetɨnə naa ka kadawe ka səhase. Sə mgban hɨn Nze da Ɓwaara ɓa ɗa sopi mangɨn a fəra ndi ɓa mɨna a vɨratə kan ka fukata Baagən, ndi kana shi kat ka malyeni ɗəmɗəmye dan.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.