MATIYE 1
1
Moore Yeso wo
(Lug 3.23-38)
1Moore Yeso Kris wo mo taʼ no : Á wo diŋ jar ma ti ɓĩĩni mani Dafid wo de Abraham. 2Abraham biŋ Isag, Isag raw biŋ Jakob, Jakob raw biŋ Juda wo de hẽẽre ɓen wo. 3Juda raw biŋ Fares wo de Sera (man ɓaara diŋ Tamar), Fares raw biŋ Esrom, Esrom raw biŋ Aram, 4Aram raw biŋ Aminadab, Aminadab raw biŋ Naasoŋ, Naasoŋ raw biŋ Salmoŋ, 5Salmoŋ raw biŋ Bowas, (Rahab diŋ man ɓe) Bowas raw biŋ Obed (Rud diŋ man ɓe), Obed raw biŋ Isayi. 6Isayi raw biŋ Dafid waŋ no.
Dafid raw biŋ Salomoŋ, (man ɓe hay diŋ wãy Uri). 7Salomoŋ raw biŋ Robowam, Robowam raw biŋ Abiya, Abiya raw biŋ Asaf, 8Asaf raw biŋ Josafad, Josafad raw biŋ Joram, Joram raw biŋ Osiyas, 9Osiyas raw biŋ Jowatam, Jowatam raw biŋ Akas, Akas raw biŋ Esekiyas, 10Esekiyas raw biŋ Manase, Manase raw biŋ Amoŋ, Amoŋ raw biŋ Josiyas, 11Josiyas raw biŋ Jekoniyas wo de hẽẽre ɓen wo, nen kiŋgi maga à hoo jar Israyel wo wo go ti daŋgay Babilon mono.
12Blam maga à hoo jar Israyel wo wo go ti daŋgay Babilon, Jekoniyas raw biŋ Salatiyel, Salatiyel raw biŋ Sorobabel, 13Sorobabel raw biŋ Abiyud, Abiyud raw biŋ Eliyakim, Eliyakim raw biŋ Asor, 14Asor raw biŋ Sadog, Sadog raw biŋ Akim, Akim raw biŋ Eliyud, 15Eliyud raw biŋ Eleyasar, Eleyasar raw biŋ Mataŋ, Mataŋ raw biŋ Jakob, 16Jakob raw biŋ Josef war Mari maga biŋ Yeso, maga à ɗen ga Kris mono.
17Doosen wer ɓaara raw jag ge le wer kããra kaʼ hwal ti naa, tĩĩ wer le de Abraham hãã go ɓiŋ Dafid, tĩĩ wer de Dafid hãã go ti wur maga à hoo jar Israyel wo wo go ti daŋgay Babilon, hwal ti naa pa. Tĩĩ wer de kiŋgi sen hãã go nen kiŋgi maga à biŋ Krisi, hwal ti naa pa.
Biŋgi Yeso Krisi
(Lug 2.1-7)
18Yeso Kris biŋ doo kay nono. Mari man ɓe hay go de yããge ne Josefe. Ama Mari bay go de woge wer ɓe wãy ɓe wa ɗa kway, ko la se maŋ ɓiili we go de Nenterse ma bay ɗagn yaw. 19Josef je ma de yããge ɓen hay diŋ je ma seege ti faage Baa de deele, ɓil ɓe laa dage ga se mo mbuɗ sõõre Mari go yoo jar poɗag wa, á raw ɗiggi ga se men Mari go bay wããre ti. 20Josef de ɗiggi doosen no kay, je peele Waŋkluu raw naa nen see ɓe ne hẽn nen lwaʼge, raw ɗege ɓe ga : Josef moo Dafid no, joŋ hẽẽne ga ndo da wãy ɓo Mari gà wa, werga mbarga ma ɓil ɓen joŋ nen nduugi le diŋ de Nenterse ma bay ɗage. 21Á biŋ gi wel yaŋ ge, ni ndo kaŋ ɗúu ɓe ga Yeso, werga á yãã ge jar ɓen wo yaŋ go jag ɓlagge ɓaaran wo.
22Wããre sen mo deŋ ɓuy raw wo leɗge go ti jag fen maga je ndar nen wããre ma jag Baa go hay wãã go ti ɓe ga :
23May tigli maga je twar bay de woge see ɓe wa maŋ ge ɓiili yaŋ, biŋ gi wel yaŋ,
day à ɗen yaŋ ga : Emanuwel.
(Wer ɓe ga Baa yoo naa.)
24Josef wo go pũygi mokay, raw joŋge doo ga je peele Waŋkluu riŋ nono, kal maŋ Mari wãy ɓe. 25Ama se laa wo ge see ɓe gà hãã Mari wo go biŋ mbarga se maga Josef kaŋ ɗúu ɓe ga Yeso mono.
Currently Selected:
MATIYE 1: TUP
Highlight
Share
Copy
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.