Amós 1
1
Sc'oplal Amós
1Ja' sc'op te Amós, te jcanan-chij ta lum Tecoa, te ac'bot ta swenta yalel yu'un Dios te sc'oplal Israel. Cheb ja'wil sc'an xtal nijq'uel a, ta yorail Uzías#2 R 15.1-7; 2 Cr 26.1-23. te muc' ajwalil ta Judá, soc Jeroboam#2 R 14.23-29. snich'an Joás te muc' ajwalil ta Israel.
2Jich la yal:
—C'alal ya xchicnaj tel sc'op Cajwaltic jichuc chawuc
ta wits Sión, ta Jerusalén,#Jer 25.30; Jl 3.16.
ya sayub te aquiltic
soc te sba wits Carmelo —xi'.
Xchajbanel nacionetic nopol ay ta Israel
3Jich ya yal te Cajwaltic:
—Te mach'a ayic ta Damasco#Is 17.1-3; Jer 49.23-27; Zac 9.1. bayal buelta
spasojic te bila amene.
Ma me jichuc nax ya xjil, ya me cac'bey castigo yu'un.
Melel la stenic jichuc trigo te mach'atic ay ta Galaad,#2 R 10.32-33.
la swuyic ta taq'uin c'oem.
4Jich yu'un ya cac'bey sc'aal spalacio
te muc' ajwalil Hazael,
tan ya xjil yu'un te muc'ul naetic yu'un Ben-hadad.#2 R 13.3.
5Puersa me ya jambey yochibal sts'ajc'ul te Damasco;
ya me jmil te mach'a ya xmandalaj ta Bicat-avén
soc te mach'a ya xmandalaj ta Bet-edén.
Te siriaetique ya me x'ic'otic bael
ta mosoil ta Kir#2 R 16.9. —xi' te Cajwaltique.
6Jich ya yal xan te Cajwaltique:
—Te mach'a ayic ta lum Gaza bayal buelta spasojic te bila amene.
Ma me jichuc nax ya xjil, ya cac'bey castigo yu'un.
Melel la yiq'uic bael ta chuquel spisil yajwal te jpam lume,
la xchonic bael ta mosoil#2 Cr 21.16-17; Jl 3.4-8. ta Edom.
7Jich yu'un ya cac'bey sc'aal te ts'ajq'uetic yu'un lum Gaza,
tan ya xjil yu'un te tulanil ts'ajq'uetique.
8Ya jmil te mach'a ya xmandalaj ta lum Asdod,
soc te mach'a ya xmandalaj ta lum Ascalón.
Ya me cac' bael jc'ab ta scontroinel te lum Ecrón,
asta ta slajibal te filisteoetic#Is 14.29-31; Jer 47; Ez 25.15-17; Jl 3.4-8; Sof 2.4-7; Zac 9.5-7.
ya me xlajic —xi'.
9Jich ya yal xan te Cajwaltique:
—Te mach'a ayic ta lum Tiro#Is 23; Ez 26.1—28.19; Jl 3.4-8; Zac 9.1-4; Mt 11.21-22; Lc 10.13,14.
bayal buelta spasojic te bila amene.
Ma me jichuc nax ya xjil, ya cac'bey castigo yu'un.
Melel la xchonic bael ta mosoil ta Edom spisil yajwal te jpam lume,
manchuc me ay trato yu'unic te jun yo'tan sbaique.
10Jich yu'un ya cac'bey sc'aal te ts'ajq'uetic yu'un Tiro,
tan me ya xjil yu'un te muc'ul naetique —xi'.
11Jich ya yal xan te Cajwaltique:
—Te mach'a ayic ta Edom#Is 34.5-17; 63.1-6; Jer 49.7-22; Ez 25.12-14; 35.1-15; Abd 1-14.
bayal buelta spasojic te bila amene.
Ma me jichuc nax ya xjil, ya me cac'bey castigo yu'un.
Melel ma la sna'beyic yo'bolil sba te yermanotac israeletic,
la snutsic ta puñal.
Ma la scomic yilimba, te slab yo'tanic ma'yuc ta comel.
12Jich yu'un ya cac'bey sc'aal Temán,
tan me ya xjil yu'un te muc'ul naetic ta Bosra —xi'.
13Jich ya yal xan te Cajwaltique:
—Te mach'atic yal-snich'an Amón#Jer 49.1-6; Ez 21.28-32; 25.1-7; Sof 2.8-11.
bayal buelta spasojic te bila amene.
Ma me jichuc nax ya xjil, ya me cac'bey castigo yu'un.
Melel toyol yo'tan ta smuc'tesel xan te sq'uinale,
jich muc' la sjambey xch'ujt' ta puñal te antsetic te yic'oj alal ta xch'ujt'ic
te ayic ta sq'uinal Galaad.
14Jich yu'un ya me cac'bey sc'aal te ts'ajq'uetic yu'un Rabá,
tan me ya xjil yu'un te muc'ul naetic
te c'alal ay aw yu'un guerra,
soc xpumet nax me, jichuc yic'al ja'al ta yorail.
15Ya me x'ic'ot bael ta yan lum te muc' ajwalil
soc spisil te winiquetic yu'un te muc' sc'oplalique
—xi' te Cajwaltique.
Currently Selected:
Amós 1: TZOXCH
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.