1 Tesalonicenses 3
3
1Ja' swentail te la jnoptic te jtuqueltic ya xjilotic ta lum Atenas. Yu'un ma sts'ijq'uix la caiytic te ma'yuc bay ach'uben caiyojtic stojol te bi awilelique.#Hch 17.15. 2Jich la jticuntic tel ta yilbelex te quermanotic Timoteo te ay ta abatinel yu'un te Diose, te sjoinejotic ta at'el ta xcholel te lec yach'il c'op yu'un te Cristoe. La jticuntic ta atojolic swenta yu'un ya stulantesbeyex awo'tanic, soc ya yac'bey xan yip te xch'uunjel awo'tanique. 3Yu'un jich ma xchebaj awo'tanic yu'un te bit'il ayex ta uts'inele. Melel ana'ojic stojol te puersa ya xc'ax jwocoltic ta controinel ta jpisiltic. 4Yu'un te c'alal joinejtiquexe, jich la calbeyex te ya jtatic jwocoltic ta uts'inel, jich nix ana'ojic te bit'il yac ta c'oel ta pasel ta ora to. 5Jich yu'un te bit'il ma sts'ijq'uix cu'un te jo'one, jich la jticunex ta ilel. Yu'un jich me ya caiy stojol teme ay to te xch'uunjel awo'tanique. Ja' la jmel co'tan yu'un teme ay bit'il la ach'uunic lo'layel yu'un te pucuje. Jich tojol ch'ay a te cat'el abi.
6In te bit'il sujt'emix tel#Hch 18.5. te quermanotic Timoteo, muc'ubix co'tantic yu'un te bit'il la yalbotiquix caiytic te ay xch'uunjel awo'tanic, soc te c'ux ya awaiy abaic ta apisilique, soc te bit'il bayal yutsil awo'tanic te ya ana'otic spisil orae, soc te bin nax awo'tanic te yacuc awilbotic jsitique, jich te bit'il bin nax co'tantic te yacuc quilbeyex asitic uuc te ja'exe. 7Quermanotac, te bit'il caiyojtiquix stojol te ay xch'uunjel awo'tanic spisil orae, jich muc'ub q'uinal la caiytic ta awentaic, manchuc teme ay yo'bolil jbatic ta q'uinale soc teme ayotic ta uts'inele. 8Jich cuxinotic xan te bit'il la caiytiquix stojol te ipajemex ta lec ta stojol te Cajwaltique. 9¿Bit'il ya sc'an ya caltic wocol ta stojol Dios yu'un te bit'il c'axem to xan bujts'najem co'tantic awu'unic ta stojol te Diose? 10C'aal ajc'ubal ya calbeytic wocol Dios yu'un te yacuc yac'botic quilbeyex xan asitique, soc te ya me cac'beyex ana'ic ta banti ay to sc'an xan te xch'uunjel awo'tanique.
11Co'tantic te yacuc yic'otic ta beel tey a te banti ayex te Jtatic Diose soc te Cajwaltic Jesucristoe. 12Te Cajwaltique, ac'a me yesmantesbeyex ta c'axem to xan te bit'il c'ux ya awaiy abaic ta awo'tanic ta juju-jtulexe, soc te c'ux me ya awaiyic ta awo'tanic uuc spisil te yantique, jich nix te bit'il c'ux ya caiytiquex ta co'tantic uuc te ja'exe. 13Swenta yu'un ay me stulanil awo'tanic soc jun awo'tanic ta stojol te Jtatic Diose, soc te ma me ayuc amulic ta stojol te c'alal ya xtal te Cajwaltic Jesús soc spisil te mach'atic ch'ul lum yu'un te Diose.
Currently Selected:
1 Tesalonicenses 3: TZOXCH
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.
1 Tesalonicenses 3
3
1Ja' swentail te la jnoptic te jtuqueltic ya xjilotic ta lum Atenas. Yu'un ma sts'ijq'uix la caiytic te ma'yuc bay ach'uben caiyojtic stojol te bi awilelique.#Hch 17.15. 2Jich la jticuntic tel ta yilbelex te quermanotic Timoteo te ay ta abatinel yu'un te Diose, te sjoinejotic ta at'el ta xcholel te lec yach'il c'op yu'un te Cristoe. La jticuntic ta atojolic swenta yu'un ya stulantesbeyex awo'tanic, soc ya yac'bey xan yip te xch'uunjel awo'tanique. 3Yu'un jich ma xchebaj awo'tanic yu'un te bit'il ayex ta uts'inele. Melel ana'ojic stojol te puersa ya xc'ax jwocoltic ta controinel ta jpisiltic. 4Yu'un te c'alal joinejtiquexe, jich la calbeyex te ya jtatic jwocoltic ta uts'inel, jich nix ana'ojic te bit'il yac ta c'oel ta pasel ta ora to. 5Jich yu'un te bit'il ma sts'ijq'uix cu'un te jo'one, jich la jticunex ta ilel. Yu'un jich me ya caiy stojol teme ay to te xch'uunjel awo'tanique. Ja' la jmel co'tan yu'un teme ay bit'il la ach'uunic lo'layel yu'un te pucuje. Jich tojol ch'ay a te cat'el abi.
6In te bit'il sujt'emix tel#Hch 18.5. te quermanotic Timoteo, muc'ubix co'tantic yu'un te bit'il la yalbotiquix caiytic te ay xch'uunjel awo'tanic, soc te c'ux ya awaiy abaic ta apisilique, soc te bit'il bayal yutsil awo'tanic te ya ana'otic spisil orae, soc te bin nax awo'tanic te yacuc awilbotic jsitique, jich te bit'il bin nax co'tantic te yacuc quilbeyex asitic uuc te ja'exe. 7Quermanotac, te bit'il caiyojtiquix stojol te ay xch'uunjel awo'tanic spisil orae, jich muc'ub q'uinal la caiytic ta awentaic, manchuc teme ay yo'bolil jbatic ta q'uinale soc teme ayotic ta uts'inele. 8Jich cuxinotic xan te bit'il la caiytiquix stojol te ipajemex ta lec ta stojol te Cajwaltique. 9¿Bit'il ya sc'an ya caltic wocol ta stojol Dios yu'un te bit'il c'axem to xan bujts'najem co'tantic awu'unic ta stojol te Diose? 10C'aal ajc'ubal ya calbeytic wocol Dios yu'un te yacuc yac'botic quilbeyex xan asitique, soc te ya me cac'beyex ana'ic ta banti ay to sc'an xan te xch'uunjel awo'tanique.
11Co'tantic te yacuc yic'otic ta beel tey a te banti ayex te Jtatic Diose soc te Cajwaltic Jesucristoe. 12Te Cajwaltique, ac'a me yesmantesbeyex ta c'axem to xan te bit'il c'ux ya awaiy abaic ta awo'tanic ta juju-jtulexe, soc te c'ux me ya awaiyic ta awo'tanic uuc spisil te yantique, jich nix te bit'il c'ux ya caiytiquex ta co'tantic uuc te ja'exe. 13Swenta yu'un ay me stulanil awo'tanic soc jun awo'tanic ta stojol te Jtatic Diose, soc te ma me ayuc amulic ta stojol te c'alal ya xtal te Cajwaltic Jesús soc spisil te mach'atic ch'ul lum yu'un te Diose.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.