Proverbios 3
3
Tsitsel yu'un sch'uhunel mandar
1Jnich'an, ma me xch'ay ta awo'tan te nohptesel cu'un;
q'ueja ta awo'tan te mandariletic cu'une,
2yu'un hich ya xnahtij aworahil te ya xcuxajat
soc ya ya'bat bayel awutsil alequil.
3Ma me ayuc bin ora yac awihquitay
te c'uxul-o'tanil soc te bin smelelil;
chuca ta anuc', ts'ihbaya ta awo'tan,
4hich yac ata a te lec yo'tan awu'un
soc te lec ac'oblal
ta stojol Dios soc ta stojol ants-winiquetic.
5Jc'axel ac'a smuc'ulin awo'tan te Jehová,
ma me xawich' aba ta cuenta yu'un te bin anopoj.
6Ta spisil te bintic yac apas,
na'a me te Jehová,
ha ya stojobtesbat te behetic awu'un.
7Ma me p'ijuc yac acuy aba;
ich'a ta muc' te Jehová
soc ihquitaya te bin chopole.
8Ha spoxil ya xc'oht te abaq'uetal
soc ya ya'be yich' yip te abaquele.
9Ich'a ta muc' Jehová soc te bintic ay awu'un
soc te sba sit spisil ats'unub awawal;
10hich me ya xnoj a
te stsobojibal te sit ats'unub,
soc ya me xnoj ta yach'il vino
te yawil awu'une.
11Jnich'an, ma me xap'aj
te tojobtesel yu'un te Jehová,
ma me x'ilinat yu'un teme ya stsitsat;
12como te Jehová ya stojobtes
te mach'a c'ux ta yo'tan,
hich te bin ut'il tatil ya stojobtes
te snich'an te buen lec yo'tan yu'un.
13Bayel yutsil te mach'a ya sta sp'ijil yo'tan,
te mach'a ya sta te bin ay ta na'el,
14como te bin ya sta a c'ax hich a
te bin ut'il plata,
te sit c'ax hich a
te bin ut'il lequil oro.
15C'ax hich yutsil a
te bin ut'il t'ujbil tonetic;
spisil bintic ya sc'an awo'tan,
ma pajaluc soc.
16Ta swa'el-c'ab ya yac' naht cuxlejal,
soc ta sq'uexam-c'ab
ya yac' c'ulejalil soc ich'el ta muc'.
17Te behetic yu'un, mulantic sba,
spisil te behetic yu'un ha lamal-o'tanil.
18Ha te' yu'un cuxlejal ya xc'oht
yu'un te mach'a ya yich';
bayel yutsil te mach'atic ya sq'uejic.
19Te Jehová ta scuenta sp'ijil yo'tan
la ya'be yich'o-ip te bahlumilal,
la yac' ayinuc te ch'ulchan ta scuenta bin sna'oj.
20Ta scuenta bin sna'oj
cha'tahl loc' yu'un a te sc'ubulil mar,
soc te tocaletic la yaq'uic cohuc tal ts'ujul.
21Jnich'an, ma me xawihquitay te bintic ay ini:
canantaya te p'ijil-o'tanil soc te stsahtayel;
22ha ya ya'bat acuxlejal
soc ha me sch'ahlel anuc' ya xc'oht.
23Hich me jun awo'tan ya xbehenat bahel,
soc ma ba yac ac'ohchin awoc.
24Te c'alal ya xwayat, ma ba ya xiwat;
te c'alal yac amehtsan aba, buhts'an te awayele.
25Ma ba yac axi' jinel te ora nax ya xtal
o te jinel ya xtal ta stojol te mach'atic chopolic,
26como ha ya smuc'ulin awo'tan te Jehová
soc ma ba ya yac' te ya x'ochat ta yaquil.
27Ma me xacom aba ta spasel te bin lec ta pasel
ta stojol te mach'a hich ya sc'an pasbeyel,
teme ya xhu' awu'un spasele.
28Ma me hichuc xawalbe te apat-axuhc:
Bahan, suhtan bahel,
pajel to ya ca'bat, ma me xchihucat,
teme ay awu'un te bin yac awa'be.
29Ma me xachap bin chopol ta stojol apat-axuhc
te jun yo'tan nahinem ta sts'ehl ana.
30Ma me ayuc mach'a
tojol nax yac atsac aba ta c'op soc,
teme mayuc bin chopol spasbeyejat.
31Ma me xabic'tal-o'tantay te j'uts'inwanej,
soc ma me xat'umbe te behetic yu'un.
32Como Jehová ya yihlay
te mach'a chopol yo'tan,
pero jun yo'tan sba soc
te mach'atic toj yo'tan.
33Chopol sc'oblal yu'un Jehová
te sna te mach'a chopol yo'tan,
pero ya ya'be bendición
te sna mach'a toj yo'tan.
34Ya slaban te jlabanwanejetc,
soc ya sc'uxultay
te mach'atic peq'uel yo'tanique.
35Te mach'atic p'ij yo'tanic
ya x'ich'otic ta muc',
yan te mach'atic ma sna'ic q'uinal
ma x'ich'otic ta cuenta stuquel.
Currently Selected:
Proverbios 3: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.
Proverbios 3
3
Tsitsel yu'un sch'uhunel mandar
1Jnich'an, ma me xch'ay ta awo'tan te nohptesel cu'un;
q'ueja ta awo'tan te mandariletic cu'une,
2yu'un hich ya xnahtij aworahil te ya xcuxajat
soc ya ya'bat bayel awutsil alequil.
3Ma me ayuc bin ora yac awihquitay
te c'uxul-o'tanil soc te bin smelelil;
chuca ta anuc', ts'ihbaya ta awo'tan,
4hich yac ata a te lec yo'tan awu'un
soc te lec ac'oblal
ta stojol Dios soc ta stojol ants-winiquetic.
5Jc'axel ac'a smuc'ulin awo'tan te Jehová,
ma me xawich' aba ta cuenta yu'un te bin anopoj.
6Ta spisil te bintic yac apas,
na'a me te Jehová,
ha ya stojobtesbat te behetic awu'un.
7Ma me p'ijuc yac acuy aba;
ich'a ta muc' te Jehová
soc ihquitaya te bin chopole.
8Ha spoxil ya xc'oht te abaq'uetal
soc ya ya'be yich' yip te abaquele.
9Ich'a ta muc' Jehová soc te bintic ay awu'un
soc te sba sit spisil ats'unub awawal;
10hich me ya xnoj a
te stsobojibal te sit ats'unub,
soc ya me xnoj ta yach'il vino
te yawil awu'une.
11Jnich'an, ma me xap'aj
te tojobtesel yu'un te Jehová,
ma me x'ilinat yu'un teme ya stsitsat;
12como te Jehová ya stojobtes
te mach'a c'ux ta yo'tan,
hich te bin ut'il tatil ya stojobtes
te snich'an te buen lec yo'tan yu'un.
13Bayel yutsil te mach'a ya sta sp'ijil yo'tan,
te mach'a ya sta te bin ay ta na'el,
14como te bin ya sta a c'ax hich a
te bin ut'il plata,
te sit c'ax hich a
te bin ut'il lequil oro.
15C'ax hich yutsil a
te bin ut'il t'ujbil tonetic;
spisil bintic ya sc'an awo'tan,
ma pajaluc soc.
16Ta swa'el-c'ab ya yac' naht cuxlejal,
soc ta sq'uexam-c'ab
ya yac' c'ulejalil soc ich'el ta muc'.
17Te behetic yu'un, mulantic sba,
spisil te behetic yu'un ha lamal-o'tanil.
18Ha te' yu'un cuxlejal ya xc'oht
yu'un te mach'a ya yich';
bayel yutsil te mach'atic ya sq'uejic.
19Te Jehová ta scuenta sp'ijil yo'tan
la ya'be yich'o-ip te bahlumilal,
la yac' ayinuc te ch'ulchan ta scuenta bin sna'oj.
20Ta scuenta bin sna'oj
cha'tahl loc' yu'un a te sc'ubulil mar,
soc te tocaletic la yaq'uic cohuc tal ts'ujul.
21Jnich'an, ma me xawihquitay te bintic ay ini:
canantaya te p'ijil-o'tanil soc te stsahtayel;
22ha ya ya'bat acuxlejal
soc ha me sch'ahlel anuc' ya xc'oht.
23Hich me jun awo'tan ya xbehenat bahel,
soc ma ba yac ac'ohchin awoc.
24Te c'alal ya xwayat, ma ba ya xiwat;
te c'alal yac amehtsan aba, buhts'an te awayele.
25Ma ba yac axi' jinel te ora nax ya xtal
o te jinel ya xtal ta stojol te mach'atic chopolic,
26como ha ya smuc'ulin awo'tan te Jehová
soc ma ba ya yac' te ya x'ochat ta yaquil.
27Ma me xacom aba ta spasel te bin lec ta pasel
ta stojol te mach'a hich ya sc'an pasbeyel,
teme ya xhu' awu'un spasele.
28Ma me hichuc xawalbe te apat-axuhc:
Bahan, suhtan bahel,
pajel to ya ca'bat, ma me xchihucat,
teme ay awu'un te bin yac awa'be.
29Ma me xachap bin chopol ta stojol apat-axuhc
te jun yo'tan nahinem ta sts'ehl ana.
30Ma me ayuc mach'a
tojol nax yac atsac aba ta c'op soc,
teme mayuc bin chopol spasbeyejat.
31Ma me xabic'tal-o'tantay te j'uts'inwanej,
soc ma me xat'umbe te behetic yu'un.
32Como Jehová ya yihlay
te mach'a chopol yo'tan,
pero jun yo'tan sba soc
te mach'atic toj yo'tan.
33Chopol sc'oblal yu'un Jehová
te sna te mach'a chopol yo'tan,
pero ya ya'be bendición
te sna mach'a toj yo'tan.
34Ya slaban te jlabanwanejetc,
soc ya sc'uxultay
te mach'atic peq'uel yo'tanique.
35Te mach'atic p'ij yo'tanic
ya x'ich'otic ta muc',
yan te mach'atic ma sna'ic q'uinal
ma x'ich'otic ta cuenta stuquel.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.