Génesis 40
40
José la yalbe sc'oblal cheb wayichil
1Ta patil, te jc'asesej-copa soc te jpas-pan yu'un te ajwalil yu'un Egipto la sta smulic ta stojol te yajwalic, ha te ajwalil yu'un Egipto. 2Te faraón la yilintay schebal te ya'bat, ha te jcuentahinwanej yu'un sc'asesel-copa soc te jcuentahinwanej yu'un jpas-panetic. 3La yotses ta cárcel ta sna te capitán yu'un soldadohetic te ya scanantayic ajwalil, ta cárcel te banti ay te José. 4Te capitán la ya'be ta sc'ab José yu'un ya yac' sba ta a'batinel yu'unic; halajic ta cárcel.
5Ta schebalic, te jc'asesej-copa soc te jpas-pan yu'un te ajwalil yu'un Egipto, te ayic ta cárcel, la ya'iyic wayich ta junax ahc'abal; yantic sc'oblal a te bin la swayichtayic ta tuhlultuhl. 6Sacub q'uinal, tal te José, la yil te ayic ta mel-o'tan. 7La sjoc'obe te mach'atic ay ya'telic ta stojol faraón, te sjoquinejic ta cárcel ta sna te yajwal: ¿Bin yu'un te yanijem asit awelawic? xchi.
8Hich la yalic: Yu'un la jca'iycotic wayich, pero mayuc mach'a ya sna'be scuentahil, xchihic.
Te José la yalbe: ¿Ma bal ha'uc yu'un Dios te ya yac' ta na'beyel scuentahil? Halbonic ca'iy te awayichic, xchi.
9Hich te jcuentahinwanej yu'un te jc'asesej-copa hahch yalbe ya'iy te José te swayiche: Ta jwayich la jquil ay sch'oxal ts'usub ta jtojol; 10ay oxeb sc'ab te ch'oxe; puhlin, nichin soc yijub sit yilel te ts'usube. 11Quich'oj ta jc'ab te copa yu'un faraón, la jtsac te ts'usub, la jpits'be ya'lel ta copa yu'un faraón, la jca'be ta sc'ab, xchi.
12José hich la yalbe: Hich ay scuentahil te awayiche: Te oxeb sc'ab, ha oxeb c'ahc'al c'ohem. 13Li' ta oxeb c'ahc'al te faraón ya ya'bat xan awich' awa'tel; yac awa'be xan ta sc'ab te copa yu'un, hich te bin ut'il awa'telinej spasel ta nahil to. 14Na'awon me te c'alal c'ohtix ta acuenta a te bin lec, awocoluc taluc me sts'ujulil awo'tan, c'opombon te faraón te yacuc xloc'on ta na ini. 15Yu'un elc'ambilon tal ta sq'uinal te hebreohetic, soc mayuc bin jpasoj te ac'bilon ta chuquel yu'un, xchi.
16Te jcuentahinwanej yu'un jpas-panetic, c'alal la yil te lec c'oht te scuentahil, hich la yalbe te José: Ha nix hichon, ta jwayich la jquil ay oxeb moch cajal ta jol nojel ta saquil pan. 17Te moch te ahc'ol ay, yich'oj bayel ta chahp panetic yu'un faraón, pero tal ta biq'uel yu'un mutetic te bintic ay ta moch cajal ta jol, xchi.
18Hich la yal te José: Hich ay scuentahil: Te oxeb mochetic, oxeb c'ahc'al c'ohem. 19Li' ta oxeb c'ahc'al te faraón ya xot'bat loq'uel ajol, ya yac'at ta jihpanel ta te', ya xlaj ta ti'el ta mutetic te abaq'uetal, xchi sc'oblal.
20Ta yoxebal c'ahc'al c'oht sc'ahc'alel te loc' ya'bilal te faraón, la spas q'uin yu'un spisil te a'batetic yu'une. La ya'be stehc'anlan sbahic te jcuentahinwanej yu'un te sc'asesej-copa soc jcuentahinwanej yu'un te jpas-panetic ta stojol te a'batetic yu'une. 21La ya'be xan yich' ya'tel te jc'asesej-copa, hich hahch yac' xan ta sc'ab faraón te copa. 22Yan te mach'a scuentahinej te jpas-panetic, la sjihpan ta te', hich te bin ut'il la yalbe scuentahil te José. 23Pero te jcuentahinwanej jc'asesej-copahetic ma ba la sna'ix te José, ch'ay ta yo'tan.
Currently Selected:
Génesis 40: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.
Génesis 40
40
José la yalbe sc'oblal cheb wayichil
1Ta patil, te jc'asesej-copa soc te jpas-pan yu'un te ajwalil yu'un Egipto la sta smulic ta stojol te yajwalic, ha te ajwalil yu'un Egipto. 2Te faraón la yilintay schebal te ya'bat, ha te jcuentahinwanej yu'un sc'asesel-copa soc te jcuentahinwanej yu'un jpas-panetic. 3La yotses ta cárcel ta sna te capitán yu'un soldadohetic te ya scanantayic ajwalil, ta cárcel te banti ay te José. 4Te capitán la ya'be ta sc'ab José yu'un ya yac' sba ta a'batinel yu'unic; halajic ta cárcel.
5Ta schebalic, te jc'asesej-copa soc te jpas-pan yu'un te ajwalil yu'un Egipto, te ayic ta cárcel, la ya'iyic wayich ta junax ahc'abal; yantic sc'oblal a te bin la swayichtayic ta tuhlultuhl. 6Sacub q'uinal, tal te José, la yil te ayic ta mel-o'tan. 7La sjoc'obe te mach'atic ay ya'telic ta stojol faraón, te sjoquinejic ta cárcel ta sna te yajwal: ¿Bin yu'un te yanijem asit awelawic? xchi.
8Hich la yalic: Yu'un la jca'iycotic wayich, pero mayuc mach'a ya sna'be scuentahil, xchihic.
Te José la yalbe: ¿Ma bal ha'uc yu'un Dios te ya yac' ta na'beyel scuentahil? Halbonic ca'iy te awayichic, xchi.
9Hich te jcuentahinwanej yu'un te jc'asesej-copa hahch yalbe ya'iy te José te swayiche: Ta jwayich la jquil ay sch'oxal ts'usub ta jtojol; 10ay oxeb sc'ab te ch'oxe; puhlin, nichin soc yijub sit yilel te ts'usube. 11Quich'oj ta jc'ab te copa yu'un faraón, la jtsac te ts'usub, la jpits'be ya'lel ta copa yu'un faraón, la jca'be ta sc'ab, xchi.
12José hich la yalbe: Hich ay scuentahil te awayiche: Te oxeb sc'ab, ha oxeb c'ahc'al c'ohem. 13Li' ta oxeb c'ahc'al te faraón ya ya'bat xan awich' awa'tel; yac awa'be xan ta sc'ab te copa yu'un, hich te bin ut'il awa'telinej spasel ta nahil to. 14Na'awon me te c'alal c'ohtix ta acuenta a te bin lec, awocoluc taluc me sts'ujulil awo'tan, c'opombon te faraón te yacuc xloc'on ta na ini. 15Yu'un elc'ambilon tal ta sq'uinal te hebreohetic, soc mayuc bin jpasoj te ac'bilon ta chuquel yu'un, xchi.
16Te jcuentahinwanej yu'un jpas-panetic, c'alal la yil te lec c'oht te scuentahil, hich la yalbe te José: Ha nix hichon, ta jwayich la jquil ay oxeb moch cajal ta jol nojel ta saquil pan. 17Te moch te ahc'ol ay, yich'oj bayel ta chahp panetic yu'un faraón, pero tal ta biq'uel yu'un mutetic te bintic ay ta moch cajal ta jol, xchi.
18Hich la yal te José: Hich ay scuentahil: Te oxeb mochetic, oxeb c'ahc'al c'ohem. 19Li' ta oxeb c'ahc'al te faraón ya xot'bat loq'uel ajol, ya yac'at ta jihpanel ta te', ya xlaj ta ti'el ta mutetic te abaq'uetal, xchi sc'oblal.
20Ta yoxebal c'ahc'al c'oht sc'ahc'alel te loc' ya'bilal te faraón, la spas q'uin yu'un spisil te a'batetic yu'une. La ya'be stehc'anlan sbahic te jcuentahinwanej yu'un te sc'asesej-copa soc jcuentahinwanej yu'un te jpas-panetic ta stojol te a'batetic yu'une. 21La ya'be xan yich' ya'tel te jc'asesej-copa, hich hahch yac' xan ta sc'ab faraón te copa. 22Yan te mach'a scuentahinej te jpas-panetic, la sjihpan ta te', hich te bin ut'il la yalbe scuentahil te José. 23Pero te jcuentahinwanej jc'asesej-copahetic ma ba la sna'ix te José, ch'ay ta yo'tan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.