Daniel 7
7
Nahalsitil yu'un te chaneb chambahlametic
1Ta shahchibal ha'bil ay ta ajwalil a te Belsasar ajwalil yu'un Babilonia, la ya'iy wayich te Daniel soc nahalsitiletic te c'ax ta spensar c'alal ay ta swayib; patil la sts'ihbay te swayich soc la yal te bintic tulan sc'oblal tey a.
2Hich la yal te Daniel: La jquil ta jnahalsit ta ahc'abal, te chanchahp ic' la stijbeyic te muc'ul mar. 3Loc' tal ta mar chaneb muc'ul chambahlametic, yantic yilel jujucoht. 4Te jcohte pajal soc choj, soc ay xic' yu'un jxic. C'alal yacon ta yilel a la yich' bulbeyel te xiq'ue, la yich' hahchel ta lum, la yich' tehc'anel ta yoc hich te bin ut'il winic, soc la yich' a'beyel yo'tan winic.
5Patil la jquil yan chambahlam, pajal yilel soc oso, te jehch smochbaquel toyol xan te bin ut'il te yane. Scats'oj ta ye oxch'ix moch-bac, hich halbot: Hahchan, ti'a bayel ti'bal, xchi sc'oblal.
6Patil la jquil yan chambahlam, pajal yilel soc c'anbo'olay choj te ay chaneb xic' ta spat soc ay chaneb sjol; a'bot ya'tel ta cuentahinwanej.
7Patil la jquil ta nahalsitiletic ta ahc'abal te schanebal chambahlam, mero ilobtic sba soc xiweltic sba, soc ay bayel yip, ha hierro te muc'ul sbaquel ye, yac sbic'ticlambel soc sbutsticlambel, soc yac sts'o'ts'o'tec'ticlambel te bintic hilemique. Ma pajaluc soc te yantic chambahlametic te la jquil ta nahil to; soc ay lajunch'ix xulub.
8Te c'alal yacon ta snopbeyel sc'oblal te xulubiletic, loc' talel yan tut xulubil ta yohlilic, soc la yich' bulel oxch'ix xulubil ta stojol te nahil ayique. Te xulub ay sit hich te bin ut'il sit winic soc ay ye te yac yalbel toyba-c'op.
9Yacon ta yilel a,
la yich' chahpanel huctajibaletic,
la shuhcan sba jtuhl Mamal.
Te sc'u' hich sacal te bin ut'il me'sic,
te stsotsel sjol
sac hich te bin ut'il stsotsel tuminchij.
Yat c'ahc' te shuctajib,
soc te ruedahetic ha c'ahc' te yac ta tihlel,
10Ay muc'ul-ha' yu'un c'ahc'
yac ta oc loq'uel tal ta stojol;
bayel ta mil ta mil ta tuhl
ya yac' sbahic ta a'batinel yu'un,
soc bayel ta millón ta millón tec'ajtic ta stojol.
La shuhcan sba te Jchahpanwanej,
soc la yich' jamticlanel te librohetique.
11Yacon ta yilel ta scaj te toyba-c'op te yac yalbel te tut xulubile. Yacon ta yilel a, la yich' milel te chambahlam, la yich' butsticlanel te sbaq'uetal soc la yich' tsobel ochel ta c'ahc'. 12Ha nix hich te yantic chambahlametic la yich'ic pojbeyel te ya'telic ta cuentahinwanej, pero cuxul hilic jtebuc xan.
13La jquil ta nahalsitil ta ahc'abal,
ay mach'a yac ta talel ta tocal,
pajal soc jtuhl snich'an winic;
tal ta banti ay te Mamale,
ac'ot te ya xnohpoj bahel ta stojol.
14A'bot ya'tel ta cuentahinwanej,
a'bot yutsilal soc te banti ya xcuentahinwan,
scuenta yu'un spisil pueblohetic,
nacionetic soc c'opiletic
ya yac' sbahic ta a'batinel yu'un;
sbahtel q'uinal te ya'tel ta cuentahinwanej,
mayuc bin ora ya xc'ax bahel;
soc te banti ya xcuentahinwan
mayuc bin ora ya yich' jinel.
15Ho'on, Daniel, c'ax bayel c'opoj co'tan yu'un, soc bayel la ya'bon xiwel te nahalsitiletic te c'ax ta jpensare. 16Nohpojon bahel ta sts'ehl jtuhl te mach'atic tey tec'ajtic a, la joc'obe bin sc'oblal spisil ini. La sc'oponon, la ya'bon jna' te bin sc'oblale:
17Te chaneb muc'ul chambahlametic, ha chaneb ajwaliletic te ya xchicnaj tal ta q'uinal. 18Patil, te mach'atic yu'un te Mamal te ch'uhltesbilic ya me yich'ic te ban c'alal ay ta cuentahinel, ha yu'unic ya xc'oht ta sbahtel q'uinal.
19Co'tanuc te la jna' bin sc'oblal te schanebal chambahlam, te ma pajaluc soc te yantic, te c'ax xiweltic sba, te ha hierro te ye soc bronce te yehch'ac, te yac sbic'ticlambel soc sbutsticlambel, soc yac sts'o'ts'o'tec'ticlambel te bintic hilemique. 20Soc ha nix hich co'tanuc la jca'iybe sc'oblal te lajunch'ix xulubil te ayic ta sjol, soc te yan tut xulubil te loc' talel, te yahlem oxch'ix xulubil ta stojol, ha te xulub te ay sit soc te ay ye te yac ta yalel bayel toyba-c'op, soc te ha muc' xan te bin ut'il te yantic xulubiletique. 21La jquil te xulubil ini yac ta ya'beyel guerra te mach'atic ch'uhltesbilic, soc yac stsalbel, 22ha to c'alal tal te jtuhl Mamal, la schahpan ta stojil te mach'atic ch'uhltesbilic yu'un te Mach'a mero toyol ay, soc c'oht yorahil te mach'atic ch'uhltesbilic la yu'untayic te ban c'alal ay ta cuentahinel.
23Hich la yal:
Te schanebal chambahlam,
ha schanebal ban c'alal ay ta cuentahinel
te ya xchicnaj ta q'uinal,
ma pajaluc soc spisil te yantique,
ya sbic'ticlan c'ohem spisil te q'uinal,
ya sts'o'ts'o'tec' soc ya sbutsticlan.
24Te lajunch'ix xulubiletic,
ha tey ta ban c'alal scuentahinej
ya xchicnaj lajuntuhl ajwaliletic;
patil ya xchicnaj yan
te ma pajaluc soc te nahil c'axique,
soc ya stsal oxtuhl ajwaliletic.
25Ya scontrac'optay te Mach'a mero toyol ay,
ya me yuts'inlan te mach'atic ch'uhltesbilic
te ha yu'unic te Mach'a mero toyol ay,
soc ya snop te ya sjeltay
te tiempohetic soc te Ley;
te mach'atic ch'uhltesbilic ya x'a'botic ta sc'ab
jun tiempo, cheb tiempo soc ohlil tiempo.#7.25 3.5 ha'bil
26Pero ya shuhcan sbahic ta chahpanwanej
te jchahpanwanejetique,
ya xloq'uesbot ya'tel ta cuentahinwanej,
ya xjihnot soc ya xlajinot sbahtel q'uinal.
27Soc te cuentahinel, te yip
soc te yutsilal spisil ta chahp
ban c'alal ayic ta cuentahinel ta ye'tal ch'ulchan
ya x'a'bot te mach'atic ch'uhltesbilic
te ha yu'unic te Mach'a mero toyol ay.
Sbahtel q'uinal ay te cuentahinel yu'unic,
soc spisil te ajwaliletic
ya me yac' sbahic ta a'batinel yu'unic
soc ya me sch'uhumbeyic smandar.
28Ha slajibal ta halel te sc'op ini. Ho'on Daniel, bayel c'opoj co'tan soc sacub quelaw yu'un, pero la jq'uej ta co'tan bin ut'il ay spisil ini.
Currently Selected:
Daniel 7: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.
Daniel 7
7
Nahalsitil yu'un te chaneb chambahlametic
1Ta shahchibal ha'bil ay ta ajwalil a te Belsasar ajwalil yu'un Babilonia, la ya'iy wayich te Daniel soc nahalsitiletic te c'ax ta spensar c'alal ay ta swayib; patil la sts'ihbay te swayich soc la yal te bintic tulan sc'oblal tey a.
2Hich la yal te Daniel: La jquil ta jnahalsit ta ahc'abal, te chanchahp ic' la stijbeyic te muc'ul mar. 3Loc' tal ta mar chaneb muc'ul chambahlametic, yantic yilel jujucoht. 4Te jcohte pajal soc choj, soc ay xic' yu'un jxic. C'alal yacon ta yilel a la yich' bulbeyel te xiq'ue, la yich' hahchel ta lum, la yich' tehc'anel ta yoc hich te bin ut'il winic, soc la yich' a'beyel yo'tan winic.
5Patil la jquil yan chambahlam, pajal yilel soc oso, te jehch smochbaquel toyol xan te bin ut'il te yane. Scats'oj ta ye oxch'ix moch-bac, hich halbot: Hahchan, ti'a bayel ti'bal, xchi sc'oblal.
6Patil la jquil yan chambahlam, pajal yilel soc c'anbo'olay choj te ay chaneb xic' ta spat soc ay chaneb sjol; a'bot ya'tel ta cuentahinwanej.
7Patil la jquil ta nahalsitiletic ta ahc'abal te schanebal chambahlam, mero ilobtic sba soc xiweltic sba, soc ay bayel yip, ha hierro te muc'ul sbaquel ye, yac sbic'ticlambel soc sbutsticlambel, soc yac sts'o'ts'o'tec'ticlambel te bintic hilemique. Ma pajaluc soc te yantic chambahlametic te la jquil ta nahil to; soc ay lajunch'ix xulub.
8Te c'alal yacon ta snopbeyel sc'oblal te xulubiletic, loc' talel yan tut xulubil ta yohlilic, soc la yich' bulel oxch'ix xulubil ta stojol te nahil ayique. Te xulub ay sit hich te bin ut'il sit winic soc ay ye te yac yalbel toyba-c'op.
9Yacon ta yilel a,
la yich' chahpanel huctajibaletic,
la shuhcan sba jtuhl Mamal.
Te sc'u' hich sacal te bin ut'il me'sic,
te stsotsel sjol
sac hich te bin ut'il stsotsel tuminchij.
Yat c'ahc' te shuctajib,
soc te ruedahetic ha c'ahc' te yac ta tihlel,
10Ay muc'ul-ha' yu'un c'ahc'
yac ta oc loq'uel tal ta stojol;
bayel ta mil ta mil ta tuhl
ya yac' sbahic ta a'batinel yu'un,
soc bayel ta millón ta millón tec'ajtic ta stojol.
La shuhcan sba te Jchahpanwanej,
soc la yich' jamticlanel te librohetique.
11Yacon ta yilel ta scaj te toyba-c'op te yac yalbel te tut xulubile. Yacon ta yilel a, la yich' milel te chambahlam, la yich' butsticlanel te sbaq'uetal soc la yich' tsobel ochel ta c'ahc'. 12Ha nix hich te yantic chambahlametic la yich'ic pojbeyel te ya'telic ta cuentahinwanej, pero cuxul hilic jtebuc xan.
13La jquil ta nahalsitil ta ahc'abal,
ay mach'a yac ta talel ta tocal,
pajal soc jtuhl snich'an winic;
tal ta banti ay te Mamale,
ac'ot te ya xnohpoj bahel ta stojol.
14A'bot ya'tel ta cuentahinwanej,
a'bot yutsilal soc te banti ya xcuentahinwan,
scuenta yu'un spisil pueblohetic,
nacionetic soc c'opiletic
ya yac' sbahic ta a'batinel yu'un;
sbahtel q'uinal te ya'tel ta cuentahinwanej,
mayuc bin ora ya xc'ax bahel;
soc te banti ya xcuentahinwan
mayuc bin ora ya yich' jinel.
15Ho'on, Daniel, c'ax bayel c'opoj co'tan yu'un, soc bayel la ya'bon xiwel te nahalsitiletic te c'ax ta jpensare. 16Nohpojon bahel ta sts'ehl jtuhl te mach'atic tey tec'ajtic a, la joc'obe bin sc'oblal spisil ini. La sc'oponon, la ya'bon jna' te bin sc'oblale:
17Te chaneb muc'ul chambahlametic, ha chaneb ajwaliletic te ya xchicnaj tal ta q'uinal. 18Patil, te mach'atic yu'un te Mamal te ch'uhltesbilic ya me yich'ic te ban c'alal ay ta cuentahinel, ha yu'unic ya xc'oht ta sbahtel q'uinal.
19Co'tanuc te la jna' bin sc'oblal te schanebal chambahlam, te ma pajaluc soc te yantic, te c'ax xiweltic sba, te ha hierro te ye soc bronce te yehch'ac, te yac sbic'ticlambel soc sbutsticlambel, soc yac sts'o'ts'o'tec'ticlambel te bintic hilemique. 20Soc ha nix hich co'tanuc la jca'iybe sc'oblal te lajunch'ix xulubil te ayic ta sjol, soc te yan tut xulubil te loc' talel, te yahlem oxch'ix xulubil ta stojol, ha te xulub te ay sit soc te ay ye te yac ta yalel bayel toyba-c'op, soc te ha muc' xan te bin ut'il te yantic xulubiletique. 21La jquil te xulubil ini yac ta ya'beyel guerra te mach'atic ch'uhltesbilic, soc yac stsalbel, 22ha to c'alal tal te jtuhl Mamal, la schahpan ta stojil te mach'atic ch'uhltesbilic yu'un te Mach'a mero toyol ay, soc c'oht yorahil te mach'atic ch'uhltesbilic la yu'untayic te ban c'alal ay ta cuentahinel.
23Hich la yal:
Te schanebal chambahlam,
ha schanebal ban c'alal ay ta cuentahinel
te ya xchicnaj ta q'uinal,
ma pajaluc soc spisil te yantique,
ya sbic'ticlan c'ohem spisil te q'uinal,
ya sts'o'ts'o'tec' soc ya sbutsticlan.
24Te lajunch'ix xulubiletic,
ha tey ta ban c'alal scuentahinej
ya xchicnaj lajuntuhl ajwaliletic;
patil ya xchicnaj yan
te ma pajaluc soc te nahil c'axique,
soc ya stsal oxtuhl ajwaliletic.
25Ya scontrac'optay te Mach'a mero toyol ay,
ya me yuts'inlan te mach'atic ch'uhltesbilic
te ha yu'unic te Mach'a mero toyol ay,
soc ya snop te ya sjeltay
te tiempohetic soc te Ley;
te mach'atic ch'uhltesbilic ya x'a'botic ta sc'ab
jun tiempo, cheb tiempo soc ohlil tiempo.#7.25 3.5 ha'bil
26Pero ya shuhcan sbahic ta chahpanwanej
te jchahpanwanejetique,
ya xloq'uesbot ya'tel ta cuentahinwanej,
ya xjihnot soc ya xlajinot sbahtel q'uinal.
27Soc te cuentahinel, te yip
soc te yutsilal spisil ta chahp
ban c'alal ayic ta cuentahinel ta ye'tal ch'ulchan
ya x'a'bot te mach'atic ch'uhltesbilic
te ha yu'unic te Mach'a mero toyol ay.
Sbahtel q'uinal ay te cuentahinel yu'unic,
soc spisil te ajwaliletic
ya me yac' sbahic ta a'batinel yu'unic
soc ya me sch'uhumbeyic smandar.
28Ha slajibal ta halel te sc'op ini. Ho'on Daniel, bayel c'opoj co'tan soc sacub quelaw yu'un, pero la jq'uej ta co'tan bin ut'il ay spisil ini.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.